Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202026Saturday

മെത്രാന്മാരും അച്ചന്മാരും കന്യാസ്ത്രീകളെ ലൈംഗികമായി ചൂഷണം ചെയ്യുന്നു എന്ന് തുറന്ന് സമ്മതിച്ച് പോപ്പ് ഫ്രാൻസിസ്; ലോക സമാധാനത്തിനായി കൈറോ ഇമാമുമായി കരാറിൽ ഒപ്പ് വച്ചും ചരിത്രമായി; ആവശ്യമെങ്കിൽ വെനിസ്വലയിൽ ഇടപെടുമെന്ന് വാഗ്ദാനം; ഒന്നേകാൽ ലക്ഷങ്ങൾ നേരിട്ടും ലക്ഷങ്ങൾ ടിവിയിലൂടെയും കണ്ട അബുദാബിയിലെ വിശുദ്ധ കുർബാനക്കിടെ തെറ്റുകൾ ഏറ്റ് പറഞ്ഞും സമാധാനത്തിന് ആഹ്വാനം ചെയ്തും പോപ്പ് ഫ്രാൻസിസ്

മെത്രാന്മാരും അച്ചന്മാരും കന്യാസ്ത്രീകളെ ലൈംഗികമായി ചൂഷണം ചെയ്യുന്നു എന്ന് തുറന്ന് സമ്മതിച്ച് പോപ്പ് ഫ്രാൻസിസ്; ലോക സമാധാനത്തിനായി കൈറോ ഇമാമുമായി കരാറിൽ ഒപ്പ് വച്ചും ചരിത്രമായി; ആവശ്യമെങ്കിൽ വെനിസ്വലയിൽ ഇടപെടുമെന്ന് വാഗ്ദാനം; ഒന്നേകാൽ ലക്ഷങ്ങൾ നേരിട്ടും ലക്ഷങ്ങൾ ടിവിയിലൂടെയും കണ്ട അബുദാബിയിലെ വിശുദ്ധ കുർബാനക്കിടെ തെറ്റുകൾ ഏറ്റ് പറഞ്ഞും സമാധാനത്തിന് ആഹ്വാനം ചെയ്തും പോപ്പ് ഫ്രാൻസിസ്

മറുനാടൻ മലയാളി ബ്യൂറോ

ഭയുടെ സ്ഥാപനങ്ങളിൽ വച്ച് കന്യാസ്ത്രീകളെ മെത്രാന്മാരും അച്ചന്മാരും ലൈംഗികമായി ചൂഷണം ചെയ്യുന്നുവെന്ന് പരസ്യമായി സമ്മതിച്ച് പോപ്പ് ഫ്രാൻസിസ് രംഗത്തെത്തി. ഇതാദ്യമായിട്ടാണ് പോപ്പ് ഇക്കാര്യത്തിൽ ഒരു തുറന്ന് സമ്മതിക്കൽ നടത്തിയിരിക്കുന്നത്. തന്റെ യുഎഇ സന്ദർശനം കഴിഞ്ഞ് വത്തിക്കാനിലേക്ക് മടങ്ങാനൊരുങ്ങുന്നതിനിടയിൽ ഇന്നലെ മാധ്യമപ്രവർത്തകരോട് സംസാരിക്കവെയാണ് പോപ്പ് ഇത്തരത്തിൽ പ്രതികരിച്ചിരിക്കുന്നത്. ലോക സമാധാനത്തിനായി കൈറോ ഇമാമുമായി ഒരു കരാറിൽ ഒപ്പ് വച്ച് ചരിത്രം കുറിക്കാനും ഈ സന്ദർശനത്തിനിടെ പോപ്പിന് സാധിച്ചു.

Stories you may Like

ആവശ്യമെങ്കിൽ വെനിസ്വലയിലെ മനുഷ്യാവകാശ ധ്വംസനങ്ങൾക്ക് അറുതി വരുത്താനായി ഇടപെടുമെന്നും പോപ്പ് വാഗ്ദാനം ചെയ്തിട്ടുണ്ട്. അബുദാബിയിൽ പോപ്പിന്റെ നേതൃത്വത്തിൽ നടത്തി വിശുദ്ധ കുർബാനയിൽ ഒന്നേകാൽ ലക്ഷം വിശ്വാസികൾ നേരിട്ട് പങ്കെടുത്തിരുന്നു. ഇതിന് പുറമെ ലക്ഷക്കണക്കിന് പേർ ടെലിവിഷനിലൂടെ കുർബാന ദർശിക്കുകയും ചെയ്തിരുന്നു. ഈ വിശുദ്ധ കുർബാനക്കിടെ തെറ്റുകൾ ഏറ്റ് പറയാനും ലോകസമാധാനത്തിന് ആഹ്വാനം ചെയ്യാനും പോപ്പ് ഫ്രാൻസിസ് തയ്യാറായിരുന്നു.

കന്യാസ്ത്രീകളെ ലൈംഗിക അടിമകളായി മാറുന്നതിന് പുരോഹിതന്മാർ സമ്മർദം ചെലുത്തുന്ന പരിതാപകരമായ അവസ്ഥ ലോകമെമ്പാടുമുണ്ടെന്നാണ് പോപ്പ് സമ്മതിച്ചിരിക്കുന്നത്. ഇതിനെതിരെ സഭ ശക്തമായ നീക്കം നേരത്തെ ആരംഭിച്ചിട്ടുണ്ടെങ്കിലും അത് ഇനിയും ശക്തിപ്പെടുത്തുമെന്നും പോപ്പ് ഉറപ്പേകുന്നു. ഇന്ത്യ, ആഫ്രിക്ക, യൂറോപ്പ്, സൗത്ത് അമേരിക്ക തുടങ്ങിയ പ്രദേശങ്ങളിൽ നിന്നെല്ലാം കന്യാസ്ത്രീകളെ പുരോഹിതന്മാർ ചൂഷണം ചെയ്യുന്ന റിപ്പോർട്ടുകൾ ലഭിച്ചിട്ടുണ്ടെന്നും അതിനാൽ ഈ പ്രശ്നം എല്ലായിടത്തുമുണ്ടെന്ന് വ്യക്തമായിരിക്കുന്നുവെന്നും അതില്ലാതാക്കാൻ ശക്തമായ നടപടികൾ സ്വീകരിക്കുമെന്നും പോപ്പ് ഉറപ്പേകുന്നു.

ഇത്തരത്തിൽ മോശം പ്രവർത്തി ചെയ്യുന്ന പുരോഹിതരോട് മുൻ പോപ്പായ ബെനഡിക്ട് പതിനാറാമന്റെ കാലം മുതൽ തന്നെ കടുത്ത നടപടികൾ സ്വീകരിക്കാൻ തുടങ്ങിയിരുന്നത് തന്റെ പ്രസംഗത്തിൽ പോപ്പ് ഫ്രാൻസിസ് എടുത്ത് കാട്ടിയിരുന്നു. മീടൂ വെളിപ്പെടുത്തലുകളിൽ നിന്നും പ്രചോദനം ഉൾക്കൊണ്ട് ലോകമെമ്പാടുമുള്ള കത്തോലിക്കാ സഭകളിൽ നിന്നും ഇത്തരത്തിൽ പുരോഹിതർ പീഡിപ്പിച്ചുവെന്ന പരാതികൾ ഉയർന്ന് വന്നത് സഭയെ കഴിഞ്ഞ വർഷം പിടിച്ച് കുലുക്കിയിരുന്നു. മലയാളി ബിഷപ്പ് ഫ്രാങ്കോ കന്യാസ്ത്രീയെ പീഡിപ്പിച്ച സംഭവവും സഭയ്ക്ക് കടുത്ത പേര് ദോഷമുണ്ടാക്കിയിരുന്നു.

ഈ വിധത്തിൽ കന്യാസ്ത്രീകളോട് മോശമായി പെരുമാറിയ നിരവധി പുരോഹിതരെ സസ്പെൻഡ് ചെയ്തിട്ടുണ്ടെന്ന കാര്യം ഈ അവസരത്തിൽ പോപ്പ് ഫ്രാൻസിസ് എടുത്ത് കാട്ടിയിരുന്നു. സ്ത്രീകളോട് മോശമായി പെരുമാറുന്ന പ്രവണത പൊതു സമൂഹത്തിൽ വർധിച്ച് വരുന്നുവെന്നും അത് സഭയെയും ബാധിച്ചതാണെന്നും പോപ്പ് വിശദീകരിക്കുന്നു. സമൂഹത്തിൽ പൊതുവെ സ്ത്രീകളെ രണ്ടാംതരം പൗരന്മാരായി കാണുന്ന രീതി നിരവധി ഇടങ്ങളിലുണ്ടെന്നും അത് അവസാനിപ്പിച്ചേ മതിയാവൂ എന്നും പോപ്പ് ആവശ്യപ്പെട്ടു.

അബുദാബിയിലെ പ്രശസ്തമായ സയിദ് സ്പോർട്സ് സിറ്റി സ്റ്റേഡിയത്തിൽ വച്ച് നടന്ന കുർബാനയിൽ വിശ്വാസികളുടെ സാഗരമാണിരമ്പിയത്. തന്റെ പോപ്പ് മൊബൈലിൽ സ്റ്റേഡിയത്തിന് ചുറ്റും കറങ്ങിയ പോപ്പ് തടിച്ച് കൂടിയ വിശ്വാസികളോട് കൈവീശിയപ്പോൾ നിരവധി പേർ ദർശനസാഫല്യത്താൽ ആർത്ത് വിളിച്ചിരുന്നു. അറേബ്യൻ ഉപഭൂഖണ്ഡം സന്ദർശിക്കുന്ന ആദ്യത്തെ പോപ്പെന്ന ബഹുമതിയും ഇതിലൂടെ ഫ്രാൻസിസ് നേടിയെടുത്തിരിക്കുകയാണ്.

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP