Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202326Tuesday
ഹോം വാർത്ത സ്പെഷ്യല്‍ റിപ്പോര്‍ട്ട്‌

പെരുനാട്ടിൽ മൂന്നു സ്ത്രീകളെ നായ കടിച്ചു; നായയെ തല്ലിക്കൊന്ന് പോസ്റ്റുമോർട്ടം ചെയ്തപ്പോൾ പേവിഷ ബാധ സ്ഥിരീകരിച്ചു; പേപ്പട്ടി വിഷമേറ്റ് മരിച്ച അഭിരാമിയുടെ നാട്ടിൽ വീണ്ടും നായകൾ വാഴുമ്പോൾ

June 09, 202310:03 PM IST Permalink
പെരുനാട്ടിൽ മൂന്നു സ്ത്രീകളെ നായ കടിച്ചു; നായയെ തല്ലിക്കൊന്ന് പോസ്റ്റുമോർട്ടം ചെയ്തപ്പോൾ പേവിഷ ബാധ സ്ഥിരീകരിച്ചു; പേപ്പട്ടി വിഷമേറ്റ് മരിച്ച അഭിരാമിയുടെ നാട്ടിൽ വീണ്ടും നായകൾ വാഴുമ്പോൾ

ശ്രീലാൽ വാസുദേവൻ

പത്തനംതിട്ട: പെരുനാട്ടിൽ മൂന്നു സ്ത്രീകളെ നായ കടിച്ചു. ആക്രമണകാരിയായ നായയെ തല്ലിക്കൊന്നു. പോസ്റ്റുമോർട്ടം നടത്തിയപ്പോൾ നായയ്ക്ക് പേ വിഷബാധ സ്ഥിരീകരിച്ചു

പെരുനാട് ചന്തയ്ക്ക് സമീപം ലോട്ടറി വില്പന നടത്തുകയായിരുന്ന ഉഷാ ഭവനിൽ ഉഷാകുമാരി (58)യെ റോഡിന്റെ സമീപം നിന്നിരുന്ന നായ യാതൊരു പ്രകോപനവും ഇല്ലാതെ ആക്രമിക്കുകയായിരുന്നു. സമീപത്തുള്ളവർ ഓടിക്കൂടിയപ്പോൾ നായ ഓടി രക്ഷപ്പെട്ടു. വെള്ളിയാഴ്ച രാവിലെയാണ് സംഭവം. കഴുത്തിനാണ് നായ കടിയേറ്റത്. പെരുനാട്ടിൽ തന്നെയുള്ള പൂട്ടിയ സ്വകാര്യ എൻജിനീയറിങ് കോളജിന് സമീപം താമസിക്കുന്ന പൂങ്കാമണ്ണിൽ മറിയാമ്മ (85), കൊച്ചുമകൾ (29) എന്നിവരെയും നായ ആക്രമിച്ചു. മറിയാമ്മയുടെ കണ്ണിന് മുകളിലായി നായ ചാടി കടിക്കുകയായിരുന്നു. ശബ്ദം കേട്ട് ഓടിയെത്തിയ ചെറുമകളുടെ കാലിലും പട്ടി കടിച്ചു.

നായയുടെ ആക്രമണത്തിൽ പരുക്കേറ്റ മൂവരെയും പെരുനാട് ഗവൺമെന്റ് ആശുപത്രിയിൽ പ്രവേശിപ്പിച്ച് പ്രഥമ ശുശ്രൂഷ നൽകിയ ശേഷം പത്തനംതിട്ട ജനറൽ ആശുപത്രിയിലേക്ക് മാറ്റി. നാട്ടുകാർ ചേർന്ന് നായയെ തല്ലിക്കൊന്നു. ശേഷം പെരുനാട് പഞ്ചായത്ത് പ്രസിഡന്റും സെക്രട്ടറിയും ചേർന്ന് പട്ടിയെ തിരുവല്ല മഞ്ഞാടി വെറ്റിനറി ആശുപത്രിയിൽ എത്തിച്ച് പോസ്റ്റ്മോർട്ടം ചെയ്തു. പട്ടിക്ക് പേവിഷ ബാധ ഉള്ളതായി വെറ്റിനറി സർജൻ സ്ഥിരീകരിച്ചതായി പ്രസിഡന്റ് അറിയിച്ചു.

ഒരു വർഷം മുൻപ് അഭിരാമി എന്ന പന്ത്രണ്ടുകാരി പേവിഷ ബാധയേറ്റ് മരിച്ചിരുന്നു. നായകളുടെ ശല്യം വർധിച്ചു വരുന്ന സാഹചര്യത്തിൽ മൃഗസംരക്ഷണ വകുപ്പ് അടിയന്തരമായി ഇടപെട്ട് ഇതിനൊരു ശാശ്വത പരിഹാരം കാണണമെന്ന് പഞ്ചായത്ത് പ്രസിഡന്റ് പി.എസ്. മോഹനൻ പറഞ്ഞു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2023. All rights reserved.

Go to TOP