Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202224Saturday

പ്രണയിനിയെ ഹൃദയത്തോട് ചേർത്ത് തിരുവമ്പാടി എംഎൽഎ; ലിന്റോ ജോസഫും അനുഷയും വിവാഹിതരായി; ഊന്നുവടിയിൽ കതിർ മണ്ഡപത്തിലെത്തി അനുഷയെ രക്തഹാരം ചാർത്തി ലിന്റോ; മുദ്രാവാക്യം വിളിച്ച് വിവാഹം ആഘോഷിച്ചു പാർട്ടി പ്രവർത്തകരും

പ്രണയിനിയെ ഹൃദയത്തോട് ചേർത്ത് തിരുവമ്പാടി എംഎൽഎ; ലിന്റോ ജോസഫും അനുഷയും വിവാഹിതരായി; ഊന്നുവടിയിൽ കതിർ മണ്ഡപത്തിലെത്തി അനുഷയെ രക്തഹാരം ചാർത്തി ലിന്റോ; മുദ്രാവാക്യം വിളിച്ച് വിവാഹം ആഘോഷിച്ചു പാർട്ടി പ്രവർത്തകരും

മറുനാടൻ മലയാളി ബ്യൂറോ

കോഴിക്കോട്: സിപിഎമ്മിലെ ഏറ്റവും പ്രായം കുറഞ്ഞ എംഎൽഎ വിവാഹിതനായി. തിരുവമ്പാടി എംഎൽഎ ലിന്റോ ജോസഫാണ് മുക്കം സ്വദേശിനി കെ അനുഷയുെ വിവാഹം ചെയ്തത്. ഊന്ന് വടിയിൽ കതിർ മണ്ഡപത്തിലെത്തി രക്തഹാരം ചാർത്തി ലിന്റോ അനുഷയെ മുന്നോട്ടുള്ള വഴികളിൽ കൂടെ കൂട്ടിയപ്പോൾ മുദ്രാവാക്യം വിളിച്ചാണ് പാർട്ടി പ്രവർത്തകർ വിവാഹം ആഘോഷിച്ചത്. കോവിഡ് നിയന്ത്രണമുള്ളതിനാൽ കുറഞ്ഞ ആളുകൾ മാത്രമായിരുന്നു ചടങ്ങിനെത്തിയത്.

പ്രളയകാലത്ത് കൂമ്പാറ മാങ്കുന്ന് കോളനിയിലെ കാൻസർ രോഗിയെ അടിയന്തരമായി ആശുപത്രിയിലേക്കെത്തിക്കുന്നതിനിടെയുണ്ടായ വാഹന അപകടമായിരുന്നു ലിന്റോ ജോസഫിനെ ഊന്നുവടിയിലാക്കിയത്. പെട്ടെന്ന് ഡ്രൈവറെ കിട്ടാതെ വന്നപ്പോൾ ആംബുലൻസ് ഓടിച്ച് ആശുപത്രിയിലേക്ക് പോവുന്നതിനിടെയുണ്ടായ അപകടം ലിന്റോയുടെ കാലിന് സ്വാധീനമില്ലാതാക്കുകയായിരുന്നു.

ഒരു കാലിന് സ്വാധീനം നഷ്ടമായപ്പോഴും സാമൂഹിക രാഷ്ട്രീയ പ്രവർത്തനങ്ങൾ പിന്നോട്ടില്ലെന്ന നിലപാടുമായി മുന്നേറിയതാണ് ലിന്റോ ജോസഫിനെ തിരുവമ്പാടിയിൽ മത്സരിപ്പിക്കാൻ ഇടതുമുന്നണിക്ക് പ്രചോദനമായത്. അത് പാർട്ടിക്ക് വലിയ ഗുണം ചെയ്യുകയും ചെയ്തു.

തിരുവമ്പാടി എംഎൽഎയും ഡിവൈഎഫ്ഐ ബ്ലോക്ക് ട്രഷറർ കൂടിയായ ലിന്റോ കൂടരഞ്ഞിയിലെ പാലക്കൽ ജോസഫിന്റേയും അന്നമ്മയുടേയും മകനാണ്. മുക്കം കച്ചേരി കുടുക്കേങ്ങൽ രാജന്റേയും ലതയുടേയും മകളാണ് വധു അനുഷ. വൈകീട്ട് മുക്കം കാർത്തിക കല്ല്യാണ മണ്ഡപത്തിൽ സുഹൃത് സത്കാരവും നടക്കും.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP