1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr

Aug / 2020
06
Thursday

സഭാ മേലധികാരികളുടെ അഴിമതിക്കെതിരെ പ്രതികരിച്ചപ്പോൾ നോട്ടപ്പുള്ളിയാക്കി; എയിഡ്‌സ് രോഗികളെ ശുശ്രൂഷിക്കാനുള്ള ആശുപത്രിക്ക് വരുമാനം ഉണ്ടാക്കാൻ തുടങ്ങിയ സ്‌കൂളിന്റെ ലാഭത്തിൽ കണ്ണുവെച്ചപ്പോൾ പ്രതികരിച്ചു; നിയമവിരുദ്ധ ഉത്തരവ് വത്തിക്കാൻ റദ്ദാക്കിയപ്പോൾ സസ്‌പെൻഷൻ കാലയളവിനെ ഒളിച്ചോട്ടമാക്കി ചിത്രീകരിച്ചു പിരിച്ചുവിട്ടു; അനുസരണക്കേടെന്ന് പറഞ്ഞിട്ടും സാമ്പത്തിക ക്രമക്കേടെന്ന് പ്രചരിപ്പിച്ചു; മറുനാടൻ എഡിറ്ററുടെ സഹോദരനെ വൈദികവൃത്തിയിൽ നിന്നും പുറത്താക്കിയ വാർത്തയിലെ സത്യം ഇങ്ങനെ

March 12, 2020 | 05:38 PM IST | Permalink



സഭാ മേലധികാരികളുടെ അഴിമതിക്കെതിരെ പ്രതികരിച്ചപ്പോൾ നോട്ടപ്പുള്ളിയാക്കി; എയിഡ്‌സ് രോഗികളെ ശുശ്രൂഷിക്കാനുള്ള ആശുപത്രിക്ക് വരുമാനം ഉണ്ടാക്കാൻ തുടങ്ങിയ സ്‌കൂളിന്റെ ലാഭത്തിൽ കണ്ണുവെച്ചപ്പോൾ പ്രതികരിച്ചു; നിയമവിരുദ്ധ ഉത്തരവ് വത്തിക്കാൻ റദ്ദാക്കിയപ്പോൾ സസ്‌പെൻഷൻ കാലയളവിനെ ഒളിച്ചോട്ടമാക്കി ചിത്രീകരിച്ചു പിരിച്ചുവിട്ടു; അനുസരണക്കേടെന്ന് പറഞ്ഞിട്ടും സാമ്പത്തിക ക്രമക്കേടെന്ന് പ്രചരിപ്പിച്ചു; മറുനാടൻ എഡിറ്ററുടെ സഹോദരനെ വൈദികവൃത്തിയിൽ നിന്നും പുറത്താക്കിയ വാർത്തയിലെ സത്യം ഇങ്ങനെ

മറുനാടൻ മലയാളി ബ്യൂറോ

തിരുവനന്തപുരം: സഭാ നേതൃത്വത്തിന്റെ അഴിമതിക്കെതിരെ സന്ധിയില്ലാസമരം നടത്തിയ വൈദികനെതിരെ അച്ചടക്ക നടപടിയെടുത്തു സഭ. നടപടിക്ക് വിധേയനായ വൈദികൻ മറുനാടൻ എഡിറ്റർ ഷാജൻ സ്‌കറിയയുടെ സഹോദരനായതു കൊണ്ടു ആരോപണത്തിലോ കുറ്റപത്രത്തിലോ പോലും ഇല്ലാത്ത സാമ്പത്തിക ക്രമക്കേടുകളെ കുറിച്ചു വ്യാജവാർത്ത പ്രചരിപ്പിക്കുന്നതും സഭാനേതൃത്വത്തിന്റെ പിന്തുണയോടെ. വൈദിക വൃത്തിയിൽ നിന്നോ കത്തോലിക്കാ സഭയിൽ നിന്നോ പുറത്താക്കിയില്ലെങ്കിലും അങ്ങനെയാണ് നടപടിയെന്ന് പ്രചരിപ്പിക്കാൻ ചിലർ രംഗത്തിറങ്ങിയതിനെതിരെ സഭയ്ക്കുള്ളിൽ നിന്നു തന്നെ പ്രതിഷേധം ശക്തമാണ്. മഹാരാഷ്ട്രയിലെ പഞ്ചഗണിയിൽ ഇന്ത്യൻ റെഡ് ക്രോസ് സൊസൈറ്റിയുടെ ഉടമസ്ഥതയിലുള്ള എയിഡ്‌സ് രോഗികളെ ശുശ്രൂഷിക്കുന്ന ആശുപത്രിയും നഴ്‌സിങ് കോളേജും നടത്തുകയാണ് ചെയ്യുന്ന ഫാദർ ടോമി കരിയിലക്കുളത്തിന് എതിരെയുള്ളതാണ് സഭാ നേതൃത്വത്തിന്റെ ഒത്താശയോടെ സൈബർ ആക്രമണം ശക്തമാക്കിയിരിക്കുന്നത്.

എംസിബിഎസ് സന്യാസ സഭയുടെ കീഴിൽ മഹാരാഷ്ട്രയിലുള്ള പഞ്ചഗണിയിലെ സ്ഥാപനങ്ങളുടെ മേധാവിയായി പ്രവർത്തിക്കുകയായിരുന്നു ടോമി കരിയലക്കുളം. വത്തിക്കാനെ വരെ തെറ്റിദ്ധരിപ്പിച്ചു കൊണ്ടാണ് അദ്ദേഹത്തിനെതിരെ ഇപ്പോൾ നടപടി കൈക്കൊണ്ടിരിക്കുന്നത്. സഭാ മേലധികാരിയുടെ അഴിമതിക്കെതിരെ പ്രതികരിച്ചതിന്റെ പേരിലാണ് ഫാദർ ടോമിക്കെതിരെ ആക്ഷേപങ്ങളുമായി എത്തിയതും വ്യാജവാർത്തകൾ പ്രചരിപ്പിച്ചതും. ഇക്കഴിഞ്ഞ ഫെബ്രുവരി 17ാം തീയതി വൈദികനെതിരെ വത്തിക്കാൻ നടപടി സ്വീകരിച്ചു തുടങ്ങിയത്. ആദ്യഘട്ടത്തിൽ സസ്‌പെൻഷൻ നടപടി നേരിട്ട അദ്ദേഹത്തിനെതിരായ നടപടിയുടെ കാലയളവിനെ ഒളിച്ചോട്ടമാക്കി ചിത്രീകരിച്ചു കൊണ്ടാണ് ഇപ്പോൾ പിരിച്ചുവിടൽ നടപടി വന്നിരിക്കുന്നത്. മാർച്ച് 7ാം തീയതി വൈദികനെ എംസിബിഎസ് സഭയിൽ നിന്നും പുറത്താക്കിയതായി വത്തിക്കാനിൽ നിന്നും അറിയിപ്പ് ലഭിച്ചു.

നടപടിക്കെതിരെ വൈദികന് അപ്പോസ്തോലിക വിഭാഗത്തെ സമീപിക്കാമെന്നും പുറത്താക്കി കൊണ്ടുള്ള കത്തിൽ വിശദമാക്കുന്നുണ്ട്. ഇത് പ്രകാരം ഫാദർ ടോമി വത്തിക്കാന് അപ്പീൽ നൽകുകയും ചെയ്തു. ഇതിനിടെയാണ് സഭയിലെ ഒരു വിഭാഗം വൈദികർ ഫാദർ ടോമിക്കെതിരെ വ്യാജ ആരോപണങ്ങൾ സഹിതം ചാനലുകൾ കയറി ഇറങ്ങിയത്. സാമ്പത്തിക ക്രമക്കേട് നടത്തിയെന്നാണ് വാർത്തകളിൽ പറയുന്നത്. എന്നാൽ, അത്തരമൊരു ആരോപണം അദ്ദേഹത്തിനെതിരെ ഉയർന്നിരുന്നില്ല. അച്ചടക്ക ലംഘനത്തിനെതിരായ നടപടി മാത്രമാണ് ഉണ്ടായത്. എന്നാൽ, മറുനാടൻ മലയാളി എഡിറ്ററുടെ സഹോദരൻ ആണെന്ന കാരണത്താൽ സഭയിലെ ഉന്നതർ തന്നെ ഈ വിഷയത്തിൽ ഇടപെടൽ നടത്തുകയായിരുന്നു.

മഹാരാഷ്ട്രയിലെ പഞ്ചഗണിയിലെ ബെൽ എയർ ആശുപത്രിയെ വളർത്തി വലുതാക്കിയതിലെ പ്രധാനി ഫാദർ ടോമി കരിയിലക്കുളമാണ്. 1993 മുതൽ അദ്ദേഹം ഇവിടെ പ്രവർത്തിച്ചു വരുന്നു. അന്ന് ജനറളായിരുന്ന കോട്ടേരിയച്ചനാണ് പഞ്ചഗണിയിലേക്ക് ടോമിെയ നിയമിക്കുന്നത്. ഇവിടെ ബെൽ എയർ ആശുപത്രി ഏറ്റെടുത്തു വിപുലപ്പെടുത്തുകയും ചെയ്തു അദ്ദേഹം. ഇതിനായി റെഡ്‌ക്രോസിന്റെ സഹായവും തേടി. 94ൽ ഫാദർ ടോമി ഒപ്പിട്ട ഈ കരാർ പ്രകാരം റെഡ്‌ക്രോസുമായി സഹകരിക്കുന്ന ആശുപത്രിയുടെ ചുമതലക്കാരനാക്കി ഫാദർ ടോമിയെ നിയമിച്ചു. ഫാദർ ടോമിയെ മാറ്റി മറ്റൊരാളെ നിയമിക്കണം എങ്കിൽ പിൻഗാമിയെ പരിശീലിപ്പിച്ച് റെഡ് ക്രോസിന് കൂടി സ്വീകാര്യമായി രീതിയിലേ സ്ഥലം മാറ്റാവൂ എന്നും കൃത്യമായി അന്നത്തെ കരാറിൽ കുറിച്ചിരുന്നു. ഈ കരാർ ലംഘിച്ച് ഫാദർ ടോമിയെ മാറ്റാനുള്ള ശ്രമമാണ് പ്രശ്‌നങ്ങൾക്ക് വഴിവെച്ചത്. ഈ കരാറുമായുള്ള തർക്കങ്ങളുടെ ഭാഗമായി മൂന്ന് വർഷമായി കോടതിയിൽ കേസും വത്തിക്കാനിൽ നടപടികളും നടക്കുന്നുണ്ട്.

ഇന്ന് മഹാരാഷ്ട്രയിൽ എച്ച്‌ഐവി ബാധിതരെ പരിചരിക്കുന്ന പ്രശസ്തമായ ആശുപത്രിയാണ് ബെൽ എയർ. മഹാരാഷ്ട്ര മുഖ്യമന്ത്രി ഉദ്ധവ് താക്കറെയും മഹാരാഷ്ട്ര ഗവർണറും അടക്കമുള്ള പ്രമുഖർ അടുത്തിടെ ആശുപത്രി സന്ദർശിക്കുകയും സ്ഥാപനത്തെ മുന്നോട്ടു നയിക്കുന്ന ഫാ. ടോമിയുടെ നേതൃമികവിനെ പുകഴ്‌ത്തുകയും ചെയ്തിരുന്നു. ഇതിനിടെ എച്ച്‌ഐവി ബാധിതരെ ശുശ്രൂഷിക്കുന്ന ആശുപത്രിക്ക് സാമ്പത്തികം കണ്ടെത്താനായി സ്‌കൂളും നഴ്‌സിങ് സ്‌കൂളും തുടങ്ങിയിരുന്നു. സ്‌കൂളിൽ നിന്നുള്ള വരുമാനം ആതുരസേവനത്തിനായി ഉപയോഗിക്കുക എന്നതായിരുന്നു ഫാ. ടോമിയുടെ മാതൃക. ഈ മോഡൽ വലിയ വിജയമായതോടെ സഭാ നേതാക്കളിൽ ചിലർ സാമ്പത്തികം ലക്ഷ്യമിട്ട് കണ്ണുവെച്ചു. ഇതോടെയാണ് എയിഡ്‌സ് രോഗികൾക്ക് ആശ്വാസം പകരുന്ന വൈദികനെതിരെ കരുക്കൾ നീക്കിത്തുടങ്ങിയത്.

പഞ്ചഗണിയിലെ അന്താരാഷ്ട്ര സ്‌കൂൾ സാമ്പത്തികമായി ലാഭമായതോടെയാണ് സഭയിലെ ഉന്നതർ ഫാ. ടോമിക്കെതിരെ കരുക്കൾ നീക്കിയത്. ഇക്കൂട്ടർ ബെൽ എയർ ആശുപത്രിയിൽ നിന്നും ഫാദർ കരിയിലക്കുളത്തെ സ്ഥലം മാറ്റുകയായിരുന്നു. ഈ സ്ഥലം മാറ്റം സ്വീകരിച്ചില്ല എന്നതു മാത്രമാണ് ഫാദർ ടോമിക്കെതിരായ ഏക ആരോപണം. എന്നാൽ ഇന്ത്യൻ റെഡ്‌ക്രോസ് സൊസൈറ്റിയുടെ കീഴിൽ പ്രവർത്തിക്കുന്ന ബെൽ എയർ ആശുപത്രിയുടെ ചുമതലക്കാരനായ ടോമിയെ മാറ്റണമെങ്കിൽ റെഡ്‌ക്രോസ് സൊസൈറ്റിക്ക് സമ്മതമാകണം. ഇതുമായി ബന്ധപ്പെട്ട തർക്കങ്ങൾ നിലനിന്നിരുന്നു. ഇങ്ങനെ സഭയും റെഡ്‌ക്രോസും തമ്മിലുള്ള തർക്കത്തെ തുടർന്ന് തന്നെ ബലിയാടാക്കുകയാണ് എന്നാണ് ടോമി പറയുന്നത്.

തനിക്കെതിരെ സഭ എടുത്ത നടപടി ക്രമങ്ങളിൽ രണ്ട് തവണ വത്തിക്കാനിൽ നിന്നും സ്റ്റേ ലഭിച്ചിരുന്നതായും ഫാദർ ടോമി കരിയിലക്കുളം പറയുന്നു. ഇതിനിടെയാണ് സഭയിൽ നിന്നും വിട്ടു പോകാനുള്ള ആഗ്രഹത്തോടെ സഭയിൽ നിന്നും ആറുമാസം പുറത്തു താമസിക്കുന്ന ഒരാളെ പുറത്താക്കാനുള്ള വകുപ്പ് ഉപയോഗിച്ചു ദുഷ്ടലാക്കോടെയാണ് പുറത്താക്കൽ ഓർഡർ പുറത്തിറക്കിയിരിക്കുന്നത്. ഈ ഉത്തരവിനെതിരെ അപ്പീൽ നൽകിയതിനാൽ ഇപ്പോൾ നടപടി മരവിപ്പിച്ച നിലയിലുമാണ്. ഇക്കാര്യങ്ങളൊന്നും പരിഗണിക്കാതെ തനിക്കെതിരെ പ്രചരണം നടത്തുന്നത്. സാമ്പത്തിക ക്രമക്കേടുകൾ എന്നത് തീർത്തും അടിസ്ഥാന രഹിതമാണ്. ഈ രണ്ട് മൂന്ന് വർഷമായി റെഡ്‌ക്രോസുമായുള്ള തർക്കം വത്തിക്കാന്റെ പരിഗണനയിൽ ഇരിക്കവേയാണ് നടപടി. ഈ ഇപ്പോഴത്ത ഭരണസമിതി ഏപ്രിൽ 13ന് കാലാവധി അവസാനിക്കാൻ ഇരിക്കവേ വ്യക്തിവൈരാഗ്യം തീർക്കാൻ മാത്രമായി തിരിക്കിട്ട് നടത്തുന്ന ഒരു പ്രചരണം മാത്രമാണിത്- ഫാദർ ടോമി വ്യക്തമാക്കി.

ളോഹ ഊരി എന്നത് പച്ചക്കള്ളം

ഫാദർ ടോമി കരിയിലക്കുളത്തെ എംസിബിഎസ് സഭാംഗത്വത്തിൽ നിന്നു മാത്രമാണ് പുറത്താക്കിയത്. എന്നാൽ, ഇതോടെ അദ്ദേഹം ളോഹയൂരി എന്നത് അടക്കമുള്ള വാർത്തകൾ പച്ചക്കള്ളമാണ്. കത്തോലിക്കാ സഭയിൽ നിന്നും വൈദികവൃത്തിയിൽ നിന്നും പുറത്താക്കിയിട്ടില്ലെങ്കിലും അത്തരം പ്രചരണമാണ് ഒരു വിഭാഗം സഭാംഗങ്ങൾ നടത്തുന്നത്. ഇത് തീർത്തും തെറ്റാണ്. മറ്റൊരു ഇടവകയിൽ പ്രവർത്തിക്കാൻ ഫാദർ ടോമിക്ക് യാതൊരു തടസ്സവും നിലവിൽ ഇല്ല. വത്തിക്കാൻ പുറപ്പെടുവിച്ച ഉത്തരവ് പ്രകാരം മിഷിണറി കൺഗ്രഗേഷൻ ഓഫ് ബ്ലസ്സ്ഡ് സാക്രമെന്റ് മാർച്ച് എട്ടാം തീയ്യതി സുപ്പീരിയർ ജനറൽ ഫാദർ ജോസഫ് മേലേപ്പറമ്പിൽ പുറത്തിറക്കിയ കുറിപ്പിൽ ഒരിടത്തും സാമ്പത്തിക ക്രമക്കേട് കാരണമാണ് ഫാദർ ടോമിയെ പുറത്താക്കിയതെന്ന് പറയുന്നില്ല. ഇതിൽ മാർച്ച് ഏഴിന്് വത്തിക്കാനിൽ നിന്നും ഫാദർ ടോമിയെ പുറത്താക്കിയെന്ന അറിയിപ്പ് ലഭിച്ചെന്നു വ്യക്തമാക്കുന്നു. ഫാ. ടോമിക്ക് ഡിസ്മിസലിനെതിരെ അപ്പീൽ ചെയ്യാൻ 15 ദിവസം അനുവദിച്ചിട്ടുണ്ടെന്നും ജനറളച്ചന്റെ കത്തിൽ പറയുന്നുണ്ട്. 15 ദിവസത്തെ അപ്പീൽ കാലഘട്ടത്തിലും, അപ്പീൽ ചെയ്താൽ അതിനു ശേഷവും ഡിസ്മിസൽ ഡിക്രി സസ്‌പെൻഡ് ഇല്ലെന്നാണ്.

ഡിക്രി കൈപ്പറ്റിയ മാർച്ച് 9-ന് ഫാ. ടോമി എഴുതി ഒപ്പിട്ടു കൊടുത്ത 'അക്നോളഡ്ജ്മെന്റിൽ അപ്പീലിനുള്ള തന്റെ അവകാശം അദ്ദേഹം ഉപയോഗിക്കുമെന്നും, സഭാനിയമാനുസൃതമുള്ള കാലയളവ് തനിക്ക് ലഭിക്കണമെന്നും വ്യക്തമായി എഴുതിയിട്ടുണ്ട്. ഇതോടെ മാർച്ച് പത്താം തീയ്യതി ഫാ. ടോമിക്ക് റോമിൽ അപ്പീൽ ചെയ്യുകയും ചെയ്തു. ഇതോടെ അദ്ദേഹത്തെ പുറത്താക്കിയ നടപടി ഫലത്തിൽ മരവിപ്പിക്കപ്പെട്ടു. ഇതിനിടെയാണ് ഫാദർ ടോമി ളോഹ ഊരിയെന്ന് വിധത്തിൽ പച്ചക്കള്ളം സഭയിലെ ഒരു വിഭാഗം പ്രചരിപ്പിച്ചത്. ഇപ്പോഴും കുർബ്ബാന അർപ്പിക്കുന്നതിന് അടക്കം യാതൊരു തടസ്സങ്ങളും ഫാദർ ടോമി കരിയിലക്കുളത്തിന് ഇല്ലെന്നതാണ് മറ്റൊരു വസ്തുത.

സാമ്പത്തിക ക്രമക്കേട് ആരോപണം തെറ്റ്, പുറത്താക്കാൻ ഉപയോഗിച്ചത് ഒളിച്ചോടുന്നവർക്കായുള്ള വകുപ്പ്

ഫാദർ. ടോമി കരിയിലക്കുളത്തിനെ പുറത്താക്കിയത് സാമ്പത്തിക ക്രമക്കേടിനാണ് എന്ന വ്യാജവാർത്ത സോഷ്യൽ മീഡിയയിൽ വ്യാപകമായി പ്രചരിച്ചിരുന്നു. എന്നാൽ, ഇത് തീർത്തും അവാസ്തവമാണ്. 600 കോടി രൂപയുടെ തട്ടിപ്പു നടത്തിയെന്നാണ് ചില ഓൺലൈൻ മാധ്യമങ്ങൾ ഉന്നയിച്ച ആരോപണം. എന്നാൽ, അദ്ദേഹത്തിനെതിരെ ഇന്ത്യയിൽ എവിടെയും സാമ്പത്തിക തട്ടിപ്പിന് കേസില്ലെന്നതാണ് വസ്തുത. സാമ്പത്തികവുമായി ബന്ധപ്പെട്ട പരാതി പോലും സഭയ്ക്കുള്ളിൽ നിന്നും ഉയർന്നിരുന്നില്ല. വത്തിക്കാൻ പുറപ്പെടുവിച്ച ഇത്തരവിലോ ഇതനുസരിച്ച് എംസിബിഎസ് പുറത്തിറക്കിയ കുറിപ്പിലോ ഫാ. ടോമി സാമ്പത്തിക തട്ടിപ്പു നടത്തിയെന്ന് പററയുന്നില്ല. ഇതിൽ നിന്നും തന്നെ അദ്ദേഹത്തിനെതിരെ ഉയരുന്ന ആരോപണങ്ങൾ പൊള്ളയാണെന്ന് ബോധ്യമാകും. മാധ്യമങ്ങളിൽ എത്തിച്ചു നൽകിയ കുറിപ്പിൽ പോലും പറയാത്ത കാര്യങ്ങളാണ് ചില മാധ്യമങ്ങൾ റിപ്പോർട്ടു ചെയ്തതും. മറുനാടൻ മലയാളി തുടർച്ചയായി സഭാ വിഷയങ്ങളിൽ വാർത്ത നൽകിയതിന് പ്രതികാരം എന്നോണമാണ് മറുനാടൻ എഡിറ്ററുടെ സഹോദരൻ സാമ്പത്തിക തട്ടിപ്പിന് പുറത്തായെന്ന് പ്രചരിപ്പിക്കുന്നത്.

30 വർഷത്തെ വൈദിക സന്യാസ ജീവിതത്തിന് ഉടമയാണ് ഫാ. ടോമി കരിയിലക്കുളം. എംസിബിഎസ് സഭയിലെ അംഗമായ അദ്ദേഹം 25 വർഷത്തോളമായി മഹാരാഷ്ട്രയി പഞ്ചഗണി കേന്ദ്രീകരിച്ചാണ് പ്രവർത്തിക്കുന്നത്. ഇവിടെ ബെൽ എയർ ആശുപത്രി വഴി പാവപ്പെട്ട എച്ച്‌ഐവി രോഗികൾക്ക് ശുശ്രൂഷ നൽകുകയാണ് വൈദികൻ ചെയ്യുന്നത്. ഇത് കൂടാതെ ഒരു നഴ്‌സിങ് കോളേജ് തുടങ്ങുകയും ഇന്റർനാഷണൽ സ്‌കൂൾ തുടങ്ങുകയും ചെയ്തു. ഇന്ത്യൻ റെഡ് ക്രോസ് സൊസൈറ്റിയുമായി ചേർന്നാണ് ഇതിന്റെയെല്ലാം പ്രവർത്തനം. സ്‌കൂൾ ലാഭകരമായതോടെ സഭാ തലവൻ അതിൽ കണ്ണുവെച്ചു. ഇത് ലാഭകരമായതോടെ സ്‌കൂളിനെ സഭയ്ക്ക് കീഴിൽ കൊണ്ടുവരാൻ ശ്രമിച്ചു. എന്നാൽ, ഈ നീക്കത്തിന് ഫാദർ ടോമി സമ്മതം അറിയിച്ചില്ല. സ്‌കൂളിന്റെ ലാഭം കൊണ്ടു എച്ച്‌ഐവി രോഗികൾക്ക് സഹായം എത്തിക്കുകയാണ് ചെയ്തത്. ഇത് സഭയ്ക്ക് ലാഭകരമാക്കി മാറ്റാനുള്ള നീക്കത്തിന് കൂട്ടു നില്ക്കാത്തതു കൊണ്ടാണ് അദ്ദേഹത്തിനെതിരെ കരുനീക്കം ഉണ്ടായത്.

ഇതിനിടെ ഫാ. ടോമി കരിയിലക്കുളത്തെ സഭ സ്ഥലം മാറ്റുകയും ചെയ്തു. എന്നാൽ റെഡ്‌ക്രോസുമായുള്ള കരാർ പ്രകാരം അദ്ദേഹം സ്ഥലം മാറ്റത്തെ അംഗീകരിച്ചില്ല. ഇതോടെ ഫാ. ടോമിക്കെതിരെ അനുസരണക്കേട് എന്ന കുറ്റം ആരോപിച്ചാണ് വത്തിക്കാനിൽ പരാതി പോയത്. ഈ പരാതി അനുസരിച്ചാണ് അദ്ദേഹത്തിനെതിരെ നടപടി ഉണ്ടായത്. അനുസരണക്കേട് അടങ്ങുന്ന വകുപ്പ് സാധാരണ ഉപയോഗിക്കുന്നത് സഭയിൽ നിന്നും ഒളിച്ചോടുന്ന അച്ചന്മാർക്കെതിരെ പ്രയോഗിക്കുന്നതാണ്. ഇതാണ് ഫാ. ടോമിക്കെതിരെ ഉപയോഗിച്ചിരിക്കുന്നത്. അല്ലാതെ സാമ്പത്തിക ക്രമക്കേടിന്റെ പേരിലല്ല.

ഫാ. ടോമിയും സഭയും തമ്മിലുള്ള തർക്കം എന്താണ്?

കാൽ നൂറ്റാണ്ടായി പഞ്ചഗണി കേന്ദ്രീകരിച്ചു പ്രവർത്തനം നടത്തിയ ഫാദർ ടോമി കരിയിലക്കുളവും എംസിബിസി സഭയും തമ്മിലുള്ള തർക്കം തുടങ്ങിയത് 2017 മുതലാണ്. ബെൽ എയർ ഇന്ത്യയിലെ ഏറ്റവും മികച്ച ആശുപത്രിക്കുള്ള അവാർഡ് അടക്കം നേടിക്കൊടുക്കാൻ ഈ വൈദികന് സാധിച്ചു. ഇതിനിടെയാണ് അദ്ദേഹത്തെ സ്ഥലം മാറ്റിക്കൊണ്ടുള്ള ഉത്തരവ് സഭ പുറപ്പെടുവിച്ചത്. ഫാ. ഡൊമിനിക് മുണ്ടാട്ടായിരുന്നു ഈ നീക്കത്തിന് പിന്നിൽ. പ്രൊവിൻഷ്യൽ അച്ചനായ മുണ്ടാട്ട് സ്ഥാനമേറ്റ ഉടൻ മിഷൻ മൈനർ സെമിനാരി അടച്ചു പൂട്ടാനും സേവ്യേഴ്‌സ് സ്‌കൾ റീജന്റേതല്ല പ്രൊവിൻസിന്റേതാണെന്നും സ്ഥാപിക്കാൻ ശ്രമം നടത്തി. ഈ നീക്കങ്ങളെ ഫാദർ ടോമി എതിർത്തുകയാണ് ഉണ്ടായത്.

ഇതോടെയാണ് ഫാദർ ടോമിക്ക് സ്ഥലം മാറ്റം ഉണ്ടായത്. കടുവാക്കുളത്തേക്കായിരുന്നും പ്രൊവിൻഷ്യൽ അച്ചൻ സ്ഥലം മാറ്റിയത്. പ്രൊവിഷൻഷ്യൽ കൗൺസിൽ അംഗീകരിച്ച ചാപ്ടർ കമ്മിറ്റി നിർദ്ദേശത്തിന് എതിരായ ട്രാനസ്ഫർ അനുസരിക്കില്ലെന്നതായിരുന്നു അദ്ദേഹത്തിന് എതിരായ കുറ്റം. ഇതിന്റെ പേരിൽ കുർബാന ചെയ്യാൻ അനുവദിക്കാത്ത അവസ്ഥയ ഉണ്ടായതോടെ വത്തിക്കാനിൽ അപ്പീൽ കൊടുത്തു. ഇത് അംഗീകരിച്ചത് പഞ്ചഗണിയിൽ തുടരാൻ ഫാ. ടോമിയെ അനുവദിക്കുകയും ചെയ്തു. ഇതിന് ശേഷവും ഫാദർ ടോമി കരിയിലക്കുളത്തിനെതിരെ നീക്കങ്ങൾ നടന്നു. ടോമി കരിയിലക്കുളവും സഭയും തമ്മിലുള്ള തർക്കങ്ങൾ ബോംബെ ഹൈക്കോടതി പരിഗണിക്കുകയും ചെയ്യുന്നുണ്ട്. ഇതിനിടെയാണ് വത്തിക്കാനെ തെറ്റിദ്ധരിപ്പിച്ചു കൊണ്ടു പുറത്താക്കൽ ഉത്തരവ് വാങ്ങിയത്. വത്തിക്കാൻ ആദ്യം ഫാദർ ടോമിയുടെ ഭാഗം കേട്ട് അദ്ദേഹത്തിന് അനുകൂലമായി നിലപാട് കൈകൊണ്ടു. ഇതിനെ മറികടക്കാൻ വളഞ്ഞ വഴിയാണ് എംസിബിഎസിലെ ഉന്നതർ സ്വീകരിച്ചത്.

സഭയ്ക്കുള്ളിലും പ്രതിഷേധം, മൗനം പാപമെന്ന് ഫാ. ജേക്കബ് നാലുപറയിൽ

എംസിബിഎസ് സഭയ്ക്ക് സൽപ്പേരു മാത്രം സമ്മാനിച്ച വൈദികനെ പുറത്താക്കിയ നീക്കത്തിൽ സഭയ്ക്കുള്ളിൽ നിന്നും എതിർപ്പുകൾ ഉയരുന്നുണ്ട്. പത്ര ഓഫീസുകളിൽ വാർത്ത എത്തിച്ചു നൽകിയതിന് പിന്നിൽ അടക്കം കൃത്യമായ ഇടപെടൽ നടന്നെന്ന ആരോപണമാണ് ഉയരുന്നത്. സഭാ നേതൃത്വം തന്നെയാണ് ഈ നീക്കത്തിന് പിന്നിലെന്ന് വ്യക്തമാണ്. ഫാ. ഡൊമിനിക് മുണ്ടാട്ടാണ് ഇതിന് പിന്നിലെന്നാണ് ഉയരുന്ന ആക്ഷേപം. ഇദ്ദേഹത്തിന്റെ പ്രതികാരബുദ്ധി കാരണം അച്ചന്മാർ സഭവിട്ടു പോയ സംഭവങ്ങളും ഉണ്ടായിട്ടുണ്ട്. സഭക്കുള്ളിൽ നിരവധി പേർക്കെതിരെ ഗുരുതരമായ ആരോപണം ഉയർന്നപ്പോഴും ഉടനടി നടപടി ഉണ്ടായിട്ടില്ല. പീഡന വീരനായ റോബിൻ അച്ചനെ അടുത്തിടെ മാത്രമാണ് സഭ പുറത്താക്കിയത്. ഇങ്ങനെയിരിക്കെയാണ് ഫാദർ ടോമിക്കെതിരെ കൃത്യമായ കരുനീക്കം നടന്നത്.

ഈ നീക്കത്തിൽ ശക്തമായ പ്രതിഷേധം സഭയ്ക്കുള്ളിൽ നിന്നും ഉയരുന്നുണ്ട്. മൗനം പാപമാണ് എന്നു പറഞ്ഞുകൊണ്ട് വസ്തുകകൾ അക്കമിട്ട് നിരത്തി ഫാ. ജേക്കബ് നാലുപറയിൽ വിശദീകരണവുമായി രംഗത്തിറങ്ങുകയും ചെയ്തു. സാമ്പത്തിക ക്രമക്കേടെന്ന ഇല്ലാത്ത ആരോപണം അഴിച്ചു വിട്ടവർക്കെതിരെയാണ് നാലുപറയച്ചൻ വിമർശനം ഉന്നയിക്കുന്നത്. സഭയിലെ ചിലരുടെ ഈഗോപ്രശ്‌നമാണ് എല്ലാ വിവാദങ്ങൾക്കും കാരണമെന്നും ഫാ. ജേക്കബ് ആരോപിക്കുന്നു.

അദ്ദേഹത്തിന്റെ വാക്കുകൾ ഇങ്ങനെ:

മൗനം പാപമാണ്

മുകളിൽ പറഞ്ഞ വാചകം ഞാൻ ഏറെ മാസങ്ങൾക്ക് മുൻപ് കേരളത്തിലെ പൊതു സമൂഹത്തോട് പറഞ്ഞതാണ്. ഞാൻ ഇപ്പോൾ അതേ വാചകം എന്നോടും, എന്റെ സഹോദരങ്ങളോടും പറയുന്നു: മൗനം പാപമാണ് - നമ്മുടെ വീട്ടിനുള്ളിൽ കൊലപാതകം (വ്യക്തിഹത്യ)നടക്കുമ്പോൾ.

ചുരുക്കി പറയാം:

1) ജനറാളച്ചൻ മാർച്ച് 9-ന് നമുക്ക് അയച്ച ഡിസ്മിസൽ സർക്കുലറിന്റെ അവസാനത്തെ വാചകത്തിൽ പറയുന്നു, ഫാ. ടോമിക്ക് ഡിസ്മിസലിനെതിരെ അപ്പീൽ ചെയ്യാൻ 15 ദിവസം അനുവദിച്ചിട്ടുണ്ടെന്ന്. പതിമൂന്ന് പേജിന്റെ ഡിസ്മിസൽ ഡിക്രിയിൽ ഈ ജനറാളച്ചൻ തന്നെ എഴുതിയിട്ടുണ്ട്, 15 ദിവസത്തെ അപ്പീൽ കാലഘട്ടത്തിലും, അപ്പീൽ ചെയ്താൽ അതിനു ശേഷവും ഡിസ്മിസൽ ഡിക്രി സസ്‌പെൻസില്ലാണെന്ന്. ഡിക്രി കൈപ്പറ്റിയ മാർച്ച് 9-ന് ഉച്ച നേരത്ത് ഫാ. ടോമി എഴുതി ഒപ്പിട്ടു കൊടുത്ത 'അക്നോളഡ്ജ്മെന്റിൽ അപ്പീലിനുള്ള തന്റെ അവകാശം അദ്ദേഹം ഉപയോഗിക്കുമെന്നും, സഭാനിയമാനുസൃതമുള്ള 'suspensive effect' തനിക്ക് ലഭിക്കണമെന്നും വ്യക്തമായി എഴുതി ഒപ്പിട്ടിട്ടുണ്ട്. ഇതേ 'അക്നോളഡ്ജ്മെന്റെ' കത്തിന്റെ ബലത്തിലാണ് 'ഡിക്രി' പ്രൊവിൻഷ്യൽ കൈമാറിയെന്ന് ജനറാളച്ചൻ സർക്കുലറിൽ നമുക്ക് എഴുതിയിരിക്കുന്നത്. അങ്ങനെയെങ്കിൽ ഡിസ്മിസൽ ഡിക്രി യഥാർത്ഥത്തിൽ ഇപ്പോൾ സസ്പെൻഡഡ് ആണല്ലോ? അതിനും പുറമെ, പിറ്റേ ദിവസം തന്നെ (മാർച്ച് 10) ഫാ. ടോമിക്ക് റോമിൽ അപ്പീൽ ചെയ്യുകയും ചെയ്തു. അങ്ങനെയെങ്കിൽ സസ്‌പെൻസിലിരിക്കുന്ന ഡിസ്മിസൽ ഡിക്രി എന്തിനാണ് ജനറാളച്ചൻ ഒരു സർക്കുലറിലൂടെ പരസ്യപ്പെടുത്തിയത്? അത് നിയമവിരുദ്ധവും, അധാർമികവും, അക്രൈസ്തവുമല്ലേ? വ്യക്തിഹത്യ തന്നെയല്ലേ ജനറലച്ചൻ ഇതിലൂടെ ലക്ഷ്യമിട്ടത്?

2) ആരാണ് ഈ വാർത്തയും ഫാ. ടോമിയുടെ ഫോട്ടോയും ന്യൂസ് 24 ചാനലിന് കൊടുത്തത്? അവർ വാർത്തയിൽ പറയുന്നത് ആലുവായിലെ എംസിബിഎസ് ജനറലേറ്റാണ് വാർത്തയുടെ ഉറവിടമെന്നാണ്. അങ്ങനെയെങ്കിൽ ഈ വാർത്ത മൂലം എംസിബിഎസ് സഭാസമൂഹത്തിന് ഉണ്ടായ മാനഹാനിക്കും തീരാനഷ്ടത്തിനും ജനറളച്ചൻ ഉത്തരവാദിയല്ലേ? ആരാണ്, മംഗളം, മാതൃഭൂമി മുതലായ പത്രങ്ങളുടെ ഡെസ്‌കിൽ ഈ വാർത്ത എത്തിച്ചത്? ഈ വാർത്ത ദീപികയിൽ വരാൻ നിർബന്ധം പിടിച്ചതിന്റെ പിറകിൽ ആരാണ് പ്രവർത്തിച്ചത്? സാമൂഹ്യമാധ്യമങ്ങളിൽ ഈ വാർത്ത പ്രചരിപ്പിക്കാൻ കഠിനാധ്വാനം ചെയ്ത നമ്മുടെ സഭാഗം ആരാണ്? അങ്ങനെയെങ്കിൽ ഈ വാർത്ത മൂലം എംസിബിഎസ് സഭാസമൂഹത്തിന് ഉണ്ടായ മാനഹാനിക്കും നഷ്ടത്തിനും ജനറളച്ചനെ കൂടാതെ ആരൊക്കെയാണ് ഉത്തരവാദികൾ?

3) ഇന്നലത്തെ വാർത്തകളിൽ ഡിസ്മിസലിന് കാരണമായ ഫാ. ടോമിയുടെ കുറ്റം 'സാമ്പത്തിക തിരിമറികൾ' ആയിരുന്നു. പതിമൂന്ന് പേജുള്ള ജനറാളച്ചന്റെ ഡിസ്മിസൽ ഡിക്രിയിൽ ഒരിടത്തു പോലും പറയാത്ത ഈ കുറ്റം മീഡിയയെ പറഞ്ഞു തെറ്റിദ്ധരിപ്പിച്ചത് ആരാണ്? ഡിസ്മിസൽ ഡിക്രിയിൽ പറഞ്ഞിരിക്കുന്ന ഒരേ ഒരു കുറ്റം - 'illegal absence from the house of the Congregation with the intention of withdrawing from the power of the Superiors'- ആണ്. ഇതല്ലലോ മീഡിയാ പറയുന്നതും ഇപ്പോൾ ചർച്ച ചെയ്യുന്നതും? നമ്മുടെ ഏത് സഭാ അധികാരിയാണ് ഈ തിരിമറിയുടെ പിൻപിൽ പ്രവർത്തിച്ചത്? ഈ കള്ളസാക്ഷ്യത്തിന് അധികാരികൾ ഉത്തരം പറയേണ്ടേ?

4) 'സാമ്പത്തിക തിരിമറികൾ' ആരോപിച്ചുകൊണ്ട് പാഞ്ചഗണിയിലേ നേഴ്സിങ് കോളേജ് ഫാ. ടോമിയുടെ അനുജനായ മറുനാടൻ ഷാജന്റെ പേരിലാണെന്ന വ്യാജവാർത്ത സാമൂഹ്യമാധ്യമങ്ങളിലുടെ പ്രചരിപ്പിക്കുന്നതിന്റെ പിറകിൽ ആരാണ്? അതിലൂടെ 'മറുനാടൻ ഷാജനെയും' കരിയിലക്കുളം കുടുംബത്തെയും ഈ പ്രശ്‌നത്തിലേക്ക് വലിച്ചിഴച്ചത് ആരാണ്?

5) ഇതിലൂടെ എംസിബിഎസ് സഭാസമൂഹത്തിന് ഉണ്ടാകുന്ന മാനഹാനിക്കും നഷ്ടത്തിനും ആരൊക്കെയാണ് ഉത്തരവാദികൾ? വൊക്കേഷൻ പ്രൊമോഷന് ഇറങ്ങി തിരിക്കുന്നവർക്ക് ഇതിന്റെ ബുദ്ധിമുട്ടുണ്ടാവില്ലേ? നമ്മുടെ സന്യാസസമൂഹത്തിനുള്ളിലും കത്തോലിക്കാ സഭയ്ക്കകത്തും തീരേണ്ടിയിരുന്ന ഈ പ്രശ്‌നത്തെ പൊതു സമൂഹത്തിന്റെ മുന്പിലേക്കിട്ട് വിഴുപ്പലക്കി എംസിബിഎസ്സിനെ നശിപ്പിച്ചതിന്റെ ഉത്തരവാദിത്തം ഇപ്പോഴത്തെ അധികാരികൾക്കല്ലാതെ മറ്റാർക്കാണ്?

6) അവസാനമായി, 90 വയസ്സ് കഴിഞ്ഞ ടോമിച്ചന്റെ അപ്പനും, 88 കഴിഞ്ഞ അമ്മയും സ്വന്തം മകനെ പുരോഹിതവൃത്തിയിൽ നിന്നും പിരിച്ചുവിട്ടിരിക്കുന്നുവെന്ന വാർത്ത (ഡിസ്മിസൽ 'സന്യാസസമൂഹത്തിൽ' നിന്നാണെങ്കിലും, മാധ്യമക്കാരോട് ഇവർ പറഞ്ഞുകൊടുത്തത് പുരോഹിതവൃത്തിയിൽ നിന്നും പിരിച്ചുവിട്ടിരിക്കുന്നുവെന്നാണ്) ടിവിയിലൂടെ കേൾക്കുമ്പോഴുള്ള അവസ്ഥ? നമ്മുടെ മാതാപിതാക്കളെ മനസ്സിൽ ഓർത്താൽ പോരെ?

എന്റെ മനസാക്ഷിയോട് ഞാൻ ചോദിച്ച ഈ ചോദ്യങ്ങൾ എന്റെ സഹോദരരുടെ മനസാക്ഷിയുടെ മുൻപിൽ ഞാൻ സമർപ്പിക്കുന്നു.
നിങ്ങളുടെ സഹോദരൻ ജേക്കബ് നാലുപറയിൽ എംസിബിഎസ്

മറുനാടന്‍ മലയാളി ബ്യൂറോ    
മറുനാടന്‍ മലയാളി ബ്യൂറോ

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

Loading...
Loading...
TODAYLAST WEEKLAST MONTH
ആ 130കോടി ജനങ്ങളിൽ ഞാനില്ല'; 130 കോടി ജനങ്ങളുടെ ആഗ്രഹമാണ് രാമക്ഷേത്ര നിർമ്മാണം എന്ന പ്രധാനമന്ത്രി മോദിയുടെ പ്രസ്താവനക്ക് പിന്നാലെ ഞങ്ങളെ ഒഴിവാക്കാൻ ആവശ്യപ്പെട്ട് മലയാളികളുടെ ക്യാമ്പയിൻ; വാട്‌സ് ആപ്പിലും, ഫേസ്‌ബുക്കിലും നിറഞ്ഞ ക്യാമ്പയിനുമായി മലയാളികൾ; ഏറ്റെടുത്തവരിൽ സംവിധായകൻ ആഷിഖ് അബു മുതൽ രാഷ്ട്രീയ സാംസ്‌കാരിക രംഗത്തെ പ്രമുഖർ വരെ
തൃശൂരിൽ നിന്നും തിരുവനന്തപുരത്തേക്ക് ഓട്ടം വിളിച്ചു കാശു കൊടുക്കാതെ മുങ്ങിയ ആളെ മറുനാടന്റെ അന്വേഷണത്തിൽ കണ്ടെത്തി; ദിലീപിന്റെ അസിസ്റ്റന്റ് ആണെന്നും അമ്മ മരിച്ചു എന്ന് കള്ളം പറഞ്ഞ് രേവത് ബാബുവിന്റെ ഓട്ടോറിക്ഷ വിളിച്ചത് നെയ്യാറ്റിൻകര മരിയാപുരം സ്വദേശി നിശാന്ത്; പ്ലംബിങ് തൊഴിലാളിയായ നിശാന്ത് സിനിമകളിൽ ശ്രദ്ദിക്കപ്പെടാത്ത വേഷങ്ങൾ ചെയ്തയാൾ; അളിയൻ പണംതരും എന്നു പറഞ്ഞ് മുങ്ങിയ യുവാവ് ഇപ്പോൾ കീഴാറിലെ വാടക വീട്ടിൽ ക്വാറന്റൈനിൽ
രേവതിന്റെ നിഷ്‌ക്കളങ്കതയും സഹായ മനസ്‌കതയും അറിഞ്ഞ് സഹായ ഹസ്തവുമായി കേരളാ ഹോട്ടൽ ഉടമ മനോജ് മനോഹരൻ; രേവതിന്റെ കഥയറിഞ്ഞ് അയ്യായിരം രൂപ ബാങ്ക് വഴി അയച്ചു കൊടുത്തു; കേസ് തുടരാനുള്ള എല്ലാ നിയമ സഹായവും വാഗ്ദാനം ചെയ്തു കെ.എച്ച് ഹോട്ടലിന്റെ ഫെയ്സ് ബുക്ക് കൂട്ടായ്മ; സഹായിച്ചത് പാവപ്പെട്ട ഓട്ടോഡ്രൈവറെ കബളിപ്പിച്ചു കടന്നത് തിരുവനന്തപുരകാരനായ വ്യക്തി ആയെന്ന വേദനയിലെന്ന് മനോജ്
ജഡ്ജിയും നേതാവുമായി അടുത്ത ബന്ധം; ഖുറാൻ വാഹനമെത്തി സിആപ്റ്റിലും ബന്ധുവിന്റെ സാന്നിധ്യം; എൻഐഎ നിരീക്ഷണത്തിലൂള്ളത് സ്വപ്നയുടെ സഹോദരന്റെ വിവാഹത്തിൽ പങ്കെടുത്ത ഏക നേതാവ്; സർക്കാരിൽ ഉന്നത സ്വാധീനമുള്ള നേതാവിനെ ചോദ്യം ചെയ്യുന്നത് എല്ലാ തെളിവുകളും സൂക്ഷ്മമായി വിലയിരുത്തിയ ശേഷം മാത്രം; സ്വപ്‌നയുടെ മൊഴിയെ സാധൂകരിക്കുന്ന തെളിവുകൾ കിട്ടിയാൽ ഉടൻ നേതാവിന് നോട്ടീസ് നൽകും; സ്വർണ്ണ കടത്തിൽ വിഐപി മൂന്നാമാനിലേക്ക് അന്വേഷണം
രൂപമാറ്റം വരുത്തിയ അടിപൊളി ബൈക്കിൽ പെൺകുട്ടിയുടെ സൂപ്പർ സഞ്ചാരം! ഹെൽമറ്റു ധരിക്കാതെയുള്ള ബൈക്ക് യാത്രയുടെ വീഡിയോ സോഷ്യൽ മീഡിയയിലും വൈറൽ; പ്രായപൂർത്തിയാകാത്ത പെൺകുട്ടിയുടെ സഞ്ചാരമെന്ന പരാതിയും; പരിശോധിക്കാൻ മോട്ടോർ വാഹന വകുപ്പ് ഉദ്യോഗസ്ഥരും എത്തിയതോടെ കണ്ടെത്തിയത് യമഹ ബൈക്കിൽ രൂപമാറ്റം നടത്തിയത്; ഗിയറുള്ള ബൈക്ക് ഓടിക്കാൻ ലൈസൻസ് ഇല്ലെന്നും കണ്ടെത്തി; 20,500 രൂപ പിഴ ചുമത്തി അധികൃതർ; വീഡിയോ ചിത്രീകരിക്കാൻ മാത്രമാണ് ഹെൽമറ്റൂരി വാഹനമോടിച്ചതെന്ന് ബൈക്കുടമ
19ാം നൂറ്റാണ്ടു മുതൽ നടന്നത് ചെറുതും വലുതുമായ നാൽപ്പതോളം കലാപങ്ങൾ; കൊല്ലപ്പെട്ടത് ആയിരങ്ങൾ; ഷബാനുകേസിന് പരിഹാരമായി കോൺഗ്രസിന്റെ ഹൈന്ദവ പ്രീണനം കാര്യങ്ങൾ വഷളാക്കി; രഥയാത്രയും കർസേവയും വെടിവെപ്പുമൊക്കെയായി എത്രയെത്ര പ്രശ്‌നങ്ങൾ; വെറും രണ്ടു സീറ്റിൽ നിന്ന് ബിജെപിയുടെ വളർച്ച ഈ കാമ്പയിന് ഒപ്പം; തുടക്കം കുറിച്ചത് ഹിന്ദുരാഷ്ട്രത്തിന്റെ നിർമ്മാണത്തിനോ? അയോധ്യയിലെ രാമക്ഷേത്രത്തിന്റെ സംഘർഷഭരിതമായ വഴിത്താരകളിലൂടെ
'ഇസ്താംബൂളിലെ സോഫിയ പള്ളിയുടെ അനുഭവം ഓർക്കുക; ഇന്ന് കഅബ നിലനിൽക്കുന്ന സ്ഥലം പോലും ബഹുദൈവ വിശ്വാസത്തിന്റെയും വിഗ്രഹാരാധനയുടെയും കേന്ദ്രമായിരുന്നു; പള്ളിയുടെ ഭൂമിയിൽ ക്ഷേത്രം പണിയുന്നതും കണ്ട് രാജ്യത്തെ മുസ്ലീങ്ങൾ നിരുത്സാഹപ്പെടുരുത്; ബാബറി മസ്ജിദ് ഇന്നലെ ഒരു പള്ളിയായിരുന്നു, ഇന്നും പള്ളിയാണ്, ഇൻഷാ അള്ളാ ഭാവിയിലും അങ്ങനെ ആയിരിക്കും'; വിവാദ പ്രസ്താവനയുമായി മുസ്ലിം വ്യക്തിനിയമ ബോർഡ്
42-ാം നമ്പർ സ്യൂട്ട് റൂമിൽ നിന്ന് കാറ്റും വെളിച്ചവും കടക്കാത്ത മറ്റൊരു റൂമിലേക്ക് മാറ്റി; കുളിപ്പിക്കുന്നത് മൂന്നു മാസത്തിലൊരിക്കൽ; വിഐപികളും മെത്രാപ്പൊലീത്തമാരും വരുമ്പോൾ റൂമിൽ കൊണ്ടു വന്ന് സ്പ്രേ അടിക്കും; ഭക്ഷണം എത്തിക്കുന്നത് മൃതദേഹം കൊണ്ടു വരുന്ന ആംബുലൻസിൽ; മാർ ക്രിസോസ്റ്റം വലിയ മെത്രാപ്പൊലീത്ത കുമ്പനാട് ഫെലോഷിപ്പ് ആശുപത്രിയിൽ നേരിടുന്നതുകൊടിയ പീഡനമെന്ന് ഡ്രൈവർ എബിയുടെ വെളിപ്പെടുത്തൽ: മാർത്തോമ്മ മെത്രപ്പൊലീത്തയ്ക്ക് പരാതി നൽകിയത് ഫോട്ടോ സഹിതം
ഭാര്യ ചതിച്ചെന്നും മനംനൊന്തു കൊലയെന്നും നെവിന്റെ കുറ്റസമ്മതം; കൊലപ്പെടുത്തണമെന്ന ഉദ്ദേശ്യം ഇല്ലായിരുന്നതിനാൽ സെക്കൻഡ് ഡിഗ്രി കൊലക്കുറ്റമേ ചുമത്താകൂവെന്ന് വാദിച്ച് പരാജയപ്പെട്ട് പ്രതിയുടെ വക്കീൽ; കത്തിയുമായി എത്തിയതും 17 തവണ കുത്തിയതും കരുതിക്കൂട്ടിയുള്ള നരഹത്യക്ക് തെളിവെന്ന് പ്രോസിക്യൂഷൻ; കുത്തി വീഴ്‌ത്തിയ ശേഷം ശരീരത്തിലൂടെ കാർ ഓടിച്ചതും മരണം ഉറപ്പാക്കിയ ക്രൂര മനസ്സ്; നെവിനെതിരെ ഫസ്റ്റ് ഡിഗ്രി കൊലക്കുറ്റം; മെറിൻ യാത്രയായത് ഭർത്താവിനെതിരെ മരണ മൊഴി നൽകി
ഭർത്താവിന്റെ വ്യക്തിഗത സന്ദേശങ്ങളെയും ഫോട്ടോകളെയും കുറിച്ച് വ്യാകുലപ്പെട്ട മെറിൻ ജോയ് ജൂലൈ 19 ന് കോറൽ സ്പ്രിങ്‌സ് പൊലീസിനെ വിളിച്ചത് മരണ ഭീതിയിൽ; കേസെടുക്കാനൊന്നുമില്ലെന്നും വിവാഹ മോചനത്തിന് അഭിഭാഷകനെ കാണാനും ഉപദേശിച്ച പൊലീസിനും നെവിന്റെ മനസ്സിലെ ക്രൂരത തിരിച്ചറിയാനായില്ല; ജോലി സ്ഥലം വിട്ട് ഓടിയൊളിക്കാൻ മലയാളി നേഴ്‌സ് ആഗ്രഹിച്ചതും ജീവിക്കാനുള്ള മോഹം കൊണ്ട്; മെറിൻ ജോയിയുടെ കൊലപാതകത്തിന് പിന്നിൽ ഫിലിപ്പ് മാത്യുവിന്റെ ഈഗോ തന്നെ
ഉറക്കം വന്നപ്പോൾ പമ്പിന് സമീപം വണ്ടിയൊതുക്കി; മൂന്നരയോടെ വലിയ ശബ്ദം കേട്ട് ഞെട്ടിയുണർന്നപ്പോൾ കണ്ടത് സ്‌കോർപ്പിയോയിൽ ക്വട്ടേഷൻ സംഘം വന്നിറങ്ങുന്നത്; പിന്നാലെ നീല ഇന്നോവ എത്തി; കാറിന്റെ ഗ്ലാസ് അടിച്ചു തകർത്ത് ബാലുവിനെ അടിച്ചു കൊന്നു; മരണ മൊഴിയെന്ന് പറഞ്ഞ് കലാഭവൻ സോബി റിക്കോർഡ് ചെയ്ത വീഡിയോ പുറത്ത്; ബാലുവിനെ കൊന്നതാണ് കൊന്നതാണ് കൊന്നതാണ് എന്ന് വെളിപ്പെടുത്തൽ; ബാലഭാസ്‌കറിനെ പള്ളിപ്പുറത്ത് വകവരുത്തിയത് സ്വർണ്ണ കടത്ത് ഗ്യാങോ? സിബിഐയ്ക്ക് മുന്നിൽ ചോദ്യങ്ങൾ ഏറെ
ലോറി ഡ്രൈവർമാർക്ക് 'ചരക്കുകളെ' എത്തിച്ചു കൊടുക്കുന്ന ലോട്ടറി കച്ചവടം; പൂനയിൽ നിന്ന് ലോറി എടുക്കുമ്പോൾ ഷാഫി ഓർഡർ ചെയ്തത് പ്രായം കുറഞ്ഞ ഇരയെ; ലക്ഷ്യമിട്ട പെൺകുട്ടി കൈയിൽ നിന്നും വഴുതിയപ്പോൾ റൂമിലേക്ക് ഉന്തിതള്ളി വിട്ടത് വൃദ്ധയെ; കാമഭ്രാന്തനെ പ്രതിരോധിച്ചപ്പോൾ ബ്ലൈഡു കൊണ്ടും ക്രൂരത; കണ്ടു വന്ന മകന് ഹാലിളകിയപ്പോൾ ലോറി ഡ്രൈവർക്കും അമ്മയ്ക്കും കിട്ടിയത് പൊതിരെ തല്ല്; എല്ലാം അനുഭവിച്ചത് 75-കാരി; കോലഞ്ചേരിയിലെ പീഡനത്തിൽ നിറയുന്നത് ഓമനയുടെ വാണിഭ കച്ചവടം
ലക്ഷ്മിയെ തേടിയുള്ള അന്വേഷണം ചെന്നു നിൽക്കുന്നത് തിട്ടമംഗലത്തെ വീട്ടിൽ; ദുബായിൽ പോയെന്നും കൊച്ചിയിലുണ്ടെന്നും ബംഗളൂരുവിലേക്ക് താമസം മാറിയെന്നും പറയുന്നത് പച്ചക്കള്ളം; ഭർത്താവിന്റേയും മകളുടേയും വേർപാടിൽ വിവാദങ്ങൾ ചർച്ചയാകുമ്പോൾ ഒന്നും മിണ്ടാതെ മാറി നിൽക്കുന്ന ദൃക്സാക്ഷി; ബാലഭാസ്‌കറിനെ കൊന്നു തള്ളിയെന്ന് കലാഭവൻ സോബി വെളിപ്പെടുത്തിയിട്ടും മിണ്ടാട്ടമില്ല; നേരറിയാൻ സിബിഐ ആദ്യമെത്തുക ലക്ഷ്മിക്ക് അരികിൽ; വയലിനിസ്റ്റിന്റെ മരണത്തിൽ ഭാര്യ പറയുന്നത് അതിനിർണ്ണായകം
'എന്റെ വ്യക്തിപരമായ ജീവിതത്തിൽ നഴ്‌സുമാർ ചില പ്രശ്‌നമൊക്കെ ഉണ്ടാക്കിയിട്ടുണ്ട്..അവരെ ഉദ്ദേശിച്ച് പറഞ്ഞതാണ്; പറഞ്ഞപ്പോ..അങ്ങനെ ആയി പോയി; അതല്ലാതെ ലോകത്തുള്ള എല്ലാ നഴ്‌സുമാരെയും കുറിച്ചല്ല പറഞ്ഞത്..എനിക്ക് ഒരുപാട് വിഷമമുണ്ട്..നഴ്‌സുമാരുടെ ജോലിയുടെ മഹത്വം എന്തെന്ന് അറിയില്ലായിരുന്നു..മാപ്പ്': പൊട്ടിക്കരഞ്ഞുകൊണ്ട് ക്ഷമാപണവുമായി സോഷ്യൽ മീഡിയയിൽ നഴ്‌സുമാരെ അധിക്ഷേപിച്ച കണ്ണൻ.സി.അമേരിക്ക
നേഴ്സുമാർ ഡോക്ടരുടെ കുറിപ്പടി നോക്കി മരുന്ന് എടുത്ത് നൽകുന്ന ഹെൽപ്പർമാർ; അവർ ശാസ്ത്രത്തിന്റെ അങ്ങേയറ്റം വരെ പഠിച്ച തമ്പുരാട്ടിമാരോ തമ്പുരാന്മാരോ അല്ല; ലാബ് ടെക്നീഷ്യന്റെ വിചാരം ജനിതക ശാസ്ത്രജ്ഞന്മാരെന്നും; ചർദ്ദിൽ വാരുന്ന അറ്റൻഡർമാരുടെ ഭാവം ഐഎഎസുകാരെന്നും; പാവാട വിസ മോഹിച്ച് നേഴ്സുമാരെ കെട്ടുന്ന ഭർത്താക്കന്മാരും; ആരോഗ്യ പ്രവർത്തകരേയും കുടുംബത്തേയും അപമാനിച്ച് വീഡിയോ; നേഴ്‌സുമാരെ അപമാനിച്ച് ലൈവിട്ട യുവാവിനെതിരെ പരാതി പ്രവാഹവും പൊങ്കാലയും
'അവർ വെളുത്ത വേശ്യകളാണ്; വെളുത്ത പെൺകുട്ടികൾ ഒരു മുസ്ലിം പുരുഷനെ കണ്ണിൽ നോക്കിയാൽ അതിനർഥം ലൈംഗിക ബന്ധത്തിൽ ഏർപ്പെടാൻ ആവശ്യപ്പെടുന്നുവെന്നാണ്; ഇത് വംശീയമായും മതപരമായും വഷളാക്കിയ ബലാത്സംഗങ്ങൾ'; യുകെയിൽ അമുസ്ലിം യുവതികളെ ബലാത്സംഗം ചെയ്യാൻ പാക്കിസ്ഥാനികളുടെ ഗ്രൂമിങ് ഗ്യാങ്; 5 ലക്ഷം പെൺകുട്ടികൾ ഇരകളായി; ഞെട്ടിക്കുന്ന വെളിപ്പെടുത്തലുമായി യുവതി; യൂറോപ്പിൽ ചർച്ചയായ പുതിയ വിവാദം ഇങ്ങനെ
മുന്നിൽ ചീറിപ്പാഞ്ഞത് പൃഥ്വിരാജിന്റെ ലംബോർഗിനി; തൊട്ടു പിന്നാലെ വിട്ടുകൊടുക്കാതെ അതിവേഗത്തിൽ ദുൽഖാർ സൽമാന്റെ പോർഷെ കാറും; കോട്ടയം - ഏറ്റുമാനൂർ - കൊച്ചി റൂട്ടിൽ മലയാളം താരങ്ങളുടെ മത്സരയോട്ടം; അമിതവേഗതയിലുള്ള ചീറിപ്പായൽ കണ്ട് അന്തംവിട്ട് ആരാധകർ; സോഷ്യൽ മീഡിയയിൽ വൈറലായെങ്കലും ട്രാഫിക് നിയമങ്ങൾ കാറ്റിൽപ്പറത്തിയ താരങ്ങളുടെ അമിത വേഗതക്കെതിരെ പൊലീസ് നടപടിയില്ലേ എന്ന ചോദ്യവും സജീവം
42-ാം നമ്പർ സ്യൂട്ട് റൂമിൽ നിന്ന് കാറ്റും വെളിച്ചവും കടക്കാത്ത മറ്റൊരു റൂമിലേക്ക് മാറ്റി; കുളിപ്പിക്കുന്നത് മൂന്നു മാസത്തിലൊരിക്കൽ; വിഐപികളും മെത്രാപ്പൊലീത്തമാരും വരുമ്പോൾ റൂമിൽ കൊണ്ടു വന്ന് സ്പ്രേ അടിക്കും; ഭക്ഷണം എത്തിക്കുന്നത് മൃതദേഹം കൊണ്ടു വരുന്ന ആംബുലൻസിൽ; മാർ ക്രിസോസ്റ്റം വലിയ മെത്രാപ്പൊലീത്ത കുമ്പനാട് ഫെലോഷിപ്പ് ആശുപത്രിയിൽ നേരിടുന്നതുകൊടിയ പീഡനമെന്ന് ഡ്രൈവർ എബിയുടെ വെളിപ്പെടുത്തൽ: മാർത്തോമ്മ മെത്രപ്പൊലീത്തയ്ക്ക് പരാതി നൽകിയത് ഫോട്ടോ സഹിതം
പ്ലസ് ടു കാലത്ത് അമേരിക്കയിൽ എത്തിയ നെവിൻ; കോട്ടയം രൂപതാ മാട്രിമോണി പരസ്യത്തിൽ വിവാഹം; സ്വഭാവ വൈകൃതമൊന്നും അറിയാതെ താലി കെട്ടിയതിന്റെ ദുരിതം മോനിപ്പിള്ളിക്കാരി അറിഞ്ഞത് യുഎസിലെത്തിയപ്പോൾ; രണ്ട് വയസ്സുള്ള കുട്ടി ബാലൻസ് തെറ്റി വീണാലും കിട്ടിയത് ക്രൂര മർദ്ദനം; ഭാര്യയെ തുരുതുരാ വെട്ടിയ ശേഷം കാറു കയറ്റി മരണം ഉറപ്പാക്കിയത് നിസാര കാരണങ്ങൾ കണ്ടെത്തി വഴക്കുണ്ടാക്കി രസിച്ച ഭർത്താവ്; ഫ്‌ളോറിഡയിൽ മെറിൻ ജോയിയെ കൊന്നത് സമാനതകളില്ലാത്ത ക്രൂര മനസ്സിന്റെ ഉടമ
'പിണറായിയുടെ നെറ്റിക്കു നേരെ അജിത് ഡോവൽ റിവോൾവർ ചൂണ്ടി; കുതറി ഓടാൻ ശ്രമിച്ച വിജയനെ ഡോവൽ കീഴടക്കിയത് സാഹസികമായി; മുട്ടുവിറച്ച് വിജയൻ മാപ്പു പറഞ്ഞു'; സ്വർണക്കടത്ത് കേസ് എൻഐഎ ഏറ്റെടുക്കുമ്പോൾ മുഖ്യമന്ത്രിയെ ഭയപ്പെടുത്തുന്നത് ഭൂതകാല അനുഭവമെന്ന് കോൺഗ്രസ് മുഖപത്രമായ വീക്ഷണം; സോഷ്യൽ മീഡിയയിൽ പൊരിഞ്ഞ കോൺഗ്രസ്- സിപിഎം പോര്; സ്വർണക്കടത്തിന്റെ വേരറുക്കാൻ ഇന്ത്യൻ ജെയിംസ് ബോണ്ടിന് ആവുമോ?
ആൾക്കൂട്ടത്തിൽ ഒരു അന്യമത സ്ത്രീയെ നോട്ടമിട്ടാൽ രണ്ടോമൂന്നോ പേർ വലയം ചെയ്യും; പതുക്കെ മറ്റുള്ളവരും ചേരുന്നതോടെ കെണിയൊരുങ്ങുകയായി; അകത്തെ വൃത്തത്തിനുള്ളിലുള്ള പുരുഷന്മാർ ആദ്യം ആക്രമിക്കും; മതിയായവർ പുറകോട്ടു മാറി അടുത്ത വലയത്തിലുള്ളവർക്ക് കൈമാറും; മർദ്ദിച്ചും വസ്ത്രങ്ങൾ ചീന്തിയെറിഞ്ഞും കൂട്ട ബലാത്സംഗം; മിക്കവാറും സംഭവങ്ങളും പട്ടാപ്പകൽ നഗരമധ്യത്തിൽ; തഹാറുഷ് ജമായ് എന്ന ഇസ്ലാമിന്റെ പേരിൽ നടന്നിരുന്ന കൂട്ട മാനഭംഗ വിനോദത്തിന്റ കഥ
2016 ജൂലൈ 30ന് താലി കെട്ട്; ജന്മദിനവും വിവാഹ വാർഷികവും ഒരു ദിവസമായതും യാദൃശ്ചികം; ഭർത്താവിന്റെ ക്രൂരതകൾ ഭയന്ന് താമ്പയിലേക്ക് മാറാൻ ഒരുങ്ങുമ്പോൾ പദ്ധതിയിട്ടത് കൂട്ടുകാർക്കൊപ്പം അടിപൊളി ജന്മദിനാഘോഷം; രണ്ട് വയസ്സുള്ള മകളെ അച്ഛനും അമ്മയക്കുമൊപ്പം നിർത്തി ഫ്‌ളോറിഡയിലേക്ക് വിമാനം കയറിയത് സ്വന്തം കാലിൽ നിൽക്കണമെന്ന ദൃഡനിശ്ചയത്തിൽ; രക്തത്തിൽ കുളിച്ച് വേദനകൊണ്ട് പുളയുമ്പോഴും മെറിൻ ജോയ് അലറിക്കരഞ്ഞത് എനിക്കൊരു കുഞ്ഞുണ്ടെന്ന് പറഞ്ഞ്; മരങ്ങാട്ടിലെ വീട്ടിൽ പൊട്ടിക്കരച്ചിൽ മാത്രം
പെറ്റമ്മയെ കാണാൻ 14 ദിവസത്തെ ക്വാറന്റൈൻ സ്വയം ഏറ്റെടുത്ത് അമ്മയുടെ പ്രസിഡന്റ്; ചെന്നൈയിൽ നിന്നും ഇന്നോവാ കാറിൽ കൊച്ചിയിലെത്തി നിരീക്ഷണകാലം ചിലവഴിക്കുന്നത് തന്റെ ഉടമസ്ഥതയിലുള്ള ട്രാവൻകൂർ കോർട്ട് ഹോട്ടലിൽ; രണ്ടാഴ്ചക്കുള്ളിൽ മലയാള സിനിമ വീണ്ടും ഉണർന്നെഴുന്നേൽക്കും; ദൃശ്യം രണ്ടാംഭാഗവും ഏഷ്യാനെറ്റ് ഓണം ഷോയും ലക്ഷ്യമിട്ട് മോഹൻലാൽ വീണ്ടും കൊച്ചിയിലെത്തി; സൂപ്പർ താരത്തിന്റെ ക്വാറന്റൈൻ വിവരം മറുനാടനോട് സ്ഥിരീകരിച്ച് ഇടവേള ബാബുവും
ഭാര്യ ചതിച്ചെന്നും മനംനൊന്തു കൊലയെന്നും നെവിന്റെ കുറ്റസമ്മതം; കൊലപ്പെടുത്തണമെന്ന ഉദ്ദേശ്യം ഇല്ലായിരുന്നതിനാൽ സെക്കൻഡ് ഡിഗ്രി കൊലക്കുറ്റമേ ചുമത്താകൂവെന്ന് വാദിച്ച് പരാജയപ്പെട്ട് പ്രതിയുടെ വക്കീൽ; കത്തിയുമായി എത്തിയതും 17 തവണ കുത്തിയതും കരുതിക്കൂട്ടിയുള്ള നരഹത്യക്ക് തെളിവെന്ന് പ്രോസിക്യൂഷൻ; കുത്തി വീഴ്‌ത്തിയ ശേഷം ശരീരത്തിലൂടെ കാർ ഓടിച്ചതും മരണം ഉറപ്പാക്കിയ ക്രൂര മനസ്സ്; നെവിനെതിരെ ഫസ്റ്റ് ഡിഗ്രി കൊലക്കുറ്റം; മെറിൻ യാത്രയായത് ഭർത്താവിനെതിരെ മരണ മൊഴി നൽകി
മൂന്ന് വർഷത്തിനിടെ ഡൽഹിയിൽ നിന്ന് ദുബായിലേക്ക് പറന്നത് അമ്പതിൽ അധികം തവണ; എല്ലാം വിദേശകാര്യ വകുപ്പിന്റെ അനുമതിയില്ലാത്ത സ്‌പോൺസേർഡ് യാത്രകൾ; ഇദ്ദേഹത്തിന് സ്ത്രീ ദുർബലയെന്ന് ഐബി റിപ്പോർട്ട് ചെയ്തത് അന്വേഷണത്തിന് വഴിയൊരുക്കി; അസ്വാഭാവികത തിരിച്ചറിഞ്ഞ് സിപിഎം ഉന്നതനെതിരെ അന്വേഷണത്തിന് നിർദ്ദേശം കൊടുത്തത് ഡോവൽ; സ്വർണ്ണ കടത്തിൽ പിണറായി സർക്കാരിനെ പ്രതിസന്ധിയിലാക്കാൻ വിദേശയാത്രാ വിവാദവും