Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202024Thursday

ജയറാമിന്റെ മകൾ അമ്മ പാർവ്വതിക്കൊപ്പം കല്ല്യാണത്തിന് പോയപ്പോൾ പാവടയും ഉടുപ്പും ഒക്കെ ധരിക്കാൻ മറന്നു പോയതാണോ? പാർവ്വതിക്കൊപ്പം ഇരിക്കുന്ന ചിത്രം ഇൻസ്റ്റാഗ്രാമിൽ പങ്കു വച്ച മാളിവകയ്‌ക്കെതിരെ കടുത്ത സൈബർ ആക്രമണം; സദാചാരവാദികളെ ചൊടിപ്പിച്ചത് കാലിന്മേൽ കാലെടുത്ത് വച്ചിരിക്കുന്ന ഫോട്ടോയിൽ വസ്ത്രം ഒട്ടും കാണാനാവാത്തത്; സാരിയിൽ സുന്ദരിയായി ഇരിക്കുന്ന പാർവ്വതിയെ ചൂണ്ടികാട്ടി അമ്മയെ കണ്ടു പഠിക്കൂവെന്ന് ഉപദേശിച്ച് സോഷ്യൽ മീഡിയ

ജയറാമിന്റെ മകൾ അമ്മ പാർവ്വതിക്കൊപ്പം കല്ല്യാണത്തിന് പോയപ്പോൾ പാവടയും ഉടുപ്പും ഒക്കെ ധരിക്കാൻ മറന്നു പോയതാണോ? പാർവ്വതിക്കൊപ്പം ഇരിക്കുന്ന ചിത്രം ഇൻസ്റ്റാഗ്രാമിൽ പങ്കു വച്ച മാളിവകയ്‌ക്കെതിരെ കടുത്ത സൈബർ ആക്രമണം; സദാചാരവാദികളെ ചൊടിപ്പിച്ചത് കാലിന്മേൽ കാലെടുത്ത് വച്ചിരിക്കുന്ന ഫോട്ടോയിൽ വസ്ത്രം ഒട്ടും കാണാനാവാത്തത്; സാരിയിൽ സുന്ദരിയായി ഇരിക്കുന്ന പാർവ്വതിയെ ചൂണ്ടികാട്ടി അമ്മയെ കണ്ടു പഠിക്കൂവെന്ന് ഉപദേശിച്ച് സോഷ്യൽ മീഡിയ

മറുനാടൻ മലയാളി ബ്യൂറോ

കൊച്ചി: മലയാളിയുടെ മനസ്സിലെ പ്രിയ നടിയാണ് പാർവ്വതി. കുടുംബങ്ങളുടെ പ്രിയ നായകൻ ജയറാം. ഇരുവരുടേയും കുടുംബ ജീവതത്തേയും മലയാളി ഏറെ പ്രതീക്ഷയോടെയാണ് നോക്കി കണ്ടത്. ജാഡകൾ ഒന്നും കാട്ടാത്ത തനി മലയാളി ജീവിതമാണ് ഇവർ മുമ്പോട്ട് കൊണ്ടു പോയത്. തൊണ്ണൂറുകളിലെ സൂപ്പർ നായിക ജയറാമിനെ വിവാഹം ചെയ്തതോടെ അഭിനയം നിർത്തി. ജയറാം ഇന്നും മലയാളിയുടെ മനസ്സിലെ പ്രിയ നടൻ. ജയറാം പാർവ്വതി ദമ്പതികളുടെ മകൻ കാളിദാസും വെള്ളിത്തിരയിൽ മലയാളിയുടെ മനസ്സ് കവർന്നു. ഇപ്പോൾ താരപുത്രിയെ കുറിച്ചാണ് സോഷ്യൽ മീഡിയയുടെ ചർച്ച.

ജയറാംപാർവതി ദമ്പതികളുടെ മകൾ മാളവികയുടെ ആദ്യ ഫോട്ടോഷൂട്ട് മാധ്യമശ്രദ്ധ നേടിയിരുന്നു. ഇതിനെ താരപുത്രിയുടെ സിനിമാ പ്രവേശവുമായി ബന്ധപ്പെടുത്തി വരെ സോഷ്യൽ മീഡിയയിൽ ചർച്ചകളുണ്ടായി. എന്നാൽ ഇതിനിടയിൽ മാളവികയുടെ വസ്ത്രധാരണത്തിന് വിമർശനവുമായി എത്തിയിരിക്കുകയാണ് ചിലർ. ചെന്നൈയിലെ ഒരു റിസോർട്ടിൽ പരിപാടിയിൽ പങ്കെടുക്കാൻ എത്തിയപ്പോൾ എടുത്ത ചിത്രമാണ് വിമർശനം നേരിട്ടത്. അമ്മ പാർവതിക്കൊപ്പം ആണ് മാളവിക ചിത്രത്തിനു പോസ് ചെയ്തത്. ഈ ഫോട്ടോ വലിയ പ്രതികരണങ്ങൾ ഉണ്ടാക്കുകയാണ്. അമ്മ പാർവ്വതി സാരി വേഷത്തിൽ അതീവ സുന്ദരിയാണ്. തൊട്ടടുത്ത് മകളും.

Stories you may Like

സ്‌കർട്ടും ടോപ്പും ഓവർകോട്ടുമാണ് മാളവികയുടെ വേഷം. ഒരു വർഷം മുൻപ് ഇൻസ്റ്റഗ്രാമിൽ പങ്കുവച്ച ഈ ചിത്രത്തിൽ സ്‌കർട്ടിന്റെ നീളം കുറവാണ് എന്നതാണ് വിമർശകരുടെ പ്രശ്‌നം. പരിഹസിക്കുന്നതും വിമർശിക്കുന്നതുമായ കമന്റുകൾ ചിത്രത്തിനു താഴെ പ്രത്യക്ഷപ്പെട്ടു. ഉപദേശവും നിർദേശങ്ങളും നൽകുന്നവയായിരുന്നു ചിലത്. വസ്ത്രധാരണത്തിൽ അമ്മയെ കണ്ടു പഠിക്കണമെന്നാണ് ചിലരുടെ അഭിപ്രായം. എന്നാൽ ഏതു വസ്ത്രം ധരിക്കണമെന്നത് മാളവികയുടെ സ്വാതന്ത്ര്യമാണെന്നും എന്തിനാണ് ഇത്തരം കാര്യങ്ങളിൽ ഇടപെടുന്നതെന്നും വാദങ്ങളെത്തി. മാളവികയ്‌ക്കോ കുടുംബാംഗങ്ങൾക്കോ ഇല്ലാത്ത പ്രശ്‌നങ്ങളാണ് ഓൺലൈൻ സഹോദരന്മാർക്ക് എന്ന് കളിയാക്കുന്നവരും ഉണ്ട്. മാധ്യമങ്ങളിൽ വാർത്തയായതോടെ മോശം കമന്റുകൾ ചിലത് പിൻവലിക്കപ്പെട്ടു.

ജയറാമിന്റെ മകൾ അമ്മ പാർവ്വതിക്കൊപ്പം കല്ല്യാണത്തിന് പോയപ്പോൾ പാവടയും ഉടുപ്പും ഒക്കെ ധരിക്കാൻ മറന്നു പോയതാണോ? എന്ന ചോദ്യവും സൈബർ ആക്രമണത്തിൽ നിറയുന്നുണ്ട്. സദാചാരവാദികളെ ചൊടിപ്പിച്ചത് കാലിന്മേൽ കാലെടുത്ത് വച്ചിരിക്കുന്ന ഫോട്ടോയിൽ വസ്ത്രം ഒട്ടും കാണാനാവാത്തതാണ് വിമർശനങ്ങൾക്ക് കാരണം. മിലൻ ബ്രാൻഡിന്റെ ബനാറസി കലക്ഷൻ അവതരിപ്പിച്ചാണ് മാളവിക മോഡലിങ്ങിനു തുടക്കം കുറിച്ചത്. ഇതിന്റെ ഭാഗമായിരുന്നു ആദ്യ ഫോട്ടോഷൂട്ട്. ഈ ചിത്രങ്ങൾക്കൊപ്പമാണ് മാളവികയുടെ ഇൻസ്റ്റഗ്രാം പോസ്റ്റുകൾ സോഷ്യൽ മീഡിയയിൽ വൈറലായത്. മലയാളികൾക്ക് ഏറെ ഇഷ്ടമുള്ള താരദമ്പതികളാണ് ജയറാമും പാർവ്വതിയും.

താരദമ്പതികളുടെ മക്കളോട് അതേ ഇഷ്ടം മലയാളികൾക്കുണ്ട്. ഇരുവരുടെയും മൂത്തമകൻ കാളിദാസൻ കുട്ടിയായിരുന്നപ്പോൾ സിനിമയിലെത്തിയതാണ്. നായകനായും കാളിദാസൻ അരങ്ങേറ്റം കുറിച്ചു കഴിഞ്ഞു. മകൾ മാളവിക എന്നാണ് ഇനി സിനിമയിലേക്ക് എന്നാണ് മലയാളികൾ ആകാംഷയോടെ ചോദിക്കുന്ന ചോദ്യം. ഇതിനിടെയാണ് വസ്ത്രത്തിലെ വിവാദമെത്തുന്നത്. മാളവിക ഫാഷൻ ലോകത്താണ് തന്റെ അരങ്ങേറ്റം കുറിച്ചു കഴിഞ്ഞു. കൊച്ചിയിലെ പ്രമുഖ വസ്ത്രവ്യാപാരമായ മിലൻ ഡിസൈനിന് വേണ്ടിയാണ് മാളവിക മോഡലായത്. ബനാറസി പട്ടുസാരിയുടുത്ത് അതീവസുന്ദരിയായാണ് മാളവിക എത്തിയത്. ചിത്രങ്ങൾ മാളവിക തന്നെ തന്റെ ഇൻസ്റ്റഗ്രാമിൽ പോസ്റ്റ് ചെയ്തിട്ടുണ്ട്. ഇതിനൊപ്പമുള്ള മറ്റൊരു ചിത്രമാണ് ട്രോളുകൾക്കും വിമർശനങ്ങൾക്കും കാരണം.

മിലൻ പോലെ ഒരു വലിയ ബ്രാൻഡിന്റെ ബനാറസി കളക്ഷൻ അവതരിപ്പിച്ചു കൊണ്ടാണ് മാളവികയുടെ മോഡലിങ് രംഗത്തേക്കുള്ള മാസ്സ് എൻട്രി. അച്ഛനും ചേട്ടനും സിനിമയിൽ നിറഞ്ഞു നിൽക്കുന്നു. അമ്മ പാർവതി ഒരുകാലത്തെ മലയാള സിനിമയിലെ മുൻനിര നായികമാരിൽ ഒരാളും ആയിരുന്നു. മാളവികയുടെ സിനിമാ പ്രേവേശവും ഉടൻ ഉണ്ടാകുമോ എന്ന ചർച്ചകളും എത്തി. മാഡലിങ് ആണ് ഇപ്പോഴത്തെ ഹരം എന്ന് പറയുന്ന മാളവിക സിനിമയിലേക്ക് ഉടനെയൊന്നും കടന്നു വരാൻ പ്ലാനില്ല എന്നും വിശദീകരിച്ചിരുന്നു. ക്യാമറ ഫെയ്‌സ് ചെയ്യാൻ ഇപ്പോഴും നാണമാണ് എന്നാണ് മാളവിക ജയറാം പറയുന്നത്. മോഡൽ ആയുള്ള ആദ്യത്തെ ഫോട്ടോഷൂട്ടിനു നല്ല ടെൻഷൻ ഉണ്ടായിരുന്നു എന്നും മാളവിക വെളിപ്പെടുത്തിയിരുന്നു.

ഫുട്‌ബോൾ ഒരു ഹരമായ മാളവിക രണ്ടര വർഷത്തോളം ഫുട്‌ബോൾ കോച്ചിങിനും പോയിട്ടുണ്ട്. ഫുട്‌ബോൾ കളിയും വർക്ക് ഔട്ടും ആണ് തടി കുറക്കാൻ സഹായിച്ചത് എന്നും ഡയറ്റിങ് തനിക്കു പറഞ്ഞിട്ടുള്ള പണിയല്ല എന്നും മാളവിക പറയുന്നു. കാരണം അത്രയ്ക്ക് ഭക്ഷണ പ്രിയരാണ് താനും ചേട്ടൻ കാളിദാസനും എന്നും മാളവിക വെളിപ്പെടുത്തിയിരുന്നു. മാളവിക ജോലി ചെയ്തു കൊണ്ട് മോഡലിങ് തുടർന്ന് പോകാൻ ആണ് ആഗ്രഹിക്കുന്നത്. സ്പോർട്സ് മാനേജ്മെന്റ് പഠിച്ച മാളവികക്ക് പഠിച്ച ഫീൽഡിൽ തന്നെ ജോലി ചെയ്യണം എന്നാണ് ആഗ്രഹം. ഇതിനിടെയാണ് സോഷ്യൽ മീഡിയയിലെ സദാചാര വാദികൾ കടന്നാക്രമണവുമായെത്തുന്നത്.

കുടുംബ പ്രേക്ഷകർ ഏറെ ഇഷ്ടപ്പെടുന്ന താര ദമ്പതികളാണ് നടൻ ജയറാമും പാർവതിയും. ഒരുകാലത്ത് ഇരുവരും ഒരുമിച്ചഭിനയിച്ച സിനിമകളെല്ലാം ഏറെ ശ്രദ്ധ നേടിിരുന്നു. അതിനുശേഷം താരദമ്പതികളുടെ മകൻ കാളിദാസ് ജയറാമും സിനിമയിൽ അഭിനയിച്ചുതുടങ്ങി. ബാലതാരമായി തുടങ്ങിയ താരം ആദ്യമായി നായകനായി അഭിനയിച്ച പൂമരം എന്ന സിനിമയും ചർച്ചയായി. അതിനുശേഷം മി.ആൻഡ് മിസ്. റൗഡിയും ഇറങ്ങി. ഇപ്പോൾ ഹാപ്പി സർദാർ എന്ന ചിത്രവും കാളിദാസ് നായകനായി റിലീസിനായി ഒരുങ്ങുകയാണ്.

      View this post on Instagram

Since 1996 ♥️

A post shared by Chakki (@malavika.jayaram) on Sep 29, 2018 at 9:29am PDT

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP