സ്ത്രീ ശാക്തീകരണത്തിന്റെ പേരിൽ തുടങ്ങിയ കുടുംബശ്രീയുടെ മഹിളാ മാൾ പ്രമോട്ട് ചെയ്യാൻ ചെറുവിരൽ അനക്കാതെ അധികൃതർ; മാളിൽ ലക്ഷങ്ങൾ മുടങ്ങി ഷോപ്പുകൾ തുടങ്ങിയ കുടുംബശ്രീ യൂണിറ്റുകൾ വാടക കൊടുക്കാൻ പോലും വരുമാനമില്ലാതെ ദുരിതത്തിൽ; വാടക കുടിശ്ശിക നൽകാൻ കഴിയാതെ വന്നതോടെ കുടിയിറക്കു ഭീഷണിയും; ചതിക്കപ്പെട്ടെന്ന് കണ്ണീരോടെ പറഞ്ഞ് കുടുംബശ്രീയിലെ മഹിളകൾ; സർക്കാറിന്റെ അഭിമാന സംരംഭത്തിൽ പണമിറക്കി കണ്ണീരു കുടിച്ച് കോഴിക്കോട്ടെ വനിതാ സംരംഭകർ
എം മനോജ് കുമാർ
കോഴിക്കോട്: സ്ത്രീ ശാക്തീകരണത്തിന്റെ പ്രതീകമെന്ന് വിശേഷിപ്പിച്ച് കുടുംബശ്രീയുടെ കീഴിൽ രണ്ടു വർഷം മുൻപ് കോഴിക്കോട് നഗരമധ്യത്തിൽ തുടങ്ങിയ മഹിളാമാൾ അടച്ചുപൂട്ടൽ ഭീഷണിയിൽ. വാടക കുടിശികയുടെ പേരിൽ മാളിലെ ഷോപ്പുകൾ തുറന്നു കൊടുക്കാൻ കുടുംബശ്രീ അധികൃതർ മടിച്ചതോടെയാണ് മഹിളാമാൾ അടച്ചുപൂട്ടൽ ഭീഷണി നേരിടുന്നത്. വൻകിട പദ്ധതികൾ കുടുംബശ്രീ ഏറ്റെടുത്ത് നടപ്പാക്കുകയാണെങ്കിൽ എന്ത് സംഭവിക്കും എന്നതിന്റെ പ്രകട ഉദാഹരണം കൂടിയാണ് മഹിളാമാളിന്റെ നിലവിലെ അവസ്ഥ. മാർച്ചിൽ ലോക്ക് ഡൗൺ വന്നതോടെ മാൾ ഇതുവരെ തുറന്നിട്ടില്ല. അഞ്ചാം മാസമാണ് തുടർച്ചയായി മാൾ അടഞ്ഞു കിടക്കുന്നത്. പത്ത് വനിതകൾ ചേർന്നുള്ള യൂണിറ്റി എന്ന കുടുംബശ്രീ ഗ്രൂപ്പ് ആണ് മാൾ 2018-ൽ വാടകയ്ക്ക് എടുത്തത്. ഇവരാണ് മറ്റുള്ള വനിതാ സംരംഭകർക്ക് മാൾ വാടകയ്ക്ക് നൽകിയത്. വാടക കുടിശ്ശികയുമായി ബന്ധപ്പെട്ടു പ്രശ്നങ്ങൾ വന്നതോടെ മാളിൽ ഷോപ്പ് ഏറ്റെടുത്ത് നടത്തുന്ന വനിതാ സംരംഭകർ കണ്ണീര് കുടിക്കുകയാണ്.
ആറു നിലയിൽ എഴുപതോളം ഷോപ്പുകളുമായി സ്ത്രീകൾക്കായി എന്ന വിശേഷണം നൽകി മുഖ്യമന്ത്രി പിണറായി വിജയൻ ഉദ്ഘാടനം ചെയ്ത മഹിളാമാളിനാണ് ദുർഗതി വന്നത്. മാളിലെ ഷോപ്പുകൾ വാടകയ്ക്ക് എടുത്ത വനിതകൾ വാടകകുടിശിക വരുത്തിയതോടെയാണ് മാൾ വാടകയ്ക്ക് എടുത്ത യൂണിറ്റി ഗ്രൂപ്പ് പ്രതിസന്ധിയിൽ ആയത്. ഇതോടെ മാൾ ഉടമയ്ക്ക് ഇവർക്ക് വാടക നൽകാൻ കഴിയാത്ത അവസ്ഥ വന്നു. ലോക്ക് ഡൗൺ തുടങ്ങുന്ന മാർച്ച് മാസം വരെ 36 ലക്ഷത്തോളം രൂപ യൂണിറ്റി ഗ്രൂപ്പിന് മാളിലെ ഷോപ്പ് ഉടമകൾ നൽകാനുണ്ട്. ഷോപ്പ് ഉടമകളിൽ നിന്നുള്ള വാടക നിലച്ചതോടെ മാൾ ഉടമയ്ക്ക് വാടക നൽകാൻ യൂണിറ്റി കുടുംബശ്രീ യൂണിറ്റിനു കഴിഞ്ഞതുമില്ല. വാടക പ്രശ്നം വന്നതോടെ ഷോപ്പുകൾ അടച്ചിട്ടാൻ യൂണിറ്റി ഗ്രൂപ്പ് തീരുമാനിച്ചു. ഇതോടെ ഷോപ്പ് ഉടമകൾ മുഖ്യമന്ത്രിക്കും കളക്ടർക്കും പൊലീസിനും പരാതി നൽകുകയും ജില്ലാ കോടതിയിൽ കേസ് നൽകുകയും ചെയ്തു. ഇനി പ്രശ്നങ്ങളിൽ തീർപ്പ് വരുത്താതെ മാൾ തുറന്നു കൊടുക്കാൻ കഴിയില്ലെന്നു കുടുംബശ്രീ ഗ്രൂപ്പ് തീരുമാനിക്കുകയായിരുന്നു.
മാളുമായി ബന്ധപ്പെട്ട പ്രശ്നങ്ങൾ തുടരുന്നതിനാൽ മാളിന് ആവശ്യമായ പ്രമോഷൻ പരിപാടികൾ നൽകാൻ കുടുംബശ്രീയ്ക്കും കഴിഞ്ഞില്ല. ഇതോടെ മാളിലെക്കുള്ള ജനങ്ങളുടെ വരവ് കുറഞ്ഞു. മാളിലേക്ക് ആളുകൾ എത്താത്തതോടെ ഷോപ്പ് ഉടമകളും പ്രതിസന്ധിയിലായി. ഇതോടെ വാടകകുടിശിക വന്നു. ഇതിന്നിടയിൽ ലോക്ക് ഡൗണും വന്നു. അതോടെ മഹിളാമാൾ താത്കാലികമായി അടയ്ക്കുകയും ചെയ്തു. മാൾ തുറക്കാൻ ആവശ്യപ്പെട്ടു ഷോപ്പ് ഉടമകൾ കോടതിയെ സമീപിച്ചതോടെ ഇതിനു തീർപ്പ് വരാതെ മാൾ തുറക്കെണ്ടെന്ന തീരുമാനവും കുടുംബശ്രീ യൂണിറ്റ് കൈക്കൊള്ളുകയും ചെയ്തു. ഇനി ഷോപ്പുകൾ തുറന്നു നൽകണമെങ്കിൽ വാടക കുടിശിക മുഴുവൻ നൽകണമെന്ന നിലപാടിലാണ് കുടുംബശ്രീ അധികൃതർ. കുടിശിക കൂടുതൽ ആയതോടെ അഡ്വാൻസ് തുകയിൽ നിന്നും കുടുംബശ്രീ യൂണിറ്റുകൾ തുക തിരികെ പിടിക്കുകയും ചെയ്തു. ഇനി പ്രവർത്തിക്കണമെങ്കിൽ പുതിയ കരാറും അഡ്വാൻസ് തുകയും നൽകേണ്ടി വരും. ഇതോടെ മാളിന്റെ ഭാവി പ്രതിസന്ധിയിലാണ്
. സ്വർണം പണയപ്പെടുത്തിയും ലോൺ എടുത്തും ഷോപ്പുകൾ എടുത്ത വനിതകളാണ് മഹിളാ മാൾ കാരണം വഴിയാധാരമായത്. നഷ്ടവും മാനസിക പ്രയാസങ്ങളും സഹിക്കാൻ കഴിയാതായതോടെ ഒരു സംരംഭക ഇതിന്നിടയിൽ ആത്മഹത്യാ ശ്രമവും നടത്തി. വാടക കുടിശിക വന്നതോടെ വനിതകളെ കുടിയൊഴിപ്പിച്ച് മാൾ മറ്റു അവശ്യങ്ങൾക്ക് വാടക നൽകിയാൽ കൂടുതൽ വരുമാനം വരും എന്ന് കണ്ടതോടെയാണ് മഹിളാമാളിന്റെ കഥ കഴിക്കാനുള്ള ശ്രമങ്ങൾ അണിയറയിൽ തുടങ്ങിയത്. വാടക കുടിശിക പ്രശ്നം വന്നപ്പോലെ തന്നെ മാളിന്റെ കഥ കഴിക്കാനുള്ള ശ്രമങ്ങൾ അണിയറയിൽ തുടങ്ങിയിരുന്നു. വൻ തുക അഡ്വാൻസും മാസവാടകയും നൽകി ലക്ഷങ്ങൾ മുടക്കി ഇന്റീരിയർ ചെയ്ത ശേഷം മാളിൽ വിവിധ ഷോപ്പുകൾ ആരംഭിച്ചവർക്ക് ഒരു ദിവസം പോലും ഷോപ്പുകൾ ശരിയായ രീതിയിൽ പ്രവർത്തിപ്പിക്കാൻ കഴിഞ്ഞിട്ടില്ല. തുടക്കത്തിൽ തന്നെ വെട്ടിലായ അവസ്ഥയാണ് മഹിളാമാളിന്റെ പേരിൽ ഷോപ്പുടമകൾക്ക് നേരിട്ടത്. കുടുംബശ്രീ എന്ന പേരിൽ പത്തുപേരുള്ള യൂണിറ്റി ഗ്രൂപ്പ് ആണ് മാൾ തുടങ്ങുന്നത് എന്ന് കുടുംബശ്രീ വനിതാ സംരംഭകരെ അറിയിച്ചില്ല. കുടുംബശ്രീ നേരിട്ട് നടത്തുന്ന മാൾ എന്ന നിലയ്ക്കാണ് ഉള്ളതെല്ലാം സ്വരുക്കൂട്ടി ഷോപ്പുകൾ തുടങ്ങാൻ വനിതകൾ തീരുമാനിച്ചത്. പിന്നീടാണ് കുടുംബശ്രീയുടെ പേരിൽ യൂണിറ്റി ഗ്രൂപ്പ് രൂപീകരിച്ച് പത്ത് വനിതകളാണ് മാൾ നടത്തിപ്പ് കൈകാര്യം ചെയ്യുന്നത് എന്ന് ഇവർക്ക് മനസിലാകുന്നത്. മീറ്റിംഗുകൾ എല്ലാം കോർപറേഷൻ ഓഫീസിലാണ് വിളിച്ച് ചേർത്തത്. കുടുംബശ്രീയുടെ ഔദ്യോഗിക ടീം തന്നെയാണ് മാളുമായി ബന്ധപ്പെട്ട കാര്യങ്ങൾ കൈകാര്യം ചെയ്തതും. അതുകൊണ്ട് തന്നെ വനിതാ സംരംഭകർക്ക് സംശയങ്ങൾ ഉദിച്ചതുമില്ല.
മാൾ നടത്തിപ്പിൽ തുടക്കത്തിൽ തന്നെ താളപ്പിഴകൾ വരുകയും ചെയ്തു. ഉടമകൾ എങ്ങനെയും ഷോപ്പുകൾ ഒഴിവാക്കി പോകണം എന്ന രീതിയിലാണ് ആദ്യം മുതൽ കുടുംബശ്രീ അധികൃതർ പെരുമാറാൻ തുടങ്ങിയത്. വാടക കുടിശിക പ്രശ്നം മുന്നിൽ നിൽക്കെ പ്രതിസന്ധി വന്നപ്പോൾ മാൾ മറ്റു ആവശ്യങ്ങൾക്ക് വാടകയ്ക്ക് നൽകിയാൽ കൂടുതൽ വരുമാനം ലഭിക്കും എന്ന ചിന്ത വന്നതോടെയാണ് വനിതാ സംരഭകരെ കുടിയോഴിക്കാനുള്ള ആസൂത്രിത നീക്കങ്ങൾ അധികൃതരുടെ ഭാഗത്ത് നിന്നും വന്നത്. ഇതിന്റെ ഭാഗമായി മുൻപ് പറഞ്ഞതിൽ നിന്നും വ്യത്യസ്തമായി മാളിന്റെ പ്ലാനിൽ അധികൃതർ മാറ്റം വരുത്തുകയും ചെയ്തു. മൾട്ടിപ്ലക്സ് തിയേറ്റർ, കുട്ടികളുടെ പ്ലേ സോൺ, ഫുഡ് കോർട്ട്, കുടുബശ്രീ സൂപ്പർമാർക്കറ്റ് എന്നിവ സൂത്രത്തിൽ ഒഴിവാക്കുകയും ചെയ്തു. ഇതെല്ലാം മാൾ അടച്ചുപൂട്ടുന്നതിന്റെ ഭാഗമായാണ് ഈ നീക്കങ്ങൾ നടത്തിയത്. മാൾ നടത്തുന്നവരുടെ സമീപനം ഷോപ്പ് നടത്തിപ്പിന് തടസം സൃഷ്ടിച്ചതോടെ വൻ തുക നഷ്ടം സഹിച്ച് ഷോപ്പ് നടത്തിവന്ന വനിതകളിൽ ഭൂരിഭാഗം പേരും ഷോപ്പുകൾ ഒഴിവാക്കി പോയി. ബാക്കിയുള്ളവരെ ഒഴിവാക്കാൻ വേണ്ടി കുടുംബശ്രീ അധികൃതർ ലോക്ക് ഡൗൺ കൂടി ഉപയോഗപ്പെടുത്തിയതോടെയാണ് നിലവിലെ ഷോപ്പ് ഉടമകൾക്ക് ഒരു ഷോപ്പും തുറക്കാൻ കഴിയാത്ത അവസ്ഥ വന്നത്.
ലോക്ക് ഡൗൺ വന്ന ശേഷം മാളിലെ ഷോപ്പുകൾ പൂർണമായും അടഞ്ഞു കിടന്നതോടെ ഇവർ ഇപ്പോൾ മുഖ്യമന്ത്രിക്ക് പരാതി നൽകിയും കോടതിയിൽ നിന്ന് ഷോപ്പ് തുടർന്ന് നടത്താനുള്ള ഇഞ്ചക്ഷൻ ഓർഡർ സമ്പാദിച്ചും ഷോപ്പുകൾ നിലനിർത്താനുള്ള പെടാപ്പാടിലാണ് നിലവിലുള്ള ഷോപ്പ് ഉടമകൾ. വനിതകളെ ആകർഷിച്ച് ഷോപ്പുകൾ വാടയ്ക്ക് നൽകിയ ശേഷം സംരംഭകരെ എങ്ങനെയും ഇറക്കിവിടുന്ന രീതിയിലാണ് അധികൃതർ പെരുമാറിയത്. ഇതോടെ നിലവിലുള്ള ഷോപ്പ് ഉടമകളെ കുടിയോഴിപ്പിക്കാനും നീക്കം തുടങ്ങി. മാളിൽ ആളുകൾ എത്താതിരിക്കാനുള്ള വഴിയാണ് ആദ്യം നോക്കിയത്. മാളിൽ എത്തുന്നവർക്ക് ഒരു വഴി. പോകുന്നതിനു വളഞ്ഞു ചുറ്റിയുള്ള വേറൊരു വഴിയും ഇവർ സൃഷ്ടിച്ചു. പ്രായമായ സ്ത്രീകൾക്ക് വളരെ ദൂരം അധികം നടക്കേണ്ടി വരുന്നു എന്ന് ഇവർ ചൂണ്ടിക്കാട്ടിയപ്പോൾ നിസാരമട്ടിൽ അധികൃതർ അത് അവഗണിച്ച് തള്ളുകയായിരുന്നു. ഇതും കൂടാതെ മറ്റു തടസങ്ങളും ഷോപ്പ് ഉടമകൾക്ക് മുന്നിൽ സൃഷ്ടിച്ചുകൊണ്ടിരുന്നു. മാളിൽ ആളുകൾ എത്താതിരിക്കാൻ വഴി സ്വീകരിച്ചതോടെ ആറു നിലയിൽ ഉണ്ടായിരുന്ന മാളിലെ മുകൾ നിലയിൽ ഉണ്ടായിരുന്നവർ അഡ്വാൻസ് തുക പോലും മടക്കിവാങ്ങാതെ ഷോപ്പുകൾ ഒഴിവാക്കി. വാടക ബാക്കി എന്ന ന്യായം ഉള്ളതിനാൽ പലർക്കും അഡ്വാൻസ് തിരികെ വാങ്ങാൻ കഴിഞ്ഞില്ല. മുകളിലെ ഷോപ്പുകൾ ഒഴിഞ്ഞതോടെ മുകൾ നിലയിലെ മറ്റു ഷോപ്പ് ഉടമകളെ താഴത്തെ നിലയിലേക്ക് മാറ്റി മുകൾ നിലകൾ സർക്കാർ തലത്തിലുള്ള ട്രെയിനിങ് സെന്റർ നടത്താൻ വാടകയ്ക്ക് നൽകി.
ട്രെയിനിങ് സെന്റർ വന്നതോടെ ഇതിലുള്ള കുട്ടികൾക്ക് മുകൾനിലയിൽ താമസവും താഴത്തെ നിലയിൽ ഭക്ഷണവും എന്ന അവസ്ഥയാക്കി. മഹിളകൾക്ക് മാത്രമുള്ള മാളിൽ പിന്നീട് ആണുങ്ങളുമായി. ജീവനക്കാർ വരെ സ്ത്രീകൾ ആകണം, മാളിലേക്ക് വരുന്നവരും സ്ത്രീകൾ ആകണം എന്നൊക്കെ കൊട്ടിഗ്ഘോഷിച്ച് നടത്തിയ മാളിലാണ് ട്രെയിനിങ് സെന്ററിന്റെ പേരിൽ കുട്ടികളെ കുടിയിരുത്തിയത്. ഇതോടെ തന്നെ ഷോപ്പിങ് സെന്റർ സന്ദർശിച്ചിരുന്ന സ്ത്രീകൾക്കും മനംമടുപ്പ് വന്നു. ഇതോടെ സ്ത്രീകൾ തന്നെ മാളിലേക്ക് പോകാത്ത അവസ്ഥ വന്നു. ഇതോടെയാണ് തങ്ങളെ കുടിയിറക്കുന്ന പരിപാടികൾ ആണ് കുടുംബശ്രീ അധികൃതർ നടത്തിക്കൊണ്ടിരിക്കുന്നത് എന്ന് വനിതാസ് സംരഭകർ തന്നെ തിരിച്ചറിയുന്നത്. ഇതോടെയാണ് കുടുംബശ്രീ അധികൃതരുടെ വഞ്ചനയ്ക്ക് എരെ ഇവർ പരാതിയുമായി നീങ്ങിയത്. മഹിളാമാളിന്റെ ചതിയെക്കുറിച്ച് ഒരു സംരംഭക മറുനാടനോട് വിശദമാക്കിയത് ഇങ്ങനെ:
മഹിളാമാൾ ഒരു വൻ ചതി; എതിർത്തപ്പോൾ സിപിഎമ്മിന്റെ പേര് പറഞ്ഞു നിശബ്ദയാക്കി: ഒരു സംരംഭക
മഹിളകൾക്കായി മഹിളകൾ നടത്തുന്ന കുടുംബശ്രീ സംരംഭം എന്ന പരസ്യം കണ്ടാണ് മാളിൽ ഷോപ്പ് നടത്താൻ തീരുമാനിച്ചത്. ഇത് വൻ ചതിയായിരുന്നുവെന്നാണ് പിന്നീട് മനസിലായത്- ഒരു സംരംഭക മറുനാടനോട് പറഞ്ഞു. 2018 ജൂലായിലാണ് ഞങ്ങൾ മാളിന് അഡ്വാൻസ് പണം നൽകിയത്. ലക്ഷങ്ങൾ അഡ്വാൻസ് തുകയായി നൽകുകയും നല്ലൊരു തുക മാസവാടകയുമാണ് നൽകിയത്. കൂടാതെ ലക്ഷങ്ങളാണ് മികച്ച ഇന്റീരിയർ ജോലികൾ നടത്താൻ നടത്താൻ വേണ്ടി ഓരോ ഷോപ്പ് ഉടമയും പൊടിച്ചത്. നവംബറിൽ മുഖ്യമന്ത്രി പിണറായി വിജയൻ ഉദ്ഘാടനം ചെയ്യുകയും മാൾ പ്രവർത്തനം തുടങ്ങുകയും ചെയ്തു. ആറു നില മാൾ ആയിരുന്നു. പിന്നീടത് മൂന്നു നിലകളിൽ മാത്രമായി. കുടുംബശ്രീ എന്ന് പറഞ്ഞിട്ടാണ് തുടങ്ങിയത് എങ്കിലും പത്ത് വനിതകൾ കുടുംബശ്രീയുടെ പേരിൽ യൂണിറ്റി ഗ്രൂപ്പ് എന്ന പേരിൽ തുടങ്ങിയതാണ് മാൾ എന്നതും പിന്നീടാണ് മനസിലാക്കുന്നത്.
കോർപറേഷൻ ഓഫീസിൽ വെച്ച് നടന്ന മീറ്റിംഗിൽ കുടുംബശ്രീ കോർപറേഷൻ-സംരംഭം എന്നാണ് പറഞ്ഞത്. ഇതോടെയാണ് മാളിൽ കടകൾ ബുക്ക് ചെയ്യാൻ മിക്കവരും തീരുമാനിച്ചത്. ലോകം മുഴുവൻ പരസ്യം ചെയ്യും ഏഷ്യയിലെ ആദ്യത്തെ മാൾ എന്നൊക്കെയാണ് പറഞ്ഞത്. എല്ലാത്തിലും ചതിയും വഞ്ചനയും നിലനിന്നിരുന്നു. കുടുംബശ്രീയിലുള്ള പത്ത് സ്ത്രീകൾ യൂണിറ്റി ഗ്രൂപ്പ് എന്ന പേരിൽ കെട്ടിടം വാടയ്ക്ക് എടുത്താണ് ഞങ്ങൾക്ക് നൽകിയത്. പ്രശ്നങ്ങൾ തുടങ്ങിയപ്പോൾ കുടുംബശ്രീയിൽ ഞങ്ങൾ ആദ്യമേ പരാതി നൽകിയിരുന്നു. എന്നാൽ ഉത്തരവാദിത്തമില്ലെന്നു കുടുംബശ്രീ അധികൃതർ പറയുകയാണ് ചെയ്തത്. കുടുംബശ്രീ ആദ്യമേ കയ്യൊഴിഞ്ഞു. രണ്ടു മാസം കഴിഞ്ഞപ്പോൾ പ്രശ്നങ്ങൾ തുടങ്ങി. കുറച്ച് ഷോപ്പുകൾ ഇവർ പൂട്ടി. വാടക കുടിശിക എന്നൊക്കെ പറഞ്ഞാണ് ഷോപ്പുകൾ ഇവർ അടച്ചു പൂട്ടിയത്.
ഷോപ്പുകളിലെ സ്ത്രീകൾ രാവിലെ വന്നപ്പോൾ അവർക്ക് ഷോപ്പുകൾ തുറക്കാൻ കഴിഞ്ഞില്ല. അത് നടക്കാവ് പൊലീസിൽ പരാതിയൊക്കെയായി മാറി. ഷോപ്പ് തുറന്നുകൊടുത്തു. എഴുപതോളം ഷോപ്പുകൾ ആദ്യം ഉണ്ടായിരുന്നു. അതിൽ പകുതി ഷോപ്പുകളും അടച്ചു. എല്ലാം കുടുങ്ങിയത് പാവങ്ങൾ ആയ സ്ത്രീകളാണ്. ലോൺ എടുത്തും സ്വർണം പണയം വെച്ചുമുള്ള പണമാണ് നിക്ഷേപിച്ചത്. എങ്ങനെയും മഹിളകളെ ഒഴിവാക്കുക എന്നതായിരുന്നു കുടുംബശ്രീയുടെ ലക്ഷ്യം. മുകളിൽ നിന്നുള്ള ഷോപ്പുകൾ ഒഴിവായപ്പോൾ ആ ഷോപ്പുകൾ താഴേയ്ക്ക് മാറ്റി. മുകളിൽ കേന്ദ്ര സർക്കാറിന്റെ ഏതോ ഒരു ട്രെയിനിങ് സെന്റർ തുടങ്ങി. മുകളിൽ കുട്ടികൾക്ക് താമസം. മഹിളകളുടെ മാളിൽ മുകൾ കുട്ടികൾ. അവരുടെ താമസം ഒക്കെ വന്നു. അവരുടെ വസ്ത്രങ്ങൾ കഴുകിയപ്പോൾ അത് തൂക്കിയിടുന്നതും മാളിൽ തന്നെ. ഭക്ഷണം താഴെയുള്ള ഹോട്ടലിൽ നിന്നും. ഇതോടെ തന്നെ മാളിന്റെ കഥ കഴിഞ്ഞ നിലയിലായി. ആളുകൾ വരാതെയായി. മീറ്റിംഗിൽ ആരെങ്കിലും എന്തെങ്കിലും പറഞ്ഞാൽ അവരുടെ വാ അടപ്പിക്കുന്ന രീതിയായി.
ലോക്ക് ഡൗൺ വന്നപ്പോൾ മാൾ പൂട്ടി. ജൂണിൽ സർക്കാർ ഉത്തരവ് പ്രകാരം ഒരു ദിവസം തുറന്നു. ക്ലീനിങ് ചെയ്യാൻ അനുവാദം നൽകി. വാടകയാണ് ചോദിച്ചത്. പിന്നെ ഷോപ്പുകൾ തുറക്കാൻ അനുവദിച്ചില്ല. രണ്ടു മാസത്തെ വാടക വേണം എന്നാണ് പറഞ്ഞത്. ഞങ്ങൾ വീണ്ടും നടക്കാവ് പൊലീസിൽ പരാതി നൽകി. മാൾ തുറക്കട്ടെ. അതിനു ശേഷം നൽകാം എന്ന് പറഞ്ഞു. എന്തെങ്കിലും പറഞ്ഞാൽ സിപിഎമ്മിന്റെ പേര് പറയും. പാർട്ടി പറഞ്ഞിട്ടും പാർട്ടിയെ കണ്ടിട്ടുമല്ല ഷോപ്പ് എടുത്തത്. സാങ്കേതിക കാരണങ്ങളാൽ ജൂലൈ അവസാനം വരെ അടച്ചിടുകയാണ് എന്ന് നോട്ടീസ് പതിച്ചു. ഷോപ്പ് ഉടമകൾക്ക് എന്ത് സാങ്കേതിക കാരണം. മാനേജ്മെന് ഓഫീസ് തുറക്കണ്ട. ഞങ്ങൾക്ക് ഷോപ്പുകൾ തുറക്കണം എന്ന് ഞങ്ങൾ വാദിച്ചു. സാങ്കേതിക കാരണം എന്താണെന്ന് ഞങ്ങളോട് പറയേണ്ടേ? ഇപ്പോൾ ജില്ലാ കോടതിയിൽ കേസ് നൽകി. ഇപ്പോൾ ഇഞ്ചക്ഷൻ ഓർഡർ കോടതി നൽകിയിട്ടുണ്ട്. ഷോപ്പുകൾ തുറക്കണം. ബിസിനസ് തടസപ്പെടുത്തരൂത് എന്നാണ് ഓർഡറിൽ പറയുന്നത്. വാടക കുറച്ച് തരണം. പത്ത് മാസം അഗ്രിമെന്റ്. ഇത് പിന്നെ പുതുക്കി തന്നതുമില്ല. ലക്ഷങ്ങൾ മുടക്കി ചെയ്ത ഇന്റീറിയർ എല്ലാം എലികൾ നാശമാക്കിയിട്ടുണ്ട്. വയറിങ് എല്ലാം എലികൾ കടിച്ച് നശിപ്പിച്ചിട്ടുണ്ട്.-സംരഭക പറയുന്നു.
മാൾ നടത്തിപ്പ് ഏറ്റെടുത്ത കുടുംബശ്രീ യൂണിറ്റിന്റെ പ്രതികരണം:
കോവിഡ് കാരണം സർക്കാർ മാളുകൾ പൂട്ടാൻ ഓർഡർ നൽകിയ പ്രകാരം ഞങ്ങൾ മാളുകൾ പൂട്ടിയിട്ടിരിക്കുകയാണ്. മാർച്ച് മാസം വരെ 36 ലക്ഷം വാടക കുടിശിക ലഭിക്കാനുണ്ട്-കുടുംബശ്രീ യൂണിറ്റ് സെക്രട്ടറി വിജയ മറുനാടനോട് പറഞ്ഞു. 13 ലക്ഷം രൂപ മാസ വാടകയിലാണ് ഞങ്ങൾ മാൾ വാടകയ്ക്ക് എടുത്തത്. ഇതിനു ശേഷമുള്ള കുടിശിക ഞങ്ങൾ കൂട്ടുന്നില്ല. വാടക കുറച്ച് കിട്ടാൻ ഞങ്ങൾ സംസാരിച്ചുകൊണ്ടിരിക്കുകയായിരുന്നു. ഇതിനു മുൻപ് തന്നെ ഷോപ്പ് ഉടമകൾ നടക്കാവ് സ്റ്റേഷനിൽ പരാതി നൽകി. ഈ മുപ്പത് പേരും വാടക കുടിശിക ഉള്ളവരാണ്. റെന്റ് എങ്ങനെ ഇവർ നൽകും എന്നതിന് ഉടമ്പടി വേണം എന്നാണ് ഞങ്ങൾ സ്റ്റേഷനിൽ ആവശ്യപ്പെട്ടത്. ഇവർ വാടക കുടിശിക ഞങ്ങൾക്ക് നല്കില്ല എന്നാണ് പറയുന്നത്. കോടതിയിൽ നിന്ന് മാൾ തുറന്നു പ്രവർത്തിപ്പിക്കാൻ അനുമതി വാങ്ങിയിട്ടുണ്ട് എന്നാണ് അവർ പറഞ്ഞത്. കേസ് ആയി മുന്നോട്ടു പോകും എന്നാണ് ഷോപ്പ് ഉടമകളുടെ നിലപാട്. 79 ഷോപ്പുകൾ ഉള്ളതിൽ 30 ഷോപ്പുകൾ മാത്രമാണു നിലവിൽ ഉള്ളത്. മറ്റുള്ളവർക്ക് അഡ്വാൻസ് തിരികെ നൽകിയിട്ടുണ്ട്. മുകൾ നിലകൾ ഒഴിഞ്ഞതോടെ ടെക്നോ വേൾഡ് ട്രെയിനിങ് സെന്റർ എന്ന വനിതാ സംരംഭത്തിനാണ് നൽകിയിരിക്കുന്നത്. മൾട്ടിപ്ലക്സ് എല്ലാം ആദ്യം പറഞ്ഞിരുന്നെങ്കിലും പിന്നീട് അതിനുള്ള സൗകര്യം ഇല്ല എന്നത് കണ്ടു. കുട്ടികളുടെ പ്ലേ ഗ്രൌണ്ട് സംവിധാനം ചെയ്യാൻ ഒരു ഗ്രൂപ്പ് വന്നെങ്കിലും വിജയിക്കില്ല എന്ന് പറഞ്ഞു അവർ തിരികെ പോയി. ഇനി റെന്റ് കാര്യത്തിൽ ഒരു തീർപ്പ് വന്നാൽ മാളുകൾ തുറന്നു നൽകാം-വിജയ പറയുന്നു.
മുഖ്യമന്ത്രിക്ക് ഷോപ്പ് ഉടമകൾ നൽകിയ പരാതിയിൽ പറയുന്നത്:
കുടുംബശ്രീയുടെ സംരംഭം ആയതുകൊണ്ട് മാത്രമാണ് ഷോപ്പുകൾ വാടകയ്ക്ക് എടുത്തത്. ആദ്യം ബുക്ക് ചെയ്യാൻ 10000 രൂപ നൽകി. വാടകയായി പറഞ്ഞത് ഗ്രൌണ്ട് ഫ്ളോർ സ്ക്വയർഫീറ്റിന് 130 രൂപ മുകൾ നിലയിൽ 100, 100, 80 എന്ന രീതിയിൽ. മിക്കവരും ലക്ഷങ്ങൾ തന്നെ അഡ്വാൻസ് ആയി നൽകി. ഇത് അധിക വാടകയാണ് എന്ന് പിന്നീട് മനസിലായി. സ്ക്വയർ ഫീറ്റിന് നാല്പത് രൂപയും അതിനു താഴെയും മാത്രം അവിടെ വാടക നിലനിൽക്കുമ്പോഴാണ് വാടക ഇനത്തിൽ തങ്ങളെ പിഴിഞ്ഞത്. കോമൺ ഏരിയയിൽ എസി വയ്ക്കണം എന്ന് പറഞ്ഞു ഉടമ്പടിയിൽ ഇല്ലാത്ത തുക ഞങ്ങളുടെ ഓരോരുത്തരിൽ നിന്നും വാങ്ങി. 15000രൂപ ഈ ഇനത്തിൽ വാങ്ങി. കെഎസ്ഇബി മീറ്റർ എന്ന് പറഞ്ഞു 3000 വേറെയും വാങ്ങി. വൈദ്യുതി യൂണിറ്റിനു 13 രൂപയാണ് വാങ്ങുന്നത്. ഈ റേറ്റ് വേറെ എവിടെയുമില്ല.
എസിയുടെ വൈദ്യുതി ചാർജിനു സ്ക്വയർ ഫീറ്റിന് അഞ്ചുരൂപ വെച്ച് വേറെയും പിഴിയൽ. വൈദ്യുതി ചാർജിനു നൽകുന്ന രശീതി കെഎസ്ഇബിയുടെ രശീതിയല്ല. മൾട്ടിപ്ലക്സ് തിയേറ്റർ, കുട്ടികളുടെ പ്ലേ സോൺ, ഫുഡ് കോർട്ട്, കുടുബശ്രീ സൂപ്പർമാർക്കറ്റ് എന്നിവ മാളിന്റെ ഭാഗമായി തുടങ്ങും എന്ന് പറഞ്ഞു പിന്നീട് തുടങ്ങിയില്ല. ഏഷ്യയിലെ ഏറ്റവും പ്രധാന വനിതാസംരംഭം എന്നും മറ്റു മാളുകളെപോലെ സംവിധാനങ്ങൾ ഒരുക്കും എന്നും പറഞ്ഞു ഒരു സംവിധാനവും ഒരുക്കിയില്ല. ഒരു വർഷത്തിലേറെ കഴിഞ്ഞിട്ടും ഒരു പ്രൊമോഷൻ നടപടികളും നടത്തിയില്ല. മാളിലേക്ക് ആളുകൾ കയറുന്നില്ല. കടകൾ പലതും വാടക താങ്ങാൻ കഴിയാതെ അടച്ചുപൂട്ടിക്കഴിഞ്ഞു. ബിസിനസ് നടക്കാത്തതുകൊണ്ട് വാടക നൽകാൻ കഴിയാത്ത അവസ്ഥയാണ്. ഹാളിൽ മുഴുവൻ ഫുൾ ഗ്ലാസാണ്. എസി നിലവിൽ പ്രവർത്തിപ്പിക്കാത്തതുകൊണ്ട് അത്യുഷ്ണമാണ്.
മേയർ കഴിഞ്ഞ വർഷം യോഗം വിളിച്ചു കൂട്ടിയിരുന്നു. കുട്ടികളുടെ പ്ലേ സോൺ ആരംഭിക്കും. കോഫീ ഹൗസുമായി ബന്ധപ്പെട്ടു ഫുഡ് കോർട്ട് ആരംഭിക്കും. വാടക കുറയ്ക്കാൻ നടപടി സ്വീകരിക്കും. വാടക ഗഡുക്കളായി സ്വീകരിക്കാൻ നടപടി സ്വീകരിക്കും എന്നൊക്കെ മേയർ തന്നെ തീരുമാനമെടുത്തു. ഒന്നും നടന്നില്ല. ഉദ്ഘാടനം കഴിഞ്ഞു അഞ്ചു മാസം കഴിഞ്ഞപ്പോൾ തന്നെ വന്നത് കയ്പ്പ് നിറഞ്ഞ അനുഭവങ്ങൾ. വാടക കുടിശികയുടെ പേര് പറഞ്ഞു പല ഷോപ്പുകളും അന്യായമായി കുടുംബശ്രീ അധികൃതർ അടച്ചുപൂട്ടി. അവരുടെ കയ്യിലുള്ള താക്കോൽ അടച്ചുപൂട്ടാൻ വേണ്ടി ഉപയോഗിച്ചു. വേറെ പൂട്ടിട്ട് പല ഷോപ്പുകളും പൂട്ടി. പലഷോപ്പുകളുടെയും കറന്റ് കട്ടുചെയ്യുകയും ചെയ്തു. അഡ്വാൻസ് കയ്യിലിരിക്കെയാണ് മനസാക്ഷിയില്ലാത്ത നടപടി കുടുംബശ്രീ അധികൃതരുടെ ഭാഗത്ത്നിന്നും വന്നത്.
പ്രശ്നങ്ങൾ വന്നപ്പോൾ സഹിക്കാൻ കഴിയാതെ ഒരു സംരംഭക ആത്മഹത്യാ ശ്രമവും നടത്തി. നിലവിൽ അവസ്ഥ ശോചനീയമാണ്. പല ഷോപ്പ് ഉടമകളും കട അവസാനിപ്പിച്ചു പോയി. ഒഴിഞ്ഞുപോയവരോട് മനസാക്ഷിയില്ലാത്ത സമീപനമാണ് സ്വീകരിച്ചത്. 75 ഷോപ്പുകളുടെ സ്ഥാനത്ത് ഇപ്പോൾ ഇരുപത്തിയഞ്ചു ഷോപ്പുകൾ പോലുമില്ല. ഒഴിഞ്ഞ ഷോപ്പ് മുറികളിൽ വനിതാ സംരംഭകരെ എത്തിക്കുന്നതിന് പകരം ലേഡീസ് ഹോസ്റ്റൽ നടത്താനും ട്രെയിനിങ് സെന്റർ നടത്താനും വിട്ടുകൊടുത്തു മാളിന്റെ കഥ കഴിച്ചു. ഇപ്പോൾ എട്ടു മാസമായി വാടക സ്വീകരിക്കുന്നില്ല. എഗ്രിമെന്റ് പുതുക്കുന്നുമില്ല. നിവൃത്തിയില്ലാതെ ഞങ്ങൾക്ക് കേസിന് പോകേണ്ടി വന്നു. ഇതിന്റെ പേരിൽ കുടുംബശ്രീയായ യൂണിറ്റി ഗ്രൂപ്പ് അംഗങ്ങൾ ഞങ്ങളെ തെറിവിളിച്ചു. ഭീഷണിപ്പെടുത്തുകയും ഞങ്ങൾക്ക് എതിരെ ക്രിമിനൽ കേസ് നൽകുകയും ചെയ്തു.
യൂണിറ്റി ഗ്രൂപ്പിന്റെ നടപടികൾ പരിശോധിക്കുകയും ഷോപ്പ് നടത്തിക്കൊണ്ടു പോകാൻ ആവശ്യമായി നടപടികൾ സ്വീകരിക്കുകയും വേണം. ഷോപ്പ് മുറികളുടെ അന്യായ വാടക കുറയ്ക്കാൻ നടപടി സ്വീകരിക്കണം. അധിക തുക തിരികെ നൽകണം. അമിതമായ കറന്റ് ചാർജ് ഈടാക്കുന്നത് നിർത്തണം. കള്ളത്താക്കോലിട്ടു ചില കടകൾ തുറന്നതിനു ക്രിമിനൽ നടപടികൾ സ്വീകരിക്കണം. കടകൾ തുറന്നു പ്രവർത്തിപ്പിക്കാൻ നടപടി സ്വീകരിക്കണം-പരാതിയിൽ പറയുന്നു.
- TODAY
- LAST WEEK
- LAST MONTH
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- ഞങ്ങളുടെ സ്ഥാനാർത്ഥിക്ക് വോട്ടു ചെയ്യല്ലേ! രാജസ്ഥാനിലെ ബൻസ്വാഡ-ദുംഗർപൂർ ലോക്സഭാ മണ്ഡലത്തിൽ വിചിത്ര അഭ്യർത്ഥനയുമായി കോൺഗ്രസ്; അപ്രതീക്ഷിതമായി ത്രികോണ മത്സരം വന്നതോടെ പാർട്ടിക്ക് നാണക്കേട്: പിന്നാമ്പുറ കഥ
- അമ്മയും മകളും തമ്മിൽ കണ്ടപ്പോൾ വികാരനിർഭര നിമിഷങ്ങൾ; അൽപനേരം ഒരുമിച്ച് ചെലവഴിക്കാൻ അനുമതി നൽകി സനയിലെ ജയിൽ അധികൃതർ; നിമിഷപ്രിയയെ കണ്ടതിന്റെ ആശ്വാസത്തിലും സന്തോഷത്തിലും പ്രേമകുമാരി; തൊടുപുഴയിലെ വീട്ടിൽ പ്രാർത്ഥനയോടെ നിമിഷയുടെ മകൾ
- സൗബിൻ സാഹിറിനെതിരെ മരട് പൊലീസ് ചുമത്തിയത് ഗൗരവതരമുള്ള വകുപ്പുകൾ; മരട് ഇൻസ്പെക്ടർ തയ്യാറാക്കിയ എഫ് ഐ ആറിലേത് അക്കൗണ്ട് വഴി പണം കൈമാറിയിട്ടും വഞ്ചിച്ചെന്ന ആരോപണം; ചുമത്തുന്നത് വഞ്ചനയും ക്രിമിനൽ ഗൂഢാലോചനയും; 'മഞ്ഞുമ്മൽ ബോയ്സ്' അറസ്റ്റിലാകാൻ സാധ്യത ഏറെ; ആ 47 കോടി തിരിച്ചു കൊടുക്കേണ്ടി വരും
- ഹിന്ദുക്കളുടെ സ്വത്ത് എടുത്ത് മുസ്ലീങ്ങൾക്ക് കൊടുക്കുമെന്ന് കോൺഗ്രസ് പ്രകടന പത്രികയിൽ ഉണ്ടോ? ജനങ്ങളുടെ സ്വത്തുക്കൾ കണ്ടുകെട്ടാനും സമ്പാദ്യം അപഹരിക്കാനും കോൺഗ്രസിന് പദ്ധതിയുണ്ടോ? പ്രധാനമന്ത്രി മോദിയും ബിജെപിയും നടത്തുന്ന പ്രചാരണത്തിന്റെ വസ്തുതയെന്ത്?
- സായ് സുദർശന്റെ ബാറ്റിങ് വെടിക്കെട്ട്; ഡേവിഡ് മില്ലറുടെ വീരോചിത പോരാട്ടം; ഫിനിഷർ റോളിൽ റാഷിദ് ഖാൻ; 'സിക്സ്' അവിശ്വസനീയമായി തടുത്തിട്ട സ്റ്റബ്സ്; അവസാന പന്തുവരെ പൊരുതി കീഴടങ്ങി ഗുജറാത്ത് ടൈറ്റൻസ്; ഡൽഹി ക്യാപിറ്റൽസിന്റെ ജയം നാല് റൺസിന്
- പിണറായിയുടെ പപ്പുമോൻ സൂചന; മോദിയുടെ മംഗല്യസൂത്ര; പി വി അൻവറിന്റെ ഡിഎൻഎ പരിശോധന; 'അളിയനെ' ആക്രമിച്ച് ബിജെപി; ഗണ്ടി കുടുംബം എന്ന് അധിക്ഷേപിച്ച് സൈബർ സഖാക്കളും; അമൂൽഗാന്ധി, ഡ്യൂപ്പിക്കേറ്റ് ഗാന്ധി...; അവസാന ലാപ്പിലും ചർച്ച നെഹ്റു കുടുംബം തന്നെ
- സുൽത്താൻ ബത്തേരിയിൽ 1500 ഓളം ഭക്ഷ്യ കിറ്റുകൾ പിടികൂടി; പ്ലാസ്റ്റിക് കവറുകളിൽ പഞ്ചസാരയും ബിസ്ക്കറ്റും ചായപ്പൊടിയും വെളിച്ചെണ്ണയും ഉൾപ്പെടെയുള്ള അവശ്യ വസ്തുക്കൾ; ആദിവാസി കോളനികളിൽ വിതരണത്തിന് തയ്യാറാക്കിയ കിറ്റുകളെന്ന് ആരോപണം; വോട്ടർമാരെ സ്വാധീനിക്കാൻ ശ്രമിക്കുന്നത് ബിജെപിയെന്ന് യുഡിഎഫും എൽഡിഎഫും; നിഷേധിച്ച് ബിജെപി
- കണ്ണൂരിൽ സുഹൃത്തിനെ കുത്തി പരുക്കേൽപ്പിച്ച യുവാവ് ജീവനൊടുക്കിയ നിലയിൽ; കടുംകൈ കാട്ടിയത് സുഹൃത്ത് മരിച്ചിരിക്കാമെന്ന ഭയത്തിൽ
- ഡ്രസ്സിങ് റൂമിലേക്ക് കാമറ തിരിച്ചു; ഐപിഎൽ കാമറാമാന് നേരെ വെള്ളക്കുപ്പി എറിയാനോങ്ങി ധോണി; കലിപ്പിന് കാരണം അന്വേഷിച്ച് ആരാധകർ
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- ഇന്ത്യയിൽ നിന്നും യുകെയിലേക്ക് കെയറർ വിസയിൽ തൊഴിലാളികൾ എത്തുന്നതിൽ ആശങ്കയുമായി ലോകാരോഗ്യ സംഘടന; കെയർ ഹോമുകളിൽ ഗുണനിലവാരമില്ലാത്ത സേവനത്തിനു സാധ്യതയെന്ന് ഓക്സ്ഫോർഡ് യൂണിവേഴ്സിറ്റി മുന്നറിയിപ്പും; ഇന്ത്യക്കാർക്ക് വിസ നിഷേധിക്കാൻ മറ്റൊരു കാരണം കൂടി
- ഇറാൻ പ്രകോപനത്തിന് തിരിച്ചടിയുമായി ഇസ്രയേൽ; ഇറാന്റെ വടക്കൻ നഗരമായ ഇസ്ഫഹാനിലെ വിമാനത്താവളത്തിന് മിസൈൽ ആക്രമണം നടത്തി ഇസ്രയേൽ; ആക്രമണത്തിന പിന്നാലെ ഇറാനിൽ വിമാന സർവീസുകൾ പൂർണായും നിർത്തിവെച്ചു; ഇസ്രയേൽ ആക്രമണം അമേരിക്കയെ അറിയിച്ച ശേഷം
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്