• ഹോം
• വാർത്ത
• സ്പെഷ്യല്‍ റിപ്പോര്‍ട്ട്‌

തിരുവനന്തപുരം: ദുബായിൽ മലയാളികൾ ഏറ്റവും കൂടുതൽ ജോലി ചെയ്യുന്ന സ്ഥാപനങ്ങളിൽ ഒന്നാണ് പ്രവാസി വ്യവസായി എം എ യൂസഫലിയുടേത്. തൃശ്ശൂരിലെ നാട്ടികയിൽ നിന്നും തുടങ്ങി ലോകത്തിന്റെ വിവിധ ഇടങ്ങളിൽ വൻ ബിസിനസ് സാമ്രാജ്യം കെട്ടുപ്പടുത്ത യൂസഫലി ഒരു വിഭാഗം മലയാളികളുടെ കൺകണ്ട ദൈവമാണ്. അഭ്യസ്തവിദ്യരായ പതിനായിരക്കണക്കിന് മലയാളി യുവാക്കൾക്ക് തൊഴിൽ നൽകുന്ന അദ്ദേഹം സേവന രംഗത്തും സജീവമാണ്. ഇങ്ങനെയുള്ള എംഎ യൂസഫലിയുടെ സ്ഥാപനത്തിനെതിരെ സോഷ്യൽ മീഡിയയിലൂടെ ആരോപണം ഉയരുകയാണ്. ലുലു ഗ്രൂപ്പിലെ മാനേജർ സ്ഥാനത്തു നിന്നും വിരമിച്ചുകൊണ്ട് ഒരാൾ ഫേസ്‌ബുക്കിൽ പോസ്റ്റ് ചെയ്ത വീഡിയോയാണ് മനുഷ്യ സ്‌നേഹിയായി എം എ യൂസഫലിയുടെ സൽപ്പേരിന് കളങ്കം ചാർത്തുന്നത്.

സലിം വാടാനപ്പള്ളി എന്ന യുവാവ് ഫേസ്‌ബുക്കിൽ പോസ്റ്റ് ചെയ്ത വീഡിയോയാണ് എം എ യൂസഫലിയുടെ സ്ഥാപനത്തിൽ നടക്കുന്ന തൊഴിൽ പീഡനങ്ങളെ കുറിച്ച് വെളിപ്പെടുത്തൽ നടത്തുന്നത്. യൂസഫലിയുടെ ലുലു ഗ്രൂപ്പിലെ മാനേജറായ ഇദ്ദേഹം വെളിപ്പെടുത്തുന്നത് യൂസഫലിയുടെ സ്ഥാപനങ്ങളിൽ മറ്റുള്ള സ്ഥാപനങ്ങളിലേക്കാൾ കുറഞ്ഞ ശമ്പളമാണ് നൽകുന്നതെന്നും മറ്റ് ജോലികളിലേക്ക് പോകാന് സാധിക്കാത്ത വിധത്തിൽ സീനിയർ മാനേജർമാർ ദ്രോഹിക്കുന്നു എന്നുമാണ്. ഫേസ്‌ബുക്കിൽ പോസ്റ്റ് ചെയ്ത വീഡിയോയിൽ സലിം വെളിപ്പെടുത്തുന്നത് ദുബായിൽ നിലവിലുള്ള മിനിമ കൂലി നൽകാതെ വെട്ടിപ്പു നടത്തുന്നു സ്ഥാപനം എന്നാണ്. എം കെ ഗ്രൂപ്പിലെ തൊഴിൽ പീഡനങ്ങളെ കുറിച്ച് സലിം വെളിപ്പെടുത്തുന്നത് ഇങ്ങനെയാണ്:

ലുലു ഗ്രൂപ്പിൽ 1997 ഓഗസ്റ്റ് മുതൽ ജോലി ചെയ്യുന്ന വ്യക്തിയാണ് താനെന്ന് സലിം പരിചയപ്പെടുത്തുന്നു. യുസഫലിയുടെ ബാപ്പയുമായുള്ള ബന്ധത്തിന്റെ പുറത്താണ് താൻ ജോലിക്ക് കയറുന്നതെന്നാണ് സലിം വീഡിയോയിൽ പറയുന്നത്. അബുദാബിയിൽ ആയിരം ദിർഹത്തിനാണ് സലിം ജോലിയിൽ പ്രവേശിച്ചത്. നൂറ് ദിർഹം എണ്ണയ്ക്കും സോപ്പിനും, 200 ദിർഹം ഭക്ഷണത്തിനും, 200 ദിർഹം റൂമിനും 500 ദിർഹം വീട്ടിലേക്ക് അയക്കുകയുമായിരുന്നു അന്ന് ചെയ്തത്. ഇന്ന് അതിൽ നിന്നും വ്യത്യാസമുണ്ട്. ഇന്ന് ഭക്ഷണവും താമസവും എല്ലാ സൗജന്യമായിരുന്നു. എന്നാൽ പണ്ട് അങ്ങനെയായിരുന്നില്ലെന്നും സലീം വ്യക്തമാക്കുന്നു.

20 വർഷത്തെ പ്രവാസി ജീവിതം അവസാനിപ്പിച്ച് മടങ്ങുന്നു എന്ന് വ്യക്തമാക്കി കൊണ്ടാണ് അദ്ദേഹം വീഡിയോ പോസ്റ്റ് ചെയ്തത്. താൻ ജോലി ചെയ്യുന്ന കാലത്ത് ലുലുവിന് മാളുകളോ ഹൈപ്പർമാർക്കറ്റോ ഉണ്ടായിരുന്നില്ല. പുതിയ സ്ഥാനങ്ങൾ തുറക്കുമ്പോൾ പഴയ ജീവനക്കാർക്ക് പ്രമോഷൻ നൽകുകയാണ് ഉണ്ടായത്. അതുപോലെ തനിക്കും പ്രമോഷൻ കിട്ടിയെന്ന് സലീം പറയുന്നു. ബഹ്‌റിനിലെ ലുലുവിന്റെ സൂപ്പർമാർക്കറ്റിൽ പ്രമേഷൻ ലഭിച്ചു. അവിടെ ഒമ്പതു വർഷമായി ജോലി ചെയ്തു. ആറ് വർഷം, സൂപ്പർമാർക്കറ്റിലെ പല സെക്ഷനിൽ ജോലിചെയ്തു. എന്നാൽ, ഇക്കാലയളവിൽ തനിക്ക് പ്രമോഷൻ നൽകാൻ തയ്യാറായിട്ടില്ലെന്ന് സലിം ഫേസ്ബൂക്ക് വീഡിയോയിൽ പറുന്നത്.

തനിക്ക് ശേഷം ജോലിയിൽ പ്രവേശിപ്പിച്ചവർക്ക് പോലും പ്രമോഷൻ ലഭിച്ചു. എന്നാൽ, ചില മാനേർമാരാണ് കുറപ്പക്കാർ. തന്റെ അർബാബായ യൂസഫലി ഇതൊന്നും അറഞ്ഞിരുന്നില്ലെന്നും സലീം വീഡിയോയിൽ പറയുന്നു. ഞാൻ പലതവണ അദ്ദേഹത്തെ കണ്ട് നേരിട്ട് കാണാൻ ശ്രമിച്ചു. എന്നാൽ, നിർഭാഗ്യവശാൽ കാണാൻ ശ്രമിച്ചില്ല. പല മാജേനർമാരും യൂസഫലിയെ നേരിൽ കണ്ട് കാര്യങ്ങൾ നേടി. എന്നാൽ, തനിക്ക് മാത്രം നീതി കിട്ടിയില്ല, എന്നെ പോലെ നിരവധി പേർ ഇങ്ങനെ പ്രമോഷൻ ലഭിക്കാതെ ബഹ്‌റിനിൽ ജോലി ചെയ്യുന്നതായും സലി വ്യക്തമാക്കുന്നു.

അബുദാബിയേക്കാൽ വ്യത്യസ്തരായ മാനേജർമാരാണ് ഇവിടെയുള്ളത്. മറ്റുള്ളവരെ കുറിച്ച് കുറ്റംപറയുന്നവർക്കാണ് അവരുടെ പരിഗണന ലഭിക്കുന്നത്. എന്നാൽ, തനിക്ക് അതറിയില്ലെന്നും അദ്ദേഹം പറയുന്നു. യൂസഫലി ഒരിക്കലും ഈ സംഭവം അറിയില്ലെന്നാണ് സലീം വാടാനപ്പള്ളി ഇക്കാര്യം പറയുന്നത്. അദ്ദേഹം ഈ വീഡിയോ കണ്ടാൽ മറ്റുള്ളവർക്ക് വേണ്ടി നടപടി സ്വീകരിക്കണമെന്നും അദ്ദേഹം പറയുന്നു. അതിന് വേണ്ടിയാണ് ഈ വീഡിയോ പോസ്റ്റ് ചെയ്യുന്നത്. പ്രമോഷൻ നൽകാമെന്ന് പറഞ്ഞ് ആറ് മാസത്തോളം മാനേജർമാർ ഫ്‌ലോറിലിട്ട് ഓടിച്ചു. എന്നാൽ, തന്നെ വീണ്ടും അവഗണിച്ച് പുതിയ ആൾക്കാർക്ക് പ്രമോഷൻ നൽകുകയാണ് ഉണ്ടായതെന്നെന്നും സലീം ഫേസ്‌ബുക്ക് വീഡിയോയിൽ വ്യക്തമാക്കുന്നു.

വിഷമത്തോടെയാണ് താൻ ഇക്കാര്യങ്ങൾ പറയുന്നത്. യൂസഫലിയെ കാണാൻ സാധിക്കുമെന്നാണ് പറയുന്നത്. മാനസികമായ പീഡനം വളരെ വലുതാണെന്നും സമാനമായ പീഡനം മറ്റുള്ള സ്റ്റാഫുകളും അനുഭവിക്കുന്നുണ്ടെന്നും സലീം വ്യക്തമാക്കുന്നു. സലീം പോസ്റ്റ് ചെയ്ത വീഡിയോയ്ക്ക് സോഷ്യൽ മീഡിയിയൽ വലിയ റെസ്‌പോൺസാണ് ലഭിച്ചത്. ഗോഡ്‌സ് ഓൺ കൺട്രി എന്ന ഫേസ്‌ബുക്ക് പേടജിൽ പോസ്റ്റ് ചെയ്ത വീഡിയോ മൂന്ന് ലക്ഷത്തിലേറെ പേർ രണ്ട് ദിവസം കണ്ട് കണ്ടു.

അതേസമയം സലിം വാടാനപ്പള്ളിയെ പോലെ സമാനമായ അനുഭവങ്ങൾ ഉണ്ടായവരും സോഷ്യൽ മീഡിയയിൽ അഭിപ്രായ പ്രകടനങ്ങളുമായി രംഗത്തുണ്ട്. ലുലു ബഹ്‌റിനിലെ എച്ച് ആർ മാനേജർക്കെതിരെയാണ് കൂടുതലായും ഉയരുന്ന ആരോപണം. എമർജൻസി ലീവ് ആവശ്യപ്പെട്ട ഘട്ടത്തിൽ ചോദിച്ചപ്പോൾ നീ കാൻസൽ ചെയ്തു പോയ്‌ക്കൊ എന്ന് മാനേജർമാർ പറഞ്ഞുവെന്നാണ് ആക്ഷേപം. ഇത്തരത്തിൽ സമാനമായ അനുഭവങ്ങൾ നേരിട്ട് ലുലുവിൽ തന്നെ എല്ലാം സഹിച്ച് ജോലി ചെയ്യുന്നവരുമുണ്ടെന്നുമാണ് സോഷ്യൽ മീഡിയയിലൂടെ തന്നെ പലരും അഭിപ്രായപ്പെടുന്നത്.

സലീമിന്റെ പ്രവർത്തിയെ വിമർശിച്ച് നിരവധി പേർ ഫേസ്‌ബുക്കിൽ കമന്റിട്ടിണ്ട്. അദ്ദേഹത്തിന്റെ ശ്രമം തൊഴിലാളികളുടെ ഭാഗത്തു നിന്നാണെങ്കിലും ഇത് ലുലുവിനും യൂസഫലിക്കും ചീത്തപ്പേരുണ്ടാക്കുന്നതാണെന്നാണ് ചലർ കമന്റായി രേഖപ്പെടുത്തിയത്. മറ്റുചിലർ സമാനമായ സാഹചര്യം യൂസഫലിയുടെ സ്ഥാപനത്തിൽ നിലനില്ക്കുന്നതായും കുറഞ്ഞ ശമ്പളമാണ് നൽകുന്നതെന്നും ചൂണ്ടിക്കാട്ടി. എന്തായാലും വിഷയം യൂസഫലിയുടെ ശ്രദ്ധയിൽപ്പെട്ടിട്ടുണ്ടെന്ന സൂചനയുമുണ്ട്. യൂസഫലിയുടെ സ്ഥാപനത്തിലെ തൊഴിലാളികൾക്കിടയിലുള്ള അതൃപ്തിയാണ് ഇതിലൂടെ പുറത്തുവരുന്നതെന്നും സൂചനയുണ്ട്.

ഇന്ത്യയിലും മറ്റ് ഏഷ്യൻ രാജ്യങ്ങളിലും തന്റെ വ്യവസായ സാമ്രാജ്യം വ്യാപിപ്പിക്കാൻ ഒരുങ്ങുകയാണ് എം എ യൂസഫലി. ഇതിനിടെയാണ് തൊഴിലാളികൾക്കിടയിൽ കടുത്ത അതൃത്പതി നിലനിൽക്കുന്നതായുള്ള ആരോപണം ഉയരുന്നത്. അടുത്ത കാലത്തായി പല മാദ്ധ്യമ പ്രവർത്തകരെയും ഇദ്ദേഹത്തിൽ നിന്നും അകറ്റി നിർത്താൻ ലുലവിലെ ചില മാനേജർമാർ ശ്രമിക്കുന്നു എന്ന ആക്ഷേപങ്ങളും ഉയർന്നിരുന്നു. തൊഴിലാളികൾക്ക് ശമ്പളം ഓൺലൈൻ വഴി നൽകാതെ നേരിട്ട് നൽകുന്ന സ്ഥാപനമാണ് ലുലുവെന്ന ആക്ഷേപവും ശക്തമാണ്. മിനിമം ശമ്പളം നൽകാതെ സർക്കാറിനെ കബളിപ്പിക്കാൻ വേണ്ടിയാണിതെന്നും ആക്ഷേപമുണ്ട്.

ലോകമെമ്പാടും ബ്രാഞ്ചുള്ള കമ്പനിയായി എം കെ ഗ്രൂപ്പും ലുലുവും മാറിയിട്ടുണ്ട്. എന്നിട്ടും ജീവനക്കാർക്ക് ഓൺലൈൻ വഴി ശമ്പളം നൽകുന്നില്ലെന്നാണ് ലുലു ഗ്രൂപ്പിനെതിരെയുള്ള ശക്തമായ ആരോപണം. ബഹ്‌റിനിലെ നിയമം അനുസരിച്ച് ശമ്പളം നൽകേണ്ടത് ബാങ്ക് മുഖേനയാണെന്ന വ്യവസ്ഥയുണ്ട്. എന്നാൽ, കുറഞ്ഞ ശമ്പളമാണെന്നതിനാൽഡ ചട്ടം ലംഘിച്ച് കൈയിൽ കൊടുക്കുന്നത്. മറ്റ് അന്താരാഷ്ട്ര സ്ഥാപനങ്ങളെ അപേക്ഷിച്ച് ശമ്പളം കുറവാണെന്നും ജോലി സമയം കൂടുതലാണെന്നും ആരോപണം ഉണ്ട്. ഈദ് ഒഴികെയുള്ള അവധി ദിവസങ്ങളിലൊന്നും കുടുംബത്തോടൊപ്പം കഴിയാനുള്ള അവസരവും ഇവിടുത്തെ ജീവനക്കാർക്ക് ലഭിക്കുന്നില്ല.

ജോലിക്ക് വന്നു കഴിഞ്ഞ കുറഞ്ഞ ശമ്പളമുള്ള ജോലിയിൽ നിന്നും മാറി ഉയർന്ന ശമ്പളമുള്ള ജോലിയിൽ കയറാൻ ചില യൂവാക്കൾ ശ്രമിക്കാരുണ്ട്. എന്നാൽ, ഇങ്ങനെ ശ്രമിച്ചാൽ പോലും അത് മുടക്കാൻ വേണ്ടി തന്നെ ഒരു വിഭാഗമുണ്ട്. ലുലുവിൽ നിന്നും ജീവനക്കാരെ ജോലിക്കെടുക്കാൻ മറ്റുള്ളവർ ഭയക്കുന്നതുകൊണ്ടാണ് മറ്റ് സ്ഥാപനങ്ങളിലുള്ളവരും ലുലുവിൽ നിന്നും രക്ഷപെടാൻ ശ്രമിക്കുന്നവരെ എതിർക്കുന്നതെന്നും ആക്ഷേപങ്ങൾ നിലനിൽക്കുന്നുണ്ട്.