Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

ബസുകൾ പിന്നിലേയ്ക്ക് എടുക്കുമ്പോൾ അപകടം ഒഴിവാക്കാൻ റിവേഴ്സ് ഹോൺ ഘടിപ്പിക്കും; റിസർവേഷൻ സീറ്റുകൾക്ക് കളർ കോഡ്; തകരാറുകൾ മൂലം യാത്രക്കാരെ അര മണിക്കൂറിൽ കൂടുതൽ വഴിയിൽ നിർത്തില്ല; പ്രൊഫഷനിലിസത്തിലൂടെ കെഎസ്ആർടിസിയെ നന്നാക്കാൻ ബിജു പ്രഭാകർ

ബസുകൾ പിന്നിലേയ്ക്ക് എടുക്കുമ്പോൾ അപകടം ഒഴിവാക്കാൻ റിവേഴ്സ് ഹോൺ ഘടിപ്പിക്കും; റിസർവേഷൻ സീറ്റുകൾക്ക് കളർ കോഡ്; തകരാറുകൾ മൂലം യാത്രക്കാരെ അര മണിക്കൂറിൽ കൂടുതൽ വഴിയിൽ നിർത്തില്ല; പ്രൊഫഷനിലിസത്തിലൂടെ കെഎസ്ആർടിസിയെ നന്നാക്കാൻ ബിജു പ്രഭാകർ

മറുനാടൻ മലയാളി ബ്യൂറോ

തിരുവനന്തപുരം: അടിമുടി മാറ്റത്തിലൂടെ മുഖം മിനുക്കി കെഎസ്ആർടിസിയെ നന്നാക്കാൻ കഴിയുമോ എന്ന ശ്രമത്തിലാണ് സിഎംഡി ബിജു പ്രഭാകർ. കെഎസ്ആർടിസി സ്റ്റേഷനുകളിൽ നിന്ന് ബസ് പിന്നോട്ടെടുക്കുമ്പോൾ ഉണ്ടാകുന്ന അപകടങ്ങൾ ഒഴിവാക്കാൻ ബസുകൾക്ക് റിവേഴ്സ് ഹോൺ സംവിധാനം ഒരുക്കുന്നു. തമ്പാനൂർ ഡിപ്പോയിൽ അടുത്തിടെ ബസ് പിന്നോട്ടെടുക്കുന്നതിനിടെ അപകടത്തിൽ ഒരാൾ മരിച്ച സാഹചര്യത്തിലാണ് അടിയന്തിര നടപടി. എല്ലാ ബസുകൾക്കും റിവേഴ്സ് ഹോൺ ഘടിപ്പിക്കാൻ സിഎംഡി ബിജു പ്രഭാകർ കർശന നിർദ്ദേശം നൽകിയതായാണ് റിപ്പോർട്ടുകൾ.

കെഎസ്ആർടിസി സർവീസിനോട് യാത്രക്കാർക്കുള്ള വിശ്വാസ്യത വർദ്ധിപ്പിക്കാൻ ബ്രേക്ക്ഡൗൺ അല്ലെങ്കിൽ അപകടം മൂലം യാത്ര മുടങ്ങുന്ന സാഹചര്യം ഒഴിവാക്കാനും നിർദ്ദേശം നൽകിയിട്ടുണ്ട്. അപകടമോ ബ്രേക്ക്ഡൗൺ കാരണമോ യാത്രക്കാരെ പരമാവധി 30 മിനിറ്റിൽ കൂടുതൽ വഴിയിൽ നിർത്തില്ലെന്നും ഉടൻ തന്നെ പകരം യാത്രാ സൗകര്യം ഒരുക്കണമെന്നുമാണ് സിഎംഡിയുടെ പ്രത്യേക നിർദ്ദേശം.

ബസുകളിലെ സംവരണം ചെയ്ത സീറ്റുകൾ യാത്രക്കാർക്ക് വേഗത്തിൽ തിരിച്ചറിയാൻ പ്രത്യേകം നിറം നൽകി കളർ കോഡിങ് ഏർപ്പെടുത്താനും നിർദേശിച്ചിട്ടുണ്ട്. എല്ലാ ബസുകളിലും എയർ വെന്റ് ഡോർ, വാട്ടർ ബോട്ടിൽ ഹോൾഡർ, ഡ്രൈവർ സീറ്റ് ഡ്രൈവർക്ക് സൗകര്യപ്രദമായ രീതിയിൽ വയ്ക്കുന്നതിന് സംവിധാനം, സ്ഥലനാമ ബോർഡുകൾ തെളിഞ്ഞു കാണുന്നതിന് പ്രത്യേക എൽഇഡി ബോർഡുകൾ എന്നിവയും ഘടിപ്പിക്കാൻ നിർദേശിച്ചിട്ടുണ്ട്.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP