Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Dec / 202002Wednesday

വിവാദങ്ങളുടെ കൊടുംചൂടിൽ പിണറായി സർക്കാരിന് കുളിർമഴ; രാജ്യത്തെ ഏറ്റവും ഭരണ മികവുള്ള സംസ്ഥാനം കേരളം; തമിഴ്‌നാടും ആന്ധ്രയും കർണാടകയും രണ്ടും മൂന്നും നാലും റാങ്കുകാർ; ഏറ്റവും പിന്നിൽ യുപിയും ഒഡിഷയും ബിഹാറും; റിപ്പോർട്ട് പുറത്തിറക്കിയത് കസ്തൂരിരംഗൻ അദ്ധ്യക്ഷനായ പബ്ലിക് അഫെയേഴ്‌സ് സെന്റർ

വിവാദങ്ങളുടെ കൊടുംചൂടിൽ പിണറായി സർക്കാരിന് കുളിർമഴ; രാജ്യത്തെ ഏറ്റവും ഭരണ മികവുള്ള സംസ്ഥാനം കേരളം; തമിഴ്‌നാടും ആന്ധ്രയും കർണാടകയും രണ്ടും മൂന്നും നാലും റാങ്കുകാർ; ഏറ്റവും പിന്നിൽ യുപിയും ഒഡിഷയും ബിഹാറും; റിപ്പോർട്ട് പുറത്തിറക്കിയത് കസ്തൂരിരംഗൻ അദ്ധ്യക്ഷനായ പബ്ലിക് അഫെയേഴ്‌സ് സെന്റർ

മറുനാടൻ ഡെസ്‌ക്‌

ന്യൂഡൽഹി: വിവാദങ്ങളുടെ കൊടുംചൂടിൽ പൊരിയുന്നതിനിടെ പിണറായി സർക്കാരിന് ഒരു കുളിർമഴ. ഏറ്റവും മികച്ച ഭരണമുള്ള സംസ്ഥാനമായി കേരളത്തെ തിരഞ്ഞെടുത്തു. പബ്ലിക് അഫെയേഴ്‌സ് സെന്റർ പുറത്തിറക്കിയ പബ്ലിക് അഫെയ്‌ഴ്‌സ് ഇൻഡെക്‌സ്-2020 ൽ യുപിയാണ് ഭരണമികവിൽ ഏറ്റവും പിന്നിലുള്ള സംസ്ഥാനം. വെള്ളിയാഴ്ചാണ് ന്യൂഡൽഹി കേന്ദ്രമാക്കിയ സംഘടനയുടെ വാർഷിക റിപ്പോർട്ട് പുറത്തിറക്കിയത്. ഐഎസ്ആർഒയുടെ മുൻചെയർമാൻ കെ.കസ്തൂരിരംഗനാണ് പിഎസി അദ്ധ്യക്ഷൻ.

ദക്ഷിണേന്ത്യൻ സംസ്ഥാനങ്ങളിൽ കേരളത്തിന് 1.388 പിഎഐ ഇൻഡെക്‌സ് പോയിന്റ്. തമിഴ്‌നാടിന് 0.912, ആന്ധ്ര-0.531, കർണാടക-0.468. ഭരണമികവിൽ ഈ സംസ്ഥാനങ്ങളാണ് ഒന്നാം റാങ്കുകാർ. സുസ്്ഥിര വികസന സൂചിക അടിസ്ഥാനമാക്കിയാണ് റാങ്ക്.

യുപി, ഒഡിഷ, ബിഹാർ എന്നിവ റാങ്ക് പട്ടികയിൽ ഏറ്റവും പിന്നിലാണെന്ന് മാത്രമല്ല, നെഗറ്റീവ് പോയിന്റുകളുമുണ്ട്. -1.461, -1.201,-1.158 പോയിന്റ് എന്നിങ്ങനെ. ഇത് വലിയ സംസ്ഥാനങ്ങളുടെ വിഭാഗത്തിലെ കഥ.

ചെറിയ സംസ്ഥാനങ്ങളുടെ വിഭാഗത്തിൽ, ഗോവയ്ക്കാണ് ഏറ്റവും മുന്തിയ റാങ്ക് 1.745. മേഘാലയ(0.797), ഹിമാചൽ പ്രദേശ്: 0.725. ഈ വിഭാഗത്തിൽ ഏറ്റവും കുറഞ്ഞ പോയിന്റുകൾ നേടിയത് മണിപ്പൂർ(-0.363), ഡൽഹി(-0.289), ഉത്തരാഖണ്ഡ്(-0.277).

ചണ്ഡീഗഡാണ് ഏറ്റവും മികച്ച കേന്ദ്രഭരണപ്രദേശം. 1.05 പിഎഐ പോയിന്റ്. പുതുച്ചേരി(0.52), ലക്ഷദ്വീപ്( 0.003). ദാദർ ആൻഡ് നാഗർ ഹാവേലി(0.69), ആൻഡമാൻ, ജമ്മു-കശ്മീർ(-0.50), നിക്കോബാർ(-0.30) എന്നിവ ഏറ്റവും പിന്നിലാണ്. സുസ്ഥിര വികസനം അടക്കമുള്ള മാനദണ്ഡങ്ങൾ മുൻനിർത്തിയുള്ള സൂചിക അനുസരിച്ചാണ് വിവിധ സംസ്ഥാനങ്ങളിലെ ഭരണസംവിധാനത്തിന്റെ പ്രകടനങ്ങളെ വിലയിരുത്തിയിരിക്കുന്നത്. സമത, വളർച്ച, സുസ്ഥിരത എന്നീ മൂന്നുഘടകങ്ങളാണ് അടിസ്ഥാനമാക്കിയത്. രാജ്യത്ത് നടന്നുകൊണ്ടിരിക്കുന്ന സാമ്പത്തിക-സാമൂഹിക മാറ്റങ്ങളെ കുറിച്ച് ആലോചിക്കാൻ പിഎഐ റിപ്പോർട്ട് 2020 നൽകുന്ന തെളിവുകൾ ഉൾക്കാഴ്ച നൽകുമെന്ന് കസ്തൂരിരംഗൻ പറഞ്ഞു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP