Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

മതസൗഹാർദം തകർക്കാൻ ബോധപൂർവം ഇവരെ വിലയ്ക്കെടുത്തതാണോ? ഉദയ്പൂരിലെ മുഴുവൻ മുസ്ലിം കച്ചവടക്കാരെയും ഉന്മൂലനം ചെയ്യാൻ ആസൂത്രിതമായി ബിസിനസ് താൽപര്യക്കാർ സംഘടിപ്പിച്ചതാണോ? മനസ്സാക്ഷിയെ നടക്കുന്ന അരുംകൊലയിലും ഗൂഢാലോചനാ തിയറുമായി കെ ടി ജലീൽ; എല്ലാം യഹൂദന്മാരെന്ന് ഇസ്ലാമിസ്റ്റ് തിയറിയെന്ന് വിമർശനം

മതസൗഹാർദം തകർക്കാൻ ബോധപൂർവം ഇവരെ വിലയ്ക്കെടുത്തതാണോ? ഉദയ്പൂരിലെ മുഴുവൻ മുസ്ലിം കച്ചവടക്കാരെയും ഉന്മൂലനം ചെയ്യാൻ ആസൂത്രിതമായി ബിസിനസ് താൽപര്യക്കാർ സംഘടിപ്പിച്ചതാണോ? മനസ്സാക്ഷിയെ നടക്കുന്ന അരുംകൊലയിലും ഗൂഢാലോചനാ തിയറുമായി കെ ടി ജലീൽ; എല്ലാം യഹൂദന്മാരെന്ന് ഇസ്ലാമിസ്റ്റ് തിയറിയെന്ന് വിമർശനം

ന്യൂസ് ഡെസ്‌ക്‌

മലപ്പുറം:ഉദയ്പൂർ കൊലപാതകത്തിൽ വീണ്ടും ഗുഡാലോചന തിയറിയുമായി കെ ടി ജലീൽ.ഉദയ്പൂരിലെ കൊലപാതകം മുസ്ലിം കച്ചവടക്കാരെ ഉന്മൂലനം ചെയ്യാൻ ആസൂത്രിതമായി നടത്തിയതാണോയെന്ന് പരിശോധിക്കണമെന്ന് ജലീൽ ആവശ്യപ്പെടുന്നത്.രാജ്യത്തെയാകെ ഞെട്ടിച്ച കൊലപാതകത്തിൽ ഒരു മുൻ മന്ത്രിയുടെയും നിലവിലെ എംഎൽഎയുടെയും ഭാഗത്ത് നിന്നുമുണ്ടായ ഈ പരാമർശം വിവാദത്തിന്
വഴിവെക്കുന്നതാണ്.ഫേസ്‌ബുക്കിൽ പങ്കുവെച്ച കുറിപ്പിലാണ് വിവാദ പരാമർശം.

വേഷം മാറിവന്ന് പക തീർത്ത് വഴി തിരിച്ച് വിടാൻ നടത്തിയ ശ്രമമാണോ നടന്നതെന്നും പരിശോധിക്കണമെന്നും ജലീൽ പ്രതികരിച്ചു.പണമോ മറ്റു പ്രലോഭനങ്ങളോ ചൊരിഞ്ഞ് രണ്ട് മുസ്ലിം നാമധാരികളെ വിലയ്ക്കെടുത്ത്, ഇന്ത്യൻ മുസ്ലിങ്ങളുടെ സമാധാനം കെടുത്താൻ ബാഹ്യശക്തികൾ ചെയ്യിച്ച മനുഷ്യ മനസ്സാക്ഷിയെ ഞെട്ടിച്ച കൊലപാതകമാണോ ഉദയ്പൂരിലേതെന്ന് പ്രത്യേകം നോക്കണമെന്നും ജലീൽ കുറിച്ചു.ഹീന പ്രവൃത്തി നടത്തിയവരുടെ മട്ടും ഭാവവും, വീഡിയോ ചിത്രീകരണവുമൊക്കെ പരിശോധിക്കുമ്പോൾ ദുരൂത മണക്കുന്നുണ്ടെന്നും ജലീൽ കൂട്ടിച്ചേർത്തു.

കുറിപ്പിന്റെ പൂർണ്ണരൂപം

ഉദയ്പൂരിൽ കണ്ട കൊടുംക്രൂരത

ഉദയ്പൂരിൽ പ്രവാചക നിന്ദയുടെ പേരിലെന്ന ലേബലിൽ അരങ്ങേറിയത് അങ്ങേയറ്റം പൈശാചിക കൃത്യമാണ്. മനുഷ്യന്റെ തലയറുത്ത് ഈ കാപാലികർ എങ്ങോട്ടാണ് നാടിനെ കൊണ്ടു പോകുന്നത്.

നിന്ദ്യരും നികൃഷ്ടരുമായ ഈ വർഗ്ഗീയ ഭ്രാന്തന്മാരെ എത്രയും വേഗം നിയമത്തിന് മുന്നിൽ കൊണ്ടു വന്ന് പരമാവധി ശിക്ഷ ഉറപ്പു വരുത്തണം. താടിയും തലപ്പാവുമായെത്തി പട്ടാപ്പകൽ ഒരു മനുഷ്യനെ കഴുത്തറുത്തുകൊന്ന പിശാചുക്കൾ ഇസ്ലാമിനെയാണ് അപമാനിച്ചത്. അവർ മാപ്പർഹിക്കുന്നേയില്ല. ഈ തെമ്മാടികളെ പിടികൂടി തൂക്കിലേറ്റാൻ ഒട്ടും സമയം വൈകിക്കൂട.

രാജ്യത്ത് നിലനിൽക്കുന്ന മത സൗഹാർദ്ദം തകർക്കാൻ ബോധപൂർവ്വം ഇവരെ വിലയ്ക്കെടുത്ത് ആരെങ്കിലും ചെയ്യിച്ചതാണോ പ്രസ്തുത കൊലപാതകമെന്ന് പ്രത്യേകം അന്വേഷിക്കണം. വേഷം മാറി വന്ന് പക തീർത്ത് വഴി തിരിച്ച് വിടാൻ നടത്തിയ ശ്രമമാണോ നടന്നതെന്നും പരിശോധിക്കണം. വർഗീയ കലാപം നടത്തി, ഉദയ്പൂരിലെ മുഴുവൻ മുസ്ലിം കച്ചവട ക്കാരെയും ഉന്മൂലനം ചെയ്യാൻ ആസൂത്രിതമായി ബിസിനസ് താൽപര്യക്കാർ സംഘടിപ്പിച്ചതാണോ അരുകൊലയെന്നും സൂക്ഷ്മമായി അപഗ്രഥിക്കണം.

പണമോ മറ്റു പ്രലോഭനങ്ങളോ ചൊരിഞ്ഞ് രണ്ട് മുസ്ലിം നാമധാരികളെ വിലയ്ക്കെടുത്ത്, ഇന്ത്യൻ മുസ്ലിങ്ങളുടെ സമാധാനം കെടുത്താൻ ബാഹ്യശക്തികൾ ചെയ്യിച്ച മനുഷ്യ മനസ്സാക്ഷിയെ ഞെട്ടിച്ച കൊലപാതകമാണോ ഉദയ്പൂരിലേതെന്ന് പ്രത്യേകം നോക്കണം.

ഹീന പ്രവൃത്തി നടത്തിയവരുടെ മട്ടും ഭാവവും, വീഡിയോ ചിത്രീകരണവുമൊക്കെ കണ്ടിട്ട് എന്തൊക്കെയോ ദുരൂഹത മണക്കുന്നുണ്ട്.

എന്തായാലും ക്രൂരകൃത്യം ചെയ്ത നരാധമന്മാർക്ക് കൊലക്കയർ തന്നെ നൽകണം. അവരെ വെറുതെ വിടരുത്. നാടിനെ രക്ഷിക്കാൻ അവർക്ക് ശിക്ഷ നൽകിയേ പറ്റൂ.

 

വ്യാപകമായ വിമർശനമാണ് ജലീലിന്റെ പോസ്റ്റിന് പിന്നാലെയുണ്ടാകുന്നത്.ഹിന്ദുക്കൾ ആണ് ഇത് പോലെ ചെയ്തത് എങ്കിൽ,, അവരെ വേഷം കെട്ടിച് കൊണ്ട് വന്നതാണ് എന്ന് പറയുമായിരുന്നോ? ലോകം മുഴുവൻ തീവ്രവാദി കൾ ആയ ഇസ്ലാമിക ഭീകരർ ഇവിടെ വന്നപ്പോൾ വേഷം കെട്ടിച്ചവർ ആയി... അതെ ശ്രീലങ്കയിലും,, ന്യൂസ്ലാൻഡിലും,, ഫ്രാൻസിലും ഒക്കെ അമിത് ഷ വേഷം കെട്ടിച് വിട്ടവർ ആണ് തീവ്രവാദികൾ ആയത്...ബോംബെ അറ്റാക്ക് നടത്തിയത് മോദി പറഞ്ഞിട്ട് ആയിരുന്നു.. ഭരണം കിട്ടാൻ.. എന്തൊരു വെളുപ്പിക്കൽ മുന്മന്ത്രിയെന്നാണ് ഒരാൾ കുറിച്ചിരിക്കുന്നത്.

വേഷം മാറി വന്ന യഹൂദന്മാരാണെന്നു ആവും പറഞ്ഞുവരുന്നത്.തലവെട്ട് സുഡാപ്പി തീവ്രവാദികളെ താങ്കളെ പോലൊരു മതഭ്രാന്തൻ ന്യായീകരിക്കാൻ ശ്രമിക്കുക സ്വാഭാവികമാണല്ലോയെന്നണ് മറ്റൊരു വിമർശനം.ഇന്ത്യക്കു വെളിയിൽ ആയിരുന്നെങ്കിൽ ഞമ്മക്ക് ഇതൊക്കെ യഹൂദന്റെയോ അമേരിക്കയുടെയോ തലയിൽ വെക്കാമായിരുന്നല്ലേ ജലീലെ..ഇതിപ്പോ വീഡിയോ വരെ പിടിച്ചു വെച്ചേക്കുവല്ലേ.. അപ്പൊ ഇസ്ലാമിക തീവ്രവാദികൾ എന്ന് തന്നെ എഴുതണം ജെലീലെ.. എന്നാണ് മറ്റൊരു പ്രതികരണം.അധികം വൈറ്റ് വാഷ് ചെയ്യണ്ട ജലീലിക്കാ. ലോകം മുഴുവൻ ഈ മതം പ്രവാചകന്റെപേരിൽ ചെയ്യുന്നത് ഇതുതന്നെയാണ്. നിങ്ങൾക്ക് വെള്ളപൂശാതെ തീവ്രവാദം ഇല്ലാതാക്കാൻ എന്തെങ്കിലും ചെയ്തുകൂടെയെന്നും ചിലർ ചോദിക്കുന്നു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP