1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr

Jul / 2020
10
Friday

ജമാഅത്തെ ഇസ്ലാമിക്ക് ഹറാമായ വിധി അവരുടെ രാഷ്ട്രീയ പാർട്ടിയായ വെൽഫയർ പാർട്ടിക്ക് ഹലാൽ; ഫ്രറ്റേണിറ്റിക്ക് ഹലാലായ വിധി എസ്ഐഒക്കും സോളിഡാരിറ്റിക്കും ഹറാം! സ്വവർഗരതി നിയമവിധേയമാക്കിയ സുപ്രീംകോടതി വിധിയിൽ ജമാഅത്തെ ഇസ്ലാമിയുടെ ഇരട്ടത്താപ്പിനെ ട്രോളിക്കൊന്ന് സോഷ്യൽ മീഡിയ; ആർഎസ്എസുമായുള്ള അന്തർധാര പ്രകടമെന്നും ട്രോളന്മാർ!

September 12, 2018 | 05:53 PM IST | Permalink



ജമാഅത്തെ ഇസ്ലാമിക്ക് ഹറാമായ വിധി അവരുടെ രാഷ്ട്രീയ പാർട്ടിയായ വെൽഫയർ പാർട്ടിക്ക് ഹലാൽ; ഫ്രറ്റേണിറ്റിക്ക് ഹലാലായ വിധി എസ്ഐഒക്കും സോളിഡാരിറ്റിക്കും ഹറാം! സ്വവർഗരതി നിയമവിധേയമാക്കിയ സുപ്രീംകോടതി വിധിയിൽ ജമാഅത്തെ ഇസ്ലാമിയുടെ ഇരട്ടത്താപ്പിനെ ട്രോളിക്കൊന്ന് സോഷ്യൽ മീഡിയ; ആർഎസ്എസുമായുള്ള അന്തർധാര പ്രകടമെന്നും ട്രോളന്മാർ!

ജാസിം മൊയ്‌ദീൻ

കോഴിക്കോട്: സ്വവർഗ്ഗാനുരാഗം നിയമവിധേയമാക്കിയ സുപ്രിംകോടതി വിധിയിൽ ജമാഅത്തെ ഇസ്ലാമിക്കും അനുബന്ധ സംഘടനകൾക്കും വ്യത്യസ്ത നിലപാട്.ജമാഅത്തെ ഇസ്ലാമി വിധിയെ നിശിതമായ വിമർശിക്കുമ്പോൾ സംഘടനയുടെ പാർട്ടിയായ വെൽഫയർ പാർട്ടി ഇതിനെ അനുകൂലിക്കയാണ്.വെൽഫയർ പാർട്ടിയുടെ വിദ്യാർത്ഥി സംഘടനയായ ഫ്രട്ടേണിറ്റി മൂവ്മെന്റ് വിധിയെ അനുകൂലിക്കുമ്പോൾ, ജമാഅത്തിന്റെ നേരിട്ടുള്ള നിയന്ത്രണത്തിലുള്ള വിദ്യാർത്ഥിസംഘടനയായ എസ്ഐഒയും യുവജനസംഘടനയായ സോളിഡാരിറ്റിയും വിധിയെ എതിർക്കയാണ്.ഒരു സംഘടനക്ക് ഹലാൽ ആയത് എങ്ങനെയാണ് സഹോദര സംഘടനക്ക് ഹറാമാവുന്നെത് എന്ന് ചോദിച്ച് സോഷ്യൽ മീഡിയ രംഗത്തിറങ്ങിയതോടെ ജമാഅത്തുകാർ ശരിക്കും പ്രതിരോധത്തിലാണ്.

സ്വവർഗ്ഗാനുരാഗം നിയമവിധേയമാക്കിയ സുപ്രിംകോടതി വിധിയിൽ ഇന്ന് മാധ്യമങ്ങളിൽ ജമാഅത്തെ ഇസ്ലാമി സംസ്ഥാന അമീറിന്റേതായ പ്രസ്താവനയുണ്ട്.സുപ്രിം കോടതി വിധി അംഗീകരിക്കാനാവില്ല എന്നാണ് എംഐ അബ്ദുൽ അസീസിന്റെ പ്രസ്താവന. അതായത് ഇന്ത്യാരാജ്യത്തെ പരമോന്നത നീതിപീഠത്തിന്റെ വിധി അംഗീകരിക്കാനാവില്ലെന്ന്. വിധി പുറപ്പെടുവിച്ച അന്ന് ആർഎസ്എസും ഇതു തന്നെയാണ് പറഞ്ഞത്.

ജമാഅത്തെ ഇസ്ലാമി, വെൽഫയർപാർട്ടി, ഫ്രട്ടേണിറ്റി മൂവ്‌മെന്റ്, എസ്‌ഐഒ ഇവയൊക്കെ ഒരമ്മപെറ്റ മക്കാളാണെന്ന് അരിയാഹാരം കഴിക്കുന്നവർക്ക് മനസ്സിലാകുന്നതാണെന്നാണ് സോഷ്യൽ മീഡിയിൽ വിമർശകർ ചൂണ്ടിക്കാട്ടുന്നത്. ഈ പലസംഘടനകളുടെയും ഭാരവാഹികൾ പോലും ഒരേ ആളുകളാണ്. ഉദാഹരണത്തിന് വെൽഫയർപാർട്ടിക്ക് വേണ്ടി വേങ്ങര ജില്ലാപഞ്ചായത്ത് ഡിവിഷനിലേക്ക് മത്സരിച്ച ജംഷീൽ അബൂബക്കർ തന്നെയാണ് ഫ്രട്ടേണിറ്റി മൂവ്‌മെന്റിന്റെ സംസ്ഥാന നേതാക്കളിലൊരാൾ. എസ്‌ഐഒയുടെ പഴയ കോഴിക്കോട് ജില്ലാ പ്രസിഡണ്ട് നഈം ഗഫൂർ തന്നെയാണ് ഇപ്പോൾ ഫ്രട്ടേണിറ്റിയുടെയും കോഴിക്കോട് ജില്ലാ പ്രസിഡണ്ട്. ഇത്തരം നിരവധി ഉദാഹരണങ്ങൾ ഇവരുടെ സംഘടനകളിൽ കാണം. ഇങ്ങനൊക്കെയാണെങ്കിലും ഇവർ പറയും ഞങ്ങളെല്ലാം സ്വതന്ത്രപാർട്ടികളാണെന്ന്. ഒരുമാതിരി ഡിവൈഎഫ്‌ഐക്ക് സിപിഎമ്മുമായി യാതൊരു ബന്ധവുമില്ലെന്ന് പറയുന്നത് പോലെയെന്നാണ് സോഷ്യൽ മീഡിയ ടോളുന്നത്.ജമാഅത്തെ ഇസ്ലാമിയും ആർഎസഎസും തമ്മിലുള്ള അന്തർധാര ഇത്ര സജീവമായതായി അറിഞ്ഞിരുന്നില്ലെന്നും ട്രോളന്മാർ ചൂണ്ടിക്കാട്ടുന്നു.

എന്നാൽ എഴുത്തുകാരൻ ഹമീദ് ചേന്ദമംഗല്ലൂരിനെപ്പോലുള്ളവർ പറയുന്നത് ഇത് ജമാഅത്തെ ഇസ്ലാമിയുടെ അടവ് മാത്രമാണെന്നാണ്.മതരാഷ്ട്ര വാദമെന്ന അപകടകരമായ മൗദൂദിയൻ ആശയം മറച്ചുവെച്ച് ജനാധിപത്യ വാദികളായി നടക്കാനുള്ള ജമാഅത്തെയുടെ വേഷം കെട്ടലുകൾ മാത്രമാണ് ഇവയെന്നും, ഇത്തരം വിധികൾ വരുമ്പോഴാണ് ഇവരൂടെ മുഖംമൂടി അഴിയുകയെന്നും അദ്ദേഹം ചൂണ്ടിക്കാട്ടുന്നു.

ജമാഅത്തെ ഇസ്ലാമിയുടെ നിലപാട്

വിധിപ്രസ്താവിച്ച ആ ദിവസം തന്നെ സഘടനയും ഇതേ നിലപാട് മുന്നോട്ട് വെച്ചിട്ടുണ്ട്. കുടുംബ ബന്ധങ്ങളെ തകർക്കുമെന്നാണ് അന്ന് സംഘടന പറഞ്ഞത്. ജമാഅത്തെ ഇസ്ലാമിയുടെ സംസ്ഥാന അമീർ എംഐ അബ്ദുൽ അസീസ് കഴിഞ്ഞ ദിവസം ഫേസ്‌ബുക്കിൽ കുറിച്ചത് കോടതി വിധിയെ അംഗീകരിക്കില്ല എന്നാണ്. അദ്ദേഹം ഇപ്പോഴും അത് തന്നെയാണ് ആവർത്തിക്കുന്നത്. അതായത് ഇന്ത്യരാജ്യത്തെ നിയമസംവിധാനത്തെ അംഗീകരിക്കുന്നില്ല എന്നു തന്നെയാണ് ഇതിന്റെ അർഥമെന്നും വിമർശകർ ചൂണ്ടിക്കാട്ടുന്നു.

അബ്ദുൽ അസീസിന്റെ നിലപാടിന്റെ പൂർണ്ണ രൂപം ഇപ്രകാരമാണ്:

വ്യക്തിസ്വാതന്ത്ര്യത്തിന്റെയും സ്വകാര്യതയുടെയും പേരിൽ സ്വവർഗരതിക്ക് നിയമാംഗീകാരം നൽകുന്ന നടപടി അംഗീകരിക്കാനാവില്ല. പ്രകൃതി നിയമങ്ങളെ വെല്ലുവിളിക്കുന്ന വലിയ സാമൂഹിക തിന്മയാണ് സ്വവർഗരതി. സദാചാരബോധവും ധാർമിക മൂല്യങ്ങളുമുള്ള ഒരു സമൂഹത്തിനും ഇത്തരം വൈകൃതങ്ങളെ പൊറുപ്പിക്കാനാവില്ല. പൗരാവകാശങ്ങളിലും വ്യക്തിയുടെ സ്വകാര്യതയ്ക്കും മേൽ ഭരണകൂടങ്ങൾ കയ്യേറ്റം നടത്തുന്നുവെന്നത് യാഥാർഥ്യമാണ്. അത്തരം പ്രവണതകളെ തടയുന്നതിന് സമഗ്രമായ നിയമനിർമ്മാണം നടത്തുന്നതിന് പകരം സമൂഹത്തിന്റെ ധാർമികബോധത്തിന് മേൽ നടത്തുന്ന കയ്യേറ്റം അപലപനീയമാണ്. നിയമങ്ങളും ചട്ടങ്ങളും മാത്രമല്ല, ഉദാത്തമായ ധാർമിക സദാചാര മൂല്യങ്ങൾ കൂടിയാണ് സമൂഹത്തെ ആരോഗ്യകരമായി നിലനിർത്തുന്നത്. ഇവ തമ്മിലുള്ള പാരസ്പര്യമാണ് പ്രോൽസാഹിപ്പിക്കപ്പെടേണ്ടത്. സമൂഹത്തിന്റെ ധാർമികതയെയും സദാചാരത്തെയും മാനിക്കാനുള്ള ബാധ്യത ഭരണകൂടങ്ങൾക്കും നീതിന്യായ സ്ഥാപനങ്ങൾക്കുമുണ്ട്.

മനോവൈകൃതങ്ങളുടെ കൂട്ടത്തിലാണ് സ്വവർഗലൈംഗികത കണക്കാക്കപ്പെട്ടിരുന്നത്. ലോകത്തിന്റെ പല ഭാഗങ്ങളിലും മനോരോഗങ്ങളുടെ കൂട്ടത്തിൽ നിന്നും അത് ഒഴിവാക്കാപ്പെടാൻ ശാസ്ത്രീയ പിൻബലമായിരുന്നില്ല കാരണം. മറിച്ച് സാമൂഹിക സമ്മർദമായിരുന്നു. മനോരോഗങ്ങളുടെയും മറ്റ് രോഗങ്ങളുടെയും വ്യാപനത്തിന് സ്വവർഗ ലൈംഗികത കാരണമാകുന്നുവെന്നും ചൂണ്ടിക്കാണിക്കപ്പെട്ടിട്ടുണ്ട്.
സ്വവർഗലൈംഗികതക്ക് സാധുതയും പ്രോൽസാഹനവും നൽകുന്ന നടപടികൾ സ്വാഗതം ചെയ്യപ്പെടുന്നത് നമ്മുടെ നാടിനെ ഗ്രസിച്ചിരിക്കുന്ന ധാർമികാധപതനത്തിന്റെ ആഴമാണ് സൂചിപ്പിക്കുന്നത്. അറപ്പുളവാക്കുന്ന നീചകൃത്യങ്ങൾ ന്യായീകരിക്കപ്പെടുന്നത് മലീമസമായ സാമൂഹികാന്തരീക്ഷത്തിന്റെ സൂചനയാണ്.

ട്രാൻസ് ജൻഡേഴ്സ് അനുഭവിക്കുന്ന പ്രതിസന്ധികളെ അനുഭാവപൂർവം പരിഗണിക്കാൻ സമൂഹവും ഭരണകൂടവും തയാറാകണം. ട്രാൻസ്ജൻഡേഴ്സിനെ പരിഗണിക്കുന്ന പ്രത്യേക നിയമനിർമ്മാണം അനിവാര്യമാണ്. ട്രാൻസ്ജൻഡേഴ്സ് അനുഭവിക്കുന്ന സാമൂഹികമായ വിവേചനങ്ങൾക്കും അതിക്രമങ്ങൾക്കും പരിഹാരമാവാൻ നിലവിലെ സുപ്രീം കോടതി ഇടപെടൽ പര്യാപ്തമല്ല. സ്വവർഗലൈഗിംകതക്ക് അംഗീകാരം നൽകുന്ന നടപടികൾ അവരുടെ പ്രതിസന്ധികൾ വർധിക്കാൻ കാരണമാവും. അവർ കൂടുതൽ ചൂഷണത്തിന് വിധേയമാകാനും ഇടയാക്കും. ട്രാൻസ്ജൻഡേഴ്സിന്റെ പേരിൽ ഉദാര ലൈംഗികവാദികളും സദാചാരവിരുദ്ധരുമാണ് കോടതി ഇടപെടലിനെ ആഘോഷമാക്കുന്നത്.

വെൽഫെയർ പാർട്ടി നേതാവ് ശ്രീജ നെയ്യാറ്റിൻകരയുടെ നിലപാട്

ജമാഅത്തെ ഇസ്ലാമിയുടെ നിലപാടിന് നേർവിപരീതമായാണ് അവരുടെ തന്നെ രാഷ്ട്രീയപാർട്ടിയായ വെൽഫയർപാർട്ടിയുടെ സംസ്ഥാന നേതാവായ ശ്രീജ നെയ്യാറ്റിൻകരയുടെ നിലപാട്. വിധിയെ സ്വാഗതം ചെയ്തും വിധിക്കെതിരെ നിലപാടെടുക്കുന്ന മതസംഘടനകളെ കണക്കിന് വിമർശിച്ചുമാണ് അവർ നിലപാടെടുത്തത്. .എന്നാൽ ഇത് തന്നെയാണോ വെൽഫയർപാർട്ടിയുടെ ഔദ്യോഗിക നിലപാടെന്നും അല്ലെങ്കിൽ പാർട്ടിയിലെ തന്നെ ഹമീദ് വാണിയമ്പലത്തിന്റെ നിലപാടെന്നും വ്യക്തമാക്കണമെന്നും വിമർകർ ചോദിക്കുന്നു.

ശ്രീജ നെയ്യാറ്റിൻകരയുടെ നിലപാടിന്റെ പൂർണ്ണരൂപം

സ്വവർഗാനുരാഗം ...സുപ്രീം കോടതി വിധിയെ എതിർക്കുന്ന മതസംഘടനകളോട് ഇത്രയേ പറയാനുള്ളൂ നിങ്ങളുടെ ധാർമ്മികബോധവും യുക്തിയും അനുസരിച്ചു മാറ്റിയെഴുതാനുള്ള ഒന്നല്ല ഇന്ത്യൻ ഭരണഘടന .... ഭരണഘടനയെ മാറ്റിവച്ചു മനുസ്മൃതി ഭരണം നടത്തിക്കൊണ്ടിരിക്കുന്ന സംഘ് പരിവാറിനോളം അധഃപതിക്കരുത് നിങ്ങളൊന്നും ....മതശാസനകൾ നടപ്പിലാക്കാൻ മതമല്ല ഈ രാജ്യം ഭരിക്കുന്നത് ... ഈ രാജ്യത്തെ മുഴുവൻ മനുഷ്യരുടേയും അവകാശങ്ങൾ ഉറപ്പുവരുത്തുന്ന ഒരു ഭരണഘടനയുടെ ബലത്തിലാണ് ഈ രാജ്യത്തിന്റെ നിലനിൽപ് അത് മറന്നു പോകരുത് ...ഒരു മതവിശ്വാസിക്ക് മതമനുസരിച്ചു ജീവിക്കാനുള്ള ഭരണഘടനാവകാശമുണ്ട് അതനുസരിച്ചു നിങ്ങൾ എങ്ങനേയും ജീവിച്ചുകൊൾക .. മറ്റുള്ളവന്റെ അവകാശത്തിൽ ദയവായി കൈകടത്താതിരിക്കുക ... ബീഫിന്റെ കാര്യത്തിൽ സംഘ് പരിവാർ പറയുന്ന ന്യായീകരണത്തിനു സമാനമായ ന്യായീകരണവും പൊക്കിപ്പിടിച്ചു സുപ്രീംകോടതി വിധിയുടെ കാര്യത്തിൽ വരാതിരിക്കാനുള്ള സാമാന്യ മര്യാദയെങ്കിലും കാണിക്കുക ..അഥവാ സ്വവർഗാനുരാഗികളെ അവരുടെ പാട്ടിന് വിടുക ...

ഫ്രട്ടേണിറ്റി മൂവ്‌മെന്റിന്റെ ഒദ്യോഗിക നിലപാടിന്റെ പൂർണ്ണരൂപം ഇതാണ്.

ഐ.പി.സി 377 ഭാഗികമായി റദ്ദ് ചെയ്ത സുപ്രീം കോടതിവിധി ജനാധിപത്യ ഇന്ത്യയെ സംബന്ധിച്ചിടത്തോളം ശ്രദ്ധേയമാണ്. ജനാധിപത്യ വ്യവസ്ഥയിൽ വ്യക്തിസ്വാതന്ത്ര്യവും സ്വകാര്യതയും വിലപ്പെട്ട ആശയങ്ങളാണ്. രാജ്യത്തെ ഭരണഘടന അത് ഉറപ്പുനൽകുന്നുണ്ട്. ഭരണകൂടവും ആധിപത്യ-അധികാര രൂപങ്ങളും വ്യക്തി സ്വാതന്ത്ര്യത്തിനും സ്വകാര്യതയ്ക്കും മേൽ കൈ വെക്കുന്ന ഏതൊരു നീക്കവും ചെറുക്കപ്പെടേണ്ടതാണ്. പൗരസ്വാതന്ത്ര്യത്തിന്റെ കാര്യത്തിൽ തീരുമാനമെടുക്കേണ്ടതും തീർപ്പുകളിൽ എത്തേണ്ടതും ഭൂരിപക്ഷഹിതമനുസരിച്ചല്ലെന്ന കോടതിയുടെ പരാമർശവും സ്വാഗതാർഹമാണ്. ലിംഗപരമായ വ്യത്യസ്തത കാരണം അന്യവൽരിക്കപ്പെട്ട വലിയൊരു വിഭാഗം ട്രാൻസ്‌ജെൻഡറുകൾ ഇവിടെയുണ്ട്. അവർക്കും വ്യത്യസ്ത ലൈംഗിക സ്വത്വം പുലർത്തുന്നവർക്കും നിയമഭേദഗതി പ്രതീക്ഷാദായകമാണ്. ട്രാൻസ്‌ജെൻഡർ സാമൂഹിക ജനവിഭാഗങ്ങൾ കാലങ്ങളായി നേരിടുന്ന അതിക്രമങ്ങളെയും വിവേചനങ്ങളെയും നിയമപരമായി ചോദ്യം ചെയ്യാൻ നിയമം കൊണ്ട് സാധ്യമാകും എന്ന് കരുതാവുന്നതാണ്. വ്യക്തിത്വവും ആത്മാഭിമാനം ഉയർത്തിപ്പിടിച്ചു കൊണ്ട് ജീവിക്കുവാനുള്ള അവകാശങ്ങൾക്കും വേണ്ടി നിയമ പോരാട്ടം നടത്തിയ ട്രാൻസ് കമ്മ്യൂണിറ്റി തീർച്ചയായും അഭിവാദ്യങ്ങൾ അർഹിക്കുന്നു. ലൈംഗികതയുടെ തിരഞ്ഞെടുപ്പിന്റെ പേരിൽ ഏതെങ്കിലും വ്യക്തിയോ സമൂഹമോ അക്രമിക്കപ്പെടുകയും ആൾക്കൂട്ട വിചാരണയ്ക്ക് വിധേയമാക്കപ്പെടുകയും അതിജീവനോപാധികൾ തടയപ്പെടുകയും ചെയ്യുന്നത് ശരിയല്ല. അത്തരം പ്രവണതകളിൽ നിന്ന് ഈ ജനവിഭാഗങ്ങൾക്ക് സംരക്ഷണം നൽകാനും ഈ നിയമഭേദഗതി ഉപകരിക്കും.

അതേസമയം രാജ്യത്തെ വലിയൊരു സമൂഹം ജനങ്ങൾ അവരുടെ വിശ്വാസത്തിന്റെയും ധാർമിക - സദാചാര കാഴ്ചപ്പാടുകളുടെയും ഭാഗമായി സ്വവർഗലൈംഗികതയെ അംഗീകരിക്കാത്തവരായുണ്ട്. അവരുടെ വിശ്വാസ കാഴ്ചപ്പാടുകളുമായി മുന്നോട്ടുപോകുവാനുള്ള സ്വാതന്ത്ര്യവും ഭരണഘടനയും ജനാധിപത്യ വ്യവസ്ഥയും അവർക്ക് പ്രദാനം ചെയ്യുന്നുണ്ട്. കുടുംബവ്യവസ്ഥ, ധാർമിക വിചാരങ്ങൾ തുടങ്ങിയ പൊതു സാമൂഹിക യാഥാർഥ്യങ്ങളും വ്യക്തിസ്വാതന്ത്ര്യവും സന്തുലിതമായി നിലനിൽക്കുന്ന സഹവർത്തിത്വം സാധ്യമാണോ എന്ന നിലയിലുള്ള വ്യവഹാരങ്ങൾ വരും കാലങ്ങളിൽ നമ്മുടെ ജനാധിപത്യ ഭാവനകളെ ശക്തിപ്പെടുത്തും എന്ന് കരുതുന്നു.

എസ്‌ഐഒ സംസ്ഥാന പ്രസിഡണ്ട് സിടി ശുഹൈബിന്റെ നിലപാട്

ഇനി അവസാനത്തേത് എസ്‌ഐഒവിന്റേതാണ്. പൂർണ്ണമായും ഖുർആനും ഹദീസുമൊക്കെ വിവരിച്ചാണ് എസ്‌ഐഒ നിലപാടെടുത്തത്. സംഘടനയുടെ സംസ്ഥാന പ്രസിഡണ്ട് സിടി ശുഹൈബാണ് നിലപാട് വ്യക്തമാക്കിയത്. ഇത് തന്നെയായിരിക്കും സംഘടനയുടേതും എന്ന് തന്നെ കരുതാം. സ്റ്റുഡന്റ്‌സ് 'ഇസ്ലാമിക്' ഓർഗനൈസേഷന് ഇത്തരമൊരു നിലപാടെടുക്കാനേ കഴിയൂവെന്നാണ് സോഷ്യൽ മീഡിയ ചൂണ്ടിക്കാട്ടുന്നത്. ഈയൊരു പേര്്‌കൊണ്ട് തന്നെയാണ് ഇവർ ഇനി കോളേജുകളിൽ പിടിച്ചുനിൽക്കാനാകില്ലെന്ന് കണ്ട് ഫ്രട്ടേണിറ്റിയെന്ന പേരിൽ പുതിയ സംഘടനയുണ്ടാക്കിയതുമെന്നുമാണ് ആരോപണം.

സിടി ശുഹൈബെടുത്ത നിലപാടിന്റെ പൂർണ്ണരൂപം

മറ്റൊരു വ്യക്തിയുടെ അവകാശത്തെ ഹനിക്കാത്തിടത്തോളം വ്യക്തി സ്വാതന്ത്ര്യത്തിന് പരിധികൾ നിശ്ചയിക്കേണ്ടതില്ലെന്ന കാഴ്ചപ്പാട് ഇസ്ലാമിനന്യമാണ്. മറ്റൊരു വ്യക്തിയെ ബാധിക്കുന്നില്ലെങ്കിലും അല്ലാഹുവിന്റെ അവകാശങ്ങൾ ഹനിക്കാതിരിക്കുക എന്നത് അതിൽ പ്രധാനമാണ്. അവൻ നിശ്ചയിച്ച പരിധികളിൽ നിൽക്കുക എന്നതാണ് അവനു നൽകേണ്ടുന്ന അവകാശം .അതാണ് ഇസ്ലാം മനസിലാക്കുന്ന ധാർമികതയും.

സ്വവർഗരതിയെ കുറിച്ച് ഖുർആൻ അതിരുകവിച്ചിൽ എന്നാണ് പ്രയോഗിച്ചത്.( 7:81)മനുഷ്യന്റെ താൽപര്യങ്ങളും ആഗ്രഹങ്ങളും ചോദനകളും പരിധികളില്ലാതെ സാക്ഷാൽക്കരിക്കപ്പെടേണ്ടതാണെന്ന കാഴ്ചപ്പാടിനെ ഇസ് ലാം നിരാകരിക്കുന്നു. അതാകട്ടെ സമ്പൂർണമായ നിരാകരണമല്ല മറിച്ച് പരിധി കളിൽ നിന്നു കൊണ്ടുള്ള ആഗ്രഹ പൂർത്തീകരണവും ആസ്വാദനങ്ങളും നിശ്ചയിച്ച് നൽകുകയും ചെയ്തിട്ടുണ്ട്. ഈ ലോകത്തിനപ്പുറം മറ്റൊരു ലോകവും ജീവിതവുമുണ്ടെന്ന കാഴ്ചപ്പാടിൽ നിന്നാണ് ഈ ലോകത്തെ ആസ്വാദനത്തെയും സ്വാതന്ത്രത്തെയും കുറിച്ച ഇസ്ലാമിന്റെ കാഴ്ചപ്പാട് നിർണയിക്കപ്പെടുന്നതും.

മനുഷ്യ ശരീരത്തിന്റെയും ജീവിതത്തിന്റെയും ഉടമാധികാരം അല്ലാഹു വിനാണെന്ന നിലക്ക് ഇഷ്ടാനിഷ്ടങ്ങളുടെയും സ്വാതന്ത്ര്യത്തിന്റെയും തെരെഞ്ഞെടുപ്പ് അല്ലാഹു വിന്റെ കൽപനാധികാരത്തിലും താല്പര്യത്തിനും നൽകുക എന്നതാണ് വിശ്വാസത്തിന്റെ തേട്ടം. സദാചാരവുമായി ബന്ധപ്പെട്ട് വ്യക്തിയേയും സമൂഹത്തേയും സ്വാധീനിക്കുന്നത് നിയമങ്ങളേക്കാൾ വിശ്വാസ ജീവിത കാഴ്‌ച്ചപ്പാടുകളാണ് ..മത രഹിത ജീവിത കാഴ്ചപ്പാടാണ് പുരോഗമനപരവും മഹത്തരവുമെന്ന് പ്രചരിപ്പിക്കപ്പെടുന്ന സമൂഹത്തിൽ നിയമം കൂടി അത്തരം പരിധികളെ മറികടക്കുന്നതിനെ പിന്തുണക്കുമ്പോൾ അതിന്റെ ആഘാതം വലുതായിരിക്കും.

ട്രോളിക്കൊന്ന് സോഷ്യൽ മീഡിയയും

'ഇനിയുമുണ്ട് ഇവരുടെ സഹോദര സ്ഥാപനങ്ങൾ. എല്ലാത്തിലും ഒരേ ആളുകളായിരിക്കും. കൊടികളും പുറത്തേക്ക് പറയുന്ന നിലപാടുകളും വ്യത്യസ്തമായിരിക്കും. എന്നാൽ ഉള്ളിലെല്ലാവർക്കും ഒരേ നിലപാടായിരിക്കും. അത് ഇസ്ലാമിക രാഷ്ട്രവാദത്തിന്റെ പിന്തിരിപ്പൻ നിലപാടുകളായിരിക്കും.'- സോഷ്യമീഡിയയിൽ കണ്ട വിമർശനങ്ങളിൽ ഒന്നാണ്. മറ്റൊരു കമന്റ് ഇങ്ങനെയാണ്.'ചെങ്ങന്നൂർ ഉപതെരഞ്ഞെടുപ്പിൽ സജി ചെറിയാൻ വിജയിച്ചത് ഞങ്ങളുടെ പിന്തുണകൊണ്ടാണെന്ന് പോസ്റ്ററിറക്കിയവരിൽ നിന്ന് ഇതിൽ കൂടുതലൊന്നും പ്രതീക്ഷിക്കണ്ട.. ഒരേ ആളുകളുടെ ഈ നാല് നിലപാടുകളും വായിച്ചുകഴിഞ്ഞ് മാധ്യമം ദിനപ്പത്രംകൂടി വായിച്ചാൽ ഒരുശരാശരി മനുഷ്യന്റെ മനസ്സിൽ മാന്നാർ മത്തായി സ്പീക്കിംഗിൽ ഇതു ഞങ്ങളങ്ങോട്ട് വിളിച്ച കോളല്ലേ എന്ന് ചോദിക്കുമ്പോഴുള്ള ഡയലോഗായിരിക്കും വരിക.

'കൺഫ്യൂഷനായല്ലോ' എന്ന്. ഇത് തന്നെയാണ് ഇവരുടെ തന്ത്രവും.'- ഇത് തന്നെയാണ് സംഘപരിവാർ പ്രവർത്തന രീതിയുമെന്ന് സ്വതന്ത്ര ചിന്തകർ ചൂണ്ടിക്കാട്ടുന്നു. 'മോദിജിയും ബിജെപിയും ഔദ്യോഗികമായി പറയും നിങ്ങൾ ബീഫ് കഴിച്ചോളൂ ആരും ഒന്നും ചെയ്യില്ലെന്ന്. എന്നാൽ ആർഎസ്എസാകട്ടെ ബിഫ് മസാലയിട്ട് വെച്ച സോയാബീനിന്റെ മണം കിട്ടിയാൽ പോലും നിങ്ങളെ തല്ലിക്കൊല്ലും.അതുപോലെ തന്നെ.'- സോഷ്യൽമീഡിയയിലെ വിമർശന ശരങ്ങൾ ഇങ്ങനെപോവുമ്പോൾ, വീണും ഉരുണ്ടും ന്യായീകരിക്കായാണ് ജമാഅത്ത് അനുഭാവികൾ.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

Loading...
Loading...
TODAYLAST WEEKLAST MONTH
ശ്രീകണ്ഠൻ നായരെ ഇറക്കി ആത്മഹത്യാ ഭീഷണി നടത്തി കരഞ്ഞു കാണിച്ചതു കൊണ്ടൊന്നും സ്വപ്‌ന രക്ഷപ്പെടില്ല; സ്വപ്‌നയുടെ വാക്കുകളുടെ പേരിൽ പിണറായി സർക്കാരിന് ആശ്വസിക്കാനും നേരമായില്ല; രാജ്യദ്രോഹം എന്ന് സ്ഥിരീകരിച്ച് യുഎപിഎ ചുമത്തി മുൻകൂർ ജാമ്യത്തെ എതിർത്ത് ഹൈക്കോടതിയിൽ എൻഐഎ; സ്വപ്‌നയ്ക്കും സരിത്തിനും ഐസിസ് ബന്ധമെന്നും എൻഐഎ; സ്വർണ്ണ കടത്തു കേസിൽ സുപ്രധാന വഴിത്തിരിവ്
നയതന്ത്രം കണ്ട് വിരണ്ടു.... മോദിയെ കണ്ടു വിറച്ചു...; ഇന്ത്യയ്ക്ക് ആയുധങ്ങൾ വിൽക്കരുതെന്ന ചൈനീസ് അഭ്യർത്ഥന റഷ്യ നിശബ്ദമായി നിരസിച്ചത് ബേയ്ജിംഗിനെ ഞെട്ടിച്ച; ജപ്പാനും ഓസ്‌ട്രേലിയയും മോദിക്കൊപ്പം നിന്നതും നിർണ്ണായകമായി; അമേരിക്കയുടെ യുദ്ധക്കപ്പൽ വിന്യാസവും ഭയപ്പെടുത്തി; അജിത് ഡോവലിന്റെ ഫോൺ വിളിയിൽ നിറഞ്ഞത് ഇന്ത്യ എന്തിനും ഒരുക്കമെന്ന സന്ദേശം; നിവർത്തിയില്ലാതെ പിൻവാങ്ങി ചൈനീസ് ആർമി; അതിർത്തിയിൽ സമാധാനം എത്തുമ്പോൾ
ശ്വാസം മുട്ടിച്ചു കൊന്നതിന്ശേഷവും യുവതിയെ ബലാത്സംഗം ചെയ്ത് മൃതദേഹം കത്തിച്ച തെലങ്കാനയിലെ ക്രൂരത; വെടിയേറ്റുവീണ ഡിവൈഎസ്‌പിയുടെ തലവെട്ടിമാറ്റിയും വിരലുകൾ അറുത്തും വികാസ് ദുബെയുടെ ക്രൂരത; പല്ലിന് പല്ല് കണ്ണിന് കണ്ണ് എന്ന സജ്ജനാർ ശൈലി ആവർത്തിച്ച് യുപി പൊലീസും; അധോലോക നായകൻ ദുബെ വീഴുമ്പോൾ യോഗി സർക്കാറിനും ആശ്വാസം; യുപിയിലും ജനം തീതുപ്പിയ തോക്കിന് ഉമ്മ കൊടുക്കുമ്പോൾ  
കാർ അപകടത്തിൽപ്പെടുന്നതിന് മിനിട്ടുകൾക്ക് മുൻപ് യുവാവ് ഇൻസ്റ്റയിൽ പോസ്റ്റ് ചെയ്തത് 200 കിലോമീറ്റർ വേഗതയിൽ മീറ്റർ റീഡിങ്ങും; വേഗതയുടെ ആവേശം മരണഭയത്തെ മറികടക്കുന്നത് എന്ന കുറിപ്പും; വർക്ക് ഷോപ്പിലെ ജോലി കഴിഞ്ഞ് വീട്ടിലേക്ക് മടങ്ങിയ എബിനെ ഇടിച്ചു തെറിപ്പിച്ചത് അമിത വേഗതയിൽ നെസാർ ഓടിച്ച ക്രൂസർ കാറും; കാറിടിച്ച യുവാവ് നാട്ടുകാരുടെ നോട്ടപ്പുള്ളി; യുവാവ് ലഹരി ഉപയോഗിച്ചിരുന്നെന്ന് നാട്ടുകാർ നിഷേധിച്ച് പൊലീസും; ഈരാറ്റുപേട്ടയിലെ യുവാവിന്റെ ജീവനെടുത്തത് കാർ റേസിങ്
'സ്വർണ്ണക്കടത്തിന് സഹായികളായി പ്രവർത്തിക്കുന്നത് കോഴിക്കോട്ടെ രണ്ട് ഇടത് എംഎൽഎമാർ; ഒരു എംഎൽഎയുടെ മരുമകൻ ഹവാലകേസിൽ സൗദിയിൽ ജയിലിൽ; സ്വർണകടത്ത് കേസിലെ പ്രതിയെ കോഫാപോസ കേസിൽ നിന്ന് കുറ്റമുക്തരാക്കണമെന്ന് ആവശ്യപ്പെട്ട് ഇവർ കത്തെഴുതിയിരുന്നു; കോടിയേരിയുടെ മിനി കൂപ്പർ യാത്രയും, ഫായിസ് അറബിവേഷത്തിൽ ടിപി വധക്കേസ് പ്രതികളെ സന്ദർശിച്ചതും ബന്ധത്തിന് തെളിവ്'; യൂത്ത് ലീഗ് നേതാവ് പി കെ ഫിറോസിന്റെ ആരോപണം വൻ വിവാദത്തിലേക്ക്
ഉജ്ജയിനി മഹാകാളി ക്ഷേത്രത്തിൽ രക്ഷ നേടിയത് ഏറ്റമുട്ടൽ മരണം ഒഴിവാക്കാൻ; ഗുണ്ടാ നേതാവുമായുള്ള കാൺപൂരിലേക്കുള്ള യാത്രയ്ക്കിടെ അകമ്പടി വാഹനം അപകടത്തിൽ പെട്ടു; തൊട്ടു പിന്നാലെ ചാടി ഇറങ്ങി തോക്കെടുത്ത് പൊലീസിനെ നിറയൊഴിച്ച് രക്ഷപ്പെടാൻ ശ്രമം; വെടിവച്ചിട്ട് യുപി പൊലീസും; കുപ്രസിദ്ധ ഗുണ്ടാ നേതാവ് വികാസ് ദുബെയെ കൊലപ്പെടുത്തി പൊലീസ്; നിറയുന്നത് വ്യാജ ഏറ്റുമുട്ടൽ കൊലയുടെ ആക്ഷേപങ്ങൾ; എട്ട് പൊലീസുകാരെ കൊന്ന മാഫിയാ തലവനെ ഇല്ലായ്മ ചെയ്ത് യുപി പൊലീസ്
സ്വപ്‌ന കയ്യും കാലും വെട്ടുമെന്ന് പേടിച്ച് നാട്ടിൽ വരാത്ത സഹോദരൻ; അച്ഛൻ മരിച്ചിട്ടും കുടുംബ സ്വത്തിൽ അവകാശ വാദം ഉന്നയിക്കാൻ പോലും സഹോദരന്മാർക്ക് ഭയം; സ്വപ്‌ന തന്റെ ഭർത്താവിനെ അടിച്ചു മാറ്റിയെന്ന് ശരത്തിന്റെ ഭാര്യ; മാഡമെന്ന് വിളിക്കാത്തതിന് പഴി കേട്ടുവെന്ന് സന്ദീപിന്റെ ഭാര്യ; സകലരാലും ബഹുമാനിക്കാൻ വേണ്ടി ഏതെറ്റം വരെ പോകുന്ന സ്വപ്‌നയുടെ കഥ
ഒരു കിലോ സ്വർണം യുഎഇയിൽ നിന്ന് വാങ്ങിക്കുമ്പോൾ 43 ലക്ഷം രൂപ നൽകണം; ഇത് ഇന്ത്യയിലെത്തിച്ചാൽ 49 ലക്ഷത്തോളം ലഭിക്കും; കസ്റ്റംസിനെ വെട്ടിച്ച് കള്ളക്കടത്ത് നടത്തിയാൽ ഏഴ് ലക്ഷം രൂപ വരെ ലാഭം; യുഎഇയിൽ നിന്ന് സ്വർണം അയക്കുന്നവരും അവിടെ സ്വീകരിക്കുന്നവരും വാങ്ങിക്കുന്നവരുമെല്ലാം കള്ളക്കടത്തിന്റെ ഭാഗമാണ്; സ്വർണക്കടത്തിൽ പ്രതികരിച്ച് അത്‌ലസ് രാമചന്ദ്രൻ
സ്വർണ്ണ കടത്തിന്റെ ആസ്ഥാനം ദുബായ്; ഇസ്ലാമിക സ്റ്റേറ്റുമായി ബന്ധമുള്ള ചിലർ ഇതിനു പിന്നിലുണ്ടെന്ന് രഹസ്യാന്വേഷണ വിഭാഗം കണ്ടെത്തിയത് നിർണ്ണായകമായി; കേരളത്തിലേക്ക് ആണ് സ്വർണം എത്തിയതെങ്കിലും ഇത് മറ്റുള്ള സംസ്ഥാനങ്ങളിലേക്കും പോയിട്ടുണ്ടെന്നും കണ്ടെത്തൽ; ജൂവലറി മാഫിയ മാത്രമല്ല ഇത്ര വലിയ കടത്തിന് പിന്നിലെന്നും കേന്ദ്ര ഏജൻസികൾ; രണ്ട് ഐപിഎസ് ഉദ്യോഗസ്ഥരും സംശയ നിഴലിൽ; ശിവശങ്കറും കുടങ്ങാൻ സാധ്യത; സ്വർണ്ണ കടത്തിൽ യുഎപിഎ വരും; കേസെടുത്ത് എൻ ഐ എ  
ഡിപ്ലോമാറ്റിക് പെട്ടിയിൽ സ്വർണ്ണമെന്ന് ഉറപ്പിച്ചത് ഇൻഫോർമറോടുള്ള വിശ്വാസം; പാഴ്‌സൽ പൊട്ടിക്കാൻ വിദേശകാര്യ മന്ത്രാലയത്തിന് കത്തയച്ചത് നയതന്ത്ര യുദ്ധം ഒഴിവാക്കാൻ; വന്ദേഭാരതിലെ യുഎഇയുടെ പാരവയ്‌പ്പും തുണച്ചു; നയതന്ത്രജ്ഞരെ സാക്ഷിയാക്കി പാഴ്‌സൽ പൊട്ടിച്ചപ്പോൾ കിട്ടിയത് മഞ്ഞ ലോഹം; ഡൽഹി എയർപോർട്ടിലെ മാഫിയയെ തുരത്തി കൊച്ചിയിൽ വോൾവോ ബസ് കള്ളക്കടത്തിന് കടിഞ്ഞാണിട്ട രാമമൂർത്തിക്ക് തിരുവനന്തപുരത്തും പിഴച്ചില്ല; എയർ കസ്റ്റംസ് കാർഗോ മേധാവി വീണ്ടൂം താരമാകുമ്പോൾ  
കോവിഡ് ബാധിതനായ 62 കാരന്റെ ലിം​ഗം ഉദ്ധരിച്ച് നിന്നത് മണിക്കൂറുകളോളം; ഐസ് പാക്ക് വെച്ചിട്ടും പഠിച്ച പതിനെട്ടും നോക്കിയിട്ടും വഴങ്ങുന്നില്ല; നാല് മണിക്കൂറിന് ശേഷം പ്രശ്നം പരിഹരിച്ചത് രക്തധമനിയിൽ കുത്തിവയ്‌പ്പ് നൽകിയും; ലിം​ഗം മണിക്കൂറുകളോളം ഉദ്ധരിച്ച് നിന്നാൽ കോവിഡിന്റെ ലക്ഷണമാകാം എന്ന് ആരോ​ഗ്യ പ്രവർത്തകരും
ജോലി തേടി അബുദാബിയിൽ എത്തിയ മാരായമുട്ടത്തുക്കാരന് മുമ്പിൽ സഡൺ ബ്രേക്കിട്ട് കാർ നിന്നത് വഴിത്തിരിവായി; ടയറിന്റെ പഞ്ചറൊട്ടിക്കാൻ ഷെയ്കിനെ സഹായിച്ചത് ഒപ്പം ഇരുന്നത് ആരെന്ന് അറിയാതെ; വണ്ടി വീണ്ടും സ്റ്റാർട്ടായപ്പോൾ മലയാളിയെ കാറിൽ കയറ്റി കൊണ്ടു പോയത് രാജ കൊട്ടാരത്തിലേക്ക്; ഏൽപ്പിച്ചത് വാഹനങ്ങളുടെ പരിപാലനം; സുരേഷിന് അബുദാബിയിൽ ഉണ്ടായിരുന്നത് റെയിൻബോ ഷെയ്ക് എന്ന പിടിവള്ളി; സ്വപ്‌നാ സുരേഷിന്റെ കുടുംബം ഗൾഫിൽ ചുവടുറപ്പിച്ച കഥ
അബുദാബിയിൽ ബാർ നടത്താനെത്തിയ തിരുവനന്തപുരത്തുകാരനുമായി ആദ്യ കല്യാണം; ഭർത്താവിന്റെ നടനായ കൂട്ടുകാരനും വ്യവസായിയും മൂന്ന് ദിവസം വീട്ടിൽ താമസിച്ചപ്പോൾ തുടങ്ങിയ താളപ്പിഴ; രാഷ്ട്രീയക്കാരന്റെ മകനായ കാമുകൻ കൈവിട്ടതോടെ ജീവിതം പെരുവഴിയിലായി; എയർ ഇന്ത്യാ സ്റ്റാസിൽ ജോലി കിട്ടിയതോടെ മന്ത്രിമാർ അടക്കമുള്ള രാഷ്ട്രീയ സൗഹൃദം; കോൺസുലേറ്റിലെ എല്ലാമെല്ലാം ആയത് അറബിയിലുള്ള പ്രാവിണ്യ കരുത്തിൽ; സ്വപ്‌നാ സുരേഷ് എല്ലാം വെട്ടിപിടിച്ച കഥ
ഐ ടി സെക്രട്ടറി ശിവശങ്കരൻ സ്വപ്നയുടെ ഫ്‌ളാറ്റിലെ സ്ഥിരം സന്ദർശകൻ; സ്റ്റേറ്റ് കാറിൽ എത്തി രാത്രി വെകുവോളം മദ്യപാന പാർട്ടികൾ പതിവ്; നരച്ച താടിയുള്ള ആൾ ഐടി സെക്രട്ടറിയാണെന്ന് ശരിക്കും അറിഞ്ഞത് സ്പ്രിൻക്ലർ വിവാദത്തിൽ മാധ്യമങ്ങളിൽ വന്നതോടെയെന്ന് അയൽവാസി; പലപ്പോഴും മദ്യപിച്ചു ലക്കുകെട്ട് എടുത്തുകൊണ്ടു പോകുകയായിരുന്നു പതിവ്; ഒരിക്കൽ രാത്രി ഗേറ്റു തുറന്നു കൊടുക്കാത്തതു കൊണ്ട് സെക്യൂരിറ്റിയെ മർദ്ദിച്ച സംഭവവും ഉണ്ടായി; സ്വപ്‌ന സുരേഷിനെതിരെ ഫ്‌ളാറ്റിലെ സമീപവാസികൾ
നെയ്യാറ്റിൻകരക്കാരന്റെ മകൾ പഠിച്ചതും വളർന്നതും അബുദാബിയിൽ; ഡിവോഴ്‌സ് നേടി ബാലരാമപുരത്ത്; ഇംഗ്ലീഷും അറബിയും സംസാരിച്ച് ആദ്യം നേടിയത് ട്രാവൽ ഏജൻസി ജോലി; ഞൊടിയിടയിൽ പറന്നെത്തിയ് എയർ ഇന്ത്യാ സാറ്റ്സിൽ; അവിടെ നിന്ന് കോൺസുലേറ്റിലേക്കും; അച്ഛന്റേയും അവസാന ഭർത്താവിന്റേയും പേര് സുരേഷ്; ഐടി സെക്രട്ടറിയെ കൂട്ടിന് കിട്ടിയപ്പോൾ പ്രൈസ് വാട്ടർ കൂപ്പറും ശുപാർശയുമായെത്തി; ഡിപ്ലോമാറ്റിക് സ്വർണ്ണ കടത്തിലെ വില്ലത്തി സ്വപ്‌നയുടെ വളർച്ചാ വഴിയിൽ 'റെഡ് ബുൾ എനർജിയും'
ഞാൻ പേടിച്ചു കേട്ടോ; ചേച്ചി പേടിക്കില്ല..കൂടെ ഉള്ളത് കേരളഭരണം അല്ലേ; അതേ എന്തേലും സംശയമുണ്ടോ? കസ്റ്റംസ് ഉദ്യോഗസ്ഥർ തിരഞ്ഞുനടക്കുമ്പോൾ ഫേസ്‌ബുക്ക് പേജിൽ തമാശകൾ പറഞ്ഞ് ഉല്ലസിച്ച് സ്വപ്‌ന സുരേഷ്; രാജ്യത്തിന്റെ മുതല് വിദേശത്തേക്ക് അല്ലല്ലോ കൊണ്ടുപോയതെന്നും വിദേശത്തു നിന്നും രാജ്യത്തേക്ക് മുതല് കൊണ്ടു വന്നതിൽ എന്ത് നഷ്ടമാണെന്നും തന്റെ പോസ്റ്റിൽ ന്യായീകരണവും
കോൺസുലേറ്റിലേക്കുള്ള പാഴ്‌സൽ തുറന്നു നോക്കാൻ കസ്റ്റംസ് കാട്ടിയത് അസാധാരണ ധൈര്യം; രാജ്യങ്ങൾക്കിടയിലെ നയതന്ത്ര ബന്ധങ്ങളെ പോലും ഉലയ്ക്കുമെന്നതിനാൽ സാധാരണ ഗതിയിൽ ഡിപ്രോമാറ്റിക് ബാഗേജിന് കിട്ടുക വിവിഐപി പരിഗണന; മണക്കാട്ടെ യുഎഇ കോൺസുലേറ്റിലേക്കുള്ള ബാഗേജിലുണ്ടായിരുന്നത് 35 കിലോ സ്വർണം; തിരുവനന്തപുരത്ത് നടന്നത് കേരളം ഇതുവരെ കണ്ട ഏറ്റവും വലിയ സ്വർണ്ണ വേട്ട; കോവിഡു കാലത്തും സ്വർണ്ണ മാഫിയ സജീവം; ഡിപ്ലോമോറ്റിക് കടത്തിൽ ഞെട്ടി കസ്റ്റംസ്
ഭർത്താവുമൊത്ത് ബാർ നടത്തിയ അബുദാബിക്കാരി; നടനായ ഭർതൃ കൂട്ടുകാരൻ ഗൾഫിലെത്തിയപ്പോൾ അടുപ്പം തുടങ്ങി; ഒന്നുമറിയാത്ത ഭർത്താവിനെ ഞെട്ടിയത് രണ്ടാം വരവിൽ കൂട്ടുകാരനൊപ്പം ഭാര്യ മുങ്ങിയപ്പോൾ; ഫ്‌ളാറ്റിൽ നിന്ന് മകന്റെ കാമുകിയെ ഇറക്കി വിട്ടത് അതിശക്തനായ രാഷ്ട്രീയക്കാരന്റെ ഭാര്യയുടെ മനകരുത്തും; കാമുകൻ ഉപേക്ഷിച്ചതോടെ ദൃഢ നിശ്ചയത്തോടെ തിരുവനന്തപുരത്ത് തങ്ങി എല്ലാം വെട്ടിപിടിച്ചു; നയതന്ത്ര ബാഗിൽ കുടുങ്ങിയ സ്വപ്‌നാ സുരേഷിന്റെ ജീവിതം മാറ്റി മറിച്ചത് ഒളിച്ചോട്ടം തന്നെ
നഗ്‌നതയും ലൈംഗികതയും അല്ലെങ്കിൽ ചുംബനം പോലും പോൺ സൈറ്റുകളിൽനിന്നും പഠിക്കേണ്ടിവരുന്ന സാഹചര്യമാണ്; നഗ്‌നത എന്തിനു തുറന്നു കാട്ടണം എന്ന ചോദ്യത്തിനു ഉത്തരം സ്ത്രീയുടെ നഗ്‌നത എന്തിനു നിർബന്ധമായും മൂടിവെക്കണം എന്ന ചോദ്യം തന്നെയാണ്; മക്കൾക്ക് ചിത്രം വരക്കാൻ ന​ഗ്നശരീരം വിട്ടുനൽകി രഹ്ന ഫാത്തിമ; വീഡിയോ കാണാം..
ഇവിടെ ഉഭയസമ്മതത്തോടെ ഏത് പുരുഷനും ഏത് സ്ത്രീയുമായി പരസ്യമായി ലൈംഗിക ബന്ധത്തിൽ ഏർപ്പെടാം; ജപസമയത്തും ആഹാര സമയത്തും സ്ത്രീപുരുഷന്മാർ പൂർണ്ണ നഗ്നരായിക്കും; പരസ്യമായി രതിയിൽ ഏർപ്പെടുന്നതിൽ ലജ്ജയോ അപമാനമോ തോന്നുന്നവരെ സമാജത്തിൽ നിന്നും ഒഴിവാക്കും; നഗ്നതയും ബോഡി ആർട്ടും വൻ വിവാദമാകുന്ന കേരളത്തിൽ ഇങ്ങനെയും ഒരു കമ്യൂൺ ഉണ്ടെന്ന് അറിയുക
നിങ്ങൾ വളർന്നു ശ്രീ മാലാ പാർവതി... പക്ഷേ നിങ്ങൾ നിങ്ങളുടെ മകനെ നന്നായി വളർത്താൻ മറന്നു പോയിരിക്കുന്നു......! കോവിഡിനെ തുരത്താൻ നാമെല്ലാവരും ഒറ്റക്കെട്ടായി സാമൂഹിക അകലം പാലിച്ച് നിൽക്കണമെന്ന ആശയവുമായി വരികൾ എഴുതിയത് അമ്മ; ഒന്നായിടും ലോകം എന്ന ഗാനത്തിന്റെ എഡിറ്റിംഗും സംവിധാനവും നിർവ്വഹിച്ച മകനും; സിനിമയിൽ താരമാകാൻ ആഗ്രഹിച്ച നടിയുടെ മകന്റെ അശ്ലീലത ചർച്ചയാക്കി സീമാ വിനീതും; മാലാ പാർവ്വതിയുടെ മകൻ അനന്തകൃഷ്ണൻ കുടുങ്ങുമ്പോൾ
ഡിപ്ലോമാറ്റിക് പെട്ടിയിൽ സ്വർണ്ണമെന്ന് ഉറപ്പിച്ചത് ഇൻഫോർമറോടുള്ള വിശ്വാസം; പാഴ്‌സൽ പൊട്ടിക്കാൻ വിദേശകാര്യ മന്ത്രാലയത്തിന് കത്തയച്ചത് നയതന്ത്ര യുദ്ധം ഒഴിവാക്കാൻ; വന്ദേഭാരതിലെ യുഎഇയുടെ പാരവയ്‌പ്പും തുണച്ചു; നയതന്ത്രജ്ഞരെ സാക്ഷിയാക്കി പാഴ്‌സൽ പൊട്ടിച്ചപ്പോൾ കിട്ടിയത് മഞ്ഞ ലോഹം; ഡൽഹി എയർപോർട്ടിലെ മാഫിയയെ തുരത്തി കൊച്ചിയിൽ വോൾവോ ബസ് കള്ളക്കടത്തിന് കടിഞ്ഞാണിട്ട രാമമൂർത്തിക്ക് തിരുവനന്തപുരത്തും പിഴച്ചില്ല; എയർ കസ്റ്റംസ് കാർഗോ മേധാവി വീണ്ടൂം താരമാകുമ്പോൾ  
ക്രൈമിന്റെ ഓഫീസിൽ ചാരമായ രേഖകൾ എത്രമാത്രം വിലപിടിപ്പുള്ളതായിരുന്നു എന്നതിന് ഇതിനപ്പുറം എന്ത് തെളിവാണ് വേണ്ടത്? നിർണായക ഘട്ടത്തിൽ സഹായിയായ റിയാസിന് ഇതിലും വലിയ എന്ത് പാരിതോഷികമാണ് ഒരു നേതാവിന് നൽകാൻ കഴിയുക? കാര്യം കഴിഞ്ഞാൽ കറിവേപ്പിലയാകുന്ന പതിവ് നേതാക്കളിൽ നിന്നും നിങ്ങൾ വ്യത്യസ്തനാവുന്നത് ഇങ്ങനെയാണ് സഖാവെ.. അഭിനന്ദനങ്ങൾ പിണറായി വിജയൻ.... മുഹമ്മദ് റിയാസ്; ക്രൈം പത്രാധിപർ ടിപി നന്ദകുമാറിന്റെ കുറിപ്പ് ചർച്ചയാകുമ്പോൾ
എസ് എഫ് ഐ സംസ്ഥാന കമ്മറ്റി അംഗമായിരിക്കെ ജില്ലാ കമ്മറ്റി അംഗമായ മുഹമ്മദ് റിയാസുമായി സമീഹയുടെ വിവാഹം; വിവാഹ ശേഷം രാഷ്ട്രീയം അവസാനിപ്പിക്കാൻ നിർബന്ധം പിടിച്ചു; ഡോക്ടറായിട്ടും പ്രാക്ടീസ് ചെയ്യാൻ അനുവദിച്ചില്ല; പൊന്നും പണവും ചോദിച്ച് ഭിത്തിയിൽ ചാരി നിർത്തി മർദ്ദനം; 50 രൂപ നൽകിയാൽ പാളയത്ത് പെണ്ണുങ്ങളെ കിട്ടുമെന്ന് പറഞ്ഞ് മൂത്ര തടസ്സം ഉണ്ടാക്കുന്ന ഉപദ്രവം; പിണറായിയുടെ മകളുമായി വിവാഹം ഉറപ്പിക്കുമ്പോൾ ഡിവൈഎഫ്‌ഐ ദേശീയ പ്രസിഡന്റിന്റെ മുൻ ഭാര്യ നൽകിയ പരാതി ചർച്ചയിൽ
കോവിഡ് ബാധിതനായ 62 കാരന്റെ ലിം​ഗം ഉദ്ധരിച്ച് നിന്നത് മണിക്കൂറുകളോളം; ഐസ് പാക്ക് വെച്ചിട്ടും പഠിച്ച പതിനെട്ടും നോക്കിയിട്ടും വഴങ്ങുന്നില്ല; നാല് മണിക്കൂറിന് ശേഷം പ്രശ്നം പരിഹരിച്ചത് രക്തധമനിയിൽ കുത്തിവയ്‌പ്പ് നൽകിയും; ലിം​ഗം മണിക്കൂറുകളോളം ഉദ്ധരിച്ച് നിന്നാൽ കോവിഡിന്റെ ലക്ഷണമാകാം എന്ന് ആരോ​ഗ്യ പ്രവർത്തകരും
ഞാൻ നഷ്ടപരിഹാരം ചോദിച്ചു എന്ന് നിങ്ങൾ പറയുന്നു എങ്കിൽ എനിക്ക് എന്റെ ആ വോയിസ് ഷെയർ ചെയ്യണം; ചുവടെ കൊടുക്കുന്ന സ്‌ക്രീൻ ഷോട്ട് അല്ലാതെ നിങ്ങൾ എന്റെ കാലുപിടിച്ചു മാപ്പ് പറയുന്ന 2.30 മിനിറ്റ് നിൽക്കുന്ന ഫോൺ റെക്കോർഡ് എന്റെ കയ്യിൽ ഉണ്ട്; മകനെ വ്യക്തിയായി കാണണം എങ്കിൽ എന്തെ അമ്മ എന്നെ വിളിച്ചു മാപ്പ് പറഞ്ഞു മകൻ പറയണം ആയിരുന്നു .... കഷ്ടം ! മാലാ പാർവ്വതിയുടെ വിലപേശൽ ആരോപണം പൊള്ളിച്ചടുക്കി സീമാ വിനീത്