1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr

Jul / 2020
09
Thursday

പി ചിദംബരത്തിന്റെ മുൻകൂർ ജാമ്യഹർജി സുപ്രീംകോടതി പരിഗണിക്കുക വെള്ളിയാഴ്‌ച്ച; സുപ്രീംകോടതി രജിസ്ട്രാറുടെ ഉത്തരവ് വന്നതോടെ മുൻ ധനമന്ത്രിയെ സിബിഐ ഉടൻ അറസ്റ്റ് ചെയ്‌തേക്കില്ലെന്നും സൂചനകൾ; ഐഎൻഎക്‌സ് മീഡിയ കേസിൽ മുൻകൂർ ജാമ്യം തേടിയ കോൺഗ്രസ് നേതാവിന് ഇന്ന് വിനയായത് ഹർജിയിലെ പിഴവുകൾ; കേസ് ലിസ്റ്റ് ചെയ്തത് ഇന്ന് വൈകുന്നേരത്തോടെ

August 21, 2019 | 07:06 PM IST | Permalink



പി ചിദംബരത്തിന്റെ മുൻകൂർ ജാമ്യഹർജി സുപ്രീംകോടതി പരിഗണിക്കുക വെള്ളിയാഴ്‌ച്ച; സുപ്രീംകോടതി രജിസ്ട്രാറുടെ ഉത്തരവ് വന്നതോടെ മുൻ ധനമന്ത്രിയെ സിബിഐ ഉടൻ അറസ്റ്റ് ചെയ്‌തേക്കില്ലെന്നും സൂചനകൾ; ഐഎൻഎക്‌സ് മീഡിയ കേസിൽ മുൻകൂർ ജാമ്യം തേടിയ കോൺഗ്രസ് നേതാവിന് ഇന്ന് വിനയായത് ഹർജിയിലെ പിഴവുകൾ; കേസ് ലിസ്റ്റ് ചെയ്തത് ഇന്ന് വൈകുന്നേരത്തോടെ

മറുനാടൻ മലയാളി ബ്യൂറോ

ഡൽഹി: മുൻ ധനമന്ത്രിയും കോൺഗ്രസ് നേതാവുമായ പി ചിദംബരത്തിന്റെ മുൻകൂർ ജാമ്യഹർജി സുപ്രീം കോടതി വെള്ളിയാഴ്ച പരിഗണിക്കും. ഒരു ദിവസം മുഴുവൻ നീണ്ടുനിന്ന നടപടിക്രമങ്ങൾക്ക് ഒടുവിലാണ് ഇക്കാര്യം വ്യക്തമാക്കിക്കൊണ്ട് സുപ്രീം കോടതി രജിസ്ട്രാറുടെ ഉത്തരവ് പുറത്തുവന്നത്. ഇതോടെ ഐഎൻഎക്സ് മീഡിയ കേസിൽ ചിദംബരത്തെ അറസ്റ്റ് ചെയ്യാനുള്ള സിബിഐ നീക്കം തൽകാലം ഉണ്ടാവില്ലെന്നാണ് സൂചന. മുൻകൂർ ജാമ്യം തേടിയുള്ള ചിദംബരത്തിന്റെ ഹർജിയിൽ പിഴവുള്ളതിനാൽ കേസ് ഇന്ന് പരിഗണിക്കാനാവില്ലെന്ന് നേരത്തെ ജസ്റ്റിസ് എ കെ രമണ വ്യക്തമാക്കിയിരുന്നു. പിന്നീട് പിഴവ് തിരുത്തി നൽകിയ ഹർജി ലിസ്റ്റ് ചെയ്യുന്നതിനും പരിഗണിക്കുന്നത് സംബന്ധിച്ച് തീരുമാനമെടുക്കുന്നതിനും മാറ്റിവെക്കുകയായിരുന്നു. തുടർന്നാണ് വൈകുന്നേരത്തോടെ കേസ് ലിസ്റ്റ് ചെയ്തത്.

അറസ്റ്റ് തടയണമെന്ന് ആവശ്യപ്പെട്ട് ചിദംബരം നൽകിയ ഹർജി പരിഗണിച്ച ജസ്റ്റിസ് രമണ കേസ് നേരത്തെ ചീഫ് ജസ്റ്റിസിന്റെ ബെഞ്ചിലേക്ക് വിട്ടിരുന്നു. എന്നാൽ ചീഫ് ജസ്റ്റിസ് ഇത് തിരികെ രമണയുടെ ബെഞ്ചിലേയ്ക്ക് മടക്കി. തുടർന്ന് ഉച്ച കഴിഞ്ഞാണ് കേസ് സംബന്ധിച്ച് അഭിഭാഷകരുടെ ചോദ്യത്തിന് മറുപടിയായി കേസ് ചൊവ്വാഴ്ച പരിഗണിക്കാനാവില്ലെന്ന് ജസ്റ്റിസ് രമണ വ്യക്തമാക്കിയത്. ഇതിനിടെ ചിദംബരത്തെ തേടി സിബിഐ സംഘം നിരവധി തവണ അദ്ദേഹത്തിന്റെ വീട്ടിലെത്തിയിരുന്നു. എന്നാൽ അദ്ദേഹം എവിടെയാണുള്ളതെന്ന് കണ്ടെത്താനായിരുന്നില്ല. ചിദംബരം ഒളിവിൽ പോയെന്ന നിഗമനത്തിലാണ് അന്വേഷണ ഏജൻസികൾ. സ്ഥിരം സ്ഥലങ്ങൾ ഒഴിവാക്കിയെങ്കിലും അദ്ദേഹം ഡൽഹി വിട്ട് പുറത്തുപോകാൻ സാധ്യതയില്ലെന്നാണ് കരുതുന്നത്. ഇപ്പോൾ മുൻകൂർ ജാമ്യഹർജി ലിസ്റ്റ് ചെയ്യുകയും വെള്ളിയാഴ്ച ഹർജി പരിഗണിക്കുമെന്ന് ഔദ്യോഗികമായി വ്യക്തമാക്കുകയും ചെയ്ത സാഹചര്യത്തിൽ സിബിഐ അറസ്റ്റിലേയ്ക്ക് നീങ്ങിയേക്കില്ലെന്നാണ് സൂചന.

അറസ്റ്റ് തടയണമെന്ന മുൻ കേന്ദ്രമന്ത്രി പി.ചിദംബരത്തിന്റെ ആവശ്യം പരിഗണിക്കുന്നതു സുപ്രീംകോടതി മാറ്റിവച്ചതിനു പിന്നാലെ എൻഫോഴ്‌സ്‌മെന്റ് ലുക്കൗട്ട് നോട്ടിസ് പുറത്തിറക്കിയിരുന്നു. ചിദംബരം രാജ്യം വിടരുതെന്നും നിർദ്ദേശം നൽകിയിുരുന്നു. അതേസമയം ചിദംബരം എവിടെയെന്ന് സൂചനയില്ല. ഇന്നലെയും ഇന്നുമായി മൂന്നു തവണയാണ് സിബിഐയുടെയും എൻഫോഴ്‌സ്‌മെന്റ് ഡയറക്ടറേറ്റിന്റെയും സംഘങ്ങൾ ചിദംബരത്തിന്റെ വസതിയിലെത്തിയത്. അതിനിടെ ചിദംബരത്തിന്റെ ജാമ്യഹർജിക്കെതിരെ സുപ്രീംകോടതിയിൽ സിബിഐയും എൻഫോഴ്സ്മെന്റ് ഡയറക്ടറേറ്റും തടസഹർജി നൽകുകയും ചെയ്തു. എന്നാൽ അദ്ദേഹം എങ്ങും ഒളിച്ചോടിയിട്ടില്ലെന്ന് കോൺഗ്രസ് വ്യക്തമാക്കി. നിയമത്തിന്റെ മുന്നിൽ നിന്ന് ആരും ഒളിച്ചോടിയിട്ടില്ലെന്ന് മുൻ കേന്ദ്രമന്ത്രിയും മുതിർന്ന അഭിഭാഷകനുമായ സൽമാൻ ഖുർഷിദ് പ്രതികരിച്ചു. ഈ സാഹചര്യം ഖേദകരമാണെന്നും അദ്ദേഹം പറഞ്ഞു.

അതിനിടെ, ഐഎൻഎക്സ് മീഡിയ കേസിൽ ചിദംബരത്തിനെതിരെ കൂടുതൽ വെളിപ്പെടുത്തലുകളുമായി എൻഫോഴ്മെന്റ് ഡയറക്ടറേറ്റ് രംഗത്തെത്തി. അഴിമതിപ്പണം കൊണ്ട് ചിദംബരം സ്പെയിനിൽ ടെന്നീസ് ക്ലബ്ബും ബ്രിട്ടനിൽ കോട്ടേജുകളും വാങ്ങിയെന്ന് ഇഡി വെളിപ്പെടുത്തി. ഇതുകൂടാതെ ഇന്ത്യയിലും വിദേശത്തും 54 കോടിയിലേറെ മൂല്യമുള്ള സ്വത്തുക്കൾ വാങ്ങിക്കൂട്ടിയതായും ഇഡി ആരോപിക്കുന്നു. ഐഎൻഎക്സ് മീഡിയ കേസിൽ, ചിദംബരത്തിന്റെ മകൻ കാർത്തി ചിദംബരത്തിന് കോഴയായി കിട്ടിയ പണമാണ് വസ്തുവകകൾ വാങ്ങാൻ ഉപയോഗിച്ചത്.

ബാഴ്സലോണയിലുള്ള ഭൂമിക്കും ടെന്നീസ് ക്ലബ്ബിനുമായി ഏകദേശം 15 കോടിയുടെ വിലയാണ് കണക്കാക്കുന്നത്. നേരത്തെ ചിദംബരം താമസിക്കുന്ന ഡൽഹിയിലെ 16 കോടി വിലമതിക്കുന്ന ജോർ ബാഗ് ബംഗ്ലാവ് അടക്കം കണ്ടുകെട്ടിയിരുന്നു. കാർത്തിയുടെ നുങ്കബാക്കം ബ്രാഞ്ചിലെ സ്്ഥിരനിക്ഷേപമായ 9.23 കോടിയുംം മറ്റൊരുസ്ഥിര നിക്ഷേപമായ 90 ലക്ഷവും എൻഫോഴ്സ്മെന്റ് ഡയറക്ടറേറ്റ് അറ്റാച്ച് ചെയ്തിരുന്നു. കാർത്തി ചിദംബരത്തിന് പിറകെ ഐഎൻഎക്സ് മീഡിയ കേസിൽ പി ചിദംബരത്തിനും നിൽക്കക്കള്ളിയില്ലാതായിരിക്കുകയാണ്. കേസിൽ കോൺഗ്രസ് നേതാവും മുൻ കേന്ദ്ര ധനമന്ത്രിയുമായ ചിദംബരത്തിന്റെ മുൻകൂർ ജാമ്യാപേക്ഷ ഡൽഹി ഹൈക്കോടതി തള്ളിയതോടെ എപ്പോൾ വേണമെങ്കിലും അദ്ദേഹം അറസ്റ്റിലാവുന്ന സ്ഥിതിയാണ്. സിബിഐയുടെയും എൻഫോഴ്സ്മെന്റ് ഡയറക്ടറേറ്റിന്റെയും ഉദ്യോഗസ്ഥർ ഡൽഹി ജോർബാഗിലെ വീട്ടിൽ ഇന്നലെ തന്നെ എത്തിയെങ്കിലും അവിടെയില്ലാതിരുന്നതിനാൽ അറസ്റ്റ് ചെയ്യാനായില്ല. ചിദംബരം ധനമന്ത്രിയായിരിക്കേ ഐഎൻഎക്സ് മീഡിയ കമ്പനിക്ക് വിദേശത്തുനിന്ന് മുതൽമുടക്കായി 305 കോടി രൂപ കൊണ്ടുവരാൻ വിദേശനിക്ഷേപ പ്രോൽസാഹന ബോർഡിന്റെ അനുമതി ലഭിച്ചതിൽ ക്രമക്കേടുണ്ടെന്നാണ് കേസ്.

മകന്റെ വഴിയെ പിതാവും

സ്റ്റാർ ഇന്ത്യ മുൻ സിഇഒ പീറ്റർ മുഖർജി, ഭാര്യ ഇന്ദ്രാണി മുഖർജി എന്നിവരുടെ കമ്പനിയായ ഐഎൻഎക്‌സ് മീഡിയയ്ക്കു വഴിവിട്ടു വിദേശനിക്ഷേപം സ്വീകരിക്കാൻ ഇടനിലനിന്നെന്ന് ആരോപിക്കപ്പെട്ട് അറസ്റ്റിലായ കാർത്തി ഇപ്പോൾ ജാമ്യത്തിലാണ്. അഴിമതിപ്പണം ഐഎൻഎക്‌സ് മീഡിയ വഴി കാർത്തിയുടെ നിയന്ത്രണത്തിലുള്ള സ്ഥാപനങ്ങൾക്കു ലഭിച്ചെന്നാണ് ആരോപണം. മകൾ ഷീന ബോറയെ കൊലപ്പെടുത്തിയെന്ന കേസിൽ അറസ്റ്റിലായ ഇന്ദ്രാണി മുഖർജി ഈ കേസിൽ മാപ്പുസാക്ഷിയാകുകയും ചെയ്തു. 2017 മെയ് 15നാണു സിബിഐ കേസെടുത്തത്. കള്ളപ്പണം വെളുപ്പിച്ചതായി ആരോപിച്ചു കഴിഞ്ഞ വർഷം എൻഫോഴ്‌സ്‌മെന്റ് ഡയറക്ടറേറ്റും കേസെടുത്തു.

ഒന്നാം യുപിഎ സർക്കാരിന്റെ കാലത്താണ് ഐഎൻഎക്സ് മീഡിയ കേസും വിവാദങ്ങളും പുറത്ത് വരുന്നത്. ഐഎൻഎക്സ് മീഡിയയ്ക്ക് വിദേശനിക്ഷേപ പ്രോൽസാഹന ബോർഡിന്റെ അനുമതി ലഭിച്ചത് അനധികൃതമായാണെന്നും ഇതിൽ അഴിമതി നടന്നിട്ടുണ്ടെന്നും ആരോപണം ്ആദ്യം പുറത്ത്വന്നത് പാർട്ടി വൃത്തങ്ങളിൽനിന്ന് തന്നെയാണ്. 4.62 കോടി രൂപയുടെ വിദേശ നിക്ഷേപത്തിനാണ് എഫ്ഐപിബി അനുമതി നൽകിയത്. എന്നാൽ ഐഎൻഎക്സ് മീഡിയ ഐഎൻഎക്സ് ന്യൂസിലേക്ക് ഡൗൺസ്ട്രീം ഇൻവെസ്റ്റ്മെന്റ് നടത്തുന്നതിന് അനുമതി നൽകിയിരുന്നില്ല. പക്ഷേ വ്യവസ്ഥകൾ ലംഘിച്ച് ഐഎൻഎക്സ് ന്യൂസിൽ നിക്ഷേപം കൊണ്ടുവന്നതാണ് വിവാദത്തിന് കാരണമായത്. ഇതിലൂടെ 305 കോടിയിലധികം രൂപ സമാഹരിക്കുകയും ചെയ്തു.

കാർത്തിയുമായി ചേർന്നാണ് ഐഎൻഎക്സ് മീഡിയ ഈ തട്ടിപ്പ് നടത്തിയതെന്നും ആരോപണം ഉയർന്നു. എന്നാൽ കാർത്തിയുടെ സ്വാധീനം ഉപയോഗിച്ച് ഐഎൻഎക്സ് മീഡിയ തങ്ങൾക്കെതിരായ നടപടി ഒഴിവാക്കി. തുടർന്ന് പുതിയ പ്രപ്പോസൽ നൽകാൻ നിർദ്ദേശിച്ചതിന് പിന്നാലെ കാർത്തി ചിദംബരത്തിന്റെ സ്ഥാപനമായ അഡ്വാന്റേജ് സ്ട്രാറ്റജിക് കൺസൾട്ടിങ് പ്രൈവറ്റ് ലിമിറ്റഡിന് 10 ലക്ഷം രൂപ കൈക്കൂലി നൽകിയതായും സിബിഐ ആരോപിക്കുന്നു. പ്രപ്പോസൽ നൽകാനുള്ള അനുമതി പി ചിദംബരം നൽകിയെന്നും സിബിഐ പറഞ്ഞു. കാർത്തിയുടെ ഈ കമ്പനിക്ക് ഐഎൻഎക്സ് മീഡിയ നൽകിയ പേയ്മെന്റുകൾ എല്ലാം തന്നെ എൻഫോഴ്സ്മെന്റ് ഡയറക്ടറേറ്റ് കണ്ടെത്തിയ രേഖകളിൽ ഉണ്ടായിരുന്നു. ഇതിന്റെ അടിസ്ഥാനത്തിൽ സിബിഐ 2017 മെയ് മാസത്തിൽ അഴിമതി കേസ് രജിസ്റ്റർ ചെയ്തു.

2017 മെയ് 15നാണ് സിബിഐ എഫ്ഐആർ രജിസ്റ്റർ ചെയ്യുന്നത്. 2018ൽ ആദായനികുതി വകുപ്പ് കള്ളപ്പണം വെളുപ്പിക്കൽ കേസ് രജിസ്റ്റർ ചെയ്യുകയും പി ചിദംബരത്തിനെ ചോദ്യം ചെയ്യുകയും ചെയ്തിരുന്നു. കാർത്തിയുമായും ചിദംബരവുമായും ബന്ധമുള്ള സ്ഥലങ്ങളിലെല്ലാം റെയ്ഡും നടത്തി. തുടർന്ന് കാർത്തിക്കെതിരെ കള്ളപ്പണം വെളുപ്പിക്കുന്നതിനെതിരെ കേസെടുത്തു. പിന്നീട് കാർത്തിയെ സിബിഐ അറസ്റ്റ് ചെയ്യുകയും ചെയ്തു. എന്നാൽ ഡൽഹി ഹൈക്കോടതി ജാമ്യം അനുവദിച്ചതിനെ തുടർന്ന് പുറത്തിറങ്ങുകയും ചെയ്തു. ഒന്നാം യുപിഎ സർക്കാറിന്റെ ഈ കാലയളവിൽ നടന്നത് ദല്ലാൾ രാഷ്ട്രീയമാണെന്നാണ് സിബിഐ പറയുന്നത്.

സിബിഐയുടെ അഴിമതി കേസിൽ മുൻകൂർ ജാമ്യം തേടി ചിദംബരം നേരത്തേ ഡൽഹി ഹൈക്കോടതിയെ സമീപിച്ചിരുന്നു. ജൂലൈ 23ന് ആദായ നികുതി വകുപ്പ് രജിസ്റ്റർ ചെയ്ത് മണി ലോണ്ടറിങ് കേസിലും പി ചിദംബരം മുൻകൂർ ജാമ്യം തേടിയിരുന്നു. ജൂലൈ 25ന് രണ്ട് കേസിലും പി ചിദംബരത്തെ അറസ്റ്റ് ചെയ്യുന്നത് തടഞ്ഞ് കോടതി ഇടക്കാല ഉത്തരവ് പുറപ്പെടുവിച്ചിരുന്നു. തുടർന്നാണ് ഇന്നലെ ഡൽഹി ഹൈക്കോടതി ചിദംബരത്തിന്റെ മുൻകൂർ ജാമ്യപേക്ഷ തള്ളിയത്. ജസ്റ്റിസ് സുനിൽ ഗൗർ നാളെ വിരമിക്കാനിരിക്കെയാണു ചിദംബരത്തിനു മുൻകൂർ ജാമ്യം നിഷേധിച്ചത്. അതിലും, ഉച്ചതിരിഞ്ഞ് 3.30നു മാത്രം ഉത്തരവു നൽകിയതിലും സ്റ്റേ നൽകാതിരുന്നതിലും പ്രമുഖ അഭിഭാഷകനും കോൺഗ്രസ് നേതാവുമായ കപിൽ സിബൽ അസ്വാഭാവികത ആരോപിക്കുകയും ചെയ്തു. അഴിമതിയുടെ മുഖ്യസൂത്രധാരൻ ചിദംബരമാണെന്ന് ജസ്റ്റിസ് സുനിൽ ഗൗർ ഉത്തരവിൽ പറഞ്ഞിരുന്നു. തെളിവുകൾ പരിഗണിക്കുമ്പോൾ, ജാമ്യം അനുവദിക്കാനാവില്ലെന്നും എംപിയാണെന്നത് അറസ്റ്റ് ഒഴിവാക്കുന്നതിനു ന്യായീകരണമാവില്ലെന്നും വ്യക്തമാക്കിയിരുന്നു.

കേസ് അടിസ്ഥാനമില്ലാത്തതും രാഷ്ട്രീയപരമായ ഉദ്ദേശ്യത്തോടെ ഉള്ളതാണെന്നും പറയുന്നത് അംഗീകരിക്കാനാകില്ലെന്നും എത്ര വലിയ പദവിയിലുള്ളവരാണെങ്കിലും തെറ്റ് ചെയ്തവരെ ലോകം അറിയണമെന്നുമാണ് കോടതി പറഞ്ഞത്. സാമ്പത്തിക കുറ്റകൃത്യങ്ങൾ കൃത്യതയോടെ നേരിടേണ്ടതുണ്ട്. വൻകിട സാമ്പത്തിക കുറ്റകൃത്യങ്ങളിൽ അന്വേഷണ ഏജൻസികൾക്കു കൂച്ചുവിലങ്ങിടാനാകില്ല. ഇത്തരത്തിലുള്ളവർക്ക് ജാമ്യമനുവദിക്കുന്നതു തെറ്റായ സന്ദേശം നൽകുമെന്നും കോടതി വ്യക്തമാക്കിയിരുന്നു.

കേസിന്റെ നാൾ വഴികൾ

2017 മെയ് 15: പി ചിദംബരം കേന്ദ്ര മന്ത്രിയായിരുന്നപ്പോൾ 305 കോടി രൂപയ്ക്ക് വിദേശ ഫണ്ട് സ്വീകരിച്ചതിന് ഐഎൻഎക്സ് മീഡിയയ്ക്ക് എഫ്ഐപിബി ക്ലിയറൻസ് നൽകിയതിൽ ക്രമക്കേട് നടത്തിയെന്നാരോപിച്ച് സിബിഐ എഫ്ഐആർ ഫയൽ ചെയ്തു. കൂടാതെ എൻഫോഴ്സ്മെന്റ് ഡയറക്ടറേറ്റ് കള്ളപ്പണം വെളുപ്പിക്കലിന് കേസും ഫയൽ ചെയ്തു.

ജൂൺ 16: കേന്ദ്ര ആഭ്യന്തര മന്ത്രാലയത്തിന് കീഴിലുള്ള ഫോറിനർ റീജിയണൽ രജിസ്ട്രേഷൻ ഓഫീസറും ബ്യൂറോ ഓഫ് ഇമിഗ്രേഷനും കാർത്തിക്കെതിരെ ലുക്ക് ഔട്ട് നോട്ടീസ് പുറപ്പെടുവിച്ചു.

ഓഗസ്റ്റ് 10: മദ്രാസ് ഹൈക്കോടതി കാർത്തിക്കും മറ്റ് നാല് പേർക്കും എതിരെ പുറപ്പെടുവിച്ച ലുക്ക് ഔട്ട് നോട്ടീസ് സ്റ്റേ ചെയ്തു.

ഓഗസ്റ്റ് 14: സുപ്രീംകോടതി ഹൈക്കോടതി ഉത്തരവ് സ്റ്റേ ചെയ്തു.

ഓഗസ്റ്റ് 18: സിബിഐക്ക് മുന്നിൽ ഹാജരാകാൻ സുപ്രീംകോടതി കാർത്തിയോട് ആവശ്യപ്പെട്ടു.

സെപ്റ്റംബർ 11: കാർത്തിയുടെ 25 വിദേശ സ്വത്തുക്കളെക്കുറിച്ചുള്ള അന്വേഷണ റിപ്പോർട്ട് കൈവശമുണ്ടെന്ന് സിബിഐ സുപ്രീംകോടതിയെ അറിയിച്ചു.

സെപ്റ്റംബർ 22: വിദേശ ബാങ്ക് അക്കൗണ്ടുകൾ മരവിപ്പിക്കണമെന്നും കാർത്തിയെ വിദേശയാത്രയിൽ നിന്ന് തടയണമെന്നും സിബിഐ സുപ്രീംകോടതിയോട് ആവശ്യപ്പെട്ടു.

ഒക്ടോബർ 9: മകളെ കേംബ്രിഡ്ജ് സർവകലാശാലയിൽ പ്രവേശിപ്പിക്കാൻ യുകെ സന്ദർശിക്കാൻ കാർത്തി സുപ്രീംകോടതിയുടെ അനുമതി തേടി.
നവംബർ 20: മകളുടെ പഠനവുമായി ബന്ധപ്പെട്ട് കാർത്തിക്ക് യുകെ യിൽ പോകാൻ അനുമതി ലഭിച്ചു.

ഡിസംബർ 8: എയർസെൽ-മാക്സിസ് കേസിൽ തനിക്കെതിരെ സിബിഐ പുറപ്പെടുവിച്ച സമൻസിനെ ചോദ്യം ചെയ്ത് കാർത്തി സുപ്രീംകോടതിയെ സമീപിച്ചു.

2018 ഫെബ്രുവരി 28: കാർത്തിയെ ചെന്നൈ വിമാനത്താവളത്തിൽ വച്ച് സിബിഐ അറസ്റ്റ് ചെയ്തു. ഡൽഹി കോടതി കാർത്തിയെ ഒരുദിവസത്തേക്ക് പൊലീസ് കസ്റ്റഡിയിൽ വിട്ടു.

മാർച്ച് 6: പ്രത്യേക കോടതി കാർത്തിയെ 3 ദിവസത്തെ സിബിഐ കസ്റ്റഡിക്ക് വിട്ടു.

മാർച്ച് 12: കോടതി കാർത്തിയെ 12 ദിവസത്തെ ജുഡീഷ്യൽ കസ്റ്റഡിക്ക് വിട്ടു. അഴിമതിക്കേസിൽ ജാമ്യം തേടി കാർത്തി ഡൽഹി ഹൈക്കോടതിയെ സമീപിച്ചു.

മാർച്ച് 15: കാർത്തിയെ ഇഡി അറസ്റ്റ് ചെയ്യുന്നതിൽ നിന്ന് സുപ്രീംകോടതി ഇടക്കാല സംരക്ഷണം നൽകുന്നു.

മാർച്ച് 23: ഐഎൻഎക്സ് മീഡിയ അഴിമതിക്കേസിൽ കാർത്തിക്ക് ഡൽഹി ഹൈക്കോടതി ജാമ്യം അനുവദിച്ചു.

മെയ് 30: അഴിമതിക്കേസിൽ ജാമ്യാപേക്ഷ തേടി ചിദംബരം ഡൽഹി ഹൈക്കോടതിയെ സമീപിച്ചു.

ജൂലൈ 23: ഇഡിയുടെ കള്ളപ്പണം വെളുപ്പിക്കൽ കേസിൽ മുൻകൂർ ജാമ്യത്തിനായി ചിദംബരം ഹൈക്കോടതിയെ സമീപിച്ചു.

ജൂലൈ 25: രണ്ട് കേസുകളിലും അറസ്റ്റിൽ നിന്ന് ഹൈക്കോടതി ചിദംബരത്തിന് ഇടക്കാല സംരക്ഷണം നൽകി

ഒക്ടോബർ 11 : ചിദംബരത്തിന്റെ ജോർ ബാഗ്ബംഗ്ലാവിന്റെ 50 ശതമാനം എൻഫോഴ്സ്മെന്റ് പിടിച്ചെടുത്തു.

2019 ജൂലൈ 11: ഐഎൻഎക്സ് മീഡിയ ഉടമയായ ഇന്ദ്രാണി മുഖർജിയെ മാപ്പുസാക്ഷിയാക്കി.

ഓഗസ്റ്റ് 20: ചിദംബരത്തിന്റെ മുൻകൂർ ജാമ്യാപേക്ഷ ഹൈക്കോടതി തള്ളി. സുപ്രീംകോടതിയിൽ അപ്പീൽ നൽകാൻ 3 ദിവസത്തേക്ക് ഉത്തരവ് സ്റ്റേ ചെയ്യണമെന്ന ചിദംബരത്തിന്റെ ആവശ്യവും കോടതി തള്ളി.

ഓഗസ്റ്റ് 21: സുപ്രീം കോടതിയിൽ ചിദംബരം സമർപ്പിച്ച മുൻകൂർ ജാമ്യ ഹർജി വെള്ളിയാഴ്‌ച്ച പരിഗണിക്കുമെന്ന് സുപ്രീംകോടതി രജിസ്ട്രാർ അറിയിച്ചു.

മറുനാടന്‍ മലയാളി ബ്യൂറോ    
മറുനാടന്‍ മലയാളി ബ്യൂറോ

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

Loading...
Loading...
TODAYLAST WEEKLAST MONTH
ലോക്ക് ഡൗൺ കാലത്ത് കേരളത്തിലെത്തിയത് 100 കോടിയുടെ സ്വർണം; എല്ലാം നിയന്ത്രിക്കുന്നത് മുഹമ്മദ് ഫയാസും നബീൽ അബ്ദുൾ ഖാദറുമടങ്ങുന്ന മാഫിയ; ആഡംബര ബൈക്ക്-കാർ ഭ്രമത്തിൽ യുവാക്കൾ കടത്തിന്റെ കണ്ണികളാകുമ്പോൾ ചതിയിൽ കുടുക്കി പെൺകുട്ടികളെ കൊണ്ടു വരുന്നത് സെക്‌സ് റാക്കറ്റ്; ടിവി ആങ്കർമാരും എയർഹോസ്റ്റസുകളും ഇരകൾ; ലോബിക്ക് സംരക്ഷണം ഒരുക്കുന്നത് കേരളത്തിലെ പാർട്ടി ഉന്നതന്റെ മകൻ; സ്വർണ്ണക്കടത്തിലെ ദുബായ് ബന്ധത്തിന് ബ്രേക്ക് ദ ചെയ്ൻ അനിവാര്യമാകുമ്പോൾ
ഞാറയ്ക്കലിലെ നേതാവ് നടത്തിയത് സ്വർണം പുറത്തിറക്കാനുള്ള കൈവിട്ട കളി; തിരുവനന്തപുരത്ത് വീടുള്ള യൂണിയൻ നേതാവ് നിരീക്ഷണത്തിൽ; തിരുവനന്തപുരത്ത് നിന്ന് സ്വപ്‌നയും സന്ദീപും കടന്നത് പഞ്ചനക്ഷത്ര ഹോട്ടലിന്റെ ആംബുലൻസിലെന്നും സൂചന; ചെന്നൈയിൽ ഫോൺ സ്വിച്ച് ഓൺ ചെയ്തത് അന്വേഷണ സംഘത്തെ വഴി തെറ്റിക്കാനുള്ള തന്ത്രം; സ്വർണ്ണ കുരുക്ക് തുടങ്ങിയ ശേഷം സ്വപ്‌ന വിളിച്ചത് വിവിഐപികളെ മാത്രം; സിബിഐ എത്തിയാൽ വമ്പന്മാർ കുടുങ്ങും
'വിവാദങ്ങൾ കത്തിപ്പടരുമ്പോൾ പ്രതിരോധം തീർക്കുന്ന ചാനൽ; അപവാദ പ്രചരണങ്ങൾ ഉണ്ടാകുമ്പോൾ സർക്കാറിനെയും സംരക്ഷിക്കുന്ന ചാനൽ; കൈരളി ഇല്ലായിരുന്നെങ്കിൽ ഭരണം ഇപ്പോൾ യുഡിഎഫിന് ആവുമായിരുന്നു; എന്നിട്ടും മുഖ്യമന്ത്രിയുടെ വാർത്താ സമ്മേളനം പോലും കൈരളിയിൽ കാണാൻ പാർട്ടിക്കാർക്ക് മടി'; വേദനകൾ പങ്കു വെച്ച് കൈരളി ടി വി വനിതാ റിപ്പോർട്ടറുടെ പോസ്റ്റ് വൈറൽ
നിങ്ങൾ ഇന്നലെ നടത്തിയ പ്രയോഗം പിശകാണ്..ഒരാളുടെ തൊഴിൽ എന്നുപറഞ്ഞാൽ ശ്രീ വിനു മനസിലാക്കണം.. പ്യൂണിനും അവതാരകനും എല്ലാം ഒരേ ഡിഗ്നിറ്റിയാണ്..ആദ്യം നിങ്ങൾ അത് മനസിലാക്കു; വായിൽ തോന്നുന്നത് വിളിച്ചു പറയുകയല്ല വേണ്ടത്; എം. സ്വരാജും വായിൽ തോന്നുന്നത് പറയേണ്ടെന്ന് വിനു: സ്പീക്കർ ശ്രീരാമകൃഷ്ണനുമായി ബന്ധപ്പെട്ട വിനു.വി.ജോണിന്റെ വിവാദ പരാമർശത്തെ ചൊല്ലി ഏഷ്യാനെറ്റ് ന്യൂസ് അവറിൽ വാഗ്വാദം
ബ്രാഹ്മണ യുവാക്കളെ ചേർത്ത് കീഴ്ജാതിക്കാരെ അടിച്ചൊതുക്കി തുടക്കം; 18ാമത്തെ വയസ്സിൽ ഒരു വിവാഹ പാർട്ടിയുടെ ബസ് തടഞ്ഞുനിർത്തി കൊള്ളയടിച്ച് നാടിനെ നടുക്കി; ബിജെപിയിലും ബിഎസ്‌പിയും മാറിമാറി നിന്ന് രാഷ്ട്രീയ പിൻബലം ആർജ്ജിച്ചു; ബിജെപി നേതാവിനെ പൊലീസ് സറ്റേഷിനിൽ വെച്ച് വെടിവെച്ച് കൊന്നിട്ടും സാക്ഷിപറയൻ ആരുമുണ്ടായില്ല; എതിരാളികളുടെ തലവെട്ടിയും കൈവെട്ടിയും ക്രൂരത; ബ്രാഹ്മണരെ തോക്കെടുപ്പിച്ച് അധോലോക നായകനായ വികാസ് ദുബെയുടെ കഥ
കസ്റ്റംസിനെ വിളിച്ച് സ്വാധീനിക്കാൻ ശ്രമിച്ചുവെന്ന സംശയ നിഴലിലുള്ളത് തിരുവനന്തപുരത്തെ കസ്റ്റംസ് ക്ലിയറൻസ് ഏജൻസ് അസോസിയേഷൻ നേതാവ്; തിരുവനന്തപുരത്തും ഞാറയ്ക്കലിലും വീടുകളുള്ള ക്ലിയറൻസ് ഏജന്റിന്റെ കാറുകൾ അപ്രത്യക്ഷമായത് ദൂരൂഹത കൂട്ടുന്നു; സംശയ നിഴലിലുള്ളത് കാർഗോ വിഷയങ്ങളിൽ നിരന്തരം ഇടപെടുന്ന ബിഎംഎസ് സംഘടനാ നേതാവ്; ഞാറയ്ക്കലുകാരനെ നിരീക്ഷിച്ച് കസ്റ്റംസ്; സ്വപ്‌നാ സുരേഷ് എവിടെ എന്നതിൽ ആർക്കും എത്തുംപിടിയുമില്ല
നിങ്ങളുടെ കുട്ടിക്ക് ഒരു അസുഖവുമില്ല; ശരീരത്തിൽ പിശാച് കയറിയതാണെന്നും മരുന്ന് കഴിച്ചാൽ മാറുമെന്നും പറഞ്ഞ് ചികിൽസ; ഇബ്ലീസിനെ ഓടിക്കാൻ ഉസ്താദുമാർ വാങ്ങിയത് ലക്ഷത്തോളം രൂപ; ചികിത്സയ്ക്കിടയിൽ ഒരു ഉസ്താദ് ശരീരത്തിൽ കയറിപ്പിടിക്കുകയും ചെയ്തു; തന്റെ സ്വത്വം തിരിച്ചറിഞ്ഞ് വീട്ടിൽ നിന്ന് ഇറങ്ങി വന്നിട്ട് ഇപ്പോൾ ഒരു മാസം; ചെറുപ്പം മുതൽ ഉണ്ടായിരുന്നത് വ്യത്യസ്ത ഫീലിംഗുകൾ; ട്രാൻസ് വുമണായി മാറിയ മലപ്പുറത്തുകാരി നിഷാന ജീവിതം പറയുമ്പോൾ
രണ്ട് ഐപിഎസ് ഉന്നതരുമായും വിരമിച്ച എപിഎസ് ഉദ്യോഗസ്ഥനുമായും അടുത്ത ബന്ധം; കോൺസുലേറ്റിലെ സല്യൂട്ട് വിവാദത്തിൽ പൊലീസുകാർക്കെതിരെ നടപടി എടുക്കാനുള്ള ശുപാർശയ്ക്ക് പിന്നിലും ഉന്നതർ; സ്വപ്നയെ കണ്ടെത്താനുള്ള കേന്ദ്ര ഏജൻസികളുടെ അന്വേഷണം പൊലീസിനെ സഹകരിപ്പിക്കാതെ; ചോദിച്ച സിസിടിവി ദൃശ്യങ്ങൾ പോലും നൽകാതെ കൂറ് വ്യക്തമാക്കി കേരളാ പൊലീസും; സ്വപ്‌നാ സുരേഷ് വെറുമൊരു 'ചെറിയ മീനല്ല' എന്ന് അമേരിക്കയിലെ സഹോദരനും; സ്വർണ്ണ കടത്ത് ആസൂത്രക ഒളിവിൽ തുടരുമ്പോൾ
കോൺസുൽ ജനറൽ ആവശ്യപ്പെട്ടതനുസരിച്ച് എന്താണ് കാർഗോ വൈകുന്നതെന്ന് അന്വേഷിക്കുക മാത്രമാണ് ചെയ്തത്; ഇതിൽ എനിക്ക് വേറൊന്നും അറിയില്ല; എന്റെ പശ്ചാത്തലം അന്വേഷിക്കുന്നതിന് പകരം ആരാണ് ആ കാർഗോ അയച്ചതെന്നും ആർക്കാണ് അയച്ചതെന്നും അന്വേഷിക്കണം; എന്നേയും കുടുംബത്തെയും ആത്മഹത്യയുടെ വക്കിലെത്തിച്ചു; ഒളിവിൽ പോയത് ഭയം കാരണം; മുഖ്യമന്ത്രിയേയോ മറ്റ് മന്ത്രിമാരേയോ ഈ പ്രശ്‌നം ബാധിക്കില്ലെന്നും സ്വപ്‌നയുടെ വെളിപ്പെടുത്തൽ; ഓഡിയോ പുറത്ത്
ഡിപ്ലോമാറ്റിക് പെട്ടിയിൽ സ്വർണ്ണമെന്ന് ഉറപ്പിച്ചത് ഇൻഫോർമറോടുള്ള വിശ്വാസം; പാഴ്‌സൽ പൊട്ടിക്കാൻ വിദേശകാര്യ മന്ത്രാലയത്തിന് കത്തയച്ചത് നയതന്ത്ര യുദ്ധം ഒഴിവാക്കാൻ; വന്ദേഭാരതിലെ യുഎഇയുടെ പാരവയ്‌പ്പും തുണച്ചു; നയതന്ത്രജ്ഞരെ സാക്ഷിയാക്കി പാഴ്‌സൽ പൊട്ടിച്ചപ്പോൾ കിട്ടിയത് മഞ്ഞ ലോഹം; ഡൽഹി എയർപോർട്ടിലെ മാഫിയയെ തുരത്തി കൊച്ചിയിൽ വോൾവോ ബസ് കള്ളക്കടത്തിന് കടിഞ്ഞാണിട്ട രാമമൂർത്തിക്ക് തിരുവനന്തപുരത്തും പിഴച്ചില്ല; എയർ കസ്റ്റംസ് കാർഗോ മേധാവി വീണ്ടൂം താരമാകുമ്പോൾ  
കോവിഡ് ബാധിതനായ 62 കാരന്റെ ലിം​ഗം ഉദ്ധരിച്ച് നിന്നത് മണിക്കൂറുകളോളം; ഐസ് പാക്ക് വെച്ചിട്ടും പഠിച്ച പതിനെട്ടും നോക്കിയിട്ടും വഴങ്ങുന്നില്ല; നാല് മണിക്കൂറിന് ശേഷം പ്രശ്നം പരിഹരിച്ചത് രക്തധമനിയിൽ കുത്തിവയ്‌പ്പ് നൽകിയും; ലിം​ഗം മണിക്കൂറുകളോളം ഉദ്ധരിച്ച് നിന്നാൽ കോവിഡിന്റെ ലക്ഷണമാകാം എന്ന് ആരോ​ഗ്യ പ്രവർത്തകരും
ജോലി തേടി അബുദാബിയിൽ എത്തിയ മാരായമുട്ടത്തുക്കാരന് മുമ്പിൽ സഡൺ ബ്രേക്കിട്ട് കാർ നിന്നത് വഴിത്തിരിവായി; ടയറിന്റെ പഞ്ചറൊട്ടിക്കാൻ ഷെയ്കിനെ സഹായിച്ചത് ഒപ്പം ഇരുന്നത് ആരെന്ന് അറിയാതെ; വണ്ടി വീണ്ടും സ്റ്റാർട്ടായപ്പോൾ മലയാളിയെ കാറിൽ കയറ്റി കൊണ്ടു പോയത് രാജ കൊട്ടാരത്തിലേക്ക്; ഏൽപ്പിച്ചത് വാഹനങ്ങളുടെ പരിപാലനം; സുരേഷിന് അബുദാബിയിൽ ഉണ്ടായിരുന്നത് റെയിൻബോ ഷെയ്ക് എന്ന പിടിവള്ളി; സ്വപ്‌നാ സുരേഷിന്റെ കുടുംബം ഗൾഫിൽ ചുവടുറപ്പിച്ച കഥ
അബുദാബിയിൽ ബാർ നടത്താനെത്തിയ തിരുവനന്തപുരത്തുകാരനുമായി ആദ്യ കല്യാണം; ഭർത്താവിന്റെ നടനായ കൂട്ടുകാരനും വ്യവസായിയും മൂന്ന് ദിവസം വീട്ടിൽ താമസിച്ചപ്പോൾ തുടങ്ങിയ താളപ്പിഴ; രാഷ്ട്രീയക്കാരന്റെ മകനായ കാമുകൻ കൈവിട്ടതോടെ ജീവിതം പെരുവഴിയിലായി; എയർ ഇന്ത്യാ സ്റ്റാസിൽ ജോലി കിട്ടിയതോടെ മന്ത്രിമാർ അടക്കമുള്ള രാഷ്ട്രീയ സൗഹൃദം; കോൺസുലേറ്റിലെ എല്ലാമെല്ലാം ആയത് അറബിയിലുള്ള പ്രാവിണ്യ കരുത്തിൽ; സ്വപ്‌നാ സുരേഷ് എല്ലാം വെട്ടിപിടിച്ച കഥ
ഐ ടി സെക്രട്ടറി ശിവശങ്കരൻ സ്വപ്നയുടെ ഫ്‌ളാറ്റിലെ സ്ഥിരം സന്ദർശകൻ; സ്റ്റേറ്റ് കാറിൽ എത്തി രാത്രി വെകുവോളം മദ്യപാന പാർട്ടികൾ പതിവ്; നരച്ച താടിയുള്ള ആൾ ഐടി സെക്രട്ടറിയാണെന്ന് ശരിക്കും അറിഞ്ഞത് സ്പ്രിൻക്ലർ വിവാദത്തിൽ മാധ്യമങ്ങളിൽ വന്നതോടെയെന്ന് അയൽവാസി; പലപ്പോഴും മദ്യപിച്ചു ലക്കുകെട്ട് എടുത്തുകൊണ്ടു പോകുകയായിരുന്നു പതിവ്; ഒരിക്കൽ രാത്രി ഗേറ്റു തുറന്നു കൊടുക്കാത്തതു കൊണ്ട് സെക്യൂരിറ്റിയെ മർദ്ദിച്ച സംഭവവും ഉണ്ടായി; സ്വപ്‌ന സുരേഷിനെതിരെ ഫ്‌ളാറ്റിലെ സമീപവാസികൾ
നെയ്യാറ്റിൻകരക്കാരന്റെ മകൾ പഠിച്ചതും വളർന്നതും അബുദാബിയിൽ; ഡിവോഴ്‌സ് നേടി ബാലരാമപുരത്ത്; ഇംഗ്ലീഷും അറബിയും സംസാരിച്ച് ആദ്യം നേടിയത് ട്രാവൽ ഏജൻസി ജോലി; ഞൊടിയിടയിൽ പറന്നെത്തിയ് എയർ ഇന്ത്യാ സാറ്റ്സിൽ; അവിടെ നിന്ന് കോൺസുലേറ്റിലേക്കും; അച്ഛന്റേയും അവസാന ഭർത്താവിന്റേയും പേര് സുരേഷ്; ഐടി സെക്രട്ടറിയെ കൂട്ടിന് കിട്ടിയപ്പോൾ പ്രൈസ് വാട്ടർ കൂപ്പറും ശുപാർശയുമായെത്തി; ഡിപ്ലോമാറ്റിക് സ്വർണ്ണ കടത്തിലെ വില്ലത്തി സ്വപ്‌നയുടെ വളർച്ചാ വഴിയിൽ 'റെഡ് ബുൾ എനർജിയും'
ഞാൻ പേടിച്ചു കേട്ടോ; ചേച്ചി പേടിക്കില്ല..കൂടെ ഉള്ളത് കേരളഭരണം അല്ലേ; അതേ എന്തേലും സംശയമുണ്ടോ? കസ്റ്റംസ് ഉദ്യോഗസ്ഥർ തിരഞ്ഞുനടക്കുമ്പോൾ ഫേസ്‌ബുക്ക് പേജിൽ തമാശകൾ പറഞ്ഞ് ഉല്ലസിച്ച് സ്വപ്‌ന സുരേഷ്; രാജ്യത്തിന്റെ മുതല് വിദേശത്തേക്ക് അല്ലല്ലോ കൊണ്ടുപോയതെന്നും വിദേശത്തു നിന്നും രാജ്യത്തേക്ക് മുതല് കൊണ്ടു വന്നതിൽ എന്ത് നഷ്ടമാണെന്നും തന്റെ പോസ്റ്റിൽ ന്യായീകരണവും
കോൺസുലേറ്റിലേക്കുള്ള പാഴ്‌സൽ തുറന്നു നോക്കാൻ കസ്റ്റംസ് കാട്ടിയത് അസാധാരണ ധൈര്യം; രാജ്യങ്ങൾക്കിടയിലെ നയതന്ത്ര ബന്ധങ്ങളെ പോലും ഉലയ്ക്കുമെന്നതിനാൽ സാധാരണ ഗതിയിൽ ഡിപ്രോമാറ്റിക് ബാഗേജിന് കിട്ടുക വിവിഐപി പരിഗണന; മണക്കാട്ടെ യുഎഇ കോൺസുലേറ്റിലേക്കുള്ള ബാഗേജിലുണ്ടായിരുന്നത് 35 കിലോ സ്വർണം; തിരുവനന്തപുരത്ത് നടന്നത് കേരളം ഇതുവരെ കണ്ട ഏറ്റവും വലിയ സ്വർണ്ണ വേട്ട; കോവിഡു കാലത്തും സ്വർണ്ണ മാഫിയ സജീവം; ഡിപ്ലോമോറ്റിക് കടത്തിൽ ഞെട്ടി കസ്റ്റംസ്
നഗ്‌നതയും ലൈംഗികതയും അല്ലെങ്കിൽ ചുംബനം പോലും പോൺ സൈറ്റുകളിൽനിന്നും പഠിക്കേണ്ടിവരുന്ന സാഹചര്യമാണ്; നഗ്‌നത എന്തിനു തുറന്നു കാട്ടണം എന്ന ചോദ്യത്തിനു ഉത്തരം സ്ത്രീയുടെ നഗ്‌നത എന്തിനു നിർബന്ധമായും മൂടിവെക്കണം എന്ന ചോദ്യം തന്നെയാണ്; മക്കൾക്ക് ചിത്രം വരക്കാൻ ന​ഗ്നശരീരം വിട്ടുനൽകി രഹ്ന ഫാത്തിമ; വീഡിയോ കാണാം..
ഇവിടെ ഉഭയസമ്മതത്തോടെ ഏത് പുരുഷനും ഏത് സ്ത്രീയുമായി പരസ്യമായി ലൈംഗിക ബന്ധത്തിൽ ഏർപ്പെടാം; ജപസമയത്തും ആഹാര സമയത്തും സ്ത്രീപുരുഷന്മാർ പൂർണ്ണ നഗ്നരായിക്കും; പരസ്യമായി രതിയിൽ ഏർപ്പെടുന്നതിൽ ലജ്ജയോ അപമാനമോ തോന്നുന്നവരെ സമാജത്തിൽ നിന്നും ഒഴിവാക്കും; നഗ്നതയും ബോഡി ആർട്ടും വൻ വിവാദമാകുന്ന കേരളത്തിൽ ഇങ്ങനെയും ഒരു കമ്യൂൺ ഉണ്ടെന്ന് അറിയുക
നിങ്ങൾ വളർന്നു ശ്രീ മാലാ പാർവതി... പക്ഷേ നിങ്ങൾ നിങ്ങളുടെ മകനെ നന്നായി വളർത്താൻ മറന്നു പോയിരിക്കുന്നു......! കോവിഡിനെ തുരത്താൻ നാമെല്ലാവരും ഒറ്റക്കെട്ടായി സാമൂഹിക അകലം പാലിച്ച് നിൽക്കണമെന്ന ആശയവുമായി വരികൾ എഴുതിയത് അമ്മ; ഒന്നായിടും ലോകം എന്ന ഗാനത്തിന്റെ എഡിറ്റിംഗും സംവിധാനവും നിർവ്വഹിച്ച മകനും; സിനിമയിൽ താരമാകാൻ ആഗ്രഹിച്ച നടിയുടെ മകന്റെ അശ്ലീലത ചർച്ചയാക്കി സീമാ വിനീതും; മാലാ പാർവ്വതിയുടെ മകൻ അനന്തകൃഷ്ണൻ കുടുങ്ങുമ്പോൾ
പിണറായി വിജയന്റെ മകൾ വീണാ വിജയൻ വിവാഹിതയാകുന്നു; വരൻ ഡിവൈഎഫ്ഐ അഖിലേന്ത്യാ പ്രസിഡന്റ് മുഹമ്മദ് റിയാസ്; രണ്ടു പേരുടെയും വിവാഹത്തിന് വഴിയൊരുങ്ങിയത് രണ്ടു വർഷമായുള്ള അടുപ്പം; ചടങ്ങ് ഏറ്റവുമടുത്ത ബന്ധുക്കളെ മാത്രം പങ്കെടുപ്പിച്ച് ലളിതമായി; രജിസ്റ്റർ ഓഫീസിൽ നിന്നും സർട്ടിഫിക്കറ്റ് വാങ്ങുക ഈ മാസം 15ന്
ഡിപ്ലോമാറ്റിക് പെട്ടിയിൽ സ്വർണ്ണമെന്ന് ഉറപ്പിച്ചത് ഇൻഫോർമറോടുള്ള വിശ്വാസം; പാഴ്‌സൽ പൊട്ടിക്കാൻ വിദേശകാര്യ മന്ത്രാലയത്തിന് കത്തയച്ചത് നയതന്ത്ര യുദ്ധം ഒഴിവാക്കാൻ; വന്ദേഭാരതിലെ യുഎഇയുടെ പാരവയ്‌പ്പും തുണച്ചു; നയതന്ത്രജ്ഞരെ സാക്ഷിയാക്കി പാഴ്‌സൽ പൊട്ടിച്ചപ്പോൾ കിട്ടിയത് മഞ്ഞ ലോഹം; ഡൽഹി എയർപോർട്ടിലെ മാഫിയയെ തുരത്തി കൊച്ചിയിൽ വോൾവോ ബസ് കള്ളക്കടത്തിന് കടിഞ്ഞാണിട്ട രാമമൂർത്തിക്ക് തിരുവനന്തപുരത്തും പിഴച്ചില്ല; എയർ കസ്റ്റംസ് കാർഗോ മേധാവി വീണ്ടൂം താരമാകുമ്പോൾ  
ക്രൈമിന്റെ ഓഫീസിൽ ചാരമായ രേഖകൾ എത്രമാത്രം വിലപിടിപ്പുള്ളതായിരുന്നു എന്നതിന് ഇതിനപ്പുറം എന്ത് തെളിവാണ് വേണ്ടത്? നിർണായക ഘട്ടത്തിൽ സഹായിയായ റിയാസിന് ഇതിലും വലിയ എന്ത് പാരിതോഷികമാണ് ഒരു നേതാവിന് നൽകാൻ കഴിയുക? കാര്യം കഴിഞ്ഞാൽ കറിവേപ്പിലയാകുന്ന പതിവ് നേതാക്കളിൽ നിന്നും നിങ്ങൾ വ്യത്യസ്തനാവുന്നത് ഇങ്ങനെയാണ് സഖാവെ.. അഭിനന്ദനങ്ങൾ പിണറായി വിജയൻ.... മുഹമ്മദ് റിയാസ്; ക്രൈം പത്രാധിപർ ടിപി നന്ദകുമാറിന്റെ കുറിപ്പ് ചർച്ചയാകുമ്പോൾ
എസ് എഫ് ഐ സംസ്ഥാന കമ്മറ്റി അംഗമായിരിക്കെ ജില്ലാ കമ്മറ്റി അംഗമായ മുഹമ്മദ് റിയാസുമായി സമീഹയുടെ വിവാഹം; വിവാഹ ശേഷം രാഷ്ട്രീയം അവസാനിപ്പിക്കാൻ നിർബന്ധം പിടിച്ചു; ഡോക്ടറായിട്ടും പ്രാക്ടീസ് ചെയ്യാൻ അനുവദിച്ചില്ല; പൊന്നും പണവും ചോദിച്ച് ഭിത്തിയിൽ ചാരി നിർത്തി മർദ്ദനം; 50 രൂപ നൽകിയാൽ പാളയത്ത് പെണ്ണുങ്ങളെ കിട്ടുമെന്ന് പറഞ്ഞ് മൂത്ര തടസ്സം ഉണ്ടാക്കുന്ന ഉപദ്രവം; പിണറായിയുടെ മകളുമായി വിവാഹം ഉറപ്പിക്കുമ്പോൾ ഡിവൈഎഫ്‌ഐ ദേശീയ പ്രസിഡന്റിന്റെ മുൻ ഭാര്യ നൽകിയ പരാതി ചർച്ചയിൽ
കോവിഡ് ബാധിതനായ 62 കാരന്റെ ലിം​ഗം ഉദ്ധരിച്ച് നിന്നത് മണിക്കൂറുകളോളം; ഐസ് പാക്ക് വെച്ചിട്ടും പഠിച്ച പതിനെട്ടും നോക്കിയിട്ടും വഴങ്ങുന്നില്ല; നാല് മണിക്കൂറിന് ശേഷം പ്രശ്നം പരിഹരിച്ചത് രക്തധമനിയിൽ കുത്തിവയ്‌പ്പ് നൽകിയും; ലിം​ഗം മണിക്കൂറുകളോളം ഉദ്ധരിച്ച് നിന്നാൽ കോവിഡിന്റെ ലക്ഷണമാകാം എന്ന് ആരോ​ഗ്യ പ്രവർത്തകരും