Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Nov / 202024Tuesday

എന്താ കണ്ണിൽ ഇരുട്ടു കയറുന്നുണ്ടോ ഷീ ജിങ് പിങ്ങ്? ഇത് പഴയ ഇന്ത്യയല്ല, അടിച്ചാൽ തിരിച്ചടി ഉറപ്പ്; ലഡാക്കിലെ റോഡു നിർമ്മാണത്തിൽ കലിച്ച ചൈനയ്ക്ക് ഇന്ത്യൻ മറുപടി രാജകീയമായി തന്നെ; സേനാനീക്കം ചടുലമാക്കാൻ ഹിമലയം തുരന്നു ഇന്ത്യ നിർമ്മിക്കുന്നത് പത്ത് തുരങ്കങ്ങൾ കൂടി

എന്താ കണ്ണിൽ ഇരുട്ടു കയറുന്നുണ്ടോ ഷീ ജിങ് പിങ്ങ്? ഇത് പഴയ ഇന്ത്യയല്ല, അടിച്ചാൽ തിരിച്ചടി ഉറപ്പ്;  ലഡാക്കിലെ റോഡു നിർമ്മാണത്തിൽ കലിച്ച ചൈനയ്ക്ക് ഇന്ത്യൻ മറുപടി രാജകീയമായി തന്നെ; സേനാനീക്കം ചടുലമാക്കാൻ ഹിമലയം തുരന്നു ഇന്ത്യ നിർമ്മിക്കുന്നത് പത്ത് തുരങ്കങ്ങൾ കൂടി

മറുനാടൻ മലയാളി ബ്യൂറോ

ന്യൂഡൽഹി: അടുത്തകാലത്തായി ചൈന ലഡാക്കിന് മേൽ കണ്ണുവെക്കാൻ പ്രധാന കാരണം അതിർത്തിയിൽ റോഡുകളുടെ നിർമ്മാണം ഇന്ത്യ അതിവേഗത്തിലാക്കിയതാണ്. ഇത് ശരിയല്ലെന്നും ലഡാക്കിൽ തങ്ങൾക്ക് അവകാശമുണ്ടെന്നുമായിരുന്നു ചൈനയുടെ അവകാശവാദം. ഈ വാദം പണ്ടേ തള്ളിയ ഇന്ത്യ ഇപ്പോൾ തെറിക്കുത്തരം മുറിപ്പത്തൽ എന്ന വിധത്തിലുള്ള മറുപടിയുമായി രംഗത്തുവന്നു. ഇന്ത്യൻ റോഡ് നിർമ്മാണത്തിൽ ഭയപ്പെടുന്ന ചൈനയെ ശരിക്കും വിറപ്പിക്കാൻ പോന്ന രാജകീയ നീക്കവുമായി മോദിയും കൂട്ടരും രംഗത്തുവന്നു.

ചൈനീസ് ഭീഷണിക്ക് വഴങ്ങില്ലെന്നും അടിച്ചാൽ തിരിച്ചടിക്കുമെന്നും ശക്തമായി പ്രഖ്യാപിച്ചു കൊണ്ടാണ് ഇന്ത്യ രംഗത്തുവന്നത്. ചൈനീസ് ഭീഷണി വകവെക്കാതെ ഇന്ത്യ അതിർത്തിയിൽ സേനാനീക്കം ലക്ഷ്യമിട്ട് നിർമ്മിക്കുന്നന്നത് പത്ത് തുരങ്കങ്ങൾ നിർമ്മിക്കാനാണ്. ഈ നീക്കം അതിർത്തിയിലെ ചൈനീസ് ഇടങ്ങളെയും വിറപ്പിക്കാൻ കെൽപ്പുള്ളതാണ്. അടുത്തിടെ ഹിമാചലിലെ മണാലിയിൽ തുറന്ന അടൽ തുരങ്കത്തിനും ശ്രീനഗറിനെ കാർഗിൽ, ലേ എന്നിവയുമായി ബന്ധിപ്പിക്കാൻ സോജി ലായിൽ നിർമ്മാണം പുരോഗമിക്കുന്ന തുരങ്കത്തിനും പുറമേയാണിത്.

അതിർത്തിയിലെ നിർമ്മാണ പ്രവർത്തനങ്ങൾ നിർത്തിവയ്ക്കണമെന്ന ചൈനയുടെ ആവശ്യം തള്ളിയാണു തുരങ്ക പദ്ധതിയുമായി ഇന്ത്യ മുന്നോട്ടു നീങ്ങുന്നത്. പാക്ക്, ചൈന അതിർത്തി മേഖലകളിൽ വാഹന നീക്കം വേഗത്തിലാക്കാൻ അടുത്തിടെ 44 പാലങ്ങൾ ഇന്ത്യ നിർമ്മിച്ചിരുന്നു. തുരങ്ക നിർമ്മാണത്തിനായി ബോർഡർ റോഡ്‌സ് ഓർഗനൈസേഷൻ (ബിആർഒ) പ്രാരംഭ നടപടികൾ ആരംഭിച്ചു. ചൈന അനുനയ പാതയിൽ വരാത്ത പശ്ചാത്തലത്തിൽ ശക്തമായി മുന്നോട്ടു പോകാനാണ് കേന്ദ്രസർക്കാൻ നീക്കം. ഇതിന്റെ ഭാഗമാണ് തുരങ്ക പദ്ധതികൾ.

കിഴക്കൻ ലഡാക്കിൽ ചൈനയോടു ചേർന്ന് ഇന്ത്യൻ വ്യോമതാവളം സ്ഥിതി ചെയ്യുന്ന ദൗലത് ബേഗ് ഓൾഡിയിലേക്കുള്ള (ഡിബിഒ) തുരങ്കമാണ് ഇന്ത്യ നിർമ്മിക്കാൻ ശ്രമിക്കുന്ന തുരങ്കങ്ങളിൽ പ്രധാനം. ഡിബിഒയെ ഡെപ്‌സാങ് താഴ്‌വരയുമായി ബന്ധിപ്പിച്ച് 17,800 അടി ഉയരത്തിലുള്ള പ്രദേശത്താണു തുരങ്കം നിർമ്മിക്കുക. ചൈനയ്ക്ക് നോട്ടമുള്ള പ്രദേശം കൂടിയാണ് ഇത്. അതുകൊണ്ടു കൂടിയാണ് ഇന്ത്യ വിട്ടുവീഴ്‌ച്ചയില്ലാത്ത നിലപാടുമായി മുന്നോട്ടു പോകാൻ ശ്രമിച്ചുന്നത്. ഡിബിഒ ഡെപ്‌സാങ് റോഡ് കയ്യടക്കി വ്യോമതാവളത്തിലേക്കുള്ള ഇന്ത്യൻ സേനാനീക്കം തടസ്സപ്പെടുത്താൻ ചൈന ശ്രമം നടത്തിയേക്കുമെന്ന വിലയിരുത്തലിലാണ് ബദൽ പാതയായി തുരങ്കം നിർമ്മിക്കുന്നത്.

ചൈനയുടെ കടന്നുകയറ്റത്തിന്റെ പശ്ചാത്തലത്തിൽ നിലവിൽ ഡെപ്‌സാങ്, ഡിബിഒ എന്നിവിടങ്ങളിൽ ഇന്ത്യയുടെ വൻ സേനാ സന്നാഹം നിലയുറപ്പിച്ചിട്ടുണ്ട്. അതിർത്തിയിലുള്ള നൂബ്ര താഴ്‌വര, ഖാർദുങ് ലാ, ചാങ് ലാ എന്നിവിടങ്ങളിലും തുരങ്കം നിർമ്മിക്കും. അതിനിടെ ചൈനയോടു ചേർന്ന് നിർമ്മിച്ച റോഡുകളും പാലങ്ങളും ഉദ്ഘാടനം ചെയ്യാൻ പ്രതിരോധ മന്ത്രി രാജ്‌നാഥ് സിങ് നാളെയും മറ്റന്നാളും സിക്കിമിലെ അതിർത്തി മേഖലകൾ സന്ദർശിച്ചേക്കും. ചൈനീസ് അതിർത്തിയിൽ നിലയുറപ്പിച്ചിരിക്കുന്ന ജവാന്മാരുമായി കൂടിക്കാഴ്ച നടത്തുന്നതും പരിഗണനയിലുണ്ട്. കിഴക്കൻ ലഡാക്കിൽ കാവൽ നിൽക്കുന്നജവാന്മാരെ അദ്ദേഹം മുൻപു സന്ദർശിച്ചിരുന്നു.

ലഡാക്കിൽ എട്ടും കാശ്മീരിൽ രണ്ടുമാണ് ഇന്ത്യ നിർമ്മിക്കുന്ന തുരങ്കങ്ങൾ. ദൗലത് ബേഗ് ഓൾഡി, നൂബ്ര താഴവര, ഖാർദുങ് ലാ, ചാങ് ലാ എന്നിവ ഉൾപ്പെടെയാണിത്. ശൈത്യ മാസങ്ങളിൽ കനത്ത മഞ്ഞുവീഴ്ച മൂലം റോഡ് ഗതാഗതം തടസ്സപ്പെടുന്ന ഇവിടെ, തുരങ്കം തുറന്നാൽ വർഷം മുഴുവൻ സേനാ നീക്കം സാധ്യമാകും. ബോർഡർ റോഡ്‌സ് ഓർഗനൈസേഷനാണ് നിർമ്മാണം.

യഥാർഥ നിയന്ത്രണ രേഖ (എൽഎസി)യോടു ചേർന്ന് ഇന്ത്യ നടത്തുന്ന അടിസ്ഥാന സൗകര്യ വികസനമാണ് കിഴക്കൻ ലഡാഖിലെ സംഘർഷത്തിന്റെ മൂലകാരണമെന്ന ചൈനയുടെ വാദം നേരത്തെ തന്നെ കേന്ദ്രസർക്കാർ തള്ളിയിരുന്നു. സ്വന്തം അതിർത്തിക്കുള്ളിൽ റോഡും വാർത്താവിനിമയ സംവിധാനങ്ങളും നിരന്തരം വികസിപ്പിച്ചുകൊണ്ടാണ് ചൈന ആരോപണം ഉന്നയിക്കുന്നതെന്ന് വിദേശകാര്യ മന്ത്രാലയത്തിലെ മുതിർന്ന ഉദ്യോഗസ്ഥൻ വ്യക്തമാക്കുകയുണ്ടായി. ഇതിന്റെ തുടർച്ചയാണ് ഇപ്പോഴത്തെ ഇന്ത്യൻ നീക്കം.

മൂന്നു കാരണങ്ങളാൽ ചൈനയുടെ ആരോപണങ്ങൾ മറുപടി പോലും അർഹിക്കുന്നതല്ല. 1. പ്രതിരോധ മന്ത്രി രാജ്‌നാഥ് സിങ് കഴിഞ്ഞദിവസം ഉദ്ഘാടനം ചെയ്ത പാലങ്ങളൊന്നും എൽഎസിയോടു ചേർന്നല്ല. അവയെല്ലാം സൈനിക കേന്ദ്രങ്ങളുമായല്ല, സാധാരണക്കാരന്റെ ജീവിതവുമായി ബന്ധപ്പെട്ടവയാണ്. 2. ഇത്രയും കാലം നടന്ന സൈനിക- നയതന്ത്ര ചർച്ചകളിലൊന്നും അതിർത്തി പ്രദേശങ്ങളിലെ അടിസ്ഥാന സൗകര്യ വികസനത്തെക്കുറിച്ചു ചൈന മിണ്ടിയിട്ടില്ല. 3. സ്വന്തം അതിർത്തിക്കുള്ളിൽ റോഡ്, പാലം, ഒപ്റ്റിക്കൽ ഫൈബർ, സൗരോർജം ഉപയോഗിക്കുന്ന സൈനിക പോസ്റ്റുകൾ -ഹട്ടുകൾ തുടങ്ങിയവയുടെ നിർമ്മാണം മിസൈൽ വിന്യാസം എന്നിവയെക്കുറിച്ചു ചൈനയ്ക്ക് എന്തു പറയാനുണ്ട്? - പ്രതിരോധ വൃത്തങ്ങൾ പറഞ്ഞു.

സംഘർഷം നിലനിൽക്കു്‌ന ഗോഗ്ര- ഹോട്ട്‌സ്പ്രിങ് മേഖലയിൽ ചൈന ഇതിനകം ഒപ്റ്റിക്കൽ ഫൈബർ സ്ഥാപിച്ചതായി സൈനിക കമാൻഡർമാർ പറഞ്ഞു. അവിടെ വലിയ ക്രെയ്‌നുകൾ സ്ഥാപിച്ച് സൗരോർജം ഉപയോഗിക്കുന്ന കണ്ടെയ്‌നറുകൾ സൈനികർക്കായി എത്തിച്ചിട്ടുണ്ട്. പാംഗോങ് ത്സോ തടാകത്തിനു സമീപം ശൈത്യകാലത്ത് ജവാന്മാർക്കുണ്ടാകുന്ന അസുഖങ്ങൾക്ക് ചികിത്സ നൽകാൻ താത്കാലിക ആശുപത്രിയും തുറന്നു. ഇതിനുശേഷമാണ് ഇന്ത്യയ്‌ക്കെതിരേ ആരോപണമുന്നയിക്കുന്നതെന്നും പ്രതിരോധ വൃത്തങ്ങൾ വ്യക്തമാക്കിയിരുന്നു. എന്നാൽ, പാക് അധീന കശ്മീരിലെ ഖുൻജറാബ് ചുരം വഴി കടന്നുപോകുന്ന ചൈന പാക് സാമ്പത്തിക ഇടനാഴി (സിപിഇസി)ക്ക് ഭീഷണിയാകുമെന്നതാണ് എൽഎസിയിൽ ഇന്ത്യ നടത്തുന്ന നിർമ്മാണളോടു ചൈനയ്ക്കുള്ള എതിർപ്പിനു കാരണമെന്ന് നയതന്ത്ര വിദഗ്ദ്ധർ അഭിപ്രായപ്പെടുന്നത്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP