Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jul / 202127Tuesday

51 വർഷമായി ഗോകുലം ഗ്രൂപ്പിന്റെ ഒരു ചെക്ക് പോലും മടങ്ങിയിട്ടില്ല; രമണിക്ക് ഒരു ചെക്കും നൽകിയിട്ടില്ല; തന്റെ മകൻ അയാള പൂർണ്ണമായി വിശ്വസിച്ചതാണ് പറ്റിയ തെറ്റ്; വഞ്ചിട്ടില്ലെന്ന് നിയമപരമായി തെളിയിക്കുന്നതിനുള്ള രേഖകൾ കൈവശമുണ്ട്; നിയമത്തിൽ പൂർണ്ണ വിശ്വാസമുള്ളതുകൊണ്ടാണ് ആരുടേയും സഹായം തേടാഞ്ഞത്; മകൻ ബൈജു ഗോപാലൻ ചെക്കു കേസിൽ അറസ്റ്റിലായതിനെ കുറിച്ച് പ്രതികരിച്ച് ഗോകുലം ഗോപാലൻ

51 വർഷമായി ഗോകുലം ഗ്രൂപ്പിന്റെ ഒരു ചെക്ക് പോലും മടങ്ങിയിട്ടില്ല; രമണിക്ക് ഒരു ചെക്കും നൽകിയിട്ടില്ല; തന്റെ മകൻ അയാള പൂർണ്ണമായി വിശ്വസിച്ചതാണ് പറ്റിയ തെറ്റ്; വഞ്ചിട്ടില്ലെന്ന് നിയമപരമായി തെളിയിക്കുന്നതിനുള്ള രേഖകൾ കൈവശമുണ്ട്; നിയമത്തിൽ പൂർണ്ണ വിശ്വാസമുള്ളതുകൊണ്ടാണ് ആരുടേയും സഹായം തേടാഞ്ഞത്; മകൻ ബൈജു ഗോപാലൻ ചെക്കു കേസിൽ അറസ്റ്റിലായതിനെ കുറിച്ച് പ്രതികരിച്ച് ഗോകുലം ഗോപാലൻ

മറുനാടൻ മലയാളി ബ്യൂറോ

ദുബായി: തുഷാർ വെള്ളാപ്പള്ളിക്ക് പിന്നാലെയാണ് ഗോകുലം ഗോപാലന്റെ മകൻ ബൈജു ഗോപാലനും ദുബായിൽ ചെക്കു കേസിൽ കുടുങ്ങിയത്. ഈ സംഭവത്തിൽ മകനെ രക്ഷപെടുത്താൻ വേണ്ടി ദുബായിലേക്ക് പറന്നെത്തുകയായിരുന്നു ഗോകുലം ഗോപാലൻ. ഇതെല്ലാം മാധ്യമങ്ങളിൽ വാർത്തയായതിന് പിന്നാലെ വിവാദത്തിൽ പ്രതികരണവുമായി ഗോകുലം ഗോപാലൻ രംഗത്തെത്തി. തന്റെ മകൻ ആരെയും വഞ്ചിച്ചിട്ടില്ലെന്നും ചതിക്കപ്പെട്ടതാണെന്നുമാണ് വ്യവസായിയുടെ പ്രതികരണം.

പരാതി നൽകിയ ചെന്നൈ സ്വദേശി രമണിയുടെ ചതിവിൽ പെട്ടുപോയതാണ് തന്റെ മകൻ എന്നാണ് ഗോകുലം ഗോപാലന്റെ പ്രതികരണം. കേരള കൗമുദിയോടൊണ് ഗോകുലം ഗോപാലൻ ഇക്കാര്യം പറഞ്ഞത്. തന്റെ മകൻ അയാള പൂർണ്ണമായി വിശ്വസിച്ചതാണ് പറ്റിയ തെറ്റ്. വഞ്ചിട്ടില്ലെന്ന് നിയമപരമായി തെളിയിക്കുന്നതിനുള്ള രേഖകൾ കൈവശമുണ്ട്. നിയമത്തിൽ പൂർണ്ണവിശ്വാസമുള്ളതുകൊണ്ടാണ് ആരുടേയും സഹായം തേടാഞ്ഞത്. 51 വർഷമായി ഗോകുലം ഗ്രൂപ്പിന്റെ ഒരു ചെക്ക് പോലും മടങ്ങിയിട്ടില്ല. രമണിക്ക് ഒരു ചെക്കും നൽകിയിട്ടില്ലെന്നും ഗോകുലം ഗോപാലൻ പറഞ്ഞു.

രമണിയുടെ ചെന്നൈ ടി നഗറിലെ ഹോട്ടൽ വാങ്ങുന്നതുമായി ബന്ധപ്പെട്ട് 25 കോടിരൂപയുടെ അഡ്വാൻസ് ഗോകുലം ഗ്രൂപ്പ് രമണിക്ക് നൽകിയിരുന്നു. എന്നാൽ പണം കൈപ്പറ്റിയ രമണി രജിസ്‌ട്രേഷന് മുന്നേ ഹോട്ടൽ മറ്റൊരാൾക്ക് മറിച്ച് വിൽക്കാൻ ശ്രമിച്ചു. തുടർന്ന് രമണിക്കെതിരെ നൽകിയ കേസ് ചെന്നൈ കോടതിയിൽ നിലനിൽക്കുന്നുണ്ടെന്നും ഗോകുലം ഗോപാലൻ പറഞ്ഞു.

ഇതിന്റെ സെറ്റിൽമെന്റ് എന്ന നിലയിൽ പിന്നീട് മകനെ സ്വാധീനിച്ച രമണി ദുബായിലെ ഹെൽത്ത് കെയർകമ്പനി ഗോകുലം ഗ്രൂപ്പിന് 20 കോടി രൂപയ്ക് നൽകാമെന്ന് അറിയിച്ചു. കരാറും ഒപ്പുവച്ചു. ഇടപാട് നടന്നെങ്കിലും കരാർ തിരികെ നൽകാതെ രമണി പരാതി നൽകി പകരംവീട്ടുകയായിരുന്നു. നിരവധി പേരെ രമണി സാമ്പത്തികമായി കബളിപ്പിച്ചിട്ടുണ്ടെന്നാണ് അറിയുന്നതെന്നും ഗോകുലം ഗോപാലൻ പറഞ്ഞു.

ചെക്ക് കേസിന് കൂടാതെ വ്യാജരേഖ ഉണ്ടാക്കി യുഎഇ വിട്ടു എന്ന കേസു കൂടി ബൈജു ഗോപാലൻ നേരിടുന്നുണ്ട്. ഇതാണ് ചെക്ക് കേസിനേക്കാൾ ഗൗരവകരമായ കാര്യം. യുഎഇയിൽ റസിഡന്റ് വിസയുള്ള വ്യക്തിയാണ് ബൈജു ഗോപാലൻ. ഇവിടെ അദ്ദേഹത്തിന് ബിസിനസുകളും ഉണ്ട്. ഈ ബിസിനസിൽ വന്ന പാളിച്ചയാണ് ബൈജുവിനെ അഴിക്കുള്ളിലാക്കിയത് എന്നാണ് അറിയാൻ സാധിക്കുന്നത്. രണ്ട് കോടി ദിർഹത്തിന്റെ ചെക്ക് മടങ്ങിയതോടെ പരാതിയുമായി എത്തിയത് തമിഴ്‌നാട് സ്വദേശിയായ രമണിയായിരുന്നു. ഈ കേസ് വന്നതോടെ യാത്രാവിലക്കും നേരിടേണ്ടി വന്നു.

ഈ യാത്രാവിലക്ക് മറികടന്ന് രക്ഷപെടാൻ ശ്രമിച്ചതാണ് ബൈജു ഗോപാലനെ ശരിക്കും വെട്ടിലാക്കിയത്. രണ്ടാഴ്‌ച്ച മുമ്പ് യുഎഇയിൽ നിന്നും റോഡ് മാർഗ്ഗം ഒമാനിലേക്ക് കടക്കുകയായിരുന്നു ബൈജു. ഇതിനായി എമിഗ്രേഷൻ രേഖകൾ കൃത്രിമമായി ഉണ്ടാക്കുകയും ചെയ്തു. യുഎഇയിൽ നിന്നും ഒമാനിലെത്തിയ ബൈജു പാസ് പോർട്ടിൽ യുഎഇയിൽ നിന്നും എക്സിറ്റ് ചെയ്തതായി വ്യാജമായി സ്റ്റാമ്പ് ചെയ്തു. ഇത് എമിഗ്രേഷൻ തട്ടിപ്പായി മാറുകയായിരുന്നു. എന്നാൽ, ഒമാനിൽ നിന്നും മസ്‌ക്കറ്റ് വിമാനത്താവളം വഴി നാട്ടിലേക്ക് കടക്കാൻ ശ്രമിക്കവേ അവിടെ വെച്ച് അറസ്റ്റിലാകുകയായിരുന്നു.

ഇവിടെ നിന്നും തിരികെ ദുബായി പൊലീസിന് ഒമാൻ പൊലീസ് കൈമാറി. തുടർന്നാണ് കഴിഞ്ഞയാഴ്‌ച്ച തുഷാർ വെള്ളാപ്പള്ളിക്ക് സമീപത്തെ സെല്ലിൽ ബൈജുവിന് കഴിയേണ്ടി വന്നത്. ദുബായ് പൊലീസാണ് അൽ ഐൻ പൊലീസിന് ബൈജുവിനെ കൈമാറിയത്. എമിഗ്രേഷൻ കേസ് കൂടി ഉള്ളതാണ് ഇദ്ദേഹത്തിന്റെ മോചനം ദുഷ്‌ക്കരമാക്കുന്നത്. ഇദ്ദേഹത്തിന്റെ പാസ്പോർട്ട് കോടതിയിൽ കെട്ടിവെച്ചിരിക്കയാണ്. കേസിൽ കുടുങ്ങിയ മകനെ രക്ഷപെടുത്താൻ വേണ്ടി ഗോകുലം ഗ്രൂപ്പ് ചെയർമാൻ ഗോകുലം ഗോപാലൻ ദുബായിൽ എത്തിയിട്ടുണ്ട്. ചെക്ക് കേസിനേക്കാൾ ദുബായിൽ നിന്നും എമിഗ്രേഷൻ രേഖ തിരുത്തി രക്ഷപെടാൻ ശ്രമിച്ചു എന്നതാകും ബൈജുവിന് കൂടുതൽ കുരുക്കായി മാറുക.

തുഷാർ വെള്ളാപ്പള്ളി ചെക്ക് കേസിൽ അകത്തായപ്പോൾ പുറത്തിറക്കാൻ എം എ യൂസഫലി അടക്കമുള്ളവർ രംഗത്തെത്തിയിരുന്നു. മുഖ്യമന്ത്രി പിണറായി വിജയൻ വിദേശകാര്യ മന്ത്രിക്ക് കത്തെഴുതുകയും ചെയ്തിരുന്നു. പിണറായി അടക്കമുള്ള സിപിഎം നേതാക്കളുമായി വളരെ അടുപ്പം പുലർത്തുന്ന വ്യക്തിയാണ് ഗോകുലം ഗോപാലൻ. എന്നാൽ ബൈജു ഗോപാലന് വേണ്ടി ആരും തന്നെ കളത്തിലിറങ്ങിയിരുന്നില്ല.

കുറച്ചു കാലമായി ദുബായി കേന്ദ്രീകരിച്ചാണ് ബൈജു ഗോപാലൻ ബിസിനസ് നടത്തിവന്നത്. കേരളത്തിലെ ഗോകുലം ചിറ്റ്സാണ് ഗോകുലം ഗ്രൂപ്പിന്റെ പ്രധാന ബിസിനസ്. കൂടാതെ മറ്റു ബിസിനസുകളിലും കൈവെച്ചിട്ടുണ്ട്. അടുത്തിടെ ഗോകുലം ചിട്ടിയുടെ ഓഫീസുകളിൽ നടത്തിയ ആദായനികുതി റെയ്ഡും കമ്പനിക്ക് തിരിച്ചടിയായി മാറിയിരുന്നു. ചിട്ടി ഫണ്ട്, മെഡിക്കൽ കോളേജ്, സൂപ്പർ സ്പെഷ്യലിറ്റി ഹോസ്പിറ്റൽസ്, സിനിമ നിർമ്മാണം, വിദ്യാഭ്യാസ സ്ഥാപനങ്ങൾ, മിനറൽ വാട്ടർ കമ്പനി, നക്ഷത്ര ഹോട്ടലുകൾ, ജ്യുവല്ലറിസ്, കൺവെൻഷൻ സെന്റർ തുടങ്ങി രാജ്യത്തിനകത്തും പുറത്തുമായി പടർന്നുപന്തലിച്ചു കിടക്കുന്ന ഗോകുലം ഗ്രൂപ്സ് ഓഫ് കമ്പനീസിന്റെ അമരക്കാരനാണ് ഗോപാലൻ.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP