Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Nov / 202029Sunday

മുസ്ലിം പള്ളികളിൽ നടക്കുന്നത് സ്വവർഗ്ഗ രതിയും കുട്ടിക്കല്ല്യാണങ്ങളും; ഏഷ്യാനെറ്റിലെ ഷാജഹാൻ ഇക്കാര്യം റിപ്പോർട്ടു ചെയ്താൽ തല കാണില്ല; മതവെറി പ്രസംഗിച്ച് മാനന്തവാടി രൂപതയിലെ നോബിൾ അച്ചൻ; മുൻകാല റിപ്പോർട്ടുകൾ എണ്ണിപ്പറഞ്ഞ് മറുപടി നൽകി ഷാജഹാനും; സിസ്റ്റർ ലൂസിക്ക് എതിരായ ഗുണ്ടാപ്പണിക്ക് സഭാ പിന്തുണ ഉണ്ടെന്ന് ആഹ്വാനം ചെയ്ത് യുവാക്കളെ തെരുവിൽ ഇറക്കാനും അച്ചന്റെ ശ്രമം; ലൂസിയുടെ പുസ്തകം അശ്ലീലം നിറഞ്ഞത്; മാനന്തവാടി രൂപതയിലെ വൈദികന്റെ യുട്യൂബ് പ്രസംഗം വിവാദമാകുന്നു

മുസ്ലിം പള്ളികളിൽ നടക്കുന്നത് സ്വവർഗ്ഗ രതിയും കുട്ടിക്കല്ല്യാണങ്ങളും; ഏഷ്യാനെറ്റിലെ ഷാജഹാൻ ഇക്കാര്യം റിപ്പോർട്ടു ചെയ്താൽ തല കാണില്ല; മതവെറി പ്രസംഗിച്ച് മാനന്തവാടി രൂപതയിലെ നോബിൾ അച്ചൻ; മുൻകാല റിപ്പോർട്ടുകൾ എണ്ണിപ്പറഞ്ഞ് മറുപടി നൽകി ഷാജഹാനും; സിസ്റ്റർ ലൂസിക്ക് എതിരായ ഗുണ്ടാപ്പണിക്ക് സഭാ പിന്തുണ ഉണ്ടെന്ന് ആഹ്വാനം ചെയ്ത് യുവാക്കളെ തെരുവിൽ ഇറക്കാനും അച്ചന്റെ ശ്രമം; ലൂസിയുടെ പുസ്തകം അശ്ലീലം നിറഞ്ഞത്; മാനന്തവാടി രൂപതയിലെ വൈദികന്റെ യുട്യൂബ് പ്രസംഗം വിവാദമാകുന്നു

മറുനാടൻ ഡെസ്‌ക്‌

തിരുവനന്തപുരം: മാനന്തവാടി രൂപതയുടെ രക്ഷകനാണ് താൻ എന്ന ഭാവത്തിൽ സ്വയം അവതരിച്ച വ്യക്തിയാണ് പിആർഓയ ഫാദർ നോബിൾ തോമസ് പാറയ്ക്കൽ. രൂപതയ്ക്ക് കീഴിൽ വൈദികർ കാട്ടിക്കൂട്ടിയ ലൈംഗിക അതിക്രമങ്ങളെ വെള്ളപൂശാനായി രംഗത്തെത്തിയിട്ടുള്ള ഇദ്ദേഹം വീണ്ടും വിവാദങ്ങളിൽ നിറയുന്നത് ഏഷ്യാനെറ്റ് ന്യൂസിലെ മാധ്യമപ്രവർത്തകൻ ഷാജഹാൻ കാളിയത്തിനെ വിമർശിക്കാൻ വേണ്ടി മുസ്ലിം സമൂഹത്തിനെതിരെ വിദ്വേഷ പ്രസംഗം നടത്തിയാണ്. സിസ്റ്റർ ലൂസി കളപ്പുര തന്റെ തന്റെ ആത്മകഥയിലൂടെ സഭയ്ക്കുള്ളിൽ നടക്കുന്ന പീഡനങ്ങളെ കുറിച്ച് വിവരിച്ചു കൊണ്ടു രംഗത്തുവന്നത് ഷാജഹാൻ തന്റെ മലബാർ മാന്വൽ പരിപാടിയിൽ പെരുപ്പിച്ചു കാണിച്ചു എന്നതിന്റെ പേരിലാണ് ഷാജഹാന്റെ മതം തിരിഞ്ഞു കൊണ്ട് വിമർശനവുമായി കത്തോലിക്കാ വൈദികൻ രംഗത്തുവന്നത്.

സിസ്റ്റർ ലൂസി കളപ്പുരയുടെ പുസ്തകത്തിനെതിരെ യുവാക്കൾ തെരുവിൽ ഇറങ്ങിയതിനെ ന്യായീകരിച്ചു കൊണ്ടാണ് ഫാദർ നോബിൾ രംഗത്തുവന്നത്. ലൂസിക്കെതിരായി കൂടുതൽ പ്രതിഷേധങ്ങൾക്ക് യുവാക്കൾ തെരുവിൽ ഇറങ്ങണമെന്ന ആഹ്വാനവും നടത്തുന്നുണ്ട് അദ്ദേഹം. ലൂസിക്കെതിരായ ഗുണ്ടാപ്പണിക്ക് കത്തോലിക്കാ സഭയുടെ എല്ലാ പിന്തുണയും ഉണ്ടെന്നും അദ്ദേഹം യുട്യൂബ് വീഡിയോയിൽ സമർത്ഥിക്കുന്നു. കാരിക്കാമലയിലും കണ്ണൂരിലും നടക്കുന്ന പ്രതിഷേധങ്ങൾ അഭിനന്ദനം അർഹിക്കുന്നു. ഇത്തരം ഇടപെടുകളിൽ വെറി പൂട്ടത് ഒരു കൂട്ടം ഇസ്ലാമികവാദികൾക്കും യുക്തിവാദികൾക്കുമാണെന്നാണ് അദ്ദേഹം വിമർശിക്കുന്നത്. ചിലർക്ക് ഈ വിഷയത്തിൽ കാര്യം പിടികിട്ടിയിട്ടില്ലെന്നും വൈദികൻ പറയുന്നു.

കത്തോലിക്കാ വിശ്വാസം മുറുകെ പിടിക്കുന്ന ആർക്കും സഭയ്‌ക്കെതിരായ ആരോപണങ്ങളിൽ വിശ്വസിക്കാൻ സാധിക്കില്ലെന്നു നോബിൾ വാദിക്കുന്നു. ഭൂരിപക്ഷം വരുന്ന വിശ്വാസകളുടെ പിന്തുണ സഭയ്ക്കുണ്ട്. അല്ലാതെ കുറച്ചു കീടങ്ങൾ പറയുന്നത് കേൾക്കേണ്ട കാര്യമില്ലെന്നും അദ്ദേഹം ചൂണ്ടിക്കാട്ടുന്നു. തലശ്ശേരിയിൽ പ്രതിഷേധിച്ചവരെ പൊലീസ് കസ്റ്റഡിയിൽ എടുത്തപ്പോൾ അവർക്ക് വേണ്ടി സഭ ഇടപെട്ടു എന്നാണ് നോബിൾ പറയുന്നത്. സിസ്റ്റർ ലൂസിയുടെത് ഒരു അശ്ലീല പുസ്തുകമാണ്. ഇത് ഓരോ മലയാളിയും വാങ്ങി വായിക്കേണ്ടതുണ്ട്. അതിലെ അശ്ലീലം തിരിച്ചറിയണം എന്നും നോബിൾ പറയുന്നു. പണത്തിന് വേണ്ടി ചില സ്ത്രീകൾ തെരുവിൽ ചില പണിയെടുക്കും. അത്തരക്കാരായി കണ്ടാൽ മതി ലൂസിയുടെ കാര്യവുമെന്നും പറഞ്ഞ് അധിക്ഷേപിക്കുകയാണ് നോബിൾ.

ക്രൈസ്തവ സമൂഹത്തിന്റെ മാനം ചവിട്ടി അരയ്ക്കപ്പെടുമ്പോൾ യുവജനങ്ങൾ തെരുവിൽ ഇറങ്ങുകയാണ് വേണ്ടത് എന്നു പറഞ്ഞതിന് ശേഷമാണ് വൈദികൻ ഏഷ്യാനെറ്റ് ന്യൂസിനെതിരെ തിരിയുന്നത്. മലബാർ മാന്വൽ എന്ന പരിപാടിയുടെ അവതാരകനായ ഷാജഹാൻ കാളിയത്ത് വൈദികരിലെ ചിലരുടെ കൊള്ളരുതായ്മയുടെ പേരിൽ സമുദായത്തെ മുഴുവൻ അധിക്ഷേപിക്കുന്ന വിധത്തിലാണ് പെരുമാറുന്നത്. നാണമുണ്ടോ ഷാജഹാനേ.. ചില എണ്ണം പറഞ്ഞ പുരോഹിതരുടെ മോശംജീവിതം പറഞ്ഞ് വൈദിക സമുദായത്തെ മുഴുവൻ നാണം കെടുത്താൻ. വൈദിക സന്യസ്തർ നയിക്കുന്നത് നിങ്ങളുടെ മഞ്ഞുകൊണ്ടു വായിച്ച കിത്താബല്ല. അത് ജീവിക്കുന്ന ദൈവത്തിൽ വിശ്വാസത്തിലും ധാർമ്മികതയുടെയും ബോധ്യത്തിൽ കെട്ടിപ്പെടുത്തതാണ്. - നോബിൾ ചോദിക്കുന്നു.

മുസ്ലിം പള്ളികളിൽ നടക്കുന്നത് സ്വവർഗ്ഗ രതിയും കുട്ടിക്കല്ല്യാണങ്ങളുമാണെന്ന് സമർത്ഥിക്കുകയും ചെയ്യുകയാണ് നോബൾ അച്ചൻ. ഇക്കാര്യം ഷാജഹാൻ റിപ്പോർട്ടു ചെയ്യില്ലെന്നും അങ്ങനെ ചെയ്താൽ തല കാണില്ലെന്നും അദ്ദേഹം ചൂണ്ടിക്കാട്ടുന്നു. തൊടുപുഴയിൽ ജോസഫ് മാഷിന്റെ കൈവെട്ടിയവരെ അറിയാണല്ലോ.. അവരെയാണ് മര്യാദ പഠിപ്പിക്കേണ്ടതെന്നും നോബിൾ പറയുന്നു. ചില വൈദികർക്കും സന്യസ്തർക്കും വീഴ്‌ച്ച വന്നിട്ടുണ്ട്. എന്നാൽ, അത് നിങ്ങളുടെ ദുരാരോപണത്തെ ശരിവെക്കും എന്നു കരുതരുത്. സഭയെ പിടിച്ചു കുലുക്കിയ സംഭവങ്ങൾ ഉണ്ടായിട്ടുണ്ട്. മേരി ചാണ്ടി എന്ന സ്ത്രീ കന്യാസ്ത്രീ അല്ലാതിരുന്നിട്ടു കൂടി പെരും കള്ളം പ്രചരിപ്പിക്കുകയാണ് മാധ്യമങ്ങൾ ചെയ്തതെന്നും നോബിൾ ആരോപിക്കുന്നു.

ഏഷ്യാനെറ്റിന്റേത് ചവറ് മാധ്യമപ്രവർത്തനാണെന്നം അതിനോട് തനിക്ക് പുച്ഛമാണെന്നുമാണ് നോബിളിന്റെ പക്ഷം. കേസുകളുടെ ചരിത്രത്തിലൂടെ പോയാൽ മാധ്യമ നുണകൾ വ്യക്തമാകുമെന്നും നോബിൾ ചൂണ്ടിക്കാട്ടുന്നു. അഭയ കേസ് വലിയ ആഘോഷമാക്കി കൊണ്ടു നടന്നവരാണ് മാധ്യമങ്ങൾ. എന്നാൽ സുപ്രീംകോടതി ഒരാളെ കുറ്റക്കാരനല്ലെന്ന് കണ്ട് വെറുതെ വിടുകയുണ്ടായി. ഇക്കാര്യം മാധ്യമങ്ങൾ അവഗണിക്കുകയാണ് ചെയ്തത് എന്നുമാണ് നോബിളിന്റെ പക്ഷം. ഈ വർഗ്ഗീയ കുബുദ്ധിയെ തിരിച്ചറിഞ്ഞതു കൊണ്ടാണ് യുവാക്കൾ തെരുവിൽ ഇറങ്ങുന്നത്. രക്തരഹിതമായ യുദ്ധത്തിന് വേണ്ടി സഭാ യുവത്വം തയ്യാറെടുക്കണമെന്നും വൈദികൻ പറയുന്നു.

അതേസമയം വൈദികന്റെ വീഡിയോയിൽ നിറയെ കാണാൻ സാധിക്കുന്നത് അന്യമത വിദ്വേഷവും ഭീഷണികളുമാണ്. സിസ്റ്റർ ലൂസിയെ വളരെ മോശക്കാരിയാക്കി ചിത്രീകരിക്കുകയും ചെയ്യുന്നു. വായിൽ പഴം, വിസർജ്ജ്യം തുടങ്ങി ഒരു വൈദികന്റെ വായിൽ നിന്നും വരാൻ പാടില്ലാത്ത വിധത്തിൽ മോശം വാക്കുകളാണ് നോബിളിൽ നിന്നും ഉണ്ടാകുന്നതും. അതേസമയം മലബാർ മാന്വൽ വഴി തന്നെ വൈദികന്റെ ആരോപണത്തിന് ഷാജഹാൻ മറുപടി നൽകുന്നു. മുസ്ലിം സമുദായത്തിലെ മതപ്രഭാഷകരെ കുറിച്ചും മദ്രസകളിലെ പീഡനങ്ങളെ കുറിച്ചും ഏഷ്യാനെറ്റ് റിപ്പോർട്ടു ചെയ്ത കാര്യവും സ്‌റ്റോറികളും ചൂണ്ടിക്കാട്ടുകയാണ് ഷാജഹാൻ ചെയ്തത്. ഇത്തരം വാർത്തകൾ ചെയ്തതിന്റെ പേരിൽ തനിക്ക് ഭീഷണികൾ നേരിടേണ്ടി വന്നിട്ടുണ്ടെന്നും ഷാജഹാൻ ചൂണ്ടിക്കാട്ടിയാണ് മറുപടി നൽകിയത്. നാട്ടുകാരെ മുഴുവൻ ഉപദേശിക്കുന്ന ഫാദർ നോബിൾ നിങ്ങളിൽ പാപം ചെയ്യാത്തർ കല്ലെറിയട്ടെ എന്ന ക്രിസ്തുവചനം ഓർക്കണമെന്നും അദ്ദേഹത്തിന്റെ കൈയിൽ പാപക്കറയില്ലെന്ന് ഉറപ്പു വരുത്തണം എന്നും ഷാജഹാൻ അഭ്യർത്ഥിക്കുന്നു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP