Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202120Tuesday

സർക്കാർ വാക്ക് പാഴായി; ശബരിമല വിശ്വാസ സംരക്ഷണ മാർച്ച് നടത്തിയ ടി സിദ്ദിഖിന് പിഴശിക്ഷ; ശിക്ഷിക്കപ്പെട്ടാലും വിശ്വാസ സംരക്ഷണത്തിനായി നിലകൊള്ളുമെന്ന് സിദ്ദിഖ്

സർക്കാർ വാക്ക് പാഴായി; ശബരിമല വിശ്വാസ സംരക്ഷണ മാർച്ച് നടത്തിയ ടി സിദ്ദിഖിന് പിഴശിക്ഷ; ശിക്ഷിക്കപ്പെട്ടാലും വിശ്വാസ സംരക്ഷണത്തിനായി നിലകൊള്ളുമെന്ന് സിദ്ദിഖ്

കെ വി നിരഞ്ജൻ

കോഴിക്കോട്: ശബരിമല വിശ്വാസ സംരക്ഷണവുമായ് ബന്ധപ്പെട്ടുള്ള സമരത്തിൽ പങ്കെടുത്തവർക്കെതിരായ കേസുകൾ പിൻവലിക്കുകയാണെന്ന സർക്കാർ വാക്ക് പാഴായി. ശബരിമലയിലെ യുവതീ പ്രവേശനത്തിനെതിരെ ഉത്തരമേഖലാ എഡിജിപി ഓഫിസിലേക്ക് മാർച്ച് നടത്തിയതിന്റെ പേരിൽ കെപിസിസി വൈസ് പ്രസിഡന്റ് അഡ്വ. ടി സിദ്ദിഖിന് 5,700 രൂപ പിഴയും കോടതി പിരിയും വരെ നില്പ് ശിക്ഷയും വിധിച്ചു. യൂത്ത് കോൺഗ്രസ് കോഴിക്കോട് ജില്ലാ പ്രസിഡന്റ് ആർ ഷഹിനും ഇതേ രീതിയിൽ പിഴയും ശിക്ഷയും അനുഭവിച്ചു. ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതി നാലാണ് ശിക്ഷ വിധിച്ചത്.

കീഴടങ്ങാനെത്തിയ സിദ്ദിഖിനെ ഉൾപ്പെടെ ശിക്ഷിക്കണമെന്ന് പ്രോസിക്യൂഷൻ കോടതിയിൽ ആവശ്യപ്പെടുകയായിരുന്നു. ശബരിമല സമരകാലത്തെ കേസ് പിൻവലിക്കുമെന്ന സർക്കാർ അവകാശവാദം നിലനിൽക്കെയാണിത്. 2019 ജനുവരി രണ്ടിനാണ് ശബരിമലയിൽ വിശ്വാസ സംരക്ഷണം അനുവദിക്കണമെന്ന് ആവശ്യപ്പെട്ട് സിദ്ദിഖിന്റെ നേതൃത്വത്തിൽ മാർച്ച് നടന്നത്.

കേസിൽ പതിനാല് പ്രതികളാണ് ഉള്ളത്. ശിക്ഷിക്കപ്പെട്ടാലും വിശ്വാസ സംരക്ഷണത്തിനുവേണ്ടി നിലകൊള്ളുമെന്ന് ടി സിദ്ദിഖ് വ്യക്തമാക്കി. ശബരിമല കേസിൽ വിശ്വാസികളെ കബളിപ്പിക്കാനുള്ള പിണറായി വിജയൻ സർക്കാറിന്റെ ഇരട്ടത്താപ്പാണ് പ്രോസിക്യൂഷൻ വാദത്തിൽ തെളിഞ്ഞതെന്നും സിദ്ദിഖ് പ്രതികരിച്ചു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP