Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jan / 202118Monday

കടൽ കടന്നെത്തുന്ന സഞ്ചാരികളെ വരവേൽക്കാനൊരുങ്ങി കൊച്ചി തുറമുഖം; ക്രൂസ് സീസണിൽ ആദ്യമെത്തിയത് ജർമ്മൻ സഞ്ചാരികളുമായി എത്തിയ ഇറ്റാലിയൻ അത്യാഡംബര കപ്പൽ; തീയറ്ററും വോളിബോൾ കോർട്ടും, ത്രിസ്റ്റാർ ബാറുമുൾപ്പടെ സൗകര്യങ്ങളുമായി കൊച്ചിയിലെത്തിയത് ഐഡാ വിറ്റ; മട്ടാഞ്ചേരി കണ്ട് ഈ കടൽ സഞ്ചാരികളുടെ മടക്കം മാലി ദ്വീപിലേക്ക്

കടൽ കടന്നെത്തുന്ന സഞ്ചാരികളെ വരവേൽക്കാനൊരുങ്ങി കൊച്ചി തുറമുഖം; ക്രൂസ് സീസണിൽ ആദ്യമെത്തിയത് ജർമ്മൻ സഞ്ചാരികളുമായി എത്തിയ ഇറ്റാലിയൻ അത്യാഡംബര കപ്പൽ; തീയറ്ററും വോളിബോൾ കോർട്ടും, ത്രിസ്റ്റാർ ബാറുമുൾപ്പടെ സൗകര്യങ്ങളുമായി കൊച്ചിയിലെത്തിയത് ഐഡാ വിറ്റ; മട്ടാഞ്ചേരി കണ്ട് ഈ കടൽ സഞ്ചാരികളുടെ മടക്കം മാലി ദ്വീപിലേക്ക്

മറുനാടൻ മലയാളി ബ്യൂറോ

കൊച്ചി: കടൽ കടന്നെത്തുന്ന സഞ്ചാരികളെ എതിരേൽക്കാൻ കൊച്ചി തുറമുഖം ഒരുങ്ങിയതോടെ ഇത്തവണ ആദ്യമെത്തിയത് ജർമ്മൻ സഞ്ചാരികളുമായി എത്തിയ ഇറ്റാലിയൻ അത്യാഡംബര കപ്പൽ. കൊച്ചിയിൽ കപ്പലുകൾ അടുക്കുന്ന ക്രൂസ് സീസൺ എത്തിയതോടെ തുറമുഖവും ഹാപ്പിയാണ്. ഇത്തവണ ക്രൂസ് സീസണിൽ ആദ്യമെത്തിയത് ഇറ്റാലിയൻ അത്യാഡംബര വിനോദ സഞ്ചാര കപ്പലായ ഐഡ വിറ്റയാണ്. ഇന്നലെ രാവിലെ എട്ടോടെ കൊച്ചി തുറമുഖത്തെത്തിയ കപ്പലിൽ 1268 യാത്രികരും 468 ജീവനക്കാരുമുൾപ്പടെ 1692 പേരെ വഹിക്കാൻ ശേഷിയുള്ള അത്യാഡംബര നൗകമാണ്.

അത്യാഡംബര നൗകയിൽ കൊച്ചിയിലേക്ക് എത്തിയവരിൽ ഏറെയും ജർമ്മനിയിൽ നിന്ന് ഉള്ളവരാണ്. ഇന്ത്യയിലെ വിവിധ തുറമുഖങ്ങൾ സന്ദർശിച്ച ശേഷമാണു കൊച്ചിയിലെത്തിയത്. ഗോവയിൽ നിന്നു 4 നു മംഗളൂരു തുറമുഖത്തെത്തിയ കപ്പൽ അവിടെ നിന്നാണു കൊച്ചിയിലെത്തിയത്. കപ്പലിലെ യാത്രികർ ആലപ്പുഴയും ഫോർട്ട് കൊച്ചിയും മട്ടാഞ്ചേരിയും ഉൾപ്പെടെയുള്ള ടൂറിസം കേന്ദ്രങ്ങൾ സന്ദർശിച്ചതായി കപ്പലിന്റെ ഏജന്റായ ഇൻച്‌കേപ് ഷിപ്പിങ് സർവീസസ് അറിയിച്ചു. മാലിദ്വീപാണ് ഈ കടൽ സഞ്ചാരികളുടെ ലക്ഷ്യം.

കൊച്ചിയിലെത്തിയവരിൽ 1181 യാത്രക്കാരും 408 ജീവനക്കാരുമുൾപ്പടെ 1587 പേരുണ്ടായിരുന്നു. മട്ടാഞ്ചേരി ,ഫോർട്ട്, യഹൂദത്തെരുവ് തുടങ്ങി കൊച്ചിയിലെ വിവിധ ഭാഗങ്ങൾ സന്ദർശിച്ച ശേഷമാണ് ഇവർ മടങ്ങുക. 202.85 മീറ്റർ നീളമുള്ള കപ്പൽ 2002 ലാണു കടൽ യാത്ര തുടങ്ങിയത്. ആദ്യം ലക്ഷ്യറി രീതിയില്ലായിരുന്നെങ്കിലും 2017ൽ കപ്പൽ നവീകരിച്ചതോടെയാണ് അത്യാഡംബര പൂർണം കൂടുതൽ സുന്ദരിയാക്കി കപ്പലിനെ മാറ്റിയതെന്ന് കപ്പൽ ഏജന്റായ ഇൻച്‌കേപ് ഷിപ്പിങ പ്രതികരിക്കുന്നത്.

ഒരു ലക്ഷ്വറി സൗകര്യങ്ങൾക്ക് പുറമെ സിനിമാ തിയറ്റർ,ഗെയിം ഷോ സൗകര്യങ്ങൾ, ഗോൾഫ് സിമുലേറ്റർ, വോളിബോൾ കോർട്ട്, സ്പാ, ബാർ, റസ്റ്ററന്റുകൾ തുടങ്ങി ആഡംബര വിനോദയാത്രയ്ക്ക് ആവശ്യമുള്ളതെല്ലാമുണ്ട്, ഐഡ വിറ്റയിൽ ഉൾപ്പെട്ടിട്ടുണ്ട്. ക്രൂസ് ടൂറിസം കുതിപ്പിനൊരുങ്ങുന്നു.

വിദേശവിനോദ സഞ്ചാരികളെ എതിരേൽക്കുന്നതിന് കരയിലെന്നപോലെ കടൽ തീരങ്ങളിലും സൗകര്യമൊരുങ്ങുകയാണ് തുറമുഖ വകുപ്പും ലക്ഷ്യമിടുന്നത്. കടൽപ്പരപ്പിലൂടെ ഒഴുകിയെത്തുന്ന നക്ഷത്രസൗധങ്ങളായ വിദേശവിനോദസഞ്ചാര കപ്പലുകളെ വരവേൽക്കാൻ ഒരുങ്ങുകയാണ് ക്രൂസ് ടെർമിനലുകളും സൗകര്യങ്ങളും. കേരളത്തിൽ കൊച്ചിയിൽ വർഷാ വർഷങ്ങളിൽ ക്രൂസ് സീസൺ പൊടിപൊടിക്കുന്നുണ്ടെങ്കിലും വിഴിഞ്ഞത്ത് ഇത് പ്രാബല്യത്തിൽ വന്നിട്ടില്ല.

1995ൽ 1000 ത്തിൽ താഴെ വിദേശസഞ്ചാരികളാണ് ക്രൂസ് ടൂറിസത്തിലൂടെ കേരളത്തിലെത്തിയതെങ്കിൽ 2000 ത്തിലിത് 10,000 ആയി കുതിച്ചുയരുകയും ചെയ്തു. 2003-04 ൽ 55 വിദേശ വിനോദസഞ്ചാര കപ്പലുകളിലായി 34372 പേർ ഇന്ത്യയിലെത്തിയപ്പോൾ, ഇതേ വർഷം കൊച്ചിയിൽ 18 കപ്പലുകളിലായി എത്തിയ സഞ്ചാരികൾ 12000 ത്തോളമാണെന്നാണ് കണക്കാക്കുന്നത്. 2008-09ൽ 106 ക്രൂസ് കപ്പലുകൾ ഇന്ത്യയിലെത്തിയപ്പോൾ കൊച്ചിയിലെത്തിയത് 37 എണ്ണമാണ്. വരും സീസണുകളിൽ കൊച്ചിയിൽ സഞ്ചാരികളുടെ ഒഴുക്ക് കൂടുമെന്നാണ് കണ്ണക്കാക്കപ്പെടുന്നത്.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP