Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Nov / 202023Monday

തെരഞ്ഞെടുപ്പിൽ മത്സരിക്കുന്ന വിമതന്റെ ഫോട്ടോകൾ പകർത്തി; മലയാള മനോരമ സീനിയർ ഫോട്ടോഗ്രാഫർക്ക് സിപിഎമ്മിന്റെ വധഭീഷണി;കയ്യിൽ നിന്നും ക്യാമറ പിടിച്ചുവാങ്ങി കൊല്ലുമെന്ന് ഭീഷണിപ്പെടുത്തിയതായും സജീഷ് ശങ്കർ; കേസെടുത്ത് പൊലീസ്

മറുനാടൻ ഡെസ്‌ക്‌

കോഴിക്കോട്: തദ്ദേശ തെരഞ്ഞെടുപ്പിൽ മത്സരിക്കുന്ന സിപിഐഎം വിമതന്റെ ഫോട്ടോകൾ എടുത്ത ഫോട്ടോഗ്രാഫർക്ക് നേരെ വധഭീഷണിയുമായി സിപിഐഎം. കോഴിക്കോട് കോർപറേഷനിലെ വിമത സ്ഥാനാർത്ഥിയുടെ പത്രികാ സമർപ്പണം പകർത്തിയ മലയാള മനോരമ പത്രത്തിന്റെ സീനിയർ ഫോട്ടോഗ്രാഫർ സജീഷ് ശങ്കറിന് നേരെയാണ് പാർട്ടി പ്രവർത്തകർ വധഭീഷണി മുഴക്കിയത്. സംഭവത്തിൽ ടൗൺ പൊലീസ് കേസെടുത്തിട്ടുണ്ട്.

ഫോട്ടോയെടുക്കുന്നതിനിടെ സിപിഐഎം പ്രവർത്തകർ തന്റെ കയ്യിൽനിന്നും ക്യാമറ പിടിച്ചുവാങ്ങിയെന്നും കൊല്ലുമെന്ന് ഭീഷണിപ്പെടുത്തിയെന്നുമാണ് സജീഷ് പരാതിൽ വ്യക്തമാക്കിയിട്ടുള്ളത്. താൻ എടുത്ത ചിത്രങ്ങൾ ക്യാമറയിൽനിന്നും അവർ നീക്കം ചെയ്തെന്നും സജീഷ് പറഞ്ഞു.

കോർപറേഷൻ 35ാം ഡിവിഷനിൽ സിപിഐഎം കൗൺസിലറായിരുന്ന പിപി ഷഹീദയാണ് വിമത സ്ഥാനാർത്ഥി. 35ാം ഡിവിഷനായ ആഴ്ചവട്ടം സീറ്റ് എൽഡിഎഫ് മുന്നണിയിലേക്ക് തിരിച്ചെത്തിയ എൽജെഡിക്ക് നൽകിയതിൽ നൽകിയതിൽ പ്രതിഷേധിച്ചാണ് ഷഹീദ വിമത നീക്കം നടത്തിയത്. നാമനിർദ്ദേശ പത്രികാ സമർപ്പണത്തിന്റെ അവസാന ദിവസമായ വ്യാഴാഴ്ച കോർപറേഷൻ ഓഫീസ് ഹാളിൽ സ്ഥാനാർത്ഥികളെ നിരീക്ഷിക്കാനെത്തിയ പാർട്ടി പ്രവർത്തകരാണ് ഷഹീദ പത്രിക നൽകുന്നതിന്റെ ഫോട്ടെയെടുത്ത സജീഷിനെ തടഞ്ഞുനിർത്തി ഭീഷണിപ്പെടുത്തിയത്.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP