Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Dec / 202001Tuesday

രാജ്യത്ത് അറുതിയില്ലാതെ കോവിഡ് വ്യാപനം; കഴിഞ്ഞ 24 മണിക്കൂറിനുള്ളിൽ റിപ്പോർട്ട് ചെയ്തത് 62,381 പുതിയ കേസുകളും 1093 മരണങ്ങളും; രാജ്യത്തെ കോവിഡ് മരണങ്ങൾ 53,018 കടന്നു; ഏറ്റവും കൂടുതൽ കോവിഡ് രോഗികളുമായി മഹാരാഷ്ട്ര; കർണാടകയിലും തമിഴ്‌നാട്ടിലും കോവിഡ് മരണങ്ങൾ ആശങ്കപ്പെടുത്തുന്നത്; കേരളത്തിൽ 1751 പേർക്ക് രോഗം; സംസ്ഥാനത്ത് ഇന്ന് ആറ് കോവിഡ് മരണവും

മറുനാടൻ ഡെസ്‌ക്‌

മുംബൈ: രാജ്യത്ത് ശമനമില്ലാതെ കോവിഡ് കേസുകൾ. രാജ്യത്ത് കോവിഡ് ബാധിച്ചവരുടെ എണ്ണം 2,70,2742 കടന്നു. കഴിഞ്ഞ 24 മണിക്കൂറിനുള്ളിൽ 62,381 പുതിയ കേസുകളും 1093 മരണങ്ങളുമാണ് പുതിയതായി റിപ്പോർട്ട് ചെയ്തത്. കോവിഡ് മരണങ്ങളിൽ ഉയർന്ന പ്രതിദിന വർധനവാണ് ഇന്ന് റിപ്പോർട്ട് ചെയ്തത്. ഇതോടെ രാജ്യത്തെ കോവിഡ് മരണം 53,018 കടന്നു. 2,035,141 പേർക്ക് രോഗമുക്തി നേടി.

ഏറ്റവും കൂടുതൽ രോഗികളുള്ളത് മഹാരാഷ്ട്രയിലാണ്. 11,119 പേർക്കു കൂടി ഇന്ന് പുതുതായി കോവിഡ് സ്ഥിരീകരിക്കുകയും 422 പേർ മരിക്കുകയും ചെയ്തു. 9,356 പേർ ഇന്ന് രോഗമുക്തി നേടി.സംസ്ഥാനത്ത് ഇതുവരെ 6,15,477 പേർക്കാണ് രോഗം സ്ഥിരീകരിച്ചിട്ടുള്ളത്. 20,687 പേർക്കാണ് കോവിഡ് മൂലം ഇതിനോടകം ജീവൻ നഷ്ടപ്പെട്ടത്. ഇതുവരെ 4,37,870 പേർ രോഗമുക്തി നേടുകയും 1,56,608 പേർ നിലവിൽ ചികിത്സയിൽ കഴിയുന്നുണ്ടെന്നും മഹാരാഷ്ട്ര ആരോഗ്യ വകുപ്പ് അറിയിച്ചു.

അതേസമയം മുംബൈയിൽ മാത്രം ഇന്ന് 931 പേർക്കാണ് രോഗം സ്ഥിരീകരിച്ചത്. 49 പേർക്ക് ജീവൻ നഷ്ടമായി. ഇതോടെ മുംബൈയിൽ മാത്രം കോവിഡ് സ്ഥിരീകരിച്ചവരുടെ എണ്ണം 1,30,410 ആയി. ഇതിൽ 1,05,193 പേർ രോഗമുക്തി നേടി. 17,697 പേരാണ് നിലവിൽ ചികിത്സയിൽ കഴിയുന്നതെന്നും ഇതുവരെ മുംബൈയിൽ മാത്രം 7,219 പേർ കോവിഡ് ബാധിച്ചു മരിച്ചതായും ബൃഹന്മുംബൈ മുനിസിപ്പൽ കോർപറേഷൻ അറിയിച്ചു.ജാർഖണ്ഡ് ആരോഗ്യമന്ത്രി ബന്ന ഗുപ്തയ്ക്കും കോവിഡ്. മന്ത്രി തന്നെയാണ് ഇക്കാര്യം ട്വിറ്ററിലൂടെ അറിയിച്ചത്. താനുമായി സമ്പർക്കത്തിൽ വന്നവരെല്ലാം ക്വാറന്റൈനിൽ പ്രവേശിക്കണമെന്നും പരിശോധനയ്ക്കു വിധേയരാകണമെന്നും മന്ത്രി അറിയിച്ചു.വീട്ടിൽ ക്വാറന്റൈനിൽ തുടരുകയാണ് മന്ത്രി. ട്വിറ്ററിൽ ഹിന്ദിയിലായിരുന്നു മന്ത്രിയുടെ ട്വീറ്റ്.

കേരളത്തിൽ ഇന്ന് 1758 പേർക്ക് കോവിഡ്-19 സ്ഥിരീകരിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ അറിയിച്ചു. തിരുവനന്തപുരം ജില്ലയിൽ നിന്നുള്ള 489 പേർക്കും, മലപ്പുറം ജില്ലയിൽ നിന്നുള്ള 242 പേർക്കും, എറണാകുളം ജില്ലയിൽ നിന്നുള്ള 192 പേർക്കും, കോഴിക്കോട് ജില്ലയിൽ നിന്നുള്ള 147 പേർക്കും, ആലപ്പുഴ ജില്ലയിൽ നിന്നുള്ള 126 പേർക്കും, കണ്ണൂർ ജില്ലയിൽ നിന്നുള്ള 123 പേർക്കും, കോട്ടയം ജില്ലയിൽ നിന്നുള്ള 93 പേർക്കും, കൊല്ലം ജില്ലയിൽ നിന്നുള്ള 88 പേർക്കും, പത്തനംതിട്ട ജില്ലയിൽ നിന്നുള്ള 65 പേർക്കും, പാലക്കാട് ജില്ലയിൽ നിന്നുള്ള 51 പേർക്കും, തൃശൂർ ജില്ലയിൽ നിന്നുള്ള 48 പേർക്കും, വയനാട് ജില്ലയിൽ നിന്നുള്ള 47 പേർക്കും, കാസർകോട് ജില്ലയിൽ നിന്നുള്ള 42 പേർക്കും, ഇടുക്കി ജില്ലയിൽ നിന്നുള്ള 5 പേർക്കുമാണ് ഇന്ന് രോഗബാധ സ്ഥിരീകരിച്ചത്.

ആറ് മരണങ്ങളാണ് ഇന്ന് കോവിഡ്-19 മൂലമാണെന്ന് സ്ഥിരീകരിച്ചത്. ഓഗസ്റ്റ് എട്ടിന് മരണമടഞ്ഞ പാലക്കാട് വിളയൂർ സ്വദേശിനി പാത്തുമ്മ (76), ഓഗസ്റ്റ് 11ന് മരണമടഞ്ഞ വയനാട് കാരക്കാമല സ്വദേശി മൊയ്തു (59), ഓഗസ്റ്റ് 12ന് മരണമടഞ്ഞ കോഴിക്കോട് ചേളാവൂർ സ്വദേശിനി കൗസു (65), ഓഗസ്റ്റ് 15ന് മരണമടഞ്ഞ കോഴിക്കോട് ബേപ്പൂർ സ്വദേശിനി രാജലക്ഷ്മി (61), ഓഗസ്റ്റ് 16ന് മരണമടഞ്ഞ തിരുവനന്തപുരം കൊല്ലപ്പുറം സ്വദേശിനി വിജയ (32), ഓഗസ്റ്റ് 2ന് മരണമടഞ്ഞ തിരുവനന്തപുരം ശ്രീകാര്യം സ്വദേശി സത്യൻ (54) എന്നിവരുടെ പരിശോധനാഫലം കോവിഡ്-19 മൂലമാണെന്ന് എൻഐവി ആലപ്പുഴ സ്ഥിരീകരിച്ചു. ഇതോടെ ആകെ മരണം 175 ആയി. ഇത് കൂടാതെ ഉണ്ടായ മരണങ്ങൾ എൻഐവി ആലപ്പുഴയിലെ പരിശോധനയ്ക്ക് ശേഷം സ്ഥിരീകരിക്കുന്നതാണ്.

ഇന്ന് രോഗം സ്ഥിരീകരിച്ചവരിൽ 39 പേർ വിദേശ രാജ്യങ്ങളിൽ നിന്നും 42 പേർ മറ്റ് സംസ്ഥാനങ്ങളിൽ നിന്നും വന്നതാണ്. 1641 പേർക്ക് സമ്പർക്കത്തിലൂടെയാണ് രോഗം ബാധിച്ചത്. അതിൽ 81 പേരുടെ സമ്പർക്ക ഉറവിടം വ്യക്തമല്ല. തിരുവനന്തപുരം ജില്ലയിലെ 476 പേർക്കും, മലപ്പുറം ജില്ലയിലെ 220 പേർക്കും, എറണാകുളം ജില്ലയിലെ 173 പേർക്കും, കോഴിക്കോട് ജില്ലയിലെ 146 പേർക്കും, ആലപ്പുഴ ജില്ലയിലെ 117 പേർക്കും, കണ്ണൂർ ജില്ലയിലെ 111 പേർക്കും, കൊല്ലം, കോട്ടയം ജില്ലകളിലെ 86 പേർക്ക് വീതവും, പത്തനംതിട്ട ജില്ലയിലെ 52 പേർക്കും, പാലക്കാട്, വയനാട് ജില്ലകളിലെ 44 പേർക്ക് വീതവും, തൃശൂർ ജില്ലയിലെ 42 പേർക്കും, കാസർകോട് ജില്ലയിലെ 40 പേർക്കും, ഇടുക്കി ജില്ലയിലെ 4 പേർക്കുമാണ് ഇന്ന് സമ്പർക്കത്തിലൂടെ രോഗം ബാധിച്ചത്.

25 ആരോഗ്യ പ്രവർത്തകർക്കാണ് ഇന്ന് രോഗം ബാധിച്ചത്. തിരുവനന്തപുരം ജില്ലയിലെ 10, മലപ്പുറം ജില്ലയിലെ 6, എറണാകുളം ജില്ലയിലെ 4, പാലക്കാട് ജില്ലയിലെ 3, തൃശൂർ, കണ്ണൂർ ജില്ലകളിലെ ഒന്നു വീതവും ആരോഗ്യ പ്രവർത്തകർക്കാണ് രോഗം ബാധിച്ചത്.

എറണാകുളം ജില്ലയിലെ 11 ഐ.എൻഎച്ച്എസ്. ജിവനക്കാർക്കും രോഗം ബാധിച്ചു

രോഗം സ്ഥിരീകരിച്ച് ചികിത്സയിലായിരുന്ന 1,365 പേരുടെ പരിശോധനാഫലം നെഗറ്റീവ് ആയി. രോഗം സ്ഥിരീകരിച്ച് ചികിത്സയിലായിരുന്ന പേരുടെ പരിശോധനാഫലം നെഗറ്റീവ് ആയി. തിരുവനന്തപുരം ജില്ലയിൽ നിന്നുള്ള 310 പേരുടെയും, കൊല്ലം ജില്ലയിൽ നിന്നുള്ള 54 പേരുടെയും, പത്തനംതിട്ട ജില്ലയിൽ നിന്നുള്ള 29 പേരുടെയും, ആലപ്പുഴ ജില്ലയിൽ നിന്നുള്ള 65 പേരുടെയും, കോട്ടയം ജില്ലയിൽ നിന്നുള്ള 48 പേരുടെയും, ഇടുക്കി ജില്ലയിൽ നിന്നുള്ള 59 പേരുടെയും, എറണാകുളം ജില്ലയിൽ നിന്നുള്ള 64 പേരുടെയും, തൃശൂർ ജില്ലയിൽ നിന്നുള്ള 33 പേരുടെയും, പലക്കാട് ജില്ലയിൽ നിന്നുള്ള 82 പേരുടെയും, മലപ്പുറം ജില്ലയിൽ നിന്നുള്ള 194 പേരുടെയും, കോഴിക്കോട് ജില്ലയിൽ നിന്നുള്ള 195 പേരുടെയും, വയനാട് ജില്ലയിൽ നിന്നുള്ള 46 പേരുടെയും, കണ്ണൂർ ജില്ലയിൽ നിന്നുള്ള 61 പേരുടെയും, കാസർഗോഡ് ജില്ലയിൽ നിന്നുള്ള 125 പേരുടെയും പരിശോധനാ ഫലമാണ് ഇന്ന് നെഗറ്റിവായത്. ഇതോടെ 16,274 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 31,394 പേർ ഇതുവരെ കോവിഡിൽ നിന്നും മുക്തി നേടി.

സംസ്ഥാനത്തെ വിവിധ ജില്ലകളിലായി 1,65,564 പേരാണ് ഇപ്പോൾ നിരീക്ഷണത്തിലുള്ളത്. നിരീക്ഷണത്തിലുള്ളവരിൽ 1,51,931 പേർ വീട്/ഇൻസ്റ്റിറ്റിയൂഷണൽ ക്വാറന്റൈനിലും 13,633 പേർ ആശുപത്രികളിലും നിരീക്ഷണത്തിലാണ്. 1583 പേരെയാണ് ഇന്ന് ആശുപത്രിയിൽ പ്രവേശിപ്പിച്ചത്.

കഴിഞ്ഞ 24 മണിക്കൂറിനിടെ 29,265 സാമ്പിളുകളാണ് പരിശോധിച്ചത്. റുട്ടീൻ സാമ്പിൾ, എയർപോർട്ട് സർവയിലൻസ്, പൂൾഡ് സെന്റിനൽ, സിബി നാറ്റ്, ട്രൂനാറ്റ്, സി.എൽ.ഐ.എ., ആന്റിജെൻ അസ്സെ എന്നിവ ഉൾപ്പെടെ ഇതുവരെ ആകെ 12,40,076 സാമ്പിളുകളാണ് പരിശോധനയ്ക്കായി അയച്ചത്. സെന്റിനൽ സർവൈലൻസിന്റെ ഭാഗമായി ആരോഗ്യ പ്രവർത്തകർ, അതിഥി തൊഴിലാളികൾ, സാമൂഹിക സമ്പർക്കം കൂടുതലുള്ള വ്യക്തികൾ മുതലായ മുൻഗണനാ ഗ്രൂപ്പുകളിൽ നിന്ന് 1,51,714 സാമ്പിളുകളും പരിശോധനയ്ക്കയച്ചു.

ഇന്ന് 13 പുതിയ ഹോട്ട് സ്‌പോട്ടുകളാണുള്ളത്. എറണാകുളം ജില്ലയിലെ ആവോലി (കൺടെയ്ന്മെന്റ് സോൺ വാർഡ് 4), കാലടി (14), പൂതൃക്ക(14), കാഞ്ഞൂർ (8), അയ്യമ്പുഴ (9), കൊല്ലം ജില്ലയിലെ പവിത്രേശ്വരം (18), പത്തനാപുരം (2, 3), തൃശൂർ ജില്ലയിലെ എളവള്ളി (12), വരവൂർ (5), ഇടുക്കി ജില്ലയിലെ കട്ടപ്പന (സബ് വാർഡ് 8, 13) വണ്ടിപ്പെരിയാർ (സബ് വാർഡ് 2), പത്തനംതിട്ട ജില്ലയിലെ ഏഴംകുളം (5), മലപ്പുറം ജില്ലയിലെ പോത്തുകല്ല് (1, 7, 8, 11, 17) എന്നിവയാണ് പുതിയ ഹോട്ട് സ്‌പോട്ടുകൾ.

18 പ്രദേശങ്ങളെ ഹോട്ട് സ്‌പോട്ടിൽ നിന്നും ഒഴിവാക്കിയിട്ടുണ്ട്. തൃശൂർ ജില്ലയിലെ മാള (സബ് വാർഡ് 20), അളഗപ്പനഗർ (വാർഡ് 2), തെക്കുംകര (1), കാട്ടക്കാമ്പൽ (1, 5, 7), കോഴിക്കോട് ജില്ലയിലെ വേളം (8, 9), മേപ്പയൂർ (എല്ലാ വാർഡുകളും), പനങ്ങാട് (13), കൂത്താളി (5), ഇടുക്കി ജില്ലയിലെ മൂന്നാർ (19), തൊടുപുഴ മുൻസിപ്പാലിറ്റി (സബ് വാർഡ് (21, 23), ചക്കുപള്ളം (11), എറണാകുളം ജില്ലയിലെ പാറക്കടവ് (സബ് വാർഡ് 5), കിഴക്കമ്പലം (7), ചിറ്റാറ്റുകര (7), കൊല്ലം ജില്ലയിലെ ശൂരനാട് സൗത്ത് (11), വയനാട് ജില്ലയിലെ കൽപ്പറ്റ മുൻസിപ്പാലിറ്റി (എല്ലാ വാർഡുകളും), മലപ്പുറം ജില്ലയിലെ വണ്ടൂർ (9, 10, 11, 12), കോട്ടയം ജില്ലയിലെ പായിപ്പാട് (11) എന്നീ പ്രദേശങ്ങളെയാണ് കൺടെയ്ന്മെന്റ് സോണിൽ നിന്നും ഒഴിവാക്കിയത്. ഇതോടെ നിലവിൽ 565 ഹോട്ട് സ്‌പോട്ടുകളാണുള്ളത്.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP