Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Dec / 202002Wednesday
ഹോം വാർത്ത സ്പെഷ്യല്‍ റിപ്പോര്‍ട്ട്‌

ഭിവസവും ആശ്രമത്തിൽ ദർശനത്തിന് എത്തുന്നത് മൂവായിരത്തോളം പേർ; ഭക്തരെ അമ്മ സ്വീകരിക്കുന്നത് ആലിംഗനം ചെയ്തുകൊണ്ട്; വിദേശികളടക്കം 31 പേർക്ക് രാജ്യത്തുകൊറോണ സ്ഥിരീകരിച്ചതോടെ മുന്നറിയിപ്പുമായി ആരോഗ്യ വകുപ്പ്; മഠത്തിൽ ഭക്തർക്ക് ദർശനം നൽകുന്നത് നിർത്തി വച്ച് അമൃതാനന്ദമയി; പകൽ സന്ദർശനവും രാത്രി താമസവും അനുവദിക്കില്ല; ഇനി ഒരറിയിപ്പുണ്ടാകും വരെ ആരെയും പ്രവേശിപ്പിക്കില്ലെന്ന് മഠം

March 06, 202003:21 PM IST Permalink
ഭിവസവും ആശ്രമത്തിൽ ദർശനത്തിന് എത്തുന്നത് മൂവായിരത്തോളം പേർ; ഭക്തരെ അമ്മ സ്വീകരിക്കുന്നത് ആലിംഗനം ചെയ്തുകൊണ്ട്; വിദേശികളടക്കം 31 പേർക്ക് രാജ്യത്തുകൊറോണ സ്ഥിരീകരിച്ചതോടെ മുന്നറിയിപ്പുമായി ആരോഗ്യ വകുപ്പ്; മഠത്തിൽ ഭക്തർക്ക് ദർശനം നൽകുന്നത് നിർത്തി വച്ച് അമൃതാനന്ദമയി; പകൽ സന്ദർശനവും രാത്രി താമസവും അനുവദിക്കില്ല; ഇനി ഒരറിയിപ്പുണ്ടാകും വരെ ആരെയും പ്രവേശിപ്പിക്കില്ലെന്ന് മഠം

ആർ പീയൂഷ്

അമൃതപുരി: ആരോഗ്യ വകുപ്പ് അധികൃതരുടെ നിർദ്ദേശത്തെ തുടർന്ന് മാതാ അമൃതാനന്ദമയി ഭക്തർക്ക് ദർശനം നൽകുന്നത് നിർത്തി വച്ചു. കൊറോണ വൈറസ് ബാധയുടെ പശ്ചാത്തലത്തെ തുടർന്നാണ് നടപടി. ആശ്രമത്തിൽ പ്രതിദിനം മൂവായിരത്തോളം പേരെയാണ് അമൃതാനന്ദമായീ കാണാറുള്ളത്. വിദേശികളടക്കം രാജ്യത്ത് മുപ്പതിലേറെ പേർക്ക് കൊറോണ വൈറസ് ബാധ സ്ഥിരീകരിച്ച സാഹചര്യത്തിൽ ഭക്തരെ ആലിംഗനം ചെയ്തു കൊണ്ടുള്ള ദർശനം അവസാനിപ്പിക്കാൻ ആരോഗ്യവകുപ്പ് അധികൃതർ അമൃതാനന്ദമയീ മഠത്തോട് ആവശ്യപ്പെടുകയായിരുന്നു. ഇതിനെ തുടർന്ന് ആശ്രമ അധികൃതർ വാർത്താ കുറിപ്പും ഇറക്കി.

'ആരോഗ്യവകുപ്പ് ഏർപ്പെടുത്തിയ കർശന നിയന്ത്രണത്തെ തുടർന്ന് മാതാ അമൃതാനന്ദമയീ മഠത്തിൽ സന്ദർശകർക്ക് വിലക്കേർപ്പെടുത്തിയതായി വ്യസനസമേതം അറിയിക്കുന്നു. വിദേശികളും സ്വദേശികളുമായി നിരവധി ഭക്തജനങ്ങൾ തങ്ങുന്ന ആശ്രമം ഇപ്പോൾ ആരോഗ്യവകുപ്പിന്റെ നിരന്തര നിരീക്ഷണത്തിലും പരിശോധനയിലുമാണ്. ഈ സാഹചര്യത്തിൽ ഇന്ത്യൻ പൗരന്മാരേയോ വിദേശികളെയോ ആശ്രമത്തിൽ പ്രവേശിപ്പിക്കാൻ സാധിക്കില്ല. രാത്രി താമസത്തിനും വിലക്കേർപ്പെടുത്തിയിരിക്കുകയാണ്. ഇനി ഒരു അറിയിപ്പുണ്ടാകുന്നത് വരെ ആരെയും ആശ്രമത്തിൽ പ്രവേശിപ്പിക്കില്ല. വിദേശികളായ സന്ദർശകർ ഇന്ത്യയിലെത്തിയിട്ട് എത്ര നാളായിരുന്നാലും ഇത് ബാധകമാണെന്നും മഠത്തിന്റെ ഔദ്യോഗിക വെബ്സൈറ്റിൽ പറയുന്നു. പ്രാർത്ഥനയിലൂടെയും ദൈവാനുഗ്രഹത്തിലൂടെയും ഇപ്പോഴത്തെ സാഹചര്യം മാറുമെന്നാണ് കരുതുന്നതെന്നും വാർത്താ കുറിപ്പിൽ' പറയുന്നു.

ഇന്നലെ രാത്രി 11.45 വരെ അമൃതാനന്ദമയി ആശ്രമത്തിൽ ഭക്തർക്ക് ദർശനം നൽകി. രാവിലെ എട്ടുമണിക്ക് തുടങ്ങിയ ദർശനം ഭക്തരുടെ അനിയന്ത്രിത തിരക്കു മൂലം നീളുകയായിരുന്നു. ദർശനം നൽകുന്നതിനിടെ വൈകുന്നേരമാണ് ആരോഗ്യ വകുപ്പ് അധികൃതർ ദർശനം നിർത്തി വയ്ക്കണമെന്ന് ആവശ്യപ്പെട്ട കത്ത് നൽകിയതെന്ന് ആശ്രമം ഓപ്പറേഷൻ വിഭാഗം അറിയിച്ചു. വിവധ രാജ്യങ്ങളിൽ നിന്നും എത്തിയ വിദേശീയരെ അമൃത മെഡിക്കൽ കോളേജ് ആശുപത്രിയിലെ വിദഗ്ദ്ധ ഡോക്ടർ മാർ പരിശോധന നടത്തിയാണ് ഇതുവരെ ആശ്രമത്തിനുള്ളിൽ പ്രവേശിപ്പിച്ചിരുന്നത്. അടിയന്തര സാഹചര്യമുണ്ടായാൽ അമൃത ഹോസ്പിറ്റലിലേക്ക് മാറ്റാനുള്ള എല്ലാ സജ്ജീകരണങ്ങളും ഒരുക്കിയിട്ടുണ്ടായിരുന്നു. ആരോഗ്യ വകുപ്പിന്റെ നിർദ്ദേശം വന്നതോടു കൂടി ഇനി ഒരു അറിയിപ്പ് ഉണ്ടാകുന്നതുവരെ ദർശനം നിർത്തി വച്ചിരിക്കുകയാണ് എന്നും അധികൃതർ മറുനാടൻ മലയാളിയോട് പറഞ്ഞു.

വിദേശ പര്യടനം കഴിഞ്ഞ് ഒരുമാസത്തോളമായി അമൃതപുരിയിലെ ആശ്രമത്തിലാണ് അമൃതാനന്ദമയി. വരുന്ന മെയ് മാസത്തിലാണ് അടുത്ത വിദേശ പര്യടനം ആരംഭിക്കുന്നത്. അമേരിക്കയിലെ വിവിധ ഭാഗങ്ങളിലെ മഠത്തിന്റെ നിയന്ത്രണത്തിലുള്ള ആശ്രമങ്ങളിലാണ് ദർശനം നടത്താനിരിക്കുന്നത്. ലോകമെമ്പാടും കൊറോണ വൈറസ് പടരുന്ന സാഹചര്യത്തിൽ മെയിലെ അമേരിക്കൻ പര്യടനം മാറ്റി വയ്ക്കാൻ സാധ്യതയുണ്ടെന്നും ആശ്രമം വ്യക്തമാക്കി. സ്ഥിതിഗതികൾ നിയന്ത്രണ വിധേയമകുകയാണെങ്കിൽ തീരുമാനിച്ച പ്രകാരം പര്യടനം തുടരും. ആശ്രമത്തിലെ ആയിരത്തോളം വിദേശികളെ വൈറസ് ബാധ തുടർന്നപ്പോൾ തന്നെ വിശദമായ പരിശോധനകൾ നടത്തിയിരുന്നു. ആരിലും യാതൊരു വിധ രോഗ ലക്ഷണങ്ങളും കണ്ടെത്താൻ കഴിഞ്ഞില്ല. ഏതെങ്കിലും തരത്തിൽ ലക്ഷണങ്ങൾ കാട്ടുന്നവരെ അമൃതയിലെ ഡോക്ടർമാരുടെ കർശന നിരീക്ഷണത്തിൽ വേണ്ട പരിചരണങ്ങൾ നൽകുന്നുണ്ട്. കാലാവസ്ഥാ വ്യതിയാനം മൂലം പനിയാണ് മിക്കവർക്കും ഉള്ളത്.

അതേ സമയം ആശ്രമത്തിൽ ദർശനം നിർത്തി വച്ചതിൽ ആരും ആശങ്കപ്പെടേണ്ട കാര്യമില്ലെന്ന് കൊല്ലം ഡി.എം.ഒ അറിയിച്ചു. മുൻകരുതൽ നടപടികളെന്ന നിലയ്ക്കാണ് നിർദ്ദേശം നൽകിയിരിക്കുന്നത്. അമൃത പോസ്പിറ്റലിലെ ഡോക്ടർമാർ കൂടാതെ ജില്ലാ മെഡിക്കൽ ടീമിന്റെയും നിരീക്ഷണത്തിലാണ് ആശ്രമത്തിലുള്ളവർ എന്നും ഡി.എം.ഒ പറഞ്ഞു.

Important Notice
We are sorry to inform you that due to the extremely heightened restrictions specified to the Mata Amritanandamayi Math by the Health Department - including mandatory quarantines, daily health checks, and other protocols - currently, the Ashram cannot allow anyone to enter Amritapuri Ashram. This includes Indian nationals as well as foreign-passport-holders (including OCI-holders). This includes h day visits and overnight stays. This policy is irrespective of any amount of time the individual may have been within the nation of India.

With prayers and grace, this situation will change. Until then, please feel free to check for updates.

Authorities
Mata Amritanandamayi Math

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2020. All rights reserved.

Go to TOP