സ്റ്റേജിൽ ന്യൂജൻ പിള്ളേർ ആടിത്തിമിർക്കുന്നതിനിടെ എസ് യുവിയിൽ ലാലേട്ടനെ പോലെ അച്ചന്റെ മാസ് എൻട്രി; കൂളിങ് ഗ്ലാസ് വച്ച് മമ്മൂക്ക സ്റ്റൈലിൽ കിടിലൻ ഡാൻസും; അന്തംവിട്ട ഇടവകക്കാർ പിറുപിറുക്കുന്നു: ഇത് ഡാൻസ് പഠിച്ച 'ആമേനി'ലെ ഫാ.ഒറ്റപ്ലാക്കൻ; പഞ്ചായത്ത് അനുമതിയില്ലാതെ പള്ളി പാരിഷ് ഹാൾ കെട്ടിപ്പൊക്കുന്നത് ഫണ്ട് ധൂർത്തടിച്ച്; എതിർത്താൽ കുർബാനയ്ക്കിടെ പച്ചത്തെറിവിളിയും പരിഹാസവും; തുറവൂർ വാതക്കാട് ഭാരതറാണി പള്ളി ഇടവകക്കാരെ ശരണം കെടുത്തുന്നത് ഫാ.ജോഷി ചിറക്കൽ
എം മനോജ് കുമാർ
കൊച്ചി: 'ആമേനി'ൽ ജോയ് മാത്യു അവതരിപ്പിക്കുന്ന ഫാദർ ഒറ്റപ്ലാക്കനെ അനുസ്മരിപ്പിക്കുന്ന കഥാപാത്രമായി പള്ളി വികാരി മാറിയപ്പോൾ തലവേദന മുഴുവൻ ഇടവകക്കാർക്ക്. ഇടവകയിൽ പിളർപ്പുണ്ടാക്കി ഏകാധിപതിയെപ്പോലെ ഭരണം നടത്തുന്ന ഫാദർ ജോഷി ചിറക്കലിനെതിരെ മേജർ ആർച്ച് ബിഷപ്പ് മാർ ആന്റണി കരിയിലിന് പരാതി നൽകി കാത്തിരിക്കുകയാണ് തുറവൂർ വാതക്കാട് ഭാരതറാണി പള്ളി ഇടവകക്കാർ. ഇടവക അംഗങ്ങളുടെ എതിർപ്പ് മറികടന്നു അനധികൃതമായി വികാരി പണിയുന്ന പാരിഷ് ഹാൾ നിർമ്മാണം മുതൽ ഇടവകയുമായി ബന്ധപ്പെട്ടു വികാരി നടത്തുന്ന എല്ലാ പ്രവർത്തനങ്ങളിലും എതിർപ്പ് അറിയിച്ചുള്ള സമഗ്ര പരാതിയാണ് ഇടവകക്കാർ ആർച്ച് ബിഷപ്പായ മാർ ആന്റണി കരിയിലിന് കൈമാറിയിരിക്കുന്നത്.
പാരിഷ് ഹാൾ പഞ്ചായത്ത് അനുമതിയില്ലാതെ തീർത്തും അനധികൃതമായാണ് നിർമ്മിക്കുന്നത്. വിവരാകാശ പ്രകാരം പഞ്ചായത്തിൽ നിന്ന് നൽകിയ രേഖയും ഇവർ ആർച്ച് ബിഷപ്പിന് കൈമാറിയിട്ടുണ്ട്. പക്ഷെ പരാതി നൽകി കാത്തിരുന്നിട്ടും ഉന്നതതലത്തിൽ വികാരിക്കെതിരെ ഇതുവരെ ഒരു നടപടിയും വന്നിട്ടില്ല. തന്നെ എതിർക്കുന്നവർക്കെതിരെ പ്രതികാരം തീർക്കാൻ അച്ചൻ ബലിവേദിയെ കൂട്ട് പിടിക്കുമ്പോൾ പലപ്പോഴും നിസ്സഹായ അവസ്ഥയിലാകുകയാണ് ഇടവകക്കാർ. ഇത് മനസിലാക്കി ചാപ്പലിൽ പ്രസംഗിക്കുമ്പോൾ 'ഒരു പട്ടി കുരയ്ക്കുന്നുണ്ട്. കടിക്കാത്ത പട്ടിയാണ്. പക്ഷെ പള്ളിയിൽ കുട്ടികളെയും കൂട്ടി വരുന്ന അമ്മമ്മാർ ശ്രദ്ധിക്കണം'എന്നൊക്കെ പള്ളി പ്രസംഗത്തിൽ പറയുന്ന അച്ചനെ പൂട്ടാൻ കഴിയാത്ത ധാർമ്മിക രോഷമാണ് ഇപ്പോൾ ഇടവകയിൽ തിളയ്ക്കുന്നത്. എന്നാൽ അച്ചനാകട്ടെ ഒരു വികാരിയും ഇതുവരെ അനുവർത്തിക്കാത്ത വിധത്തിൽ പള്ളിയും കൂദാശകളും ആയുധമാക്കി ഇടവകക്കാർക്കെതിരെ ആഞ്ഞടിക്കുകയുമാണ്.
വികാരി എന്ന പദവി മാറ്റിവെച്ച് പെൺകുട്ടികളെ ഒപ്പം കൂട്ടി ആട്ടും പാട്ടവും നടത്തി ചെറുപ്പക്കാരെ കൂട്ടി തട്ടുകടയിൽ ചെലവ് നടത്തുന്ന അച്ചനെ എങ്ങിനെ നിയന്ത്രിക്കണം എന്നറിയാത്ത അവസ്ഥയിലാണ് ഇപ്പോൾ ഇടവകക്കാരുള്ളത്. അച്ചനെതിരെ നിരവധി പരാതികളാണ് ഇടവക്കാർ ഉയർത്തുന്നത്. ഇത്തരം പരാതികൾ തന്നെയാണ് ഇടവകക്കാർ മറുനാടന് മുന്നിലും നിരത്തിയത്. സാധാരണക്കാരെ വിമർശിച്ചും , പേടിപ്പിച്ചും കൂടെ നിർത്തുന്നു. എതിർക്കുന്നവരെ ബലിവേദിയിൽ വച്ച് കളിയാക്കുന്നു. ചൊല്പടിക്ക് നിൽക്കാത്തവരേ നിലയ്ക്ക് നിർത്തുന്ന സ്വഭാവം. ഉദാരമായി സാമ്പത്തിക സഹായം നൽകുവാൻ പ്രവാസികളെ പുകഴ്ത്തി പണം സ്വരൂപിക്കുന്നു.
സന്ധ്യാപ്രാർത്ഥന നടത്താതെ ചെറുപ്പക്കാരെ തട്ടുകടയിലും മറ്റും കൊണ്ട് പോയി പോയി ചെലവ് ചെയ്യിപ്പിക്കുന്നു. വിവാഹ കാഴ്ച മുതലായ സംഭാവനകൾ രസീതെഴുതാതേ വാങ്ങി ചെലവാക്കുന്നു. ആദ്ധ്യാത്മികതയിൽ നിന്നു പിൻവാങ്ങി മരാമത്ത് ജോലികൾക്ക് മൂൻതൂക്കം കൊടുക്കുന്നു . തുകയ്ക്കായി കള്ള തീരുമാനങ്ങൾ മിനിറ്റ്സ് പുസ്തകത്തിൽ എഴുതി ചേർക്കുന്നു. പൊതുയോഗം തിരഞ്ഞെടുത്ത കമ്മിറ്റികളോട് ആലോചിക്കാതെ നിർമ്മാണ പ്രവർത്തനം നടത്തുന്നു. ബലിവേദിയും മൈക്കും നുണ മാത്രം പറയാനും വ്യക്തിഹത്യ ചെയ്യുന്നതിനും ഉപയോഗിക്കുന്നു. 2017 ൽ തിരുന്നാൾ പ്രസുദേന്തിയെ ഒതുക്കാനായി വാട്ട്സാപ്പ് ദുർവിനിയോഗം ചെയ്ത വികാരി ഫോറോന വികാരിയുടെ പേരിൽ കള്ള വൗച്ചർ എഴുതിയത് പിടിക്കപ്പെട്ടത് ഇടവകയ്ക്ക് നാണക്കേടായി.
വ്യക്തി വൈരാഗ്യത്തിന്റെ പേരിൽ മാമ്മോദീസ പോലുള്ള കൂദാശ കർമ്മങ്ങൾ പോലും വൈരാഗ്യത്തോടെ നടത്തുന്നു. ബലിവേദിയും മൈക്കും കാണുമ്പോൾ വെറി കൊള്ളുന്നു. ഇഷ്ടമില്ലാത്ത വ്യക്തികളെ നശിപ്പിക്കാൻ ശ്രമിക്കുന്നു. വാട്ട്സാപ്പിലൂടെ ലൈംഗിക അപവാദ പ്രചരണവും വ്യക്തിഹത്യയും നടത്തുന്നതിന് പ്രോത്സാഹനം നൽകുന്നു, തുടങ്ങിയ നിരവധി പരാതികളാണ് ഇടവകക്കാർ അച്ചനെതിരെ മറുനാടന് മുന്നിൽ നിർത്തിയത്. അരമനയിൽ പലതവണ പരാതി എഴുതി കൊടുത്തു. നേരിട്ട് പോയി പരാതി പറഞ്ഞു, അവരേയെല്ലാം പേടിപ്പിച്ച് നിർത്തിയ വികാരി ഏകാധിപതിപോലെ വിലസുന്നു. തുടങ്ങിയ പരാതികളാണ് ഇടവകക്കാർ അച്ചനെതിരെ ഉയർത്തുന്നത്.
അച്ചൻ ഇറക്കിയ ഡാൻസ് വീഡിയോയും വിവാദത്തിലാണ്. ഒരു വികാരി ആണെന്ന് ഒരിക്കലും പറയാത്ത രീതിയിലാണ് ഡാൻസ് വീഡിയോയിൽ അച്ചൻ എത്തുന്നത്. ഒരു എസ് യുവിയിൽ അച്ചൻ വരുന്ന വീഡിയോ പ്രദർശിപ്പിക്കുകയാണ്. അതിനു ശേഷം സ്റ്റേജിലേക്ക് കൂളിങ് ഗ്ലാസും വെച്ച് അച്ചന്റെ മാസ് എൻട്രിയും പിന്നെ മമ്മൂട്ടി രീതിയിൽ ഡാൻസും. ആ രീതിയിലുള്ള പെർഫോമൻസാണ് ഡാൻസ് വീഡിയോയിൽ അച്ചൻ നടത്തുന്നത്. പെൺകുട്ടികളെ ഒപ്പം നിർത്തിയുള്ള ഈ ഡാൻസ് പരിശീലനവും ഡാൻസും ഇടവകയിൽ വിവാദമായി നിലനിൽക്കുകയുമാണ്. ആ വീഡിയോയിൽ അച്ചൻ വന്നിറങ്ങുന്ന ആഡംബര വാഹനത്തെക്കുറിച്ചും വിവാദം നിലനിൽക്കുന്നുണ്ട്. പോക്സോ കേസിലെ പ്രതിയുടെ കാറാണ് ഇത് എന്നാണ് ഇടവകക്കാർ ആരോപിക്കുന്നത്.
അച്ചനെതിരെ തുറവൂർ വാതക്കാട് ഭാരതറാണി പള്ളി ഇടവകക്കാരുടെ പ്രതികരണം:
ഇത്തരം ഒരു അച്ചനെ ഞങ്ങൾ ആദ്യം കാണുകയാണ്. വരുന്ന മാർച്ച് ആകുമ്പോൾ ഇടവകയിൽ ഫാദർ ജോഷി വന്നിട്ട് മൂന്നു വർഷമാകും. ഞങ്ങൾക്ക് അച്ചനോട് ഒരു താത്പര്യവുമില്ല. പക്ഷെ എത്ര പരാതി നൽകിയിട്ടുണ്ട് അച്ചനെ മാറ്റാൻ ഉന്നത തലത്തിൽ തീരുമാനം വരുന്നില്ല. അടുത്ത പത്ത് വർഷം പള്ളിയിൽ വികാരിയായി ഞാനുണ്ടാകും എന്നാണ് അച്ചൻ പറയുന്നത്. ഇടവകയിൽ നിന്ന് ഉയരുന്ന എതിർപ്പ് മനസിലാക്കിയാണ് അച്ചന്റെ വാക്കുകൾ വരുന്നത്. എനിക്കെതിരെ പരാതി നൽകൂ. പ്രശ്നം പരിഹരിക്കണമെങ്കിൽ ബിഷപ്പ് എന്റെ അടുക്കൽ വരണം. ഞാൻ എങ്ങോട്ടും പോകില്ല. ഇതാണ് അച്ചന്റെ പ്രതികരണം. കരിയൽ പിതാവിന്റെ മുന്നിൽ ഞങ്ങൾ പരാതി നൽകി. മുൻപ് ആലഞ്ചേരി പിതാവിന്റെ മുന്നിലും പരാതി നൽകിയിരുന്നു. പക്ഷെ തീരുമാനം വന്നില്ല.
ഏകാധിപതിയെപ്പോലെയാണ് ഇടവകയിലെ പെരുമാറ്റം. വികാരിക്കെതിരെ തിരിയുന്നവരെ എതിർക്കാനാണ് അൾത്താര ഉപയോഗിക്കുന്നത്. പാരിഷ് ഹാൾ പണിയുന്നതിൽ ഞങ്ങൾ കടുത്ത എതിർപ്പ് രേഖപ്പെടുത്തിയിട്ടുണ്ട്. അനധികൃത നിർമ്മാണത്തിനു പള്ളിയിലെ ഫണ്ട് എടുത്ത് അച്ചൻ ചിലവഴിക്കുകയാണ്. പുതിയ പള്ളി പണിയാൻ മുൻഗാമികൾ സ്വരൂപിച്ച ഫണ്ട് പാരിഷ് ഹാൾ പണിയാൻ ചെലവിടുകയാണ്. അനധികൃത നിർമ്മാണമാണത്. പഞ്ചായത്തിൽ നിന്നും ലൈസൻസ് എടുത്തിട്ടില്ല. അത് പൊളിച്ചു കളയേണ്ടി വരും. പക്ഷെ ഫണ്ട് എല്ലാം ഇതിനു ഉപയോഗിക്കുകയും ചെയ്യുന്നു. പൊളിച്ചു കളയുന്ന ഒരു പാരിഷ് ഹാളിനു വേണ്ടി എന്തിനാണ് ഫണ്ട് കളയുന്നത് എന്നാണ് ഉയരുന്ന ചോദ്യം. ഇപ്പോൾ ഞങ്ങൾ പഞ്ചായത്തിൽ പരാതി നൽകിയിട്ടുണ്ട്.
മാമോദീസ, കുർബാന ചടങ്ങുകൾ നടത്തുമ്പോൾ അച്ചനാണ് ചടങ്ങുകൾ നടത്തേണ്ടത്. അച്ചൻ നടത്തിയില്ലെങ്കിൽ അത് പ്രശ്നമാകും. അതിനാൽ ഇത്തരം കൂദാശകൾ ഉപയോഗിച്ച് അച്ചൻ ഇടവക അംഗങ്ങളെ വരുതിക്ക് നിർത്തുകയാണ് ചെയ്യുന്നത്. എനിക്കെതിരെ നിൽക്കുന്ന ആളുകളുടെ ഒരു പരിപാടിയും ഈ പള്ളിയിൽ വെച്ച് നടക്കില്ല-അച്ചന്റെ അന്ത്യശാസനം ഇങ്ങിനെയാണ്. പറയുന്നത് പോലെ ചെയ്യുന്ന അച്ചൻ കൂടിയാണിത്. ഇത് വിശ്വാസികളെ അസ്വസ്ഥരാക്കുന്നു. കൂദാശങ്ങൾ ഉപയോഗിച്ച് ഭീഷണി നടത്തുന്നതിനാൽ ഒരു വിഭാഗം ആളുകളെ അച്ചൻ കയ്യിലെടുത്തിട്ടുണ്ട്. ഇവരെ ഉപയോഗിച്ചാണ് നിലനിൽപ്പിന്റെ അഭ്യാസം നടത്തുന്നത്. ഞായാറാഴ്ച പ്രസംഗമധ്യേ ഇടവകക്കാർക്കെതിരെ അച്ചൻ ആഞ്ഞടിക്കും.
അവർക്ക് പറയാനുള്ള കാര്യങ്ങൾ പറയാൻ സമ്മതിക്കില്ല. മൈക്ക് അച്ചന്റെ കയ്യിൽ മാത്രമാണ് ഉള്ളത് എന്നോർക്കണം. ഒരു പറ്റം പെൺകുട്ടികളെ കൂടി കയ്യിൽ വെച്ച് ഡാൻസ് പരിപാടിയും പ്രാക്ടീസും നടത്തിക്കൊണ്ടിരിക്കുന്നുമുണ്ട്. മോഹൻലാലിനെ പോലെയാണ് വീഡിയോയിൽ അച്ചൻ വന്നിറങ്ങുന്നത്. മമ്മൂട്ടിയെ പോലെയാണ് ഡാൻസ് നടത്തുന്നത്. ഒരു മാസത്തോളമായി കുട്ടികൾ അച്ചന്റെ ഒപ്പമാണ്. സ്ത്രീ വിഷയങ്ങൾ അച്ചനെതിരെ സഭയിൽ പരാതികളും നിലനിൽക്കുന്നുണ്ട്. ഇനി 30 ലക്ഷം രൂപ കൂടി പള്ളിയുടെ ഫണ്ടിലുണ്ട്. അതും കൂടി പൊടിപോടിക്കനാണ് അച്ചന്റെ പരിപാടി. എല്ലാ കാര്യത്തിലും ധൂർത്താണ്. ആത്മാക്കൾ നനയാതിരിക്കാൻ സെമിത്തേരിയിൽ വരെ അച്ചൻ ഷീറ്റിട്ടുണ്ട്. ഇങ്ങിനെ ചിലവഴിച്ചാണ് പള്ളി ഫണ്ട് തീർക്കുന്നത്. എല്ലാത്തിനും വൻ തുകകൾ എഴുതി എടുക്കുകയും ചെയ്യുന്നുണ്ട്.
ഒരു പോക്സോ കേസിൽ ഇടവകയിലെ അംഗം ജയിലിലായപ്പോൾ ആദ്യം പോയി കണ്ടത് ഈ അച്ചനാണ്. അച്ചന്റെ ഡാൻസ് വീഡിയോയിൽ ഉപയോഗിച്ചിരിക്കുന്നത് ഇയാളുടെ വണ്ടിയാണ്. പോക്സോ കേസിൽ റിമാൻഡിൽ ആയപ്പോൾ അച്ചൻ ജയിലിൽ പോയി കണ്ടു. റിമാൻഡിൽ ആയ പ്രതിയെയാണ് വികാരി പോയി കണ്ടത്. ഈ പ്രവൃത്തിയിൽ തന്നെ വികാരി എന്താണ് എന്ന് തെളിയുന്നുണ്ട്. വികാരിയുടെ ഉടുപ്പിട്ട് കർമ്മങ്ങൾ ചെയ്യുന്ന അച്ചന്റെ ചെയ്തികൾ എന്തൊക്കെയാണ് എന്ന് തിരിച്ചറിയാനാണ് ഞങ്ങൾ ഇത്രയും പറയുന്നത്. കൊന്തയ്ക്ക് വരെ അച്ചൻ പണം വാങ്ങുന്നുണ്ട്. സഭയ്ക്ക് പരാതി നല്കിയപ്പോൾ സഭ ചോദിച്ചതുകൊന്ത മണിയും വികാരികൾ വിറ്റ് തിന്നാൻ തുടങ്ങിയോ എന്നാണ്. കൊന്തയ്ക്ക് ആരും പിരിവ് ചോദിക്കില്ല. കൊന്ത നടത്താൻ പണം ചോദിച്ച് പണം നൽകിയ ആളുകളുടെ പേര് പള്ളിയിൽ അനൗൺസ് ചെയ്യുകയാണ് അച്ചൻ ചെയ്തത്. ഇങ്ങിനെ ആദ്യ ദിവസം തന്നെ അച്ചൻ ധനസമാഹരണം നടത്തി. നടപ്പ് രീതികൾ ഉണ്ട്. അതൊന്നും പിൻപറ്റുന്നില്ല. അതുകൊണ്ടാണ് ഓരോ കാര്യത്തിലും ഞങ്ങൾക്ക് എതിർപ്പ് ഉയർത്തേണ്ടി വന്നത്. രാജസ്ഥാനിൽ നിന്നും മാർബിൾ കൊണ്ട് വരുമെന്ന് പറഞ്ഞു രാജസ്ഥാൻ മാർബിളിൽ നിന്നുമാണ് മാർബിൾ എടുത്തത്-ഇത്തരം പ്രശ്നങ്ങളാണ് പള്ളിയിൽ നടക്കുന്നത്. പാരിഷ് ഹാൾ പൊളിക്കാൻ പഞ്ചായത്ത് നോട്ടീസ് നൽകിയിട്ടുണ്ട്. ആ പാരിഷ് ഹാളിനു വേണ്ടിയാണ് മാർബിൾ എത്തിച്ചതും ഇനിയും മാർബിൾ എത്തിക്കാൻ ശ്രമം നടക്കുന്നതും. പാരിഷ് ഹാൾ കരിയൽ പിതാവിനെക്കൊണ്ട് ഉത്ഘാടനം നടത്തിപ്പിക്കാൻ അച്ചൻ ശ്രമം നടത്തി. പക്ഷെ അത് വിജയം കണ്ടിട്ടില്ല. പൊളിച്ചു കളയുന്ന പാരിഷ് ഹാൾ ആണോ ആർച്ച് ബിഷപ്പ് ഉദ്ഘാടനം ചെയ്യേണ്ടത്. ഈ ചോദ്യം വന്നപ്പോഴാണ് കരിയൽ പിതാവ് പിൻവലിഞ്ഞത്.
ആർച്ച് ബിഷപ്പിനു മുന്നിൽ ഇടവകക്കാർ നൽകിയ പരാതിയിൽ പറയുന്നത്:
ഇടവകവികാരി ഫാദർ ജോഷി ചിറക്കൽ ഇടവക ഭിന്നിപ്പിച്ചു ഭരിക്കുന്നു. കെസിവൈഎം സംഘടന രൂപീകരിച്ച് ചെറുപ്പക്കാരെ ഒപ്പം നിർത്തി തട്ടുകടയിൽ പോയി ഭക്ഷണം വാങ്ങി നൽകലാണ് അച്ചന്റെ പരിപാടി. ചെറുപ്പക്കാരെ ഗുണ്ടായിസം പഠിപ്പിക്കുകയാണ് അച്ചന്റെ പരിപാടി. വിവാഹക്കാഴ്ച, സംഭാവന രസീത് നൽകുന്നില്ല. ഇത്തരം തുകകകൾ സ്വയം ചിലവഴിക്കുന്നു. അഭിപ്രായം പറയുന്നവരെ ഞായറാഴ്ച കുർബാനയ്ക്ക് വെല്ലുവിളിച്ച് വ്യക്തിഹത്യ നടത്തുന്നു. കൈക്കാരന്മാരുടെ തിരഞ്ഞെടുപ്പിൽ മുൻ കൈക്കാരന്റെ ഭാര്യയെ മുൻകൂട്ടി തീരുമാനിച്ച് കള്ളക്കണക്കുകൾ എഴുതി പരിശീലിപ്പിച്ച് കാലാവധി നീട്ടി നീട്ടി നൽകുന്നു. പാരിഷ് ഹാൾ, സെമിത്തേരി, കപ്പേള നിർമ്മാണം തുടങ്ങിയവയിൽ ഇടവക നിയമങ്ങൾ ലംഘിക്കുന്നു. പാരിഷ് ഹാൾ ടെൻഡർ ഇല്ലാതെയാണ് നൽകിയത്.
പാരിഷ് ഹാൾ നിർമ്മാണ കമ്മറ്റിയെ ഒഴിവാക്കി നിർത്തിയാണ് നിർമ്മാണം നടത്തിയിരിക്കുന്നത്. തീരുമാനിക്കാത്ത കാര്യങ്ങൾ പൊതുയോഗ മിനിട്സിൽ എഴുതി ചേർക്കുന്നു. കപ്പേള വെഞ്ചരിപ്പിനു വന്ന ഇടയന്ത്രത്ത് പിതാവിന് 80000 രൂപ നൽകിയതിനു രസീതില്ല. തീരുമാനവുമില്ല. ഞായറാഴ്ച പിരിവ് പള്ളിയിൽ വായിക്കില്ല. വിദേശമലയാളികളിൽ നിന്നും ലഭിക്കുന്ന തുക മുഴുവൻ വികാരി സ്വന്തം ആവശ്യത്തിനു ചിലവഴിക്കുന്നു.
കൂദാശ കർമ്മങ്ങൾക്ക് അടുപ്പക്കാരായ വൈദികരെ വിളിപ്പിച്ചാൽ വികാരി അവരെ ഒഴിച്ച് നിർത്തുന്നു. അൾത്താര മധ്യേ എതിരായി നിലകൊള്ളുന്ന ആളുകളുടെ കുടുംബക്കാരെ ചീത്ത വാക്കുകൾ പറഞ്ഞു അവഹേളിക്കുന്നു. തുടങ്ങി നിരവധി പരാതികളാണ് ഇടവകക്കാർ ആർച്ച് ബിഷപ്പിന് നൽകിയിരിക്കുന്നത്. പക്ഷെ കരിയൽ പിതാവിന് പരാതി നൽകിയിട്ടും ഇപ്പോഴും അച്ചനെ മാറ്റുന്ന കാര്യത്തിൽ ഒരു തീരുമാനവും വന്നില്ല.
- TODAY
- LAST WEEK
- LAST MONTH
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- പ്രമുഖ യൂടൂബർ സ്വാതി കെട്ടിടത്തിൽ നിന്ന് ചാടി ജീവനൊടുക്കി; സംഭവസമയം മുറിയിൽ ഉണ്ടായിരുന്ന സുഹൃത്തിനെ ചോദ്യം ചെയ്തു പൊലീസ്; ആത്മഹത്യയ്ക്ക് പിന്നിലെ കാരണം തേടി അന്വഷണം; സ്വാതി ഗോദര വ്ളോഗിങ് തുടങ്ങിയത് യുപിഎസ്സി പരീക്ഷാ പരിശീലനത്തിന് ഡൽഹിയിൽ എത്തിയ ശേഷം
- യുഡിഎഫ് വോട്ടുകൾ 47.24ൽ നിന്ന് 40.95 ആയി കുറയുന്നു; എന്നിട്ടും 8 മുതൽ 20 വരെ സീറ്റ് ലഭിക്കാം; എൽഡിഎഫ് വോട്ടിൽ തൽസ്ഥിതി, സീറ്റ് പൂജ്യം മുതൽ 10വരെ; വോട്ട് വർധിക്കുന്നത് എൻഡിഎക്ക്, പൂജ്യം മുതൽ 2വരെ ലഭിക്കാം; ഞെട്ടിച്ച് ട്വന്റി ട്വന്റി; മറുനാടൻ സർവേയിലെ കണക്കിന്റെ കളി ഇങ്ങനെ
- ഇറാനെ വരുതിയിലാക്കാൻ കൂടുതൽ ഉപരോധത്തിന് അമേരിക്കയും ബ്രിട്ടനും യൂറോപ്യൻ യൂണിയനും; ഇസ്രയേൽ ആക്രമിക്കാൻ ഉപയോഗിച്ച ഡ്രോണുകൾക്ക് എൻജിൻ നിർമ്മിച്ച 16 വ്യക്തികൾക്കും മൂന്ന് സ്ഥാപനങ്ങൾക്കുമെതിരെ നടപടി; ഉടനടി തിരിച്ചടിക്കാത്ത ഇസ്രയേൽ നടപടിയിൽ ആശ്വാസം കണ്ട് ലോകരാജ്യങ്ങൾ
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- മോഷണക്കുറ്റം ആരോപിച്ച് പൊലീസ് കസ്റ്റഡിലെടുത്തു; താനല്ല മോഷ്ടിച്ചതെന്ന് കേണു പറഞ്ഞിട്ടും കേൾക്കാതെ ഏമാന്മാർ; കുറ്റം സമ്മതിപ്പിക്കാനായി ക്രൂരമായി തല്ലിച്ചതച്ചതോടെ ആരോഗ്യം നശിച്ചു; കോടതി മോചിപ്പിച്ചതോടെ പൊലീസിനെതിരെ നിയമപോരാട്ടം; വിധിവരാനിരിക്കെ ജീവനൊടുക്കി യുവാവ്
- മുന്തിരി ജ്യൂസ് കുടിച്ച് ദേഹാസ്വാസ്ഥ്യം; നാലുപേർ ചികിത്സ തേടി
- ദുവാ ഇരന്ന് മുസ്ലിം മത പണ്ഡിതർ; ഒപ്പം പ്രാർത്ഥിച്ച് ക്രിസ്ത്യൻ പുരോഹിതരും സന്യാസിമാരും; വൈറലായി പാലക്കാട്ടെ മതസൗഹാർദ ഗൃഹപ്രവേശനം; ഇതാണ് ദ റിയൽ കേരളാ സ്റ്റോറിയെന്ന് സോഷ്യൽ മീഡിയ
- സാമ്പിൾ വെടിക്കെട്ട് ഡ്രോണിൽ പകർത്തിയ ഒരാൾ അറസ്റ്റിൽ
- 'സിക്സർ' പൂരവുമായി മുംബൈ ബൗളർമാരെ വിറപ്പിച്ച് അശുതോഷ്; വീരോചിത പോരാട്ടവുമായി ശശാങ്ക് സിങ്ങും; ഐപിഎല്ലിന്റെ പിറന്നാൾ ദിനത്തിൽ ആരാധകരെ ത്രസിപ്പിച്ച് ത്രില്ലർ പോരാട്ടം; ജയത്തിനരികെ പൊരുതിവീണ് പഞ്ചാബ്
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
- ക്ഷേമപെൻഷൻ യഥാസമയം കൊടുക്കാൻ കഴിഞ്ഞില്ലെങ്കിൽ തിരിച്ചടിയെന്ന് വിലയിരുത്തൽ; പണം കണ്ടെത്താൻ സഹകരണ ബാങ്കുകളിൽ നിന്ന് 2000 കോടി കടമെടുക്കാൻ സർക്കാർ; 9.1 ശതമാനം പലിശയിൽ കടമെടുപ്പ്; ഒന്ന വർഷത്തിനുള്ളിൽ സഹകരണ ബാങ്കുകളെ സമീപിക്കുന്നത് ഇത് മൂന്നാം വട്ടം
- ത്രികോണ പോരിന് ഒടുവിൽ സുരേഷ് ഗോപി തൃശ്ശൂർ എടുക്കുമോ? പാലക്കാടൻ കാറ്റ് മാറി വീശുമോ? ആലത്തൂരിൽ രമ്യ പാട്ടുംപാടി വിജയിക്കുമോ? മലപ്പുറത്തും പൊന്നാനിയിലും ലീഗ് കോട്ടകളിൽ നേരിയ വിള്ളലെങ്കിലും വീഴുമോ? നെഞ്ചിടിപ്പേറുന്ന മണ്ഡലങ്ങളിലൂടെ മറുനാടൻ സർവേയുടെ രണ്ടാം ഘട്ടം ഫലം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- വ്യാഴാഴ്ച പ്രാർത്ഥനയ്ക്ക് പോയിരുന്ന ജെസ്നയെ കാണാതായതും വ്യാഴാഴ്ച; ആരാധനാ സ്ഥലം കണ്ടെത്തിയെന്ന് അച്ഛൻ; രഹസ്യ സുഹൃത്തിന്റെ ഫോട്ടോയും കുടുംബം കണ്ടെത്തി! സിബിഐ സഞ്ചരിക്കാത്ത വഴികളിലൂടെ പോയ അച്ഛന് കിട്ടിയത് ഞെട്ടിക്കുന്ന വിവരങ്ങളോ? ജെസ്നയ്ക്ക് സംഭവിച്ചത് എന്ത്?
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- ഇനി യുദ്ധത്തിനില്ല, ആക്രമിച്ചാൽ തിരിച്ചടിക്കും, ആക്രമണ വിവരം അമേരിക്കയെ അറിയിച്ചിരുന്നു; ഇറാനെ ലക്ഷ്യം വച്ചാൽ അമേരിക്കയുടെ താവളങ്ങൾ ലക്ഷ്യമിടും; മിസൈൽ ആക്രമണത്തിനെതിരെ ലോകരാജ്യങ്ങൾ ഒരുമിച്ചതോടെ ഇറാൻ ആകെ പെട്ട അവസ്ഥയിൽ; ഇസ്രയേൽ തിരിച്ചടി എങ്ങനെയാകും എന്ന ആശങ്കയിൽ ലോകം
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- അരവിന്ദ് കേജ്രിവാൾ ഡൽഹി മദ്യനയ അഴിമതിയുടെ മുഖ്യസൂത്രധാരൻ; അനുകൂല നയം രൂപീകരിക്കാൻ കോടികൾ കൈക്കൂലി വാങ്ങി; കോഴപ്പണം കൈകകാര്യം ചെയ്യുന്നതിലും മുഖ്യമന്ത്രി ഇടപെട്ടു; കോഴപ്പണം എഎപി ഗോവ തിരഞ്ഞെടുപ്പിൽ ഉപയോഗിച്ചുവെന്നും ഇ.ഡി; പത്തു ദിവസത്തെ കസ്റ്റഡിയിൽ വിടണമെന്നും കോടതിയിൽ
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- 'എന്റെ മകൻ കെട്ടിയ താലി നീ ഇടേണ്ട'; മകന്റെ ഭാര്യയുടെ താലിമാല പൊട്ടിച്ച് കലി തുള്ളിയ 'മോഹിനി'! 35 പവനൊപ്പം 10 ലക്ഷം കൂടി വേണമെന്ന അത്യാഗ്രഹം; വീടും സ്ഥലവും മകന് എഴുതി കൊടുക്കാത്തിന് മരുമകളെ പുറത്താക്കിയ അമ്മായി അമ്മ; സത്യഭാമ വെറുമൊരു 'കലാമണ്ഡലം' അല്ല; സ്ത്രീപീഡന കേസും ചർച്ചകളിലേക്ക്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്