Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202019Saturday

ടെറസിലെ പച്ചക്കറി കൃഷിയിൽ ഒറ്റപ്പെട്ട് നിന്ന 'പാവം ചെടി' കടുക് ചെടിയാണെന്ന് അമ്മയോട് പറഞ്ഞു; മകനെ വിശ്വസിച്ച അമ്മ ദിവസവും മുടങ്ങാതെ വെള്ളവും ഒഴിച്ചു; തൃശൂരിൽ ഡെയറി ഫാം നടത്തുന്നതിനിടെ മലപ്പുറത്തെ വീട്ടിൽ തോന്നിയ കുസൃതി; എടക്കരയിൽ സിവിൽ എഞ്ചിനീയർ കഞ്ചാവ് ചെടി വളർത്തിയതിന് അറസ്റ്റിലായപ്പോഴും പറയുന്നു..ഐ സിംപ്‌ളി വാണ്ടഡ് ഗുഡ് സ്റ്റഫ് ബ്രോസ്

ടെറസിലെ പച്ചക്കറി കൃഷിയിൽ ഒറ്റപ്പെട്ട് നിന്ന 'പാവം ചെടി' കടുക് ചെടിയാണെന്ന് അമ്മയോട് പറഞ്ഞു; മകനെ വിശ്വസിച്ച അമ്മ ദിവസവും മുടങ്ങാതെ വെള്ളവും ഒഴിച്ചു; തൃശൂരിൽ ഡെയറി ഫാം നടത്തുന്നതിനിടെ മലപ്പുറത്തെ വീട്ടിൽ തോന്നിയ കുസൃതി; എടക്കരയിൽ സിവിൽ എഞ്ചിനീയർ കഞ്ചാവ് ചെടി വളർത്തിയതിന് അറസ്റ്റിലായപ്പോഴും പറയുന്നു..ഐ സിംപ്‌ളി വാണ്ടഡ് ഗുഡ് സ്റ്റഫ് ബ്രോസ്

ജംഷാദ് മലപ്പുറം

മലപ്പുറം: സിവിൽ എൻജിനിയർ സ്വന്തംവീട്ടിൽ കഞ്ചാവ് ചെടി വളർത്തിയത് ക്വാളിറ്റിയുള്ള കഞ്ചാവ് സ്വന്തമായി ഉൽപാദിപ്പിച്ച് ഉപയോഗിക്കാൻ. കടുകിന്റെ ചെടിയാണെന്ന് അമ്മയെ വിശ്വസിപ്പിച്ചാണ് അരുൺകുമാർ വീട്ടിൽ കഞ്ചാവ് ചെടി വളർത്തിയത്. മകനെ വിശ്വസിച്ച മാതാവ് കടുക് ചെടിയാണെന്ന് കരുതി വെള്ളം ഒഴിച്ച് പരിപാലിക്കുകയുംചെയ്തു. മലപ്പുറം എടക്കര ഉപ്പടയിലാണ് സംഭവം. 30വയസ്സുകാരനായ ഇയ്യക്കാടൻ അരുൺകുമാറാണ് മാതാവിനോടും വീട്ടുകാരോടും കഞ്ചാവ് ചെടി കടുകിന്റേതാണെന്ന് പറഞ്ഞത്. സ്വന്തംവീട്ടിൽ വളർത്തിയ 5 കഞ്ചാവ്ചെടികൾ വളർത്തിയ കേസിൽ കഴിഞ്ഞ ദിവസമാണ് അരുൺകുമാറിനെ പോത്തുകൽപൊലീസ് അറസ്റ്റ് ചെയ്തത്.

പഠനസയത്തുതന്നെ കഞ്ചാവിന് അടിമയായ അരുൺകുമാർ ആർക്കും ഉപദ്രവകാരിയായിരുന്നില്ല. എന്നാൽ കഞ്ചാവിന്റെ ഉപയോഗം വർധിച്ചതിന് പുറമെ മറ്റുചെറുപ്പക്കാർക്കും ഇയാൾ കഞ്ചാവ് വിൽപന നടത്തുന്നുണ്ടെന്ന വിവരം പൊലീസിന് ലഭിച്ചിരുന്നു. ഇതുസംബന്ധിച്ചു അന്വേഷണം നടത്തിയെങ്കിലും തെളിവുകളുടെ അഭാവത്തിൽ അന്വേഷണം അവസാനിപ്പിച്ചു. എട്ടുമാസം മുമ്പാണ് വീടിനടുത്തുള്ള പുഴയോരത്ത് അരുൺകുമാർ കഞ്ചാവ് കൃഷി നടത്തുന്നതായി പോത്തുകൽ പൊലീസിന് വിവരം ലഭിച്ചത്. തുടർന്ന് സംഭവസ്ഥലത്തെത്തി പരിശോധന നടത്തിയെങ്കിലും ചെടികളെല്ലാം ഇവിടെനിന്നും പറിച്ചുകൊണ്ടുപോയ അവസ്ഥയിലായിരുന്നു. പിന്നീടും സിവിൽ എൻജിനിയറായഅരുൺകുമാർ മുഖേന യുവാക്കളിലേക്ക് കഞ്ചാവെത്തുന്നുണ്ടെന്ന് പൊലീസിന് സൂചനകൾ ലഭിച്ചു.

Stories you may Like

ഇതിന് ശേഷം നടത്തിയ അന്വേഷണത്തിലാണ് അരുൺകുമാർ വീട്ടിൽ വളർത്തിയ കഞ്ചാവ് ചെടികൾ പൊലീസ് കണ്ടെത്തിയത്. പ്ലാസ്റ്റിക് പാത്രത്തിൽ പാകി കിളിർപ്പിച്ച നടാൻ പാകത്തിനുള്ള അൻപത്തിയഞ്ച് തൈകളും, സമീപത്തായി പച്ചക്കറി കൃഷി നടത്തുന്നതിനിടയിൽ കൃഷി ചെയ്ത രണ്ട് തൈകളുമടക്കം അൻപത്തിയേഴ് തൈകളാണ് പൊലീസ് പിടിച്ചെടുത്തത്. ടെറസിൽ വളർത്തിയ കഞ്ചാവ് ചെടികൾ വീട്ടുകാരുടെ ശ്രദ്ധയിൽപ്പെട്ടിരുന്നില്ല. എന്നാൽ വീടിന് പുറത്ത് പച്ചക്കറികൾക്കിടയിൽ വളർത്തിയ കഞ്ചാവ്ചെടി കടുക്ചെടിയാണെന്നും ഇതിനെ പരിപാലിക്കണമെന്നും അമ്മയോട് പറഞ്ഞിരുന്നു. ഇത് വിശ്വസിച്ച മാതാവ് കഞ്ചാവ് ചെടിക്ക് വെള്ളമൊഴിച്ചു നൽകുകയും ചെയ്തിരുന്നതായി പൊലീസ് പറഞ്ഞു. സ്ഥിരമായി കഞ്ചാവ് ഉപയോഗിച്ചിരുന്ന അരുൺകുമാർ ക്വാളിറ്റിയുള്ള കഞ്ചാവ് സ്വന്തമായി ഉൽപാദിപ്പിക്കുകയെന്ന ലക്ഷ്യത്തോടെയാണ് വീട്ടിൽവെച്ച് കൃഷി തുടങ്ങിയതെന്നാണ് തുടരന്വേഷണത്തിൽ പൊലീസിന് ലഭിച്ച വിവരം.പോത്തുകൽ എസ്‌ഐ: കെ അബ്ബാസിന്റെ നേതൃത്വത്തിലുള്ള സംഘമാണ് രഹസ്യ വിവരത്തിന്റെ അടിസ്ഥാനത്തിൽ വീട്ടിലെ കഞ്ചാവ് കൃഷി കണ്ടെത്തിയത്.

പ്ലാസ്റ്റിക് പാത്രത്തിലുള്ള തൈകൾക്ക് ആറ് മുതൽ പതിനഞ്ച് സെന്റീമീറ്റർ വരെ ഉയരവും സമീപത്തുണ്ടായിരുന്ന രണ്ട് തൈകൾക്ക് പതിനഞ്ച് സെന്റീമീറ്റർ ഉയരവുമാണ് ഉള്ളത്. സിവിൽ എൻജിനീയറായ അരുൺകുമാർ തൃശൂരിൽ ഡയറി ഫാം നടത്തിവരികയാണ്. ഇതിനിടയിലാണ് വീടിന്റെ ടെറസിന് മുകളിൽ കഞ്ചാവ് കൃഷി നടത്തിയത്. മലപ്പുറം കോടതിയിൽ ഹാജരാക്കിയാണ് അരുൺകുമാർ നിലവിൽ റിമാൻഡിലാണ്.

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Loading...
Go to TOP