ഒരു രക്ഷയുമില്ല... ഞാൻ തൊടുന്നതെല്ലാം ട്രോളാണല്ലോ; സ്വതവേ എനിക്ക് ട്രോളുകളോടൊക്കെ വ...

ഒരു രക്ഷയുമില്ല... ഞാൻ തൊടുന്നതെല്ലാം ട്രോളാണല്ലോ; സ്വതവേ എനിക്ക് ട്രോളുകളോടൊക്കെ വളരെ പോസിറ്റീവായിട്ടുള്ള നിലപാടാണ്; ചെറുപ്പം തൊട്ടേ ചൈനയെ കുറിച്ച് നമുക്കൊരു ധാരണ ഉണ്ടല്ലോ? നമ്മുടെ ചങ്കിലുള്ള ചൈന തന്നെയാണോ യഥാർത്ഥത്തിൽ ചൈന എന്നുള്ള അന്വേഷണം കൂടിയായിരുന്നു ആ യാത്ര: വിമർശനങ്ങൾക്ക് മറുപടിയുമായി ചിന്താ ജെറോം

September 26, 201809:34 AM IST Permalink

മറുനാടൻ മലയാളി ബ്യൂറോ

തിരുവനന്തപുരം: ചൈനാ യാത്രാ അനുഭവങ്ങളെ കുറിച്ചാണ് ചിന്താ ജെറോമിന്റെ പുതിയ പുസ്തകം. 'ചങ്കിലെ ചൈന'യെന്ന പേരിട്ടിരിക്കുന്ന ചിത്രത്തിന്റെ മുഖചിത്രം തന്നെ ചിന്തയുടെ സെൽഫിയാണെണ്. ഇതോടെ ട്രോളും തുടങ്ങി. സെൽഫിയെ കുറിച്ചും ജിമ്മിക്കി കമ്മലിനെ കുറിച്ചും ചിന്തെ ജെറോം നടത്തിയ പ്രസംഗങ്ങൾക്ക് ശേഷം ശേഷം ട്രോളന്മാർക്ക് ചാകര സമ്മാനിച്ചു യുവജന കമ്മീഷൻ അധ്യക്ഷയുടെ പുതിയ പുസ്തകം. പുസ്തകത്തിന്റെ പേരും കവർ ചിത്രവുമാണ് ട്രോളുകൾക്ക് വഴിവെച്ചത്.

ട്രോൾ ആക്രണം തുടരുന്നതിനിടെ ട്രോളന്മാർക്ക് മറുപടിയുമായി ചിന്ത തന്നെ രംഗത്തെത്തി. ട്രോളുകളിൽ പ്രത്യേകിച്ച് കാര്യമൊന്നുമില്ലെന്നും ഇക്കാര്യങ്ങൾ ഒന്നും പുതിയ കാര്യമല്ലെന്നും ചിന്ത വ്യക്തമാക്കി. ഒരു രക്ഷയുമില്ല. ഞാൻ തൊടുന്നതെല്ലാം ട്രോളാണല്ലോ എന്നാണ് ഞാൻ ഓർക്കുന്നത്. ബുക്കിനെ അനുകൂലിച്ചും പ്രതികൂലിച്ചും ട്രോളുകൾ വരുന്നുണ്ട്. ഞാൻ അതൊന്നും ശ്രദ്ധിക്കുന്നില്ല. ഞാൻ എന്റെ കാര്യങ്ങൾ നോക്കുന്നു. എന്റെ വഴിക്ക് പോകുന്നു എന്നതിന് അപ്പുറം ഞാൻ ഒന്നും നോക്കാറില്ല. പിന്നെ, സ്വതവേ എനിക്ക് ട്രോളുകളോടൊക്കെ വളരെ പോസിറ്റീവായിട്ടുള്ള നിലപാടാണ്. ''- ചിന്ത വിശദീകരിക്കുന്നു.

എന്താണ് ചങ്കിലെ ചൈന എന്നതിനും അവർ മറുപടി നൽകി. 2015ൽ ഞാൻ ചൈനയിലേക്ക് നടത്തിയ യാത്രയുടെ വിവരണമാണത്. ചെറുപ്പം തൊട്ടേ ചൈനയെ കുറിച്ച് നമുക്കൊരു ധാരണ ഉണ്ടല്ലോ? നമ്മുടെ ചങ്കിലുള്ള ചൈന തന്നെയാണോ യഥാർത്ഥത്തിൽ ചൈന എന്നുള്ള അന്വേഷണം കൂടിയാണ് ആ യാത്ര''- ചിന്ത വ്യക്തമാക്കി. സെൽഫിയെ കുറിച്ച് വലിയ തോതിൽ സസാരിച്ച വ്യത്തിയാണ് ചിന്ത. ഇതാണ് പുസ്തകത്തിനെതിരെ ട്രോളുകൾ ഉയരാൻ കാരണം. സെൽഫിയെ കുറിച്ച് മുമ്പ് ചിന്ത പറഞ്ഞത് ഇങ്ങനെയായിരുന്നു: സെൽഫിയുടെ രാഷ്ട്രീയം എന്ന് പറയുന്നത് സ്വാർഥതയുടെ രാഷ്ട്രീയമാണ്. സെൽഫിക്കൊരു പ്രത്യയ ശാസ്ത്രമുണ്ട്. താൻ തന്റെ കാര്യം മാത്രം നോക്കിയാൽ മതിയെന്ന ചിന്തയാണ് സെൽഫി മുന്നോട്ട് വെക്കുന്ന പ്രത്യയശാസ്ത്രമെന്നാണ് ചിന്ത തന്റെ പ്രസംഗത്തിൽ പറഞ്ഞത്.

സെൽഫി എടുക്കാറുള്ള ചിന്ത ഈ പറയുന്ന ചിന്ത ജെറോം തന്നെ സെൽഫി എടുക്കുകയും ഫേസ്‌ബുക്കിൽ പോസ്റ്റുകയും ചെയ്യാറുണ്ട് എന്നതാണ് രസകരം. സ്വന്തം ചിത്രമെടുത്ത് തന്നിലേക്ക് ഒതുങ്ങുകയും ചെയ്യുന്നുണ്ട് എന്ന് പറയുകയും അതേസമയം സെൽഫി ഫേസ്‌ബുക്കിൽ ഇടുകയും ചെയ്യുന്ന പരസ്പര വിരുദ്ധതയാണ് അന്ന് സൈബർലോകം ചർച്ച ചെയ്തത്. ചിന്ത പബ്ലിഷേഴ്‌സാണ് പുസ്തകം പ്രസിദ്ധീകരിച്ചിരിക്കുന്നത്. ചൈനയിലേക്ക് ചിന്ത നടത്തിയ യാത്രയാണ് പുസ്തകത്തിൽ പറയുന്നത്.'ചങ്കിലെ ചൈന'പ്രളയകാലത്ത് കേരളത്തിന് കരുത്തായ യുവതയ്ക്ക് സമർപ്പിക്കുന്നതായി ചിന്ത പറഞ്ഞു. ഫേസ്‌ബുക്കിലൂടെയാണ് പുതിയ പുസ്തകം പ്രസിദ്ധീകരിച്ച കാര്യം ചിന്ത വെളിപ്പെടുത്തിയത്. ഇതോടെയാണ് ട്രോളും തുടങ്ങിയത്. അതേസമയം ചിന്തയുടെ ഫേസ്‌ബുക്ക് പോസ്റ്റിന് താഴെ വിലയി പ്രതിഷേധവവം നടക്കുന്നു. അമേരിക്കയിൽ നിന്നും ചികിത്സ കഴിഞ്ഞെത്തിയ മുഖ്യമന്ത്രിയെ കൊണ്ടാണ് 'ചങ്കിലെ ചൈന' പ്രകാശനം ചെയ്തത്. സമീപകാലത്ത് പല വിഷയങ്ങളിലെ മൗനവും തന്നെയാണ് പ്രധാനമായും വിമർശനങ്ങൾക്ക് വിധേയമായിരിക്കുന്നത്.

വിപ്ലവ സിംഹമേ ബിഷപ്പ് വിഷയത്തിൽ പ്രതികാരത്തിലുള്ള പ്രതിഷേധം മറ്റൊരു യുവാവ് രേഖപ്പെടുത്തിയത് ഇങ്ങനെ. 'വലതു കയ്യിൽ പൊൻകുരിശ് കെട്ടി ഹിന്ദുമതാചാരങ്ങൾക്കെതിരെ പോരാടിയ വിപ്ലവ സിംഹമേ നീതിക്ക് വേണ്ടി കർത്താവിന്റെ മണവാട്ടികൾ തെരുവിൽ നടത്തിയ സമരത്തെക്കുറിച്ച് ഒരക്ഷരം മൊഴിഞ്ഞത് കണ്ടില്ല'എന്നാണ് ഒരു കമന്റ്. രണ്ട് 'ചങ്കിലെ ചൈന' ദുരിതബാധിതർ ആയ എല്ലാ കേരളീയർക്കും എത്തിച്ചു കൊടുത്താൽ അവരുടെ ആത്മവിശ്വാസം വർദ്ദിപ്പിക്കാൻ ആവും. ചിന്തേച്ചിയുടെ പുസ്തകം വായിച്ചാൽ നമ്മൾ അനുഭവിച്ചത് ഒന്നുമല്ല യഥാർത്ഥ ദുരന്തം എന്നൊരു ബോധം ജനങ്ങൾക്ക് വരികയും അവർ പ്രളയത്തെ അതിജീവിക്കുകയും ചെയ്യും. താങ്ക്യു ചിന്തേച്ചി.. ഇതാണ് സൈബർ ലോകത്ത് വൈറലായിക്കൊണ്ടിരക്കുന്ന മറ്റൊരു കമന്റ്.

രണ്ട് സന്തോഷങ്ങൾ രണ്ട് സന്തോഷങ്ങൾ ആണ് നമുക്കും ചിന്തേച്ചിയുടെ പോസ്റ്റ് കണ്ടപ്പോൾ പങ്കുവയ്ക്കാൻ തോന്നുന്നത്. ഒന്ന്. പികെ ശശിയും ബിഷപ്പും പീഡന ആരോപണം നേരിട്ട സമയത്ത് സംസാരശേഷി നഷ്ടപ്പെട്ട ചിന്തേച്ചിക്ക് വീണ്ടും അത് തിരിച്ചു ലഭിച്ചിരിക്കുന്നു എന്നും ഒരാൾ അഭിപ്രായം രേഖപ്പെടുത്തി. ഈ കമന്റിന് വലിയ പ്രതികരണമാണ് ലഭിച്ചത്. ഇതൊടൊപ്പം തന്നെ ചിന്തക്കെതിരെ ട്രോളുകളും സമൂഹമാധ്യമങ്ങളിൽ നിറയുന്നുണ്ട്. ചിന്തയുടെ ചങ്കിനകത്ത് ലാലേട്ടനല്ല ചൈനായാണ് ചൈന എന്നു തുടങ്ങുന്ന ട്രോളുകളാണ് നിറയുന്നത്. ഈ സാഹചര്യത്തിലാണ് ചിന്ത വിശദീകരണവുമായി എത്തിയത്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

മറുനാടൻ മലയാളി ബ്യൂറോ

Stories you may Like

Readers Comments+

More News in this category+

MNM Recommends +