Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202025Friday

കോഴിക്കോട് ജില്ലയിൽ മഴക്കെടുതികൾ രൂക്ഷമാകുന്നു; 37 ക്യാമ്പുകളിലായി 699 പേരെ മാറ്റിപ്പാർപ്പിച്ചു; ക്വാറന്റെയിൽ ആവശ്യമുള്ളവർക്ക് പ്രത്യേക ക്യാമ്പുകൾ; നാല് താലൂക്കുകളിലായി 50 ലക്ഷം രൂപയുടെ നാശനഷ്ടം; നിരവധി വീടുകൾ മരം വീണ് തകർന്നു; ആളപായമില്ലാത്തത് ദുരിതങ്ങൾക്കിടയിലും ആശ്വാസമാകുന്നു

കോഴിക്കോട് ജില്ലയിൽ മഴക്കെടുതികൾ രൂക്ഷമാകുന്നു; 37 ക്യാമ്പുകളിലായി 699 പേരെ മാറ്റിപ്പാർപ്പിച്ചു; ക്വാറന്റെയിൽ ആവശ്യമുള്ളവർക്ക് പ്രത്യേക ക്യാമ്പുകൾ; നാല് താലൂക്കുകളിലായി 50 ലക്ഷം രൂപയുടെ നാശനഷ്ടം; നിരവധി വീടുകൾ മരം വീണ് തകർന്നു; ആളപായമില്ലാത്തത് ദുരിതങ്ങൾക്കിടയിലും ആശ്വാസമാകുന്നു

ജാസിം മൊയ്തീൻ

കോഴിക്കോട്: കോഴിക്കോട് ജില്ലയിൽ മഴക്കെടുതികൾ രൂക്ഷമായി തുടരുന്നു. മഴക്കെടുതികളെ തുടർന്ന് ജില്ലയിലാകെ 37 ക്യാമ്പുകളിലായി 699 പേരെ മാറ്റിപ്പാർപിച്ചു. ക്വാറന്റൈനിൽ കഴിയുന്നവർക്കായി പ്രത്യേകം ടോയ്ലറ്റ് സൗകര്യമുള്ള ക്യാമ്പുകൾ തയ്യാറാക്കിയിട്ടുണ്ട്. കോവിഡ് പോസിറ്റീവ് ആയവരെ ട്രീന്റ്മെന്റ് സെന്ററിലേക്കാണ് മാറ്റിയത്. നാല് താലൂക്കുകളിലായി 50 ലക്ഷം രൂപയുടെ പ്രാഥമിക നാശനഷ്ടം കണക്കാക്കുന്നു. കോഴിക്കോട് താലൂക്കിൽ 11 വില്ലേജുകളിലായി 20 ക്യാമ്പുകൾ പ്രവർത്തനമാരംഭിച്ചു. 220 പേരാണ് വിവിധ സ്ഥലങ്ങളിലെ ക്യാമ്പുകളിലേക്ക് മാറിയത്.

മാവൂർ ജിഎച്ച്എസ്എസിൽ രണ്ട് കുടുംബങ്ങളിലെ ആറ് പേരെയാണ് ക്യാമ്പിലേക്ക് മാറ്റി താമസിപ്പിച്ചത്. തെങ്ങിലക്കടവ് മലബാർ കാൻസർ സെന്ററിൽ മൂന്ന് കുടുംബങ്ങളിൽ നിന്നായി 13 പേരെയും മാവൂർ ജിഎംയുപി സ്‌കൂളിൽ ആറ് കുടുംബത്തിലെ 13 പേരെയും കച്ചേരിക്കുന്ന് അംഗൻവാടിയിൽ ഒരു കുടുംബത്തിലെ എഴ് പേരെയും വളയന്നൂർ ജിയുപിഎസിൽ ഒരു കുടുംബത്തിൽ നിന്നുള്ള നാല് പേരെയും മുഴപ്പാലം മദ്രസ്സയിൽ നാല് കുടുംബത്തിലെ 16 പേരുമാണ് താമസിക്കുന്നത്. കുമാരനല്ലൂർ വില്ലേജിൽ ആസാദ് യു പി സ്‌കൂളിൽ ഏഴ് കുടുംബങ്ങളിൽ നിന്നുള്ള 19 പേരെയാണ് മാറ്റിപാർപ്പിച്ചത്. മൂട്ടോളി അംഗൻവാടിയിൽ ഒരു കുടുംബത്തിലെ നാല് പേരെ മാറ്റി താമസിപ്പിച്ചിട്ടുണ്ട്.

Stories you may Like

പെരുവയൽ വില്ലേജിൽ ചെറുകുളത്തുർ എഎൽപി സ്‌കൂളിൽ മൂന്ന് കുടുംബങ്ങളിൽ നിന്നായി എട്ട് പേരും, ചെറുകുളത്തുർ വെസ്റ്റ് അംഗൻവാടിയിൽ ഒരു കുടുംബത്തിലെ ആറ് പേരുമാണ് താമസിക്കുന്നത്. ചെറുവണ്ണൂർ വില്ലേജിലെ ലിറ്റിൽ ഫ്ലവർ എയുപി സ്‌കൂളിൽ ഏഴ് കുടുംബങ്ങളിലെ 26 പേരും ചെറുവണ്ണൂർ ജിവിഎച്ച്എസ്എസിൽ മൂന്ന് കുടുംബങ്ങളിലെ ആറ് പേരെയും മാറ്റി താമസിപ്പിച്ചിട്ടുണ്ട്. കടലുണ്ടി വില്ലേജിൽ വട്ടപ്പറമ്പ ജിഎൽപി സ്‌കൂളിൽ ഒരു കുടുംബത്തിലെ ആറ് പേർ താമസിക്കുന്നുണ്ട്. ഒളവണ്ണ വില്ലേജിലെ കൊടിനാട്ടുമുക്ക് ജിഎൽപി സ്‌കൂളിൽ ഒരു കുടുംബത്തിലെ മൂന്ന് പേരെയാണ് മാറ്റി താമസിപ്പിച്ചത്.

കുറ്റിക്കാട്ടൂർ വില്ലേജിൽ പൈങ്ങോട്ടുപുറം തിരുത്തിമ്മൽ അംഗനവാടിയിൽ മൂന്ന് കുടുംബത്തിൽ നിന്നായി 12 പേരെ മാറ്റി താമസിപ്പിച്ചു. കക്കാട് വില്ലേജിൽ ചോനാട് അംഗൻവാടിയിൽ മൂന്ന് കുടുംബത്തിലെ എട്ട് പേരാണ് താമസിക്കുന്നത്. വേങ്ങേരി വില്ലേജിൽ ഗവ പോളിടെക്‌നിക്കിൽ 15 കുടുംബങ്ങളിൽ നിന്നായി 53 പേർ താമിസിക്കുന്നുണ്ട്. പ്രോവിഡൻസ് കോളേജിലെ ക്യാമ്പിൽ രണ്ട് പേരെയാണ് മാറ്റി പാർപ്പിച്ചത്. കക്കോടി വില്ലേജിൽ പടിഞ്ഞാറ്റുമുറി ജിഎൽപി സ്‌കൂളിൽ ഒരു കുടുംബത്തിൽ നിന്നുള്ള 4 പേരെയും കുരുവട്ടൂർ വില്ലേജിൽ പീസ് ഇന്റർനാഷണൽ സ്‌കൂളിൽ രണ്ട് കുടുംബത്തിൽ നിന്നായി നാല് പേരെയുമാണ് മാറ്റിപ്പാർപ്പിച്ചത്.

ചേളന്നൂർ പഞ്ചായത്തിൽ പ്രളയ ബാധിത പ്രദേശങ്ങളിൽ നിന്ന് ആറ് കുടുംബങ്ങളെയും മണ്ണിടിച്ചിൽ ഭീഷണി നേരിടുന്ന മൂന്ന് കുടുംബങ്ങളെയും ബന്ധു വീടുകളിലേക്ക് മാറ്റി പാർപ്പിച്ചിട്ടുണ്ട്. വെള്ളം കയറിയ വിവിധ സ്ഥലങ്ങളിൽ ജാഗ്രതാ നിർദ്ദേശം നൽകിയിട്ടുണ്ട്. 12 മീറ്റർ പൊതുവഴി തകർന്നു.കൊയിലാണ്ടി താലൂക്കിൽ നിലവിൽ നാല് ക്യാമ്പുകളാണ് പ്രവർത്തിക്കുന്നത്. 86 പേരാണ് നാല് ക്യാമ്പുകളിലായി ഉള്ളത്. ബാലുശ്ശേരി മർകസ് പബ്ലിക് സ്‌കൂളിൽ ആരംഭിച്ച ക്യാമ്പിൽ ഒരു കുടുംബത്തിലെ ആറ് പേരാണ് ഉള്ളത്.

കൂരാച്ചുണ്ട് ഗ്രാമപഞ്ചായത്തിലെ കക്കയം സെന്റ് സെബാസ്റ്റ്യൻ പള്ളി പാരിഷ് ഹാളിൽ ആരംഭിച്ച ക്യാമ്പിൽ 11 കുടുംബങ്ങളിൽ നിന്നുള്ള 54 പേരാണ് ഉള്ളത്. മൂടാടി നസ്രത്തുൽ ഇസ്ലാം മദ്രസയിൽ ആരംഭിച്ച ക്യാമ്പിൽ അഞ്ച് കുടുംബങ്ങളിൽ നിന്നുള്ള 14 പേരാണ് ഉള്ളത്. മൂടാടി ഗോപാലപുരം ഗോഖലെ യു.പി സ്‌കൂളിൽ ആരംഭിച്ച ക്യാമ്പിൽ രണ്ട് കുടുംബങ്ങളിൽ നിന്നുള്ള 12 പേരാണ് ഉള്ളത്.കൂടുതൽ ക്യാമ്പുകൾ ആരംഭിക്കേണ്ട സാഹചര്യമുണ്ടായാൽ അതിനുള്ള ഒരുക്കങ്ങൾ സ്വീകരിച്ചുവരുന്നതായി തഹസിൽദാർ കെ ഗോകുൽ ദാസ് അറിയിച്ചു.

വടകര താലൂക്കിൽ 10 ക്യാമ്പുകളാണ് ഉള്ളത്. ആകെ 71 കുടുംബങ്ങളിൽ നിന്നായി 244 പേർ ക്യാമ്പുകളിലുണ്ട് ബന്ധുവിടുകളിൽ 1670 കുടുംബങ്ങളിൽ നിന്നായി 6513 പേരാണ് ഉള്ളത്. മരുതോങ്കര നെല്ലിക്കുന്ന് ഷെൽട്ടർ, മരുതോങ്കര വാർഡ് ഒന്നിൽ അങ്കണവാടി, മരുതോങ്കര വാർഡ് ആറിൽ അങ്കണവാടി, ഒഞ്ചിയം അങ്കണവാടി, തിനൂർ സെന്റ് ജോർജ് എച്ച് എസ്, വിലങ്ങാട് സെന്റ് ജോർജ് എച്ച് എസ്, ചോറോട് എരപുരം എം എൽ പി സ്‌കൂൾ, ചെക്യാട് ജാതിയേരി എം എൽ പി സ്‌കൂൾ, തോടന്നൂർ എംഎൽപി സ്‌കൂൾ, മണിയൂർ എം എച്ച് ഇ എസ് കോളജ്. എന്നിവിടങ്ങളിലാണ് ക്യാമ്പുകളുള്ളത്.താമരശേരി താലൂക്കിൽ തിരുവമ്പാടി, കോടഞ്ചേരി, കട്ടിപ്പാറ വില്ലേജുകളിലെ മൂന്ന് ക്യാമ്പുകളിലായി 53 കുടുബങ്ങളിലെ 149 പേരാണുള്ളത്. പുതിയ ക്യാമ്പുകൾ ആരംഭിച്ചിട്ടില്ല.

കനത്ത മഴയിലും കാറ്റിലും ഞായറാഴ്ച താലൂക്കിൽ മൂന്ന് വീടുകൾ ഭാഗികയായി തകർന്നു. വീടിന് മുകളിൽ കവുങ്ങ് വീണു ഒരാൾക്ക് പരിക്കേറ്റു. കോടഞ്ചേരി മരുതിലാവ്, വടക്കേത്തറ കുഞ്ഞുമുഹമ്മദ്, നെല്ലിപ്പൊയിൽ പാറക്കൽ മുഹമ്മദ്, ഉണ്ണികുളം ചെയിമഠം മൊയ്തീൻകുട്ടി എന്നിവരുടെ വീടുകളാണ് തകർന്നത്. പാറക്കൽ മുഹമ്മദിനാണ് കവുങ്ങ് വീടിന് മുകളിലേക്ക് വീണ് പരിക്കേറ്റത്.അപകടസാധ്യ കണക്കിലെടുത്ത് കിഴക്കോത്ത് പാലോറമലയിലെ നാല് കുടുംബങ്ങളെ ബന്ധുവീടുകളിലേക്ക് മാറ്റി. ശനിയാഴ്ച ആറ് കുടുംബങ്ങൾ ബന്ധുവീടുകളിലേക്ക് മാറിയിരുന്നു. കനത്ത മഴ ആരംഭിച്ച വ്യാഴാഴ്ച മുതൽ ശനിയാഴ്ച വരെ താലൂക്കിൽ 17 വീടുകൾ ഭാഗികമായി തകർന്നു. 12.5 ലക്ഷത്തിന്റെ നഷ്ടം കണക്കാക്കുന്നു.

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP