Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202420Saturday
ഹോം വാർത്ത സ്പെഷ്യല്‍ റിപ്പോര്‍ട്ട്‌

കോവിഷീൽഡ് കുത്തിവെപ്പിനു പിന്നാലെ രക്തസ്രാവവും രക്തം കട്ടപിടിക്കലും; റിപ്പോർട്ട് ചെയ്യപ്പെട്ടത് വളരെ കുറച്ചുപേരിൽ മാത്രം; ഗുരുതരമായി കാണേണ്ടതില്ലെന്നു കേന്ദ്ര സർക്കാർ സമിതി; യൂറോപ്യൻ രാജ്യങ്ങളിലേതിനേക്കാൾ കുറവെന്നും പഠനം

May 17, 202105:19 PM IST Permalink
കോവിഷീൽഡ് കുത്തിവെപ്പിനു പിന്നാലെ രക്തസ്രാവവും രക്തം കട്ടപിടിക്കലും; റിപ്പോർട്ട് ചെയ്യപ്പെട്ടത് വളരെ കുറച്ചുപേരിൽ മാത്രം; ഗുരുതരമായി കാണേണ്ടതില്ലെന്നു കേന്ദ്ര സർക്കാർ സമിതി; യൂറോപ്യൻ രാജ്യങ്ങളിലേതിനേക്കാൾ കുറവെന്നും പഠനം

ന്യൂസ് ഡെസ്‌ക്‌

ന്യൂഡൽഹി: കോവിഡ് വാക്സിൻ കുത്തിവെപ്പിനു പിന്നാലെ രക്തസ്രാവവും രക്തം കട്ടപിടിക്കലും റിപ്പോർട്ട് ചെയ്യപ്പെട്ടത് വളരെ കുറച്ചുപേരിൽ മാത്രമെന്ന് കേന്ദ്ര സർക്കാർ സമിതി. വാക്സിനേഷന് പിന്നാലെയുണ്ടാകുന്ന പ്രതികൂല സംഭവങ്ങൾ നിരീക്ഷിക്കുന്ന സമിതിയായ അഡ്വേഴ്സ് ഇവന്റ്സ് ഫൊളോവിങ് ഇമ്യുണൈസേഷൻ ആണ് ഇക്കാര്യം വ്യക്തമാക്കിയത്.

കുത്തിവയ്പ് എടുത്ത ചിലരിൽ രക്തസ്രാവവും രക്തം കട്ടപിടിക്കലുമുണ്ടായത് ഗുരുതരമായി കാണേണ്ടതില്ലെന്നാണ് വിദഗ്ധ സമിതിയുടെ അഭിപ്രായം. ഇത്തരം സന്ദർഭങ്ങളിൽ പ്രതീക്ഷിക്കുന്നത്ര കേസുകളേ ഇങ്ങനെയുണ്ടായിട്ടുള്ളൂവെന്നും അത് വളരെക്കുറവാണെന്നും കുത്തിവയ്പിന്റെ പ്രതികൂലഫലങ്ങൾ വിലയിരുത്തുന്ന കേന്ദ്ര സമിതി ആരോഗ്യ മന്ത്രാലയത്തെ അറിയിച്ചു.

700 കേസുകളിൽ 'ഗുരുതരമായ' 498 എണ്ണമാണു സമിതി വിശദമായി പഠിച്ചത്. ഇതിൽ 26 കേസിൽ മാത്രമാണു യഥാർഥ ഗുരുതരാവസ്ഥ കണ്ടെത്തിയത് എന്നാണു പാനലിന്റെ റിപ്പോർട്ടിൽ പറയുന്നത്.

കോവിഷീൽഡ് വാക്സിൻ കുത്തിവെപ്പെടുത്തവരിൽ പത്തുലക്ഷം പേരിൽ 0.61 പേർക്കു മാത്രമാണ് രക്തം കട്ടപിടിക്കുന്ന അവസ്ഥയുണ്ടായിട്ടുള്ളതെന്ന് ചില പഠനങ്ങൾ പറയുന്നതായും സമിതി വ്യക്തമാക്കി. ഈ കണക്ക് യു.കെയിൽ പത്തുലക്ഷം പേരിൽ നാലുപേർക്കും ജർമനിയിൽ പത്തുലക്ഷം പേരിൽ പത്തുപേർക്കും രക്തം കട്ടപിടിക്കുന്നു എന്ന കണക്കിനെ അപേക്ഷിച്ച് വളരെ കുറവാണെന്നും സമിതി പറഞ്ഞു.

രക്തം കട്ടപിടിക്കുന്ന സംഭവങ്ങൾ സാധാരണജനങ്ങളിൽ ഉണ്ടാകുന്നത് പതിവാണ്. ഇതിന്റെ അപകടസാധ്യത യൂറോപ്യൻ വംശപരമ്പരയിൽപ്പെട്ടവരെക്കാൾ തെക്ക്, തെക്ക്-കിഴക്കൻ ഏഷ്യൻ വംശപരമ്പരയിൽപ്പെട്ടവർക്ക് 70 ശതമാനത്തോളം കുറവാണെന്ന് ശാസ്ത്രപഠനങ്ങൾ വ്യക്തമാക്കുന്നെന്നും സമിതി പറഞ്ഞു.

ഭാരത് ബയോടെക്കിന്റെ കോവാക്സിൻ കുത്തിവെപ്പ് എടുത്തരിൽ രക്തം കട്ടപിടിക്കലുമായി ബന്ധപ്പെട്ട കേസുകൾ റിപ്പോർട്ട് ചെയ്യപ്പെട്ടിട്ടില്ലെന്നും എ.ഇ.എഫ്.ഐ. കൂട്ടിച്ചേർത്തു. എന്നാലും, ഇത്തരം പ്രശ്‌നങ്ങൾക്കു സാധ്യതയുണ്ടെന്നു ജനങ്ങളെ ബോധവൽക്കരിക്കാൻ വാക്‌സിനേഷൻ ഉദ്യോഗസ്ഥർക്കു കേന്ദ്ര ആരോഗ്യ മന്ത്രാലയം നിർദ്ദേശം നൽകി.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP