Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Oct / 202022Thursday

അയാളൊരു സൈക്കോ ആണെന്ന് ഞാൻ പറഞ്ഞപ്പോ.. എല്ലാരും എന്റെ തലയിൽ കേറി.... നിങ്ങൾ ദേഷ്യപ്പെടലുകൾ മാത്രേ കണ്ടൊള്ളൂ.. എന്തിനായിരുന്നൂ എന്നതിനുള്ള കാരണങ്ങൾ.. ഇതുപോലെ ഓരോ സൈക്കോ പ്രാന്തുകൾ ചെയ്തതു കൊണ്ടായിരുന്നൂ.. അയാൾക്ക് വെളിവില്ലെന്ന് ജസ്‌ല; മുളക് തേയ്ക്കലിൽ വനിതാ കമ്മീഷനും പൊലീസിനും പരാതി; രജിത് കുമാറിനെ അറസ്റ്റ് ചെയ്യാൻ സാധ്യത; ബിഗ് ബോസിലെ മത്സരാർത്ഥിയെ അറസ്റ്റ് ചെയ്തേയ്ക്കും; എൻഡമോൾഷൈനിന്റെ റിയാലിറ്റി ഷോ ഏഷ്യാനെറ്റിന് പുലിവാലുകമോ?

അയാളൊരു സൈക്കോ ആണെന്ന് ഞാൻ പറഞ്ഞപ്പോ.. എല്ലാരും എന്റെ തലയിൽ കേറി.... നിങ്ങൾ ദേഷ്യപ്പെടലുകൾ മാത്രേ കണ്ടൊള്ളൂ.. എന്തിനായിരുന്നൂ എന്നതിനുള്ള കാരണങ്ങൾ.. ഇതുപോലെ ഓരോ സൈക്കോ പ്രാന്തുകൾ ചെയ്തതു കൊണ്ടായിരുന്നൂ.. അയാൾക്ക് വെളിവില്ലെന്ന് ജസ്‌ല; മുളക് തേയ്ക്കലിൽ വനിതാ കമ്മീഷനും പൊലീസിനും പരാതി; രജിത് കുമാറിനെ അറസ്റ്റ് ചെയ്യാൻ സാധ്യത; ബിഗ് ബോസിലെ മത്സരാർത്ഥിയെ അറസ്റ്റ് ചെയ്തേയ്ക്കും; എൻഡമോൾഷൈനിന്റെ റിയാലിറ്റി ഷോ ഏഷ്യാനെറ്റിന് പുലിവാലുകമോ?

മറുനാടൻ മലയാളി ബ്യൂറോ

കൊച്ചി: ബിഗ് ബോസ് മലയാളം സീസൺ 2 ന്റെ ജനപ്രിയ മത്സരാർത്ഥി രജിത് കുമാറിനെതിരെ കേസെടുത്തേക്കും. സീസണിലെ 66-ാം എപ്പിസോഡിൽ നടന്ന ചർച്ചാവിഷയമായി മാറിയ സംഭവത്തിൽ അറസ്റ്റിനും സാധ്യതയുണ്ട്. സഹ മത്സരാർത്ഥിയായ രേഷ്മയുടെ കണ്ണിൽ പച്ചമുളക് പേസ്റ്റ് തേച്ചു പിടിപ്പിച്ചതാണ് വിവാദത്തിന് കാരണം. സ്ത്രീയെ ശാരീരികമായി ആക്രമിക്കുകയായിരുന്നു രജത് കുമാറെന്നാണ് ഉയരുന്ന ആരോപണം. ഇതോടെ ബിഗ് ബോസ് ഷോയും വിവാദത്തിലേക്ക് കടക്കുകയാണ്

വിദ്യാർത്ഥികളും അദ്ധ്യാപകരുമായി മത്സരത്തിൽ രണ്ട് ടീമുകളായി തിരിഞ്ഞുള്ള ടാസ്‌കിനിടെയാണ് പച്ച മുളക് തേച്ചത്. ആര്യ, ദയ, സുജോ, ഫുക്രു എന്നിവരായിരുന്നു അദ്ധ്യാപകർ. രജിത് കുമാർ, രേഷ്മ, അഭിരാമി, അമൃത, ഷാജി, അലീന എന്നിവർ വിദ്യാർത്ഥികളായി എത്തി. ടാസ്‌കിനു ശേഷം എല്ലാവരും രേഷ്മയുടെ ജന്മദിനം ആഘോഷിച്ചു. രജിത് പുറത്തേക്കിറങ്ങി പച്ചമുളക് പേസ്റ്റ് രേഷ്മയുടെ കണ്ണുകളിൽ പുരട്ടി. കരയാൻ തുടങ്ങിയ രേഷ്മ കണ്ണുകളിൽ പുകയുന്ന പോലുള്ള അനുഭവമുണ്ടായതായി പരാതിപ്പെട്ടു. തുടർന്ന് ആശുപത്രിയിൽ പ്രവേശിപ്പിച്ചു. ബിഗ് ബോസ് വീട്ടിൽ നിന്ന് പുറത്തുപോകാൻ ആവശ്യപ്പെട്ട് നിർമ്മാതാക്കൾ രജിത്തിന് കർശന ശിക്ഷ നൽകി

രജിത്തിന്റെ നടപടി ക്രിമിനൽ കുറ്റമാണ്. ഇന്ത്യൻ പീനൽ കോഡ് അനുസരിച്ച്, സെക്ഷൻ 324, 323, 325 എന്നിവയിൽ ഉൾപ്പെടുന്ന വിവിധ കുറ്റങ്ങളിൽ രജിത്തിനെ അറസ്റ്റ് ചെയ്യാൻ സാധ്യതയുണ്ട്. ഈ സാഹചര്യത്തിൽ 'ബിഗ്‌ബോസ്' എന്ന റിയാലിറ്റി ഷോയിൽ സ്ത്രീകൾക്കെതിരെ ശാരീരിക അക്രമം നടക്കുന്നതായി പൊലീസ് മേധാവിക്കും വനിതാ കമ്മീഷനിലും പരാതിയും എത്തി. ബിഗ്‌ബോസ് റിയാലിറ്റി ഷോയിൽ മത്സരാർത്ഥിയായ രജിത്കുമാർ മറ്റൊരു വനിതാ മത്സരാർത്ഥിയെ ശാരീരികമായി ഉപദ്രവിച്ചതും കണ്ണിൽ മുളക് തേച്ചതുമായ സംഭവം തന്നെയാണ് പരാതിക്ക് ആധാരം

അദ്ധ്യാപകനും സമൂഹത്തിൽ പിന്തുണക്കാരുമുള്ള ഡോ.രജിത്ത്കുമാറിനെ പോലുള്ളവരുടെ ഇത്തരം ചെയ്തികൾക്കെതിരെ ശക്തമായ നടപടികൾ സ്വീകരിക്കണമെന്നും അല്ലാത്തപക്ഷം സത്രീകൾക്കെതിരെയുള്ള അതിക്രമങ്ങൾ പ്രോത്സാഹിപ്പിക്കപ്പെടുമെന്നും പരാതിയിൽ പറയുന്നു. തിരുവനന്തപുരം സ്വദേശിയായ വ്യക്തിയാണ് രജിത് കുമാറിനെതിരെ നടപടി ആവശ്യപ്പെട്ട് ഡിജിപിക്ക് പരാതി നൽകിയിട്ടുള്ളത്. ബിഗ് ബോസിൽ നിന്ന് പുറത്തുപോയിരിക്കുകയാണ് പുറത്ത് ഏറെ ആരാധകരുള്ള രജിത് കുമാർ.

രജിത് കുമാറിനെതിരെ വലിയ കുറ്റമാണ് ബിഗ് ബോസ് ചുമത്തിയിരിക്കുന്നത്.  കണ്ണിന് അസുഖമുള്ള രേഷ്മയുടെ കണ്ണിൽ മുളക് തേക്കുകയായിരുന്നു രജിത്. തുടർന്ന് രേഷ്മയെ ചികിത്സയ്ക്കായി ആശുപത്രിയിൽ കൊണ്ടുപോവുകയും രജിത്തിനെ താൽക്കാലികമായി പുറത്താക്കുകയും ചെയ്തു. സംഭവത്തിൽ വ്യാപകമായ പ്രതികരണങ്ങളാണ് വന്നുകൊണ്ടിരിക്കുന്നത്. അതിനിടെ ബിഗ് ബോസിനകത്ത് ഒപ്പമുണ്ടായിരുന്ന ജസ്‌ലയുടെ പ്രതികരണവും എത്തിയിരിക്കുകയാണ്. ഇൻസ്റ്റഗ്രാം പോസ്റ്റിലാണ് ജസ്‌ല ചില കാര്യങ്ങൾ പറയുന്നത്.

രജിത് കുമാർ ഒരു സൈക്കോയാണെന്ന് ഞാൻ പറഞ്ഞപ്പോൾ എല്ലാവരും എന്റെ തലയിൽ കയറിയെന്നും നിങ്ങൾ ദേഷ്യപ്പെടലുകൾ മാത്രമേ കണ്ടിട്ടുള്ളൂവെന്നും എന്തിനാണെന്ന് കണ്ടിട്ടില്ലെന്നും ജസ്‌ല കുറിച്ചു. ബിഗ് ബോസ് വീട്ടിൽ ഏറ്റവും കൂടുതൽ പ്രശ്‌നങ്ങൾ ഉണ്ടായത് രജിതും ജസ്‌ലയും തമ്മിലായിരുന്നു. ജസ്‌ല ബിഗ് ബോസിൽ നിന്ന് പുറത്തേക്ക് വരുമ്പോൾ നിങ്ങളെ മാത്രം ഞാൻ മിസ് ചെയ്യില്ലെന്നു പറഞ്ഞായിരുന്നു പോന്നത്. രജിത് കുമാറിന് കൈ നൽകാൻ പോലും ജസ്‌ല തയ്യാറായതുമില്ല. 'അയാളൊരു സൈക്കോ ആണെന്ന് ഞാൻ പറഞ്ഞപ്പോ..എല്ലാരും എന്റെ തലയിൽ കേറി.. നിങ്ങൾ ദേശ്യപ്പെടലുകൾ മാത്രേ കണ്ടൊള്ളൂ..എന്തിനായിരുന്നൂ എന്നതിനുള്ള കാരണങ്ങൾ..ഇതുപോലെ ഓരോ സൈക്കോ പ്രാന്തുകൾ ചെയ്തതുകൊണ്ടായിരുന്നൂ.. അയാൾക് വെളിവില്ല.. Reshma ..from the heart sorry for you..?-ഇതാണ് ജസ്ലയുടെ പുതിയ കുറിപ്പ്.

സ്‌കൂളുമായി ബന്ധപ്പെട്ട ഒരു ടാസ്‌ക്കായിരുന്നു കഴിഞ്ഞ ദിവസം നടന്നത്. ആര്യ പ്രധാന അദ്ധ്യാപികയായി. ഫുക്രു പൊളിറ്റിക്‌സ് അദ്ധ്യാപകനായി. സുജോ മോറൽ സയൻസ് അദ്ധ്യാപകനായി. ദയ അശ്വതി ജീവിത പാഠങ്ങൾ പഠിപ്പിക്കുന്ന അദ്ധ്യാപികയുമായി. മറ്റുള്ളവർ വികൃതികളായ വിദ്യാർത്ഥികളുമായി. ക്ലാസ് നടക്കുമ്പോഴായിരുന്നു രജിത് രേഷ്മയുടെ കണ്ണിൽ മുളക് തേച്ചത്. സംഭവം വലിയ പ്രശ്‌നമായതോടെ രേഷ്മയെ ചികിത്സയ്ക്കായി പ്രവേശിപ്പിച്ചു. രജിത്തിനെ തൽക്കാലത്തേയ്ക്ക് പുറത്താക്കുന്നതായും ബിഗ് ബോസ് അറിയിച്ചു. രജിത്തിനെ പുറത്താക്കിയെന്ന് അറിഞ്ഞയുടൻ ബിഗ് ബോസ് വീട്ടിൽ അതിനെക്കുറിച്ച് ചർച്ചയിലായിരുന്നു എല്ലാവരും. എല്ലാവരും രജിത്തിനെ ന്യായീകരിക്കാത്ത സമീപനമായിരുന്നു ആദ്യം സ്വീകരിച്ചത്. എന്നാൽ രജിത്തിനെ പുറത്താക്കിയെന്ന് അറിഞ്ഞപ്പോൾ സങ്കടത്തിലായി. എന്തുകൊണ്ടാണ് രജിത് അങ്ങനെ ചെയ്തത് എന്നായി എല്ലാവരുടെയും ചർച്ച. പുറത്തുപോയാൽ രജിത്തിനെ അത് എങ്ങനെ ബാധിക്കും എന്നായിരുന്നു എല്ലാവരും ചർച്ച ചെയ്തത്.

അതിനിടയിലായിരുന്നു രേഷ്മ ബിഗ് ബോസ്സിലേക്ക് തിരിച്ചെത്തിയത്. സംഭവത്തെ കുറിച്ച് എന്താണ് പറയാനുള്ളത് എന്ന് രേഷ്മയോട് ബിഗ് ബോസ് ചോദിച്ചു. എന്ത് പറയാൻ, എന്തുകൊണ്ടാണ് അയാൾ അങ്ങനെ ചെയ്തത് എന്ന് രേഷ്മ ചോദിച്ചു. ദേഷ്യത്തിൽ ഉള്ളപ്പോൾ പോലും രജിത് അങ്ങനെ ചെയ്തില്ല. കണ്ണിന് മുളക് തേച്ചത് എന്തിനായിരുന്നു. അത് ഗൗരവമുള്ള കാര്യമാണ് എന്നും രേഷ്മ പറഞ്ഞു. ഗൗരവമായി തന്നെയാണ് എടുത്തത് അതുകൊണ്ടാണ് രജിത്തിനെ തൽക്കാലത്തേയ്ക്ക് പുറത്താക്കിയത് എന്നും ബിഗ് ബോസ് പറഞ്ഞു. രജിത് പുറത്താക്കപ്പെട്ടത് അപ്പോഴാണ് രേഷ്മ അറിയുന്നത്. താൻ എന്തുപറയാൻ എന്നായിരുന്നു രേഷ്മയുടെ മറുപടി.

രേഷ്മ ബിഗ് ബോസ് വീട്ടിനുള്ളിൽ കയറിയപ്പോൾ ആകെ ശോകമൂകമായിരുന്നു രംഗം. രജിത്തിനെ പുറത്താക്കിയ കാര്യം തന്നോട് പറഞ്ഞുവെന്ന് രേഷ്മ എലീനയോട് പറഞ്ഞു. തന്നോട് എന്തിനാണ് അങ്ങനെ ചെയ്തത് എന്ന് ചോദിക്കണമെന്നുണ്ടായിരുന്നുവെന്ന് രേഷ്മ പറഞ്ഞു. തന്റെ കണ്ണിന്റെ അവസ്ഥ അദ്ദേഹത്തിന് അറിയാമായിരുന്നു. എന്നിട്ടും അങ്ങനെ ചെയ്തു. ബിഗ് ബോസിലെ ഇപ്പോഴത്തെ അവസ്ഥ മോശമാണെന്ന് വന്നപ്പോഴാണ് അറിയുന്നത് എന്നും രേഷ്മ പറഞ്ഞു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP