Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202020Sunday

'ഈ വാർഡിലെ ഒരാളുടെയും വോട്ട് വാങ്ങിയല്ല ഞാൻ ജയിച്ചത്; നിങ്ങൾ വാഴ നട്ട് പ്രതിഷേധിച്ചോളു; ദൈവം തമ്പുരാൻ വന്ന് പറഞ്ഞാലും...എനിക്കൊരേ നിലപാടാ': കുളമായ റോഡ് നന്നാക്കാൻ വാഴനാട്ടിയും റീത്ത് വച്ചും പ്രതിഷേധവുമായി കോൺഗ്രസ് പ്രവർത്തകർ എത്തിയപ്പോൾ ആക്രോശിച്ച് കൊണ്ട് ബ്ലോക്ക് പഞ്ചായത്ത് പ്രസിഡന്റ്; വെല്ലുവിളി വീട്ടിൽ മതിയെന്ന് എതിർപക്ഷവും

'ഈ വാർഡിലെ ഒരാളുടെയും വോട്ട് വാങ്ങിയല്ല ഞാൻ ജയിച്ചത്; നിങ്ങൾ വാഴ നട്ട് പ്രതിഷേധിച്ചോളു; ദൈവം തമ്പുരാൻ വന്ന് പറഞ്ഞാലും...എനിക്കൊരേ നിലപാടാ': കുളമായ റോഡ് നന്നാക്കാൻ വാഴനാട്ടിയും റീത്ത് വച്ചും പ്രതിഷേധവുമായി കോൺഗ്രസ് പ്രവർത്തകർ എത്തിയപ്പോൾ ആക്രോശിച്ച് കൊണ്ട്  ബ്ലോക്ക് പഞ്ചായത്ത് പ്രസിഡന്റ്; വെല്ലുവിളി വീട്ടിൽ മതിയെന്ന് എതിർപക്ഷവും

മറുനാടൻ മലയാളി ബ്യൂറോ

കായംകുളം: കാലങ്ങളായി ഗതാഗത യോഗ്യമല്ലാതെ കിടക്കുന്ന റോഡിന്റെ ശോചനീയവസ്ഥയിൽ പ്രതിഷേധിച്ച് ബ്ലോക്ക് പഞ്ചായത്ത് പ്രസിഡന്റിനെതിരെ റീത്ത് വച്ച് കോൺഗ്രസ് പ്രവർത്തകർ. പ്രതിഷേധിച്ച കോൺഗ്രസ് പ്രവർത്തകരോട് ദൈവം തമ്പുരാൻ വന്ന് പറഞ്ഞാലും പദ്ധതി നടപ്പിലാക്കില്ലെന്ന തിട്ടൂരവുമായി ബ്ലോക്ക് പഞ്ചായത്ത് പ്രസിഡന്റിന്റെ മറുപടിയും. കറ്റാനം ഭരണിക്കാവ് ബ്ലോക്ക് പഞ്ചായത്ത് മെമ്പറായ രജനി ജയദേവനാണ് പ്രതിഷേധക്കാരോട് പൊട്ടി്ത്തറിച്ച് രംഗത്തെത്തിയത്. ഭരണിക്കാവ് പഞ്ചായത്തിലെ മൂന്നാം വാർഡിലൂടെ കടന്നു പോകുന്ന കോയിക്കൽ ചന്തയിൽ നിന്നും - വാത്തികുളം ഭാഗത്തേക്കുള്ള റോഡ് തകർന്ന് ശോചനീയാവസ്ഥ പരിഹരിക്കണമെന്ന് അവശ്യവുമായി നിരവധി തവണ മൂന്നാം വാർഡിലെ കോൺഗ്രസ് അംഗം കൂടിയായ എൽ അമ്പിളിയുൾപ്പെടയുള്ളവരുടെ നേതൃത്വത്തിൽ റോഡിൽ റീത്ത് വച്ച് പ്രതിഷേധവുമായി രംഗത്തെത്തിയത്.

ബ്ലോക്ക് പഞ്ചായത്ത് മെമ്പറായ രജനി ജയദേവന്റെ വീട് സ്ഥിതി ചെയ്യുന്ന റോഡാണ് ഗതാഗത യോഗ്യമല്ലാതെ കുണ്ടും കുഴിയുമായി കിടക്കുന്നത്. ഇത് പരിഹരിക്കണമെന്ന് ആവശ്യപ്പെട്ട് നിരവധി നിവേദനങ്ങൾ മെമ്പർ അമ്പിളിയുടെ നേതൃത്വത്തിൽ ബ്ലോക്കിന് സമർപ്പിച്ചെങ്കിലും എതിർകക്ഷിയായ മെമ്പറാണ് വാർഡ് ഭരിക്കുന്നത് എന്ന കാരണത്താൽ റോഡിന്റെ നിർമ്മാണത്തിൽ വേണ്ട ശ്രദ്ധ ചെലുത്താതിരിക്കുകയായിരുന്നു. നടകിൽ കുറ്റി ക്ഷേത്രത്തിന് മുമ്പ് വശം റോഡ് പൂർണ്ണമായും തകർന്ന് കുളമായി കിടക്കുന്ന ഭാഗത്ത് റീത്ത് സമർപ്പിക്കാനായി നിൽക്കുമ്പോഴാണ് തൊട്ടടുത്തു താമസിക്കുന്ന ബ്ലോക്ക് പഞ്ചായത്ത് മെമ്പർ രജനി ജയദേവ് അതുവഴിയെത്തിയത്. കഴിഞ്ഞ ദിവസം രണ്ടും കൽപിച്ച് വാഴ നാട്ടി പ്രതിഷേധവുമായി കോൺഗ്രസ് രംഗത്ത് എത്തി. ഇതുവഴി ബ്ലോക്ക് പഞ്ചായത്ത് പ്രസിഡന്റ് എത്തിയപ്പോൾ പ്രശ്നത്തിൽ ഇടപെടണമെന്ന് ആവശ്യപ്പെട്ടു. എന്നാൽ ആദ്യം സൗമ്യമായി സംസാരിച്ച രജനി പിന്നീട്ക്ഷുഭിതയാകുകയായിരുന്നു.

Stories you may Like

ഞാൻ ഇവിടുത്തെ ആരുടേയും വോട്ട് വാങ്ങിയല്ല ജയിച്ചത്. അതുകൊണ്ട് ഞാൻ എന്തിനിവിടെ പദ്ധതികൾ നടപ്പിലാക്കണം എന്നായിരുന്നു ബ്ലോക്ക് പഞ്ചായത്ത് അംഗത്തിന്റെ തിട്ടൂരം. നിങ്ങളല്ല ദൈവം തമ്പുരാൻ വന്ന് പറഞ്ഞാലും എന്റെ നിലപാടിൽ മാറ്റമുണ്ടാകില്ലെന്നും . നിങ്ങൾ വാഴ നട്ടോളു ഈ പദ്ധതി ഞാൻ നടപ്പിലാക്കില്ലെന്നുമായിരുന്നു രജനി ആക്രോശം. ഇതോടെ വാർഡിലെ കോൺഗ്രസ് പ്രവർത്തകർ പ്രതിഷേധം ശക്തമാക്കി രംഗത്തെത്തുകയും ചെയ്തു.പ്രസിഡന്റിന്റെ ആക്രോശ മറുപടിയും കോൺഗ്രസ് പ്രവർത്തകർ പകർത്തിയ ദൃശ്യങ്ങളിൽ കാണാം. സ്വന്തം വീടിന് സമീപത്തുള്ള സമീപവാസികളോടും ജനപ്രതിനിധികളോടും ഇത്തരത്തിൽ വെല്ലുവിളികൾ നടത്തുന്ന ബ്ലോക്ക് പഞ്ചായത്ത് പ്രസിഡന്റിന്റെ പക്ഷാപാത നടപടി ശരിയല്ലെന്നാണ് കോൺഗ്രസ് പ്രവർത്തകർ പ്രശ്നത്തിൽ ഉന്നയിക്കുന്ന ആരോപണം.

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Loading...
Go to TOP