1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr

Aug / 2020
15
Saturday

ഗൾഫിൽ പോയി വന്നപ്പോഴേക്കും അഷ്ടമുടികായൽ തീരത്ത് പട്ടയമുള്ള സ്വന്തം സ്ഥലത്ത് കാണുന്നത് വലിയ ചീനവല; പണവും സ്വാധീനവുമുള്ള കയ്യേറ്റക്കാരനെ ചോദ്യം ചെയ്തപ്പോൾ ഗൂണ്ടകളെ പറഞ്ഞുവിട്ട് കോസ്റ്റൽ എസ്‌ഐയുടെ ഭീഷണി; ശോഭനന്റെ പരാതി വന്നപ്പോൾ ലൊക്കേഷൻ സ്‌കെച്ച് നൽകാതെ വില്ലേജ് -ഫിഷറീസ് മേലാളന്മാരുടെ കള്ളക്കളി; ദളവാപുരം പാലത്തിന് വേണ്ടിയുള്ള കായൽ കൊള്ളയിൽ അഷ്ടിക്ക് വക മുട്ടി ശോഭനനെ പോലുള്ള മത്സ്യത്തൊഴിലാളികൾ

June 03, 2020 | 03:30 PM IST | Permalink



ഗൾഫിൽ പോയി വന്നപ്പോഴേക്കും അഷ്ടമുടികായൽ തീരത്ത് പട്ടയമുള്ള സ്വന്തം സ്ഥലത്ത് കാണുന്നത് വലിയ ചീനവല; പണവും സ്വാധീനവുമുള്ള കയ്യേറ്റക്കാരനെ ചോദ്യം ചെയ്തപ്പോൾ ഗൂണ്ടകളെ പറഞ്ഞുവിട്ട് കോസ്റ്റൽ എസ്‌ഐയുടെ ഭീഷണി; ശോഭനന്റെ പരാതി വന്നപ്പോൾ ലൊക്കേഷൻ സ്‌കെച്ച് നൽകാതെ വില്ലേജ് -ഫിഷറീസ് മേലാളന്മാരുടെ കള്ളക്കളി; ദളവാപുരം പാലത്തിന് വേണ്ടിയുള്ള കായൽ കൊള്ളയിൽ അഷ്ടിക്ക് വക മുട്ടി ശോഭനനെ പോലുള്ള മത്സ്യത്തൊഴിലാളികൾ

എം മനോജ് കുമാർ

കൊല്ലം: പട്ടയമുള്ള ചീനവലയിരിക്കുന്ന സ്ഥലം അന്യാധീനപ്പെട്ടതിനെതുടർന്ന് നെഞ്ചുരുകി പോരാട്ടം നടത്തിയിട്ടും മത്സ്യത്തൊഴിലാളിക്ക് നീതിയില്ല. അഞ്ചു വർഷമായി സ്വന്തം സ്ഥലത്തിനും ചീനവലയ്ക്കും വേണ്ടി ദളവാപുരം ശോഭനൻ നടത്തുന്ന പോരാട്ടത്തിനു അഞ്ചാണ്ട് കഴിഞ്ഞിരിക്കുന്നു. സർക്കാർ ഓഫീസുകൾ കയറിയിറങ്ങി നടത്തുന്ന നിരന്തരനിയമപോരാട്ടത്തിന്നൊടുവിൽ ശോഭനൻ രോഗിയായും മാറിയിരിക്കുന്നു. ദളവാപുരം തെക്കുംഭാഗം പാലത്തിനടുത്തുള്ള ശോഭനന്റെ ചീനവലയിരിക്കുന്ന സ്ഥലമാണ് തൊട്ടടുത്തുള്ള വ്യക്തിയുടെ കയ്യേറ്റം കാരണം ശോഭനനു നഷ്ടമായിരിക്കുന്നത്. പട്ടയമുള്ള നഷ്ടമായ സ്ഥലം തിരികെ പിടിക്കാനോ ചീനവല സ്ഥാപിക്കാനോ കഴിയാത്തതിനെ തുടർന്ന് കഴിഞ്ഞ അഞ്ചു വർഷമായി ശോഭനനും കുടുംബവും പട്ടിണിയിലും ദാരിദ്ര്യത്തിലുമാണ് നാളുകൾ തള്ളി നീക്കുന്നത്.

ദളവാപുരം പാലം വന്നപ്പോൾ പാലം നിർമ്മാണത്തിലെ മണ്ണ് അശാസ്ത്രീയമായ രീതിയിൽ കായലിൽ തന്നെ തള്ളി. ബീമുകൾ ഇടിഞ്ഞു വീണപ്പോൾ ഇതും കിടക്കുന്നത് കായലിൽ. പത്ത് പന്ത്രണ്ടു ആൾ താഴ്ചയിലുള്ള പുഴ മണ്ണ് വീണു നികന്നു. ചീനവല ഉപയോഗശൂന്യമായി. ആഴമില്ലാത്ത ഭാഗത്ത് വല താഴില്ല. ഇതിനിടയിൽ വല പൊട്ടിവീഴുകയും ചെയ്തു. മത്സ്യം ലഭിക്കാത്തതോടെ കൊല്ലം ജില്ലാ കളക്ടറുടെ അനുമതി തേടി ശോഭനൻ വല പൊളിച്ച് തത്ക്കാലത്തേക്ക് വീട്ടിലേക്ക് മാറ്റി. ഗൾഫിൽ പോയി. ചീനവല ഇരുന്ന സ്ഥലത്ത് പട്ടയം ഉള്ളതിനാലാണ് ഇത് വീട്ടിലേക്ക് മാറ്റി ശോഭനൻ ഗൾഫിലേക്ക് പോയത്. അവിടെ നിൽക്കാൻ കഴിയാതെ ശോഭനൻ തിരികെ നാട്ടിൽ വന്നു. അപ്പോഴേക്കും അവിടെ സ്ഥലമുള്ള സ്വകാര്യ വ്യക്തി സ്ഥലം കയ്യേറി അവരുടെ ചീനവല അവിടെ സ്ഥാപിച്ചിരുന്നു. തനിക്ക് പട്ടയമുള്ള സ്ഥലത്താണ് ഈ ചീനവല എന്ന് ഇവരോട് ശോഭനൻ പറഞ്ഞെങ്കിലും സ്വാധീന ശക്തിയുള്ള കുടുംബം അത് മാറ്റാൻ തയ്യാറായില്ല.

വല മാറ്റാൻ പറഞ്ഞപ്പോൾ വല സ്ഥാപിച്ച കുടുംബത്തിലെ കോസ്റ്റൽ എസ്‌ഐയായ ഭുവനദാസ് ഗുണ്ടകളെ വെച്ച് തനിക്ക് നേരെ ഭീഷണിപ്പെടുത്തിയതായാണ് കൊല്ലം പൊലീസ് കംപ്ലയിന്റ് അഥോറിറ്റിക്ക് ശോഭനൻ നൽകിയ പരാതിയിൽ പറയുന്നത്. അതുകൊണ്ട് തന്നെ വല തന്റെ സ്ഥലത്ത് നിന്നും മാറ്റാനും ശോഭനനു കഴിഞ്ഞില്ല. ചീനവല ഏകാശ്രയമായതിനാൽ ചീനവലയ്ക്ക് വേണ്ടിയുള്ള നിയമപോരാട്ടം ശോഭനനു തുടരേണ്ടി വന്നു. ഫിഷറീസ് ഡെപ്യുട്ടി ഡയരക്ടർ, റവന്യൂ സെക്രട്ടറി, വകുപ്പ് മന്ത്രി, മുഖ്യമന്ത്രി ഉൾപ്പെടെയുള്ളവർക്ക് പ്രശ്‌നത്തിൽ ശോഭനൻ പരാതി നൽകി. പരാതിയും പരിഭവവുമായി കയറി ഓഫീസുകൾ കയറിയിറങ്ങുക എന്നല്ലാതെ ശോഭനനു ഇതുവരെ തനിക്ക് അവകാശപ്പെട്ട ചീനവലയുള്ള സ്ഥലം തിരികെ ലഭിച്ചില്ല.

ഈ കുടുംബത്തിന്റെ എകാശ്രയമായിരുന്നു ഈ ചീനവല. അഷ്ടമുടി കായലിന്റെ കൈവഴിയായുള്ള ഈ കായലിൽ നിന്നുള്ള മത്സ്യ സമ്പത്തായിരുന്നു ശോഭനന്റെയും കുടുംബത്തിന്റെയും വരുമാനമാർഗം. ചീനവല വഴി ധാരാളം മത്സ്യങ്ങൾ ശോഭനനും കുടുംബത്തിനും ലഭ്യമായിരുന്നു. അഷ്ടമുടിക്കായലിനു കുറുകെ കഴിഞ്ഞ യുഡിഎഫ് സർക്കാരിന്റെ കാലത്ത് ദളവാപുരം തെക്കുംഭാഗം പാലം വന്നതോടെയാണ് ശോഭനന്റെയും അഷ്ടമുടികായലിന്റെ ഓരങ്ങളിൽ നിരന്നു നിൽക്കുന്ന ചീനവലകൾ ഉപജീവനമാർഗമായ നൂറുകണക്കിന് മത്സ്യത്തൊഴിലാളികളുടെ കഞ്ഞികുടി മുട്ടിയത്. തീർത്തും അശാസ്ത്രീയമായ ദളവാപുരം പാലം അഷ്ടമുടിയെ ആശ്രയിക്കുന്ന നൂറുകണക്കിന് മത്സ്യത്തൊഴിലാളികളെ വഴിയാധാരമാക്കി. പാലം നിർമ്മിക്കുമ്പോൾ പരിസ്ഥിതി നിയമങ്ങൾ അനുസരിച്ച് പുഴയ്ക്ക് കേടുപാട് വരുത്തില്ല. മണ്ണിട്ട് പുഴ നികത്തുകയുമില്ല. ദളവാപുരത്ത് പാലം വന്നപ്പോൾ ഇതും രണ്ടും സംഭവിച്ചു. മണ്ണ് വീണു പുഴ നികന്നു. പരിസ്ഥിതിയും നശിച്ചു. ദളവാപുരം പാലം വന്നപ്പോൾ മത്സ്യത്തൊഴിലാളികൾ അഭിമുഖീകരിച്ച പ്രശ്‌നം ഇതുവരെയും തീർന്നിട്ടില്ല. ദളവാപുരം പാലം വന്നപ്പോൾ ഡ്രഡ്ജിങ് നടത്തണമെന്ന അവശ്യത്തിനു ഇതുവരെ പരിഹാരമായില്ല. 2007-ൽ പാലം വന്നപ്പോൾ തുടങ്ങിയ പ്രശ്‌നം ഇപ്പോഴും തുടരുന്നു. ശോഭനനു എകാശ്രയമായ ചീനവലയിരിക്കുന്ന സ്ഥലം തന്നെ നഷ്ടമായപ്പോൾ നൂറുകണക്കിനു മത്സ്യത്തൊഴിലാളികളാണ് ഈ പാലം വന്നപ്പോൾ മുതൽ പ്രതിസന്ധിയിലായത്.

അഷ്ടമുടി കായലിന്റെ ഈ ശാഖ പാലം വന്നപ്പോൾ മണ്ണിട്ട് നികന്ന അവസ്ഥയിലായി. നൂറുകണക്കിന് മത്സ്യത്തൊഴിലാളികളും ചീനവലകളും ഇവിടെയുള്ളതിനാൽ അവർ യുഡിഎഫ് സർക്കാരിനു പരാതി നൽകി. അന്ന് എൻ.കെ.പ്രേമചന്ദ്രനായിരുന്നു വകുപ്പ് മന്ത്രി. പരാതി നൽകിയ സ്ഥലത്ത് ഡ്രഡ്ജ് ചെയ്യുന്നതിന് പകരം വേറെ ഭാഗത്ത് ഡ്രഡ്ജ് ചെയ്തു. ഇത് ശോഭനൻ അടക്കമുള്ളവർ അറിഞ്ഞില്ല. ഷിബു ബേബി ജോൺ മന്ത്രിയായിരുന്ന സമയത്ത് പരാതി പോയി. ഒരു കോടി 75 ലക്ഷം രൂപയ്ക്ക് ഡ്രഡ്ജ് ചെയ്യാൻ തീരുമാനമായി. തുക അനുവദിച്ചതല്ലാതെ ഡ്രഡ്ജിങ് നടന്നില്ല. പത്ത് ശതമാനം പണി പോലും അന്ന് നടന്നിരുന്നില്ല. പുഴ മണ്ണ് വീണു നികന്നപ്പോൾ ശോഭനൻ അടക്കമുള്ള ഈ ഭാഗത്തെ മത്സ്യത്തൊഴിലാളികൾ മുഴുവൻ പ്രശ്‌നത്തിലായി. ശോഭനന്റെ കുടുംബം സാമ്പത്തിക ബുദ്ധിമുട്ടിലായി. ഈ സമയത്ത് കായലിൽ വല താഴ്‌ത്തി മത്സ്യബന്ധനത്തിനു ശ്രമിച്ചെങ്കിലും അത് നടന്നില്ല. ഇതിന്നിടയിൽ വലയ്ക്ക് കേടുപാട് സംഭവിച്ചു. അന്നത്തെ കളക്ടർ ആയ ഷൈന മോളെ കണ്ടു ശോഭനൻ ആവലാതി ബോധിപ്പിച്ച് പരാതി നൽകി.

ചീന വല അഴിച്ച് സ്വന്തം വീട്ടിലേക്ക് മാറ്റാനുള്ള അപേക്ഷയാണ് നൽകിയത്. അപേക്ഷ അനുവദിച്ചതായും ചീനവല മാറ്റിക്കോള്ളാനും കലക്ടർ തനിക്ക് അനുമതി നൽകി എന്നാണ് ശോഭനൻ മറുനാടനോട് പറഞ്ഞത്. ഇത് പ്രകാരം ചീന വല വീട്ടിലേക്ക് മാറ്റി ശോഭനൻ ഗൾഫിൽ പോയി. അവിടെ നിൽക്കാൻ കഴിയാതെ നാട്ടിലേക്ക് വന്നു. പുഴ നികന്ന സ്ഥലം നോക്കി ഒട്ടുവളരെ അനധികൃത കയ്യേറ്റങ്ങൾ അഷ്ടമുടി തീരത്ത് നടന്നുകൊണ്ടിരിക്കുകയായിരുന്നു. ശോഭനൻ വീട്ടിലെത്തി ചീന വല സ്ഥാപിക്കാൻ തനിക്ക് അവകാശപ്പെട്ട സ്ഥലത്ത് പോയപ്പോൾ ചീനവല ഇരുന്ന സ്ഥലം തൊട്ടടുത്തുള്ള വ്യക്തി കയ്യേറിയിരുന്നു. ഈ സ്ഥലം കയ്യേറി അവർ സ്വന്തം ചീനവല സ്ഥലത്ത് സ്ഥാപിക്കുകയും ചെയ്തിരുന്നു. വീട്ടുകാർക്ക് സ്വാധീന ശക്തിയുള്ളതിനാൽ ഈ മത്സ്യത്തൊഴിലാളിക്ക് പരാതിയുമായി കയറിയിറങ്ങുകയല്ലാതെ ഒന്നും ചെയ്യാൻ കഴിയാത്ത അവസ്ഥയിലായി.

ഇതോടെ അഞ്ചു വർഷം മുൻപ് നിയമപോരാട്ടത്തിനു ശോഭനൻ തുടക്കം കുറിച്ചു. നിരവധി പരാതികൾ പ്രശ്‌നത്തിൽ നൽകി. ശോഭനന്റെ സ്ഥലം കയ്യേറിയ വ്യക്തികളുടെ സ്വാധീനം കാരണം പരാതികൾ എല്ലാം അവിടെ തന്നെ നിന്നു. വിവരാവകാശപ്രകാരം നൽകിയ അപേക്ഷയിൽ ചീനവലയിരിക്കുന്ന സ്ഥലം ശോഭനനു തന്നെ അവകാശപ്പെട്ടതായി വ്യക്തമാക്കുന്നുണ്ട്. പക്ഷെ സ്ഥലത്തുള്ളത് വേറെ വ്യക്തിയുടെ ചീനവലയാണ്. വില്ലേജ് ഓഫീസ് കയറിയിറങ്ങി, താലൂക്ക് ഓഫീസിൽ പോയി രേഖകൾ ശരിയാക്കാൻ ശ്രമം നിരന്തരം നടത്തിയിരുന്നെങ്കിലും ഫിഷറീസ് അധികൃതർ പറഞ്ഞ ലൊക്കേഷൻ സ്‌കെച്ച് ഇതുവരെ ശോഭനനു ഹാജരാക്കാൻ കഴിഞ്ഞില്ല. ലൊക്കേഷൻ സ്‌കെച്ച് മനഃപൂർവം പല കാരണങ്ങൾ ചൂണ്ടിക്കാട്ടി വില്ലേജ് ഓഫീസ് അധികൃതർ നിഷേധിക്കുകയാണെന്നാണ് ശോഭനൻ മറുനാടനോട് പറഞ്ഞത്. പ്രശ്‌നങ്ങളെക്കുറിച്ച് ശോഭനൻ മറുനാടനോട് വിശദമാക്കുന്നത് ഇങ്ങനെ:

പരമ്പരാഗതമായി മീൻപിടുത്തമാണ് ഞങ്ങളുടെ ഉപജീവനമാർഗം. അഷ്ടമുടി കനിഞ്ഞനുഗ്രഹിച്ച് നല്ല മത്സ്യം നൽകിയിരുന്നു. ചീനവല വഴി വന്ന മത്സ്യം വിറ്റ് ആണ് ഉപജീവനം നടത്തിയത്. 2007ലാണ് അശാസ്ത്രീയമായ രീതിയിൽ ദളവാപുരം തെക്കുംഭാഗം പാലം വന്നത്. പാലം വരുമ്പോൾ പുഴയെ നശിപ്പിക്കുമോ? പ്രകൃതിയെ നശിപ്പിക്കുമോ? രണ്ടും കേരളത്തിൽ സംഭവിക്കും എന്നതിന് ഏറ്റവും വലിയ ഉദാഹരണമാണ് കൊല്ലം ദളവാപുരം തെക്കുംഭാഗം പാലം. പാലത്തിനു ഒട്ടുവളരെ ഫില്ലറുകൾ പണിതു. വളരെ ആഴത്തിൽ ഫില്ലറുകൾ പണിതപ്പോൾ വന്ന മണ്ണ് മുഴുവൻ പുഴയിൽ തന്നെ നിക്ഷേപിച്ചു. പുഴ മണ്ണ് വീണു നികന്നു. പത്ത് പന്ത്രണ്ടോളം താഴ്ചയുള്ള സ്ഥലത്ത് ഇപ്പോൾ കൊക്കിരിക്കുകയാണ്. അത്രമാത്രം പുഴ മണ്ണ് വീണു നികന്നു കഴിഞ്ഞു. നീണ്ടകര മുതൽ ദളവാപുരം വരെ രണ്ടു കിലോമീറ്ററോളം മണ്ണ് വീണു നികന്നു കിടക്കുകയാണ്.

മത്സ്യത്തൊഴിലാളികളുടെ കൊഞ്ചിരിക്കുന്ന ഒരുപാട് ഷെഡുകൾ ഉണ്ടായിരുന്നു. പത്ത് പന്ത്രണ്ടോളം താഴ്ചയുള്ള സ്ഥലത്ത് ഇപ്പോൾ കൊക്കുകൾ ആണ് ഇപ്പോൾ ഇരിക്കുന്നത്. അത്രമാത്രം പുഴ മണ്ണ് വീണു നികന്നു കഴിഞ്ഞു. അഷ്ടമുടി കായലിന്റെ ഒരു ശാഖ തന്നെ നികന്നു പോയി. അത് ഡ്രഡ്ജ് ചെയ്ത് മണ്ണ് മാറ്റേണ്ടിയിരുന്നു. പക്ഷെ ചീനവലയുള്ള സ്ഥലത്ത് ഡ്രഡ്ജ് ചെയ്തില്ല. ചീന വലയുള്ളതിനാൽ ഡ്രഡ്ജ് ചെയ്യാൻ മത്സ്യത്തൊഴിലാളികൾ പരാതി നൽകി. അന്ന് എൻ,കെ.പ്രേമച്ചന്ദ്രനായിരുന്നു മന്ത്രി. പരാതി നൽകിയ സ്ഥലത്ത് ഡ്രഡ്ജ് ചെയ്യുന്നതിന് പകരം വേറെ ഭാഗത്ത് ഡ്രഡ്ജ് ചെയ്തു. ഇത് ഞങ്ങൾ അറിഞ്ഞില്ല. ഷിബു ബേബി ജോൺ മന്ത്രിയായിരുന്ന സമയത്തും പരാതി നൽകി . ഒരു കോടി 75 ലക്ഷം രൂപയ്ക്ക് ഡ്രഡ്ജ് ചെയ്യാൻ തീരുമാനമായി. തുക അനുവദിച്ചതല്ലാതെ ഡ്രഡ്ജിങ് നടന്നില്ല. പത്ത് ശതമാനം പണി പോലും അന്ന് നടന്നിരുന്നില്ല. പുഴ മണ്ണ് വീണു നികന്നപ്പോൾ എല്ലാം പ്രശ്‌നത്തിലായി. ഈ പ്രശ്‌നം രൂക്ഷമായപ്പോൾ ചീനവല വഴി മീൻ ലഭിക്കാതായി. ചീന വല വെള്ളത്തിൽ താണ്പോകില്ല. അതിനുള്ള ആഴമില്ല, വലയ്ക്ക് കേടുപാട്പറ്റി ഞാൻ ജില്ലാ കളക്ടർ ഷൈന മോളെ കണ്ടു ഈ ചീനവല വീട്ടിലേക്ക് മാറ്റാൻ അനുമതി തേടി. അത് ലഭിച്ചു.

വരുമാനം നിലച്ചപ്പോൾ ഞാൻ സാമ്പത്തിക ബുദ്ധിമുട്ടിലായി. ഞാൻ ഗൾഫിൽ പോയി. ഈ സമയത്ത് പുഴയുടെ ഭാഗത്ത് വൻ കയ്യേറ്റങ്ങൾ നടന്നു. സ്വകാര്യ വ്യക്തികളാണ് കയ്യേറ്റം നടത്തിയത്. പുഴയുടെ ഭാഗങ്ങൾ കയ്യേറി മണ്ണിട്ട് നികത്തുകയാണ് ചെയ്തത്. ഞങ്ങൾ ആറു വീട്ടുകാർ ഈ കാര്യത്തിൽ പരാതി നൽകിയിരുന്നു. എന്റെ ചീനവല ഇരിക്കുന്നിടം വരെ അന്ന് കായൽ ആയിരുന്നു. ഞാൻ ചീനവല പൊളിച്ചു കൊണ്ടുപോയ സമയത്ത് എന്റെ സ്ഥലത്ത് തൊട്ടടുത്തുള്ള സ്വകാര്യ വ്യക്തി ചീനവല ഇട്ടു. കായൽ സ്ഥലം കയ്യേറിയാണ് ഇവർ അവിടം സ്വന്തമാക്കിയത്. ചീനവല എനിക്ക് അവിടെ വയ്ക്കാൻ സർക്കാർ അനുമതി നൽകിയതാണ്. സർക്കാർ പതിച്ച് നൽകുകയാണ് ചെയ്തത്. എന്റെ പേരിൽ പോക്ക് വരവ് നടത്തിയ സ്ഥലമാണ്. പട്ടയവുമുണ്ട്. അവർക്ക് അവിടെ ചീനവല വയ്ക്കാൻ കഴിയില്ല. പക്ഷെ അവർ എന്റെ ചീനവല ഇരിക്കുന്നിടത്ത് തന്നെ വല സ്ഥാപിച്ചു. എനിക്ക് പതിച്ച് നല്കിയ സ്ഥലമാണത്. അവിടെ വേറെ ആർക്കും വല വെയ്ക്കാൻ അനുവാദമില്ല. ഞാൻ കരം അടച്ച സ്ഥലമാണ്. കളക്ടറുടെ അടുത്തു നിവേദനം നൽകി അനുമതി വാങ്ങിയാണ് വല താത്ക്കാലത്തേക്ക് മാറ്റിയത്.

അവിടെ പുഴ നികന്നിരുന്നു. ഡ്രഡ്ജിങ് നടക്കുന്നില്ല. വീട് പട്ടിണിയായപ്പോഴാണ് പൊട്ടിവീണ വല വീട്ടിലേക്ക് മാറ്റി ഞാൻ ഗൾഫിൽ പോയത്. തിരികെ വരുമ്പോൾ കയ്യേറ്റം പൂർണമായിരുന്നു. ഉദ്യോഗസ്ഥ തലത്തിലുള്ള ഒത്തുകളി കൊണ്ടാണ് എനിക്ക് അവിടെ വല വയ്ക്കാൻ കഴിയാത്തത്. ഞാൻ ഗൾഫിൽ പോയി വന്നതിനെ തുടർന്ന് ഞാൻ പരാതി നൽകി. അപ്പോൾ ലൊക്കേഷൻ സ്‌കെച്ച് ചെയ്യണം എന്ന് പറഞ്ഞു. രണ്ടു ചീനവല എന്റെ ചീനവല കിടന്ന സ്ഥലത്ത് ഇട്ടിട്ടുണ്ട്. അവർക്ക് വടക്കാണ് ചീന വലയ്ക്ക് അനുമതിയുള്ളത്. അവർ എന്റെ ഭാഗത്താണ് ചീന വലയിട്ടത്. അവർ അത് ട്രാൻസ്ഫർ ചെയ്തത എന്നാണ് പറഞ്ഞത്. ചീനവല ട്രാൻസ്ഫർ ചെയ്യാൻ ഒരുപാട് നിയമനടപടികളുണ്ട്. അതൊന്നും പൂർത്തീകരിച്ചിട്ടില്ല.

പിന്നെ ട്രാൻസ്ഫർ നടക്കുകയുമില്ല. ആസ്ഥലം സർക്കാർ എനിക്ക് പതിച്ച് നൽകിയതാണ്. എന്റെ ചീനവല അവിടെയാണ് നിന്നിരുന്നത് എന്നത് മനസിലാക്കി വില്ലേജ് അധികൃതർ എനിക്ക് രസീത് തന്നു. പ്രശ്‌നത്തിൽ ഞാൻ വിജിലൻസിന് പരാതി നൽകിയിട്ടുണ്ട്. ഫിഷറീസ് ഇൻസ്‌പെക്ടർ ഓഫീസിലാണ് കരം അടയ്‌ക്കേണ്ടത്. എനിക്ക് ഇപ്പോൾ കരം അടയ്ക്കാൻ കഴിയുന്നില്ല. വേറെ ചീനവല വന്നിട്ടുണ്ട് എന്നാണ് പറയുന്നത്. ചീനവലയിരിക്കുന്ന സ്ഥലം എന്റെ കയ്യിലാണ് എന്നുള്ളതിന് എല്ലാ തെളിവുകളും ഉണ്ട്. വിവരാവകാശ പ്രകാരം ആ സ്ഥലത്ത് എന്റെ ചീനവലയുണ്ട് എന്ന് അധികൃതർ തന്നെ വ്യക്തമാക്കിയിട്ടുമുണ്ട്. എനിക്ക് ഇപ്പോൾ കരം അടയ്ക്കാൻ കഴിയാത്തതിനു കാരണം രേഖകളിൽ കൃത്രിമം നടത്തിയത് കാരണം എന്നാണ് ഞാൻ സംശയിക്കുന്നത്. എനിക്ക് ലൊക്കേഷൻ സ്‌കെച്ച് വില്ലേജ് അധികൃതർ നൽകുന്നുമില്ല. ഇപ്പോൾ നിരന്തര പോരാട്ടം കാരണം ഞാൻ രോഗിയായി മാറിയിരിക്കുന്നു. ഇനിയെങ്കിലും എനിക്ക് നീതി വേണം-ശോഭനൻ പറയുന്നു.

കൊല്ലം ഫിഷറീസ് അധികൃതർ നൽകുന്ന വിശദീകരണം:

ശോഭനന്റെ പ്രശ്‌നം അറിയാം. പല തവണ പരാതിയായി ഞങ്ങളെ കണ്ടിട്ടുണ്ട്. ഫിഷറീസ് ഡിപ്പാർട്ട്‌മെന്റ് പട്ടയം നൽകിയ ചീനവലയാണ് ശോഭനന്റെ കൈവശമുള്ളത്-കൊല്ലം ഫിഷറീസ് അധികൃതർ മറുനാടനോട് പറഞ്ഞു. ഫിഷറീസ് ഒരു സ്ഥാനം നിർണ്ണയിച്ച് നൽകിയിട്ടുണ്ട്. ആ സ്ഥലത്ത് ശോഭനൻ തന്നെ ചീനവല പൊളിച്ച് മാറ്റിയിട്ടുണ്ട്. അതിനു കലക്ടറുടെ അനുമതി തേടി എന്നാണ് ശോഭനൻ പറഞ്ഞത്. പക്ഷെ രേഖാമൂലം ശോഭനനു അനുമതി നൽകിയിട്ടില്ല. ആ അനുമതി അദ്ദേഹം വാങ്ങിക്കേണ്ടിയിരുന്നു. അത് വാങ്ങിച്ചിട്ടില്ല. അത് ഒരു പ്രശ്‌നം. ചീന വല എവിടെ വയ്ക്കാനാണ് അനുമതി നൽകിയത് എന്ന് ഞങ്ങൾക്ക് അറിയില്ല. ഞങ്ങൾക്ക് ലൊക്കേഷൻ സ്‌കെച്ച് വേണം. അത് വില്ലേജ് ഓഫീസിൽ നിന്നാണ് നൽകേണ്ടത്. ആ ലൊക്കേഷൻ സ്‌കെച്ച് നൽകിയിട്ടില്ല. അത് നോക്കി വേണം ഞങ്ങൾക്ക് സ്ഥല നിർണ്ണയം നടത്താൻ. അത് പൊളിച്ച് നീക്കിയ അവസ്ഥയായത് കാരണമാണ് ഈ പ്രശ്‌നം ഉദയം ചെയ്യുന്നത്. അദ്ദേഹം പറയുന്ന പ്രകാരം അനുമതി നൽകാൻ കഴിയില്ല. സ്‌കെച്ച് വാങ്ങി വന്നാൽ പട്ടയം ഉള്ളതിനാൽ അവർക്ക് അനുമതി നൽകാവുന്നതേയുള്ളൂ. അത് ശോഭനൻ നൽകണം. അത് നൽകിയാൽ തന്നെ അതിനു ഒട്ടനവധി നടപടിക്രമങ്ങൾ ബാക്കിയുമുണ്ട്. എല്ലാം നോക്കി വേണം അനുമതി നൽകാൻ- ഫിഷറീസ് അധികൃതർ പറയുന്നു.

എന്നാൽ നാലഞ്ചു വർഷമായി താൻ കയറിയിറങ്ങാത്ത സ്ഥലമില്ല. മനഃപൂർവം എനിക്ക് ലൊക്കേഷൻ സ്‌കെച്ച് നല്കാതിരിക്കാനാണ് വില്ലേജ് ഓഫീസ് ശ്രമിക്കുന്നത്. ഫിഷറീസ് അധികൃതരും എന്നോടു കനിയുന്ന സമീപനം പ്രകടിപ്പിച്ചിട്ടില്ലെന്നും ശോഭനൻ പറയുന്നു. എന്തായാല് നീതിക്ക് വേണ്ടിയുള്ള ശോഭനന്റെ പോരാട്ടം തുടരുകയാണ്. ശോഭനനു പട്ടയം ഉള്ള വ്യക്തിയാണ് എന്നാണ് ഫിഷറീസ് അധികൃതരും വ്യക്തമാക്കുന്നത്. എന്നിട്ടും തന്റെ ചീനവലയിരിക്കുന്ന സ്ഥലം അന്യാധീനമായത് ശോഭനനു നോക്കിയിരിക്കേണ്ട അവസ്ഥവരുന്നു. പാവപ്പെട്ട മത്സ്യത്തൊഴിലാളിക്ക് നേരെയുള്ള നീതി നിഷേധമാണ് ശോഭനൻ അനുഭവിക്കുന്നത്. ചീന വലയ്ക്ക് പട്ടയമുള്ള വ്യക്തിയാണ് ശോഭനൻ എന്ന് ഫിഷറീസ് അധികൃതർ തന്നെ വ്യക്തമാക്കിയിരിക്കെ ശോഭനനു നീതി ലഭിക്കേണ്ടത് അത്യാവശ്യമായിരിക്കുന്നു.

എം മനോജ് കുമാര്‍    
മറുനാടന്‍ മലയാളി സീനിയര്‍ സബ് എഡിറ്റര്‍.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

Loading...
Loading...
TODAYLAST WEEKLAST MONTH
അമ്മയെ കയറിപ്പിടിക്കുന്ന മകൻ; അടുത്ത ബന്ധുവിന് മുമ്പിലും രതിവൈകൃതം കാട്ടിയ ക്രൂരൻ; അയൽക്കാരിയോട് അശ്ലീല വീഡിയോ കാണുന്ന വിവരം പറഞ്ഞപ്പോൾ കിട്ടിയത് കൗൺസിലിംഗിന് പോകണമെന്ന ഉപദേശം; സ്വഭാവ ദൂഷ്യം അറിയാവുന്നതു കൊണ്ട് അടുത്ത വീട്ടുകാരെല്ലാം അകറ്റി നിർത്തിയ സാമൂഹ്യ വിരുദ്ധൻ; ആൽബിന്റെ പേരിൽ വീട്ടിൽ സ്ഥിരം വഴക്കെന്നും നാട്ടുകാർ; ലക്ഷ്യമിട്ടത് കൂട്ട ആത്മഹത്യയെന്ന് വരുത്താൻ; സഹോദരിയെ കൊന്ന ആൽബിനെ കുറിച്ച് ബളാൽ അരിങ്കല്ലുകാർക്ക് പറയാനുള്ളത്
യുവതിയുമായി അനുവാദത്തോടെയുള്ള ബന്ധമാണ് ഉണ്ടായത് എന്ന് പ്രതി; ബലമായി ഉപദ്രവിച്ചതിന്റെ ലക്ഷണങ്ങൾ മൃതദേഹ പരിശോധനയിലും കണ്ടെത്തിയില്ല; ഹോട്ടൽ മുറിയിൽ വച്ച് വലിയ അളവിൽ രക്തം വാർന്നു പോയത് മരണ കാരണമായി; കൃത്യസമയത്ത് ആശുപത്രിയിൽ എത്തിച്ചിരുന്നെങ്കിൽ രക്ഷിക്കാൻ സാധിക്കുമായിരുന്നു; കാവുങ്കൽ ഗോകുൽ പോക്‌സോ കേസിൽ പിടിയിലാകുന്നതുകൊലപാതക കേസിൽ പ്രതിയായ ശേഷം; റീഗേറ്റിലേതുകൊലപാതകമെന്ന് സംശയിച്ച് എഴുപുന്നയിലെ പെൺകുട്ടിയുടെ ബന്ധുക്കളും
കണ്ണൂരിലെ സ്ട്രിങറുടെ നമ്പരിൽ വിളിച്ചപ്പോൾ എടുത്തത് ഡൽഹിയിലുള്ള സുമ! വാർത്ത നൽകാൻ വിളിച്ച പൊതു പ്രവർത്തകനെതിരെ വ്യാജ പീഡന കേസ്; സ്ട്രിംഗർ പ്രൊഫഷണൽ സ്റ്റുഡിയോ ആണെങ്കിലും സുമ ആണ് വാർത്ത ചെയ്യുന്നത് എന്ന് മറുനാടനോട് സ്ഥിരീകരിച്ച് ദൂരദർശനും; കേന്ദ്ര സർക്കാരിനെ പറ്റിച്ച് 24 ന്യൂസ് ചാനൽ ഡൽഹി ലേഖകനും ഭാര്യയും നടത്തുന്ന തട്ടിപ്പിനെതിരെ സിബിഐയ്ക്കും മുഖ്യമന്ത്രിക്കും പരാതി; ശ്രീകണ്ഠൻ നായരുടെ ചാനലിലെ പ്രധാന ലേഖകന്റെ തട്ടിപ്പുകൾ മറനീക്കി പുറത്തു വരുമ്പോൾ
ആവശ്യപ്പെട്ടത് പദ്ധതിയുടെ പത്ത് ശതമാനം കമ്മീഷൻ; ധാരണയുടെ അടിസ്ഥാനത്തിൽ കൊടുത്തത് 3.78 കോടിയെന്ന് കണ്ടെത്തി എൻഐഎ; അക്കൗണ്ടിലൂടെയുള്ള പണം കൈമാറലിനെ എതിർത്തപ്പോൾ കുറച്ചു ഭാഗം കൊടുത്തത് ദർഹമായി ദുബായിൽ; ഈ പണമെത്തിയത് കേരളത്തിലെ ഉന്നതന്റെ അക്കൗണ്ടിൽ എന്ന് സംശയിച്ച് കേന്ദ്ര ഏജൻസി; ലൈഫ് മിഷനിൽ നിറയുന്നത് സർവ്വത്ര ദുരൂഹത; മന്ത്രി മൊയ്ദീനെ പ്രതിക്കൂട്ടിലാക്കിയും ആരോപണങ്ങൾ; സ്വപ്‌നാ സുരേഷിന്റെ 'ഒരു കോടി' സർക്കാരിന് തലവേദനയാകും
ഫേസ്‌ബുക്കിലൂടെ പരിചയം തുടങ്ങി; ചാറ്റിങ് അമിതമായപ്പോൾ പ്രണയവും; കൊച്ചിയിലേക്ക് കൂട്ടിക്കൊണ്ടു വന്ന് റീഗേറ്റ് ഹോട്ടലിൽ റൂമെടുത്തത് ഐഡി കാർഡ് ഉൾപ്പെടെ നൽകി; രക്തസ്രാവം തുടങ്ങിയപ്പോൾ റിസപ്ഷനിസ്റ്റിന്റെ സഹായത്തോടെ ഓട്ടോയിൽ പെൺകുട്ടിയെ എത്തിച്ചത് മെഡിക്കൽ ട്രസ്റ്റ് ആശുപത്രിയിൽ; മരണം ഉറപ്പായപ്പോൾ മുങ്ങിയ കാമുകനെ പൊലീസ് പൊക്കിയത് ചടുല നീക്കങ്ങളിലൂടെ; അഭിമുഖത്തിന് എന്ന് പറഞ്ഞ് വീട്ടിൽ നിന്ന് ഇറങ്ങിയ പെൺകുട്ടിയുടേത് മനപ്പൂർവ്വമല്ലാത്ത നരഹത്യ; കാവുങ്കൽ ഗോകുൽ അറസ്റ്റിൽ
വന്ദേഭാരത് വിമാനങ്ങളിൽ കേരളത്തിൽ നിന്നു ദുബായിലേക്ക് 10 കോടിയുടെ വിദേശകറൻസികളും കടത്തി; സ്വപ്നയുടെ ശുപാർശയിൽ കയറിപ്പറ്റി ദുബായിൽ ഇറങ്ങിയ 5 വിദേശികളെയും അവർ കൊണ്ടുപോയ 8 ബാഗേജുകളും കണ്ടെത്താൻ ശ്രമം; കോവിഡിൽ പ്രവാസികൾക്ക് താങ്ങാകാൻ ജൂൺ പകുതിയോടെ പറന്ന വിമാനങ്ങളിൽ നിറഞ്ഞത് കടത്ത്; യുഎഇയിൽ നിന്ന് കിട്ടിയത് ഞെട്ടിക്കുന്ന വിവരങ്ങൾ; സ്വപ്‌നാ സുരേഷിന്റെ തട്ടിപ്പുകൾ ഓരോന്നായി പുറത്തേക്ക്; ഇഡിയുടെ റോളും നിർണ്ണായകമാകും
കഴിഞ്ഞ നിയമസഭാ തെരഞ്ഞെടുപ്പ് സമയത്താണ് ലേബി സംസാരിച്ചത് എന്ന വ്യാജേന ഒരു ഓഡിയോ ചിലർ പ്രചരിപ്പിച്ചത്; തൊട്ടടുത്ത ദിവസം തന്നെ ഇതിനെതിരെ സൈബർ സെല്ലിൽ പരാതി നൽകി; എന്നാൽ സൈബർ ആക്രമണത്തിൽ പതറിപ്പോയ ലേബി തൊട്ട് പിറ്റേന്ന് ആത്മഹത്യയ്ക്ക് ശ്രമിച്ചു; പ്രിയപ്പെട്ട നിഷ, ഷാനി, കമലേഷ്, പ്രജുല, അജയ് ഘോഷ്, അയ്യപ്പദാസ്, പ്രമീളാ ഗോവിന്ദ്... നിങ്ങളുടെ വേദന എനിക്ക് മനസ്സിലാകും; വിപി സജീന്ദ്രന്റെ കുറിപ്പ് വൈറലാകുമ്പോൾ
ഇറാന്റെ എണ്ണ കപ്പലുകൾ ആദ്യമായി പിടിച്ചെടുത്ത് അമേരിക്ക; ട്രംപ് ഭരണണകൂടം പിടിച്ചെടുത്തത് ഉപരോധം മറികടന്ന് വെനസ്വേലയിലേക്ക് എണ്ണയുമായി പോയ ഇറാന്റെ നാലു കപ്പലുകൾ; സൈനിക ബലം ഉപയോഗിക്കാതെ കീഴ്‌പ്പെടുത്തിയ കപ്പലുകൾ അമേരിക്കയിലെ ഹൂസ്റ്റണിലേക്ക് കൊണ്ടു പോയതായി റിപ്പോർട്ട്: മേഖലയിൽ യുദ്ധസമാനമായ സാഹചര്യം
ഫേസ്‌ബുക്കിലൂടെ പരിചയം തുടങ്ങി; ചാറ്റിങ് അമിതമായപ്പോൾ പ്രണയവും; കൊച്ചിയിലേക്ക് കൂട്ടിക്കൊണ്ടു വന്ന് റീഗേറ്റ് ഹോട്ടലിൽ റൂമെടുത്തത് ഐഡി കാർഡ് ഉൾപ്പെടെ നൽകി; രക്തസ്രാവം തുടങ്ങിയപ്പോൾ റിസപ്ഷനിസ്റ്റിന്റെ സഹായത്തോടെ ഓട്ടോയിൽ പെൺകുട്ടിയെ എത്തിച്ചത് മെഡിക്കൽ ട്രസ്റ്റ് ആശുപത്രിയിൽ; മരണം ഉറപ്പായപ്പോൾ മുങ്ങിയ കാമുകനെ പൊലീസ് പൊക്കിയത് ചടുല നീക്കങ്ങളിലൂടെ; അഭിമുഖത്തിന് എന്ന് പറഞ്ഞ് വീട്ടിൽ നിന്ന് ഇറങ്ങിയ പെൺകുട്ടിയുടേത് മനപ്പൂർവ്വമല്ലാത്ത നരഹത്യ; കാവുങ്കൽ ഗോകുൽ അറസ്റ്റിൽ
ജോലിക്കായുള്ള അഭിമുഖത്തിനായി പുലർച്ചെ കൊച്ചിയിലെത്തി; ഉച്ചയ്ക്ക് രണ്ടുമണിയോടെ ഓട്ടോയിൽ മെഡിക്കൽ ട്രസ്റ്റ് ആശുപത്രിയിൽ എത്തിച്ചപ്പോൾ മരിച്ച നിലയിൽ; ആശുപത്രിയിൽ എത്തിച്ചത് അമിതരക്തസ്രാവത്തെ തുടർന്ന്; ഒപ്പമുണ്ടായിരുന്ന യുവാവ് മുങ്ങിയെങ്കിലും മൊബൈൽ കേന്ദ്രീകരിച്ചുള്ള അന്വേഷണത്തിൽ പിടിയിൽ; എഴുപുന്ന സ്വദേശിനിയായ 19 കാരി സാന്ദ്രയുടെ മരണത്തിൽ ദുരൂഹത
ഭർത്താവിനോട് പോലും നീതി പുലർത്താത്ത, കള്ളം പറയുന്ന ഉത്തമനായ പുരുഷന്റെ മകൾ വിവാഹ മോചനം നേടാൻ പോകുന്നു......; കാരണം..... തെറ്റ് ചെയ്യാത്തവർ ആരും ഇല്ല എന്ന് ഭർത്താവിനോട് പറഞ്ഞതിനാൽ; മനോരമ വാർത്താ അവതാരകയ്ക്കെതിരെ സ്ത്രീ വിരുദ്ധത നിറച്ച് ദേശാഭിമാനിക്കാരന്റെ വ്യാജ ആരോപണ പോസ്റ്റ്; നിഷാ പുരുഷോത്തമനെതിരെ അതിക്രമം കാട്ടിയ സഖാവിനെതിരെ ഒരക്ഷരം മിണ്ടാതെ പത്രപ്രവർത്തക യൂണിയനും സ്ത്രീ സമത്വ വാദികളും; മനോരമ നിലപാട് കടുപ്പിച്ചപ്പോൾ പോസ്റ്റ് ഡിലീറ്റ് ചെയ്ത് തടിതപ്പൽ
ജസ്നയുള്ളത് ചെന്നൈയിലെ മതപഠന കേന്ദ്രത്തിലോ? നിർണായക കണ്ടെത്തൽ നടത്തിയത് പത്തനംതിട്ട എസ്‌പി കെജി സൈമൺ; രഹസ്യമാക്കി വയ്ക്കേണ്ട വിവരം പരസ്യമാക്കിയത് ക്രൈംബ്രാഞ്ച് ഡയറക്ടർ ടോമിൻ തച്ചങ്കരി; സൂചന കിട്ടിയിട്ടും ആളെ കണ്ടെത്താൻ കഴിയാതെ അന്വേഷണ സംഘം; റിട്ടയർമെന്റിന് മുമ്പായി കേസ് തെളിയിക്കുമെന്ന വാശിയിൽ കൂടത്തായി ഹീറോയും; ജസ്‌നയെ കാണാതായത് രണ്ടുവർഷം മുമ്പ് മുക്കൂട്ടുതറയിൽ നിന്ന്
പ്രായപൂർത്തിയാകാത്ത പെൺകുട്ടിയെ പീഡിപ്പിച്ച പോക്‌സോ കേസിലെ പ്രതി; ജയിലിൽ നിന്നിറങ്ങി അതേ പെൺകുട്ടിയെ ജീവിത സഖിയാക്കിയ നാലു മാസം മാത്രം നീണ്ട ദാമ്പത്യം; സ്വഭാവ ദൂഷ്യം മൂലം ഭാര്യ ഉപേക്ഷിച്ചതോടെ ഫുൾടൈം മൊബൈലിൽ ചുറ്റി തിരിയൽ തുടങ്ങി; വല്ലപ്പോഴും കടലിൽ പോയി മീൻ പിടിക്കും; 19കാരിയെ വളച്ചെടുത്തത് ഫേസ്‌ബുക്കിലൂടെ; ഹോട്ടൽ റീഗേറ്റ് ഇന്നിലെ ക്രൂരത മറച്ചുവക്കാനുള്ള വ്യഗ്രത യുവതിയുടെ ജീവനെടുത്തു; കാവുങ്കൽ ഗോകുൽ ചില്ലറക്കാരനല്ല
സ്വയം മരണത്തിലേക്ക് പറന്നിറങ്ങിയപ്പോഴും മനസ്സാന്നിധ്യത്തോടെ കൂടെയുള്ളവരുടെ ജീവനുകൾ കാത്ത ക്യാപ്റ്റന് സല്യൂട്ട്! ഗിയർ ബോക്‌സിലെ തകരാർ തിരിച്ചറിഞ്ഞതോടെ ആകാശത്ത് വട്ടമിട്ട് പറന്ന് ഇന്ധനം പരമാവധി ഒഴിവാക്കി; സാങ്കേതിക തകരാർ തിരിച്ചറിഞ്ഞ് നിലത്തിറക്കൽ; മഴയിൽ തെന്നിമാറിയപ്പോഴും പറന്നുയരാത്തത് ജനവാസ കേന്ദ്രം മുന്നിലെന്ന യാഥാർത്ഥ്യം തിരിച്ചറിഞ്ഞ്; കരിപ്പൂരിൽ വൻ ദുരന്തം ഒഴിവാക്കിയത് യുദ്ധവിമാനങ്ങളെ അടക്കം നിയന്ത്രിച്ച ക്യാപ്ടൻ ഡിവി സാഥെ; വലിയ ദുരന്തം ഒഴിവാക്കിയത് ഈ മനക്കരുത്ത്
കള്ളും കഞ്ചാവും ശീലമായ ആൽബിൻ വിഷം കലർത്തിയ ഐസ്‌ക്രീം തയ്യാറാക്കിയത് കുടുംബത്തെ മുഴുവൻ വകവരുത്താൻ തന്നെ; ദളിത് യുവതിയെ പ്രണയിച്ചതിലെ വീട്ടുകാരുടെ എതിർപ്പ് പകയായി; സഹോദരിയോട് മോശമായി പെരുമാറിയത് വീട്ടുകാരോട് പറയും എന്ന ഭയവും കൊലയ്ക്ക് കാരണമായി ; കാസർകോട് 16കാരിയുടെ മരണത്തിന് പിന്നിൽ സഹോദരൻ; എല്ലാ കുറ്റവും പൊലീസിനോട് ഏറ്റുപറഞ്ഞ് ആൽബിൻ; കുടുംബത്തെ മുഴുവൻ വകവരുത്താനൊരുങ്ങിയത് നന്തൻകോട്ടെ കേഡലിന് സമാനമായി
ഒറ്റയ്ക്ക് പോകാൻ ധൈര്യമില്ല; നേരോടെയുമല്ല.. നിർഭയവുമല്ല... നിരന്തരം മര്യാദകെട്ട്...! ഏഷ്യാനെറ്റിനെ കളിയാക്കി പോസ്റ്റ്; പാർട്ടി അടിമയെ പോലെ മുഖ്യമന്ത്രിയുടെ പ്രസ് സെക്രട്ടറി പെരുമാറരുതെന്ന് വിനു വി ജോൺ; മര്യാദ കെട്ടവരുമായി കൂട്ടു വേണ്ടാന്നു വെക്കാനുള്ള സ്വാതന്ത്ര്യം കവർന്നെടുക്കാനുള്ള അധികാരം ഒരു ചാനൽ ജഡ്ജിക്കും ആരും നൽകിയിട്ടുമില്ല... കുഞ്ഞ് പോയി തരത്തിൽ കളിക്ക്...! പിഎം മനോജിന്റെ പരിഹാസത്തിൽ പത്രപ്രവർത്തക യൂണിയന് മൗനം; ചോദ്യം ചെയ്യലുകൾ മുഖ്യമന്ത്രിയെ അലോസരപ്പെടുത്തുമ്പോൾ
30 രൂപ പോക്കറ്റിലിട്ട് തോക്കെടുത്ത അയാൾക്ക് 30 വർഷത്തെ ക്രിമിനൽ ജീവിതത്തിന് ശേഷം ആസ്തി 30,000 കോടി; പതിനൊന്ന് ലക്ഷ്വറി കാറുകൾ; ഒരു പത്രത്തിന്റെ മുഴവൻ പേജിലും അച്ചടിച്ചാൽ ഒതുങ്ങാത്ത സ്വത്തു വിവരങ്ങൾ; തുളു ബ്രാഹ്മണിൽനിന്ന് അധോലോക നായകനിലേക്കും പിന്നീട് സാമൂഹിക പ്രവർത്തകനിലേക്കും; വേലക്കാർക്കു പോലും കൊടുത്തത് സ്ഥലവും മൂന്ന് ലക്ഷംരൂപയും; 'ദ ഗ്രേറ്റസ്റ്റ് ഗ്യാംഗ്സ്റ്റർ എവർ' എന്ന് സിനിമക്ക് അടിസ്ഥാനമായ മുത്തപ്പ റായ് വീണ്ടും വാർത്തകളിൽ നിറയുമ്പോൾ
മുന്നിൽ ചീറിപ്പാഞ്ഞത് പൃഥ്വിരാജിന്റെ ലംബോർഗിനി; തൊട്ടു പിന്നാലെ വിട്ടുകൊടുക്കാതെ അതിവേഗത്തിൽ ദുൽഖാർ സൽമാന്റെ പോർഷെ കാറും; കോട്ടയം - ഏറ്റുമാനൂർ - കൊച്ചി റൂട്ടിൽ മലയാളം താരങ്ങളുടെ മത്സരയോട്ടം; അമിതവേഗതയിലുള്ള ചീറിപ്പായൽ കണ്ട് അന്തംവിട്ട് ആരാധകർ; സോഷ്യൽ മീഡിയയിൽ വൈറലായെങ്കലും ട്രാഫിക് നിയമങ്ങൾ കാറ്റിൽപ്പറത്തിയ താരങ്ങളുടെ അമിത വേഗതക്കെതിരെ പൊലീസ് നടപടിയില്ലേ എന്ന ചോദ്യവും സജീവം
42-ാം നമ്പർ സ്യൂട്ട് റൂമിൽ നിന്ന് കാറ്റും വെളിച്ചവും കടക്കാത്ത മറ്റൊരു റൂമിലേക്ക് മാറ്റി; കുളിപ്പിക്കുന്നത് മൂന്നു മാസത്തിലൊരിക്കൽ; വിഐപികളും മെത്രാപ്പൊലീത്തമാരും വരുമ്പോൾ റൂമിൽ കൊണ്ടു വന്ന് സ്പ്രേ അടിക്കും; ഭക്ഷണം എത്തിക്കുന്നത് മൃതദേഹം കൊണ്ടു വരുന്ന ആംബുലൻസിൽ; മാർ ക്രിസോസ്റ്റം വലിയ മെത്രാപ്പൊലീത്ത കുമ്പനാട് ഫെലോഷിപ്പ് ആശുപത്രിയിൽ നേരിടുന്നതുകൊടിയ പീഡനമെന്ന് ഡ്രൈവർ എബിയുടെ വെളിപ്പെടുത്തൽ: മാർത്തോമ്മ മെത്രപ്പൊലീത്തയ്ക്ക് പരാതി നൽകിയത് ഫോട്ടോ സഹിതം
പ്ലസ് ടു കാലത്ത് അമേരിക്കയിൽ എത്തിയ നെവിൻ; കോട്ടയം രൂപതാ മാട്രിമോണി പരസ്യത്തിൽ വിവാഹം; സ്വഭാവ വൈകൃതമൊന്നും അറിയാതെ താലി കെട്ടിയതിന്റെ ദുരിതം മോനിപ്പിള്ളിക്കാരി അറിഞ്ഞത് യുഎസിലെത്തിയപ്പോൾ; രണ്ട് വയസ്സുള്ള കുട്ടി ബാലൻസ് തെറ്റി വീണാലും കിട്ടിയത് ക്രൂര മർദ്ദനം; ഭാര്യയെ തുരുതുരാ വെട്ടിയ ശേഷം കാറു കയറ്റി മരണം ഉറപ്പാക്കിയത് നിസാര കാരണങ്ങൾ കണ്ടെത്തി വഴക്കുണ്ടാക്കി രസിച്ച ഭർത്താവ്; ഫ്‌ളോറിഡയിൽ മെറിൻ ജോയിയെ കൊന്നത് സമാനതകളില്ലാത്ത ക്രൂര മനസ്സിന്റെ ഉടമ
ആൾക്കൂട്ടത്തിൽ ഒരു അന്യമത സ്ത്രീയെ നോട്ടമിട്ടാൽ രണ്ടോമൂന്നോ പേർ വലയം ചെയ്യും; പതുക്കെ മറ്റുള്ളവരും ചേരുന്നതോടെ കെണിയൊരുങ്ങുകയായി; അകത്തെ വൃത്തത്തിനുള്ളിലുള്ള പുരുഷന്മാർ ആദ്യം ആക്രമിക്കും; മതിയായവർ പുറകോട്ടു മാറി അടുത്ത വലയത്തിലുള്ളവർക്ക് കൈമാറും; മർദ്ദിച്ചും വസ്ത്രങ്ങൾ ചീന്തിയെറിഞ്ഞും കൂട്ട ബലാത്സംഗം; മിക്കവാറും സംഭവങ്ങളും പട്ടാപ്പകൽ നഗരമധ്യത്തിൽ; തഹാറുഷ് ജമായ് എന്ന ഇസ്ലാമിന്റെ പേരിൽ നടന്നിരുന്ന കൂട്ട മാനഭംഗ വിനോദത്തിന്റ കഥ
2016 ജൂലൈ 30ന് താലി കെട്ട്; ജന്മദിനവും വിവാഹ വാർഷികവും ഒരു ദിവസമായതും യാദൃശ്ചികം; ഭർത്താവിന്റെ ക്രൂരതകൾ ഭയന്ന് താമ്പയിലേക്ക് മാറാൻ ഒരുങ്ങുമ്പോൾ പദ്ധതിയിട്ടത് കൂട്ടുകാർക്കൊപ്പം അടിപൊളി ജന്മദിനാഘോഷം; രണ്ട് വയസ്സുള്ള മകളെ അച്ഛനും അമ്മയക്കുമൊപ്പം നിർത്തി ഫ്‌ളോറിഡയിലേക്ക് വിമാനം കയറിയത് സ്വന്തം കാലിൽ നിൽക്കണമെന്ന ദൃഡനിശ്ചയത്തിൽ; രക്തത്തിൽ കുളിച്ച് വേദനകൊണ്ട് പുളയുമ്പോഴും മെറിൻ ജോയ് അലറിക്കരഞ്ഞത് എനിക്കൊരു കുഞ്ഞുണ്ടെന്ന് പറഞ്ഞ്; മരങ്ങാട്ടിലെ വീട്ടിൽ പൊട്ടിക്കരച്ചിൽ മാത്രം
കാമം തീർക്കാൻ വൃദ്ധയിലും ഷാഫിയുടെ ക്രൂരത; കുതറിയോടാൻ ശ്രമിച്ച ഇരയെ വാ പൊത്തി പിടിച്ച് കസ്റ്റമർക്ക് കാഴ്ച വച്ച് ഓമനയുടെ ഇടപെടൽ; കണ്ടു വന്ന ഓമനയുടെ മകന് കലി കയറിയപ്പോൾ മൽപ്പിടുത്തവും ദേഹോപദ്രവും മൂലം തളർന്നുകിടന്ന വൃദ്ധയുടെ ജനനേന്ദ്രിയത്തിൽ കുത്തി കയറ്റിയത് കത്തിയും; മാറിടത്തിൽ തലങ്ങും വിലങ്ങും മുറിവേൽപ്പിച്ചതും വീട്ടിലെ അവിഹിതം കണ്ട് നിരാശനായ മനോജിന്റെ ക്രൂരത; കോലഞ്ചേരിയിലേത് 'നിർഭയ' മോഡൽ; ജീവനോട് മല്ലിട്ട് വയോധികയും; ഓമനയുടെ കുറ്റസമ്മതം ഞെട്ടിപ്പിക്കുന്നത്
പെറ്റമ്മയെ കാണാൻ 14 ദിവസത്തെ ക്വാറന്റൈൻ സ്വയം ഏറ്റെടുത്ത് അമ്മയുടെ പ്രസിഡന്റ്; ചെന്നൈയിൽ നിന്നും ഇന്നോവാ കാറിൽ കൊച്ചിയിലെത്തി നിരീക്ഷണകാലം ചിലവഴിക്കുന്നത് തന്റെ ഉടമസ്ഥതയിലുള്ള ട്രാവൻകൂർ കോർട്ട് ഹോട്ടലിൽ; രണ്ടാഴ്ചക്കുള്ളിൽ മലയാള സിനിമ വീണ്ടും ഉണർന്നെഴുന്നേൽക്കും; ദൃശ്യം രണ്ടാംഭാഗവും ഏഷ്യാനെറ്റ് ഓണം ഷോയും ലക്ഷ്യമിട്ട് മോഹൻലാൽ വീണ്ടും കൊച്ചിയിലെത്തി; സൂപ്പർ താരത്തിന്റെ ക്വാറന്റൈൻ വിവരം മറുനാടനോട് സ്ഥിരീകരിച്ച് ഇടവേള ബാബുവും
ഭാര്യ ചതിച്ചെന്നും മനംനൊന്തു കൊലയെന്നും നെവിന്റെ കുറ്റസമ്മതം; കൊലപ്പെടുത്തണമെന്ന ഉദ്ദേശ്യം ഇല്ലായിരുന്നതിനാൽ സെക്കൻഡ് ഡിഗ്രി കൊലക്കുറ്റമേ ചുമത്താകൂവെന്ന് വാദിച്ച് പരാജയപ്പെട്ട് പ്രതിയുടെ വക്കീൽ; കത്തിയുമായി എത്തിയതും 17 തവണ കുത്തിയതും കരുതിക്കൂട്ടിയുള്ള നരഹത്യക്ക് തെളിവെന്ന് പ്രോസിക്യൂഷൻ; കുത്തി വീഴ്‌ത്തിയ ശേഷം ശരീരത്തിലൂടെ കാർ ഓടിച്ചതും മരണം ഉറപ്പാക്കിയ ക്രൂര മനസ്സ്; നെവിനെതിരെ ഫസ്റ്റ് ഡിഗ്രി കൊലക്കുറ്റം; മെറിൻ യാത്രയായത് ഭർത്താവിനെതിരെ മരണ മൊഴി നൽകി
ഫേസ്‌ബുക്കിലൂടെ പരിചയം തുടങ്ങി; ചാറ്റിങ് അമിതമായപ്പോൾ പ്രണയവും; കൊച്ചിയിലേക്ക് കൂട്ടിക്കൊണ്ടു വന്ന് റീഗേറ്റ് ഹോട്ടലിൽ റൂമെടുത്തത് ഐഡി കാർഡ് ഉൾപ്പെടെ നൽകി; രക്തസ്രാവം തുടങ്ങിയപ്പോൾ റിസപ്ഷനിസ്റ്റിന്റെ സഹായത്തോടെ ഓട്ടോയിൽ പെൺകുട്ടിയെ എത്തിച്ചത് മെഡിക്കൽ ട്രസ്റ്റ് ആശുപത്രിയിൽ; മരണം ഉറപ്പായപ്പോൾ മുങ്ങിയ കാമുകനെ പൊലീസ് പൊക്കിയത് ചടുല നീക്കങ്ങളിലൂടെ; അഭിമുഖത്തിന് എന്ന് പറഞ്ഞ് വീട്ടിൽ നിന്ന് ഇറങ്ങിയ പെൺകുട്ടിയുടേത് മനപ്പൂർവ്വമല്ലാത്ത നരഹത്യ; കാവുങ്കൽ ഗോകുൽ അറസ്റ്റിൽ