'എനിക്കൊരു പൊടി പുരുഷന് താഴെ സ്ത്രീ നിൽക്കുന്നതാണ് ഇഷ്ടം..അതാണ് സേഫെന്ന് സരയു; സെയ്ഫെന്ന് മാത്രമല്ല..അതാണ് അതിന്റെ രീതി..ഫെമിനിസ്റ്റാവാൻ പാടില്ലെന്നും ആനി; നല്ല വീട്ടമ്മ കുക്കിങ് ഇഷ്ടപ്പെട്ടാൽ മാത്രമേ ഉണ്ടാവുകയുള്ളോയെന്ന ചോദ്യവുമായി നവ്യ നായർ ; ആനീസ് കിച്ചനിലെ പഴയ വീഡിയോകൾ സോഷ്യൽ മീഡിയയിൽ വൈറലായതോടെ ആനിക്കെതിരെ കേസടുക്കണമെന്ന് ഒരുകൂട്ടർ; താരത്തെ താറടിക്കാനെന്ന് മറുകൂട്ടരും
മറുനാടൻ ഡെസ്ക്
തിരുവനന്തപുരം: പഴയ സൂപ്പർ ഹിറ്റ് ചിത്രങ്ങളിലെ സൂപ്പർ നായികയാണ് താനെന്ന തലക്കനമൊന്നും ആനിക്കില്ല. ഷാജി കൈലാസുമായുളേള പ്രണയ വിവാഹത്തിന് ശേഷം കംപ്ലീറ്റ് ഫാമിലി ഗേളായി മാറി. ആനിയെന്നോ ചിത്രയെന്നൊ കേൾക്കാനല്ല മറിച്ച് മിസ്സിസ് ഷാജി കൈലാസ് എന്ന് കേൾക്കാനായിരുന്നു ആഗ്രഹിച്ചത്. 1993 നും 1996 നും ഇടയിൽ 16 ചിത്രങ്ങളിൽ അഭിനയിച്ചു. പിന്നീട് വിവാഹത്തോടെ സിനിമാ ലോകത്തോട് വിട പറഞ്ഞു. 2015 ൽ അമൃത ടിവിയിൽ ആനീസ് കിച്ചൻ എന്ന കുക്കറി ഷോ തുടങ്ങി. സിനിമയിലെയോ ടിവിയിലോ രാഷ്ട്രീയത്തിലെയോ ഒക്കെയുള്ള സെലിബ്രിറ്റികളുടെ അഭിമുഖം ഷോയുടെ ഭാഗമാണ്. കോട്ടയം ശൈലിയിലുള്ള ആനിയുടെ സംസാരത്തിനും ആരാധകർ ഏറെ. ഇതൊക്കെ സിനിമാ-ടെലിവിഷൻ പ്രേമികൾക്ക് അറിയാവുന്ന കാര്യം തന്നെ. എന്നാൽ, ആനിയുടെ ചില പഴയ കുക്കറി ഷോ വീഡിയോകൾ ഇപ്പോൾ സോഷ്യൽ മീഡിയയിലൂടെ വീണ്ടും പ്രചരിക്കുകയാണ്. നടിമാരായ സരയുവും, നവ്യ നായരും ആനീസ് കിച്ചനിൽ എത്തിയ സമയത്തെ രണ്ടു വീഡിയോകളാണ് വ്യാപകമായി പ്രചരിക്കുന്നത്. വീഡിയോകളിലെ ആനിയുടെ ചില പരാമർശങ്ങൾ വിവാദവുമായി.
ഫെമിനിസ്റ്റാവാൻ പാടില്ല. എന്തിനാണ് ഫെമിനിസം? ഇക്വാലിറ്റി വരട്ടെ..അത്രേയുള്ളു. എന്ന് ആനിയും സരയുവും തമ്മിൽ വീട്ടിലെ പാചകവുമായി ബന്ധപ്പെട്ട സംഭാഷണമാണ് സ്ത്രീപക്ഷവാദികളെ ചൊടിപ്പിച്ചത്. അതിങ്ങനെയാണ്.
സരയു:എനിക്കൊരു പൊടി പുരുഷന് താഴെ സ്ത്രീ നിൽക്കുന്നതാണ് എനിക്ക് ഇഷ്ടം..അതാണ് സേഫ്
ആനി: സെയ്ഫെന്ന് മാത്രമല്ല..അതാണ് അതിന്റെ രീതി
അതാണ് അതിന്റെ റേഷ്യോ
എനിക്കും അങ്ങനെ തന്നെയായിരുന്നു ഇഷ്ടം
അങ്ങനെ നിൽക്കുന്നിടത്ത് പലപ്പോഴും പ്രശ്നങ്ങൾ കുറവാണ്.
സ്ത്രീ എന്തോ വലിയ സംഭവമാണെന്ന് കാണിച്ചുകൂട്ടാൻ വേണ്ടി വിഷമിക്കുന്ന പോലെയാണ്
ഫെമിനിസ്റ്റാവാൻ പാടില്ല
എന്തിനാണ് ഫെമിനിസം? ഇക്വാലിറ്റി വരട്ടെ..അത്രേയുള്ളു.
ഇക്വാലിറ്റി എന്നുപറഞ്ഞാൽ ഞാൻ പറയാം..നമ്മളേക്കാളും എന്തായാലും ഹസ്ബൻഡ് ഒരുവയസെങ്കിലും മൂത്തതായിരിക്കും. അവര് കണ്ട ലോകമല്ലല്ലോ നമ്മൾ കാണുന്നത്. എക്സ്പീരിയൻസ്ഡ് പേഴ്സൺ എന്നുപറഞ്ഞ് നമ്മൾ അവരെ അനുസരിച്ചുവെന്ന് വച്ച് തെറ്റൊന്നുമില്ല
അതേ
അനുസരിക്കുന്നത് എന്തിനാ എന്ന് ചിന്തിച്ചാൽ തീർന്നു അല്ലേ അവിടെ
അതാ ഞാൻ പറഞ്ഞത്
മിക്കവർക്കും ഇപ്പോൾ എനിക്കുതോന്നുന്നു..ഏറ്റവും കൂടുതൽ പ്രശ്നങ്ങൾ ഉണ്ടാകുന്നത്.
അമിതമായി സ്വാതന്ത്ര്യത്തിന് വേണ്ടിയും അമിതമായി എന്തൊക്കെയോ കാര്യങ്ങൾക്ക് വേണ്ടിയും എല്ലാവരും പോകുന്ന പോലെ തോന്നുന്നു.
മറ്റൊരു വീഡിയോ നവ്യ നായർ ആനീസ് കിച്ചണിൽ എത്തിയപ്പോൾ ഉള്ളതാണ്. സ്ത്രീകൾ മാത്രമല്ല പുരുഷന്മാരും പാചകം പഠിക്കുകയും അത് ചെയ്യുകയും വേണമെന്ന അഭിപ്രായക്കാരിയാണ് നവ്യ നായർ. കുക്കിങ് ഇഷ്ടമുള്ള ഒരു നല്ല വീട്ടമ്മയാണെങ്കിൽ എന്ന ആനിയുടെ ഡയലോഗിൽ നവ്യ ചെറിയ ഉടക്കിടുന്നു.'അതാണ് എനിക്ക് മനസ്സിലാകാത്തത് നല്ല വീട്ടമ്മ കുക്കിങ് ഇഷ്ടപ്പെട്ടാൽ മാത്രമേ ഉണ്ടാവുകയുള്ളു'? എന്ന് ചോദിക്കുന്നു. ആനിയെ കുലസ്ത്രീയായും നവ്യയെ പുരോഗമനവാദിയായും നെറ്റിസൺസ് വിധിയെഴുതുന്നു. വീഡിയോയിലെ സംഭാഷണം ഇങ്ങനെ:
ഞാൻ പറയുന്നത് ഒരിക്കലും ഭക്ഷണം കുക്ക് ചെയ്യേണ്ട..സ്ത്രീകള്..അങ്ങനെയല്ല..ഇപ്പോ എന്റെ മോനോടും ഞാൻ പറയും..അവനും പഠിക്കണം കുക്കിങ്. സ്ത്രീക്ക് വേണ്ടി മാത്രം ചെയ്യുന്ന ജോലിയായി വിചാരിക്കരുത്.
നവ്യയുടെ ആ പോയിന്റ് കറകറ്റാണ്. അതാണ് നവ്യ വരുത്താൻ ശ്രമിച്ചേ..ഒരു സ്ത്രീ മാത്രമേ ഒരുവീട്ടിലേ എല്ലാ ജോലിയും ചെയ്യണം എന്നുള്ളത് മാറ്റണം എന്നാണ് നവ്യ പറഞ്ഞത്
അങ്ങനെ മാറ്റാനല്ല..സീ ചേച്ചിക്ക് കുക്കിങ് ഭയങ്കര ഇഷ്ടമാണ്. ലെറ്റ് ഹേർ ഡു ഇറ്റ്. ഒരു പെൺകുട്ടി പാചകം ചെയ്യാൻ ഇഷ്ടപ്പെടുന്നില്ലെങ്കിൽ അതിനുള്ള സ്വാതന്ത്ര്യം വേണം. ഉണ്ടാക്കിയേ പറ്റുള്ളുവെങ്കിൽ ഉണ്ടാക്കണം. അങ്ങനെയല്ല ഞാൻ പറഞ്ഞത്. അതിനൊരു ആണും പെണ്ണും എന്നൊന്നും ആവശ്യമില്ലല്ലോ..അതാണ്
ഓക..അവനവന്റെ ടേസ്റ്റിന് അനുസരിച്ച് വിട്ടുകൊടുക്കുക.
പിന്നെ നമ്മുടെ ഒരു സിസ്റ്റം..എന്റെ അമ്മയൊക്കെ കഷ്ടപ്പെടുന്ന ഞാൻ കണ്ടിട്ടുണ്ട്,. ഈ ക്വോറം തികയ്ക്കാൻ വേണ്ടി..അത്..ഇത്..
അതെന്താന്ന് അറിയ്വോ..കുട്ടിക്ക് ഇഷ്ടപ്പെടുന്ന ഒരു വ്യക്തിക്ക് തോന്നുന്ന മനസ്സിന്റെ ഇതാ..എനിക്കും ചില സമയത്ത് അങ്ങന തോന്നാറുണ്ട്.
ഗസ്റ്റ് വരുമ്പോൾ എനിക്കും തോന്നും..കുറെയൊക്കെ ഉണ്ടാക്കണം. പക്ഷേ ഡെയ്ലി ഇത് ഉണ്ടാക്കുമ്പോഴേ..
അത് കുക്കിങ് ഇഷ്ടമില്ലാഞ്ഞിട്ടാ..പക്ഷേ കുക്കിങ് ഇഷ്ടമുള്ള ഒരു നല്ല വീട്ടമ്മയാണെങ്കിൽ.
അതാണ് എനിക്ക് മനസ്സിലാകാത്തത് നല്ല വീട്ടമ്മ കുക്കിങ് ഇഷ്ടപ്പെട്ടാൽ മാത്രമേ ഉണ്ടാവുകയുള്ളു?
(ആനിക്ക് അൽപം മൗനം...)
അങ്ങനയൊന്നുമില്ലെങ്കിലും...ഇതൊരു പാർട്ട് ഓഫ് ലൈഫായി കാണുന്ന വ്യക്തിയാണ് ഞാൻ.
കുക്കിങ്..ഇറ്റ്സ് ജസ്റ്റ് എ മാറ്റർ ഓഫ് ലൈക്ക് ഓർ ഡിസ്ലൈക്ക്
ആനിയുടെ ഷോയിൽ വരുന്ന വനിതാ സെലിബ്രിറ്റികളോടെല്ലാം പാചകം അറിയാമോ എന്ന ചോദ്യം ആദ്യമേ വരും. കാരണം ഇതൊരു കുക്കറി ഷോയാണല്ലോ. തിരുവനന്തപുരത്തെ മുൻ കളക്ടർ വാസുകിയും ഭർത്താവും ഷോയിൽ എത്തിയപ്പോൾ പാചകം ചെയ്യാൻ താൽപര്യമില്ലെന്ന് പറഞ്ഞിരുന്നു,അതിൽ ആനി അത്ഭുതം പ്രകടിപ്പിച്ചതിനെയും സ്ത്രീപക്ഷവാദികൾ വിമർശിക്കുന്നു.
എഴുത്തുകാരി യമയുടെ വിമർശന കുറിപ്പ് ഇങ്ങനെ:
അമൃത ചാനലിലെ ആനിയുടെ പാചകഷോയുടെ ഒരു വീഡിയോ കറങ്ങിനടക്കുന്നുണ്ട്. ഈയിടയ്ക്കൊന്നും ഇത്രയ്ക്കും പ്രതിലോമകരമായ ഒരു വീഡിയോ കണ്ടിട്ടില്ല എന്നുവേണം പറയാൻ. ഇത് മിഡിൽ ക്ലാസിന്റെ അടഞ്ഞ തുറസ്സിലിരുന്നു തിന്നു വിസർജ്ജിക്കുന്ന പെണ്ണുങ്ങളെയും മിഡിൽ ക്ലാസിന്റെ പരസ്യവാചകവൃത്തിയിലേക്കു കൂടുമാറാൻ മോളിലേക്കു നോക്കിയിരിക്കുന്ന പെണ്ണുങ്ങളെയും സുഖിപ്പിക്കുമായിരിക്കും. പിന്നെ അവരുടെ ആണുങ്ങളെയും. ഭരണഘടനാപരമായി ഒരു പൗരന് ലഭിക്കേണ്ട തുല്യതയുടെ അവകാശത്തെയാണ് ആനിയെപ്പോലുള്ള ഒരു അന്തക്കേട് ഇരുന്ന് 'അതൊക്കെ ആഗ്രഹിക്കുന്നത് മോശമല്ലേ' എന്ന ചുവയിൽ പറയുന്നത്. അവരുടെ വാദത്തിലെ പ്രശ്നം വെറും സ്ത്രീപുരുഷ സമത്വത്തിന്റേതല്ല . വെറുതെ പ്രശ്നങ്ങൾ ഒന്നുമുണ്ടാകാതെ അധികാര കേന്ദ്രങ്ങൾക്കു വിധേയപ്പെടേണ്ടതിന്റെ ഒരു സൂചന കൂടിയാണ് അവരുടെ വാക്കുകളിലുള്ളത്. ഇന്നാട്ടിൽ റോഡിൽക്കിടന്നു അടികൊള്ളുന്ന വിദ്യാർത്ഥികളും ദളിതരും മുസ്ലീങ്ങളുമൊക്കെ സമത്വത്തിന്റെ അതിമോഹം വച്ചുപുലർത്തുന്നവരുടെ കൂട്ടത്തിൽപ്പെടും.
വെള്ളരിക്കാപ്പട്ടണമല്ല ഈ നാടെങ്കിൽ ആ സ്ത്രീയ്ക്കെതിരെയും ആ ചാനലിനെതിരെയും കേസെടുക്കേണ്ടതാണ്. ആനിയുടെ അജ്ഞത നിറഞ്ഞ ധാർഷ്ട്യവും വിവരക്കേടും തമാശയായി കാണാൻ എനിക്ക് കഴിയുന്നില്ല എന്നത് എന്റെ പരിമിതിയാവാം. അവർ അവരുടെ വീട്ടിലിരുന്നു പറയുന്നതിന് എനിക്കൊരെതിർപ്പും ഇല്ലെന്നു പറഞ്ഞുകൊള്ളട്ടെ.മരിച്ചുപോയതും ജീവിച്ചിരിക്കുന്നതുമായ ഒട്ടനവധി മനുഷ്യർ സഹിച്ച ത്യാഗങ്ങളുടെ നേട്ടമാണ് നമ്മുടെ പൊതുവിടങ്ങൾ. അതങ്ങനെ കുട്ടിച്ചോറാക്കാൻ ആർക്കും വിട്ടുകൊടുക്കരുത്.
വീണ ജെ.എസിന്റെ കുറിപ്പിൽ നിന്ന് പ്രസക്തമായ ഭാഗം
ഇന്ന് വൈകിട്ട് മൂന്ന് എപ്പിസോഡ് കണ്ടു. രണ്ടെണ്ണം ടോവിനോ ?? ((ടോവിനോടെ first എപ്പിസോഡ് കണ്ടപ്പോ i was thinking. Annie should be hero again. She is that beautiful as she was years back in films. 1993-1996 വരെ വെറും മൂന്ന് വർഷങ്ങൾ കൊണ്ട് പതിനാറുചിത്രങ്ങളിൽ അഭിനയിച്ച ആനി വിവാഹത്തിന് ശേഷമാണ് അഭിനയിക്കാതെ ആയത്. Her choice but I am sad.))
ടോവിനോ കുക്കിങ് അറിയാമെന്നു പറഞ്ഞിട്ടും അതിന്റെ ഡീറ്റെയിൽസ് ഒന്നും ടോവിനോനോട് ചോദിച്ചില്ല. മറിച്ചു ഭാര്യ ലിഡിയ കുക്കിങ് അത്ര ചെയ്യാറില്ല എന്ന് പറഞ്ഞപ്പോൾ അത്ര പിടിച്ചില്ല ആനിക്ക്.
അതേസമയം, ആനിയെ താറടിക്കാൻ മനഃപൂർവമുള്ള ശ്രമമാണ് ഇതെന്ന് എഴുത്തുകാരിയായ അഞ്ജു പാർവതി പ്രഭീഷ് ഫേസ്ബുക്കിൽ കുറിച്ചു
കഴിഞ്ഞ കുറച്ചുദിവസങ്ങളായി സോഷ്യൽ മീഡിയയിൽ ഒരു അടുക്കളവിപ്ലവം നടക്കുന്നത് പലരും ശ്രദ്ധിച്ചിട്ടുണ്ടാവുമല്ലോ. ഈ അടുക്കളവിപ്ലവത്തിലെ മുന്നണിപ്പോരാളികളിൽ മുക്കാൽപങ്കും ഒരേ തരം തത്വസംഹിതയിൽ അടിയുറച്ചുവിശ്വസിച്ചുപ്പോരുന്നവരും തങ്ങളുടെ ആദർശങ്ങൾ സമൂഹത്തിൽ വിതച്ച് ഇവിടെ സമൂലമായ മാറ്റം കൊണ്ടുവരാൻ വേണ്ടി അഹോരാത്രം പണിയെടുക്കുന്നവരുമാണ്.അടുക്കളവിപ്ലവത്തിനു നാന്ദികുറിച്ചിരിക്കുന്നത് ആനിയെന്ന വീട്ടമ്മയെ ഫെമിനസത്തിന്റെ ബാലപാഠങ്ങളിൽ തുടങ്ങി മാനറിസങ്ങളുടെയും ആതിഥൃമര്യാദയുടെയും ചട്ടം പഠിപ്പിച്ച് മൊത്തത്തിലങ്ങോട്ട് ഉടച്ചുവാർത്ത് ഇന്നിന്റെ പുരോഗമനവാദത്തിന്റെയും നവോത്ഥാനത്തിന്റെയും നേർരൂപമായി മാറ്റിയെടുക്കണമെന്ന ദൃഢനിശ്ചയവുമായാണ്.
ആനിയെന്ന കലാകാരിയെ മലയാളികൾ അറിയുന്നത് ആനീസ് കിച്ചൺ എന്ന അമ്യതാചാനലിലെ പാചകപരിപാടിയുടെ അവതാരകയെന്ന നിലയിൽ മാത്രമാണോ? അല്ല തൊണ്ണൂറുകളിലെ ഒരു പിടി മികച്ച ചിത്രങ്ങളുടെ നായികയായും അഭിനയിച്ച ചിത്രങ്ങളിലെല്ലാം തന്റേതായ കൈയൊപ്പ് ചാർത്തിയ നല്ലൊരു അഭിനേത്രിയുമായിട്ടാണ്. പിന്നീട് ഷാജി കൈലാസെന്ന ഇടിവെട്ട് സംവിധായകന്റെ ജീവിതത്തിലേയ്ക്ക് ഒരു റൊമാന്റിക് സിനിമയ്ക്കു വേണ്ട എല്ലാ ചേരുവകളും ത്രില്ലുമായി കടന്നുചെന്ന കൗമാരക്കാരിയായ ആനി ജോബിയെന്ന നായികയായിട്ടാണ്. വർഷങ്ങളോളം മുടങ്ങാതെ വന്നിരുന്ന വനിതയുടെയും ഗൃഹലക്ഷ്മിയുടെയും മറ്റും സെലിബ്രിറ്റികളുടെ ഓണക്കാല-ക്രിസ്തുമസ് വിശേഷങ്ങളിലെ കുടുംബസഹിതമുള്ള ചിത്രവിശേഷങ്ങളിലൂടെയും ചാനലുകളിലെ താരവിശേഷങ്ങളിലൂടെയും ചിത്രാഷാജിയെന്ന മൂന്നു ആൺകുട്ടികളുടെ അമ്മയായിട്ടാണ്. അതും കഴിഞ്ഞ് വർഷങ്ങൾക്കുശേഷം തന്റെ മക്കളൊക്കെ ഒന്ന് വലുതായശേഷം 2015മുതൽ അമ്യതാ ടിവിയിലെ ആനീസ് കിച്ചൺ എന്ന പാചകപരിപാടിയുടെ അവതാരകയായിട്ടാണ്.
എന്നു മുതലാണ് ആനിയുടെ സ്വഭാവരീതിയെ വിമർശനാത്മകമായി സോഷ്യൽ മീഡിയ വിലയിരുത്തിതുടങ്ങിയത് എന്നതിൽ തുടങ്ങി എന്തുകൊണ്ട് ആനിയെന്ന വീട്ടമ്മയായ നടി സ്ത്രീപക്ഷവാദികളുടെ കണ്ണിലെ കരടാവുന്നു എന്നത് വരെയുള്ള കാര്യങ്ങൾക്കുപിന്നിൽ വ്യക്തമായൊരു റൂട്ട്മാപ്പും ഒരുകൂട്ടം ആളുകളുടെ പ്ലാനിങ്ങും അജണ്ടയുമുണ്ട്. 2015 മുതൽ സമൂഹത്തിന്റെ നാനാതുറയിലെ സെലിബ്രിട്ടികളെ അതിഥികളായി വിളിച്ചുവരുത്തി അവർക്ക് താൻ പാചകം ചെയ്ത ഭക്ഷണമൂട്ടി നല്ലൊരു ആതിഥേയയുടെ എല്ലാവിധ പെരുമാറ്റരീതികളോടും കൂടി ആനി അവതരിപ്പിച്ചു വന്നിരുന്ന പരിപാടിക്ക് 2019 അവസാനം തുടങ്ങി ഈയടുത്ത കാലത്താണ് ഏറ്റവും വലിയ വിമർശനങ്ങൾ നേരിടേണ്ടി വന്നത് എന്നത് ഏറ്റവും ശ്രദ്ധിക്കേണ്ടതായ വസ്തുത. ആനിയുടെ അതിഥികളായി വന്നവർക്കാർക്കും ആനിയുടെ പെരുമാറ്റരീതിയിൽ പാട്രിയാർക്കിയുടെ കടന്നുക്കയറ്റം ഫീൽ ചെയ്തതായും അവരുടെ അന്തസിനെ ഹനിച്ചതായും പരാതിയില്ല താനും. പിന്നെ ആർക്കാണ് ആനിയെ പാട്രിയാർക്കൽ വ്യവസ്ഥിതിയുടെ വക്താവായി ചിത്രീകരിക്കാൻ ഇത്രമേൽ തിടുക്കമെന്നു നോക്കിയാൽ അതിന്റെ ഉത്തരം ചില സ്വയം പ്രഖ്യാപിത ആക്റ്റിവിസ്റ്റുകളിലെത്തി നില്ക്കും.അവർക്കു മാത്രമാണ് ആനിയും ആനിയെപ്പോലുള്ള വീട്ടമ്മമാരും ഇന്നത്തെ സമൂഹത്തിനു ചേരാത്തവരായി തോന്നുന്നത്.
ഈയടുത്തകാലത്തായി കണ്ടു വരുന്നൊരു പ്രവണതയുണ്ട്. ബോഡി ആർട്ട് എന്ന പേരിൽ തുണിയുരിഞ്ഞ ഫോട്ടോയിട്ട് പ്രശസ്തയാകുന്നതും തുണിയുടുക്കാതെ മത്തിക്കറിയും ബീഫ് ഉലർത്തും ബ്ലോഗുന്നതും തന്നിഷ്ടം പോലെ പാതിരാത്രി ഒറ്റയ്ക്ക് സഞ്ചരിക്കുന്നതും നടുറോഡിൽ പരസ്യമായി ഉമ്മ വെയ്ക്കുന്നതും താലി പൊട്ടിച്ചെറിയുന്നതും വായിൽ തോന്നിയത് കോതയ്ക്ക് പാട്ടെന്ന പോലെ പ്രസംഗിക്കുന്നതും സ്വയംഭോഗം ചെയ്യുന്നത് പോസ്റ്റിട്ട് സമൂഹത്തിന്റെ ലൈംഗികദാരിദ്ര്യം മാറ്റുന്നതുമൊക്കെയാണ് പുരോഗമനവാദത്തിലൂന്നിയ സ്ത്രീവാദമെന്ന് പൊതുസമൂഹത്തിനു ധാരണയൂട്ടി ഉറപ്പിക്കൽ. ഇതിനു പിന്തുണയ്ക്കുന്നവർ യഥാർത്ഥ സ്ത്രീപക്ഷവാദികളും അല്ലാത്തവരൊക്കെ കുലസ്ത്രീയെന്ന വട്ടപ്പേരിനുള്ളിലാക്കിയ സംസ്കാരശൂന്യരെന്നും ധ്വനിപ്പിക്കുന്ന തരത്തിലൊരു ചിത്രീകരണം സോഷ്യൽ മീഡിയയിൽ കണ്ടുവരുന്നുണ്ട്. ഒരുവൾ കുടുംബത്തിനും കുഞ്ഞുങ്ങൾക്കും പ്രാധാന്യം നല്കിയാൽ ,സമൂഹം കല്പിച്ച ചില നടപ്പുരീതികൾ സ്വമനസ്സാലെ പാലിക്കാൻ ഇഷ്ടപ്പെട്ടാൽ, ആർക്കും ഒരു രീതിയിലും തടസ്സമാകാത്ത ആചാരാനുഷ്ഠാനങ്ങൾ ജീവിതത്തിൽ പാലിച്ചാൽ, കുടുംബത്തിലെ ആണുങ്ങളെ ബഹുമാനിക്കുകയും അനുസരിക്കുകയും ചെയ്താൽ ഉടൻ കൽപ്പിച്ചുനൽകുന്ന വട്ടപേരാണ് കുലസ്ത്രീ. നല്ലൊരു കുടുംബത്തിൽ പിറന്നതുക്കൊണ്ടും സാമൂഹ്യമൂല്യങ്ങളെ മുറുകെപ്പിടിക്കുന്നതുക്കൊണ്ടും കുടുംബത്തിൽ നിന്നും പകർന്നുകിട്ടിയ വിശ്വാസങ്ങളെ ജീവിതത്തിൽ പകർത്തുന്നതുക്കൊണ്ടും ഇത്തിരി അടക്കവും ഒതുക്കവും അച്ചടക്കവും ശീലിക്കുന്നതുക്കൊണ്ടും മാത്രം അവരെ പുരോഗമനവാദികൾ രണ്ടാംതരക്കാരായി ചിത്രീകരിക്കുന്നു.
ആനി ചെയ്ത മാരകകുറ്റങ്ങൾ വിവാഹശേഷം ഷാജി കൈലാസെന്ന പുരുഷമേധാവിയോട് മാട്രിയാർക്കൽ വ്യവസ്ഥിതി വേണമെന്ന് ആവശ്യപ്പെട്ടില്ല. പാട്രിലീനിയൽ വ്യവസ്ഥിതിക്ക് പിന്തുണ നല്കി മൂന്ന് ആൺപിള്ളാരെ പെറ്റു. അതുമാത്രമോ തുല്യനീതി വേണമെന്ന് പ്രസംഗിക്കാൻ നില്ക്കാതെ വീടും കുടുംബവും നോക്കി. ഒരു കഷണം തുണിക്കൊണ്ട് സ്വയംപര്യാപ്തയാവണമെന്ന സന്ദേശം സമൂഹത്തിനു നല്കാതെ ആവശ്യത്തിലധികം തുണിയുടുത്ത് പാചകപരിപാടി ചെയ്തു.
ഈ കുലസ്ത്രീകൾ എന്നു കളിയാക്കി വിളിക്കുന്ന ആനിയുടെ ജനുസിൽപ്പെട്ട സ്ത്രീകൾ ഇവിടെ സമൂഹത്തിൽ എന്ത് അരാജകത്വമാണ് സൃഷ്ടിക്കുന്നത്? അവർ അവരുടെ കാര്യം നോക്കി,കുടുംബം നോക്കി മാന്യമായി ജീവിക്കുന്നു. അവർ തുല്യസമത്വം വേണമെന്നു നാഴികയ്ക്ക് നാല്പതുവട്ടം വിളിച്ചുപ്പറയുന്നില്ലായെന്നു കരുതി ആരുടെയും അടിമകളല്ലാ. അവർ ജീവിച്ചുപ്പോരുന്ന സോഷ്യൽകണ്ടീഷനിൽ അവർ സംതൃപ്തരാവുന്നത് കുടുംബമെന്ന സോഷ്യൽ ഇൻസ്റ്റിറ്റിയൂഷനു നൂറുശതമാനം പ്രാധാന്യം നല്കുന്നതിനാലും കുടുംബത്തിൽ നിന്നും പൂർണ്ണ പിന്തുണ അവർക്ക് കിട്ടുന്നതിലുമാണ്.
ഒരു യഥാർത്ഥ സ്ത്രീ ഒരിക്കലും പുരുഷൻ സ്ത്രീയേക്കാൾ താഴെയാണേന്നോ അല്ലെങ്കിൽ തിരിച്ചോ ആണെന്ന് വിശ്വസിക്കുന്നില്ല. ഒരു വ്യക്തി എങ്ങനെ ജീവിക്കണം എന്നത് അവരുടെ വ്യക്തിപരമായ കാര്യം.
കുടുംബത്തിന്റെ കാര്യങ്ങൾ വേണ്ടരീതിയിൽ നോക്കിനടത്താൻ കഴിയുന്ന സന്നദ്ധതയാണ് പെണ്ണത്തം.ആ പെണ്ണത്തം ആനിയിൽ കാണുമ്പോൾ പിതൃമേധാവിത്തത്തെ അരക്കിട്ടുറപ്പിക്കുന്നുവെന്നു തോന്നുന്നത് നിങ്ങളിലെ മണ്ടത്തരം.. യഥാർത്ഥ സ്ത്രീശാക്തീകരണമെന്തെന്ന് ജീവിതത്തിൽ കാണിച്ചുജയിച്ചവളാണ് ആനി. എട്ടാം ക്ലാസ്സിൽ വച്ച് അമ്മയെ നഷ്ടപ്പെട്ടുവെങ്കിലും പതറാതെ കലാമേഖലയിലെത്തി വെന്നിക്കൊടിപാറിച്ച്,പിന്നീട് ഇഷ്ടപ്പെട്ട പുരുഷനെ വിവാഹം ചെയ്ത് നല്ലൊരു വീട്ടമ്മയായി കുടുംബം നോക്കിയവൾ. മൂന്നു കുഞ്ഞുങ്ങളുടെ അമ്മയായി, ഒപ്പം ഷാജി കൈലാസെന്ന ഭർത്താവിന്റെ അകാലത്തിൽ മരിച്ച സഹോദരിയുടെ മകളെയും ഒപ്പം കൂട്ടി വളർത്തി അമ്മയായവൾ. മക്കൾ വളർന്നശേഷം സ്വന്തം പാചകനൈപുണ്യം തിരുവനന്തപുരത്തുകാർക്ക് കൂടി പങ്കുവയ്ക്കാൻ ഒരു ഭക്ഷണശാല ഒറ്റയ്ക്ക് നോക്കി നടത്തുന്നവൾ. ഒപ്പം കലയും പാചകവും സമന്വയിപ്പിച്ച് ഒരു ഷോയുടെ ഭാഗമായി സ്വയം സമ്പാദിക്കുന്നവൾ! ഇതൊക്കെയാണ് ആക്ടിവിസ്റ്റുകളുടെ കണ്ണിലെ കരടായ ആനി!കുടുംബബന്ധങ്ങളേക്കാൾ മൂല്യമുള്ളതാണ് സ്വന്തം സ്വത്വമെന്ന മിഥ്യാബോധം ഭരിക്കുന്ന ആക്ടിവിസ്റ്റുകൾ അറിയുന്നില്ല മാടമ്പള്ളിയിലെ ആ മനോരോഗി അവർക്കുള്ളിലാണെന്ന യാഥാർത്ഥൃം!
ആനിയ്ക്കൊപ്പം! യഥാർത്ഥ സ്ത്രീയ്ക്കും വീട്ടമ്മയ്ക്കുമൊപ്പം
- TODAY
- LAST WEEK
- LAST MONTH
- രാത്രിയിൽ മഠത്തിൽ വരവ് പഞ്ചവാദ്യം നടക്കുന്നതിനിടെ നടുവിലാൽ ഭാഗത്തു പൊലീസ് ബാരിക്കേഡ് വച്ച് എഴുന്നള്ളിപ്പ് തടഞ്ഞത് പ്രകോപനമായി; നടുവിലാലിലെ പൂരപ്പന്തലിന്റെ ലൈറ്റ് അണച്ചു തിരുവമ്പാടി ദേവസ്വം; ഇരുട്ടിന്റെ ഭംഗിയിൽ ഇത്തവണ പൂര വെടിക്കെട്ട് നടന്നില്ല; തൃശൂരിൽ നാടകീയതകൾ; പൂരത്തിലുണ്ടായത് ചരിത്രത്തിലെ ആദ്യ സംഭവം
- തൃശൂർ പൂരപ്രേമികൾക്ക് വേദനയുടേയും നിരാശയുടേയും വെടിക്കെട്ട്; ഏഴരയോടെ പാറമേക്കാവ് തിരി കൊളുത്തി; എട്ടു മണിയോടെ തിരുവമ്പാടിയുടെ വെടിക്കെട്ടിനും അവസാനം; പൂര പറമ്പിൽ പൊലീസ് രാജെന്ന് ദേശക്കാർ; രാത്രിയിലെ ആകാശ വിസ്മയം ഇത്തവണ നടന്നില്ല; തൃശൂർ പൂരത്തിൽ ഉണ്ടായതെല്ലാം സമാനതകളില്ലാത്ത വിവാദങ്ങൾ
- വെടിക്കെട്ട് കമ്മറ്റിക്കാരെ പോലും മൈതാനത്ത് അനുവദിക്കാത്ത കമ്മീഷണർ; തിരുവമ്പാടിയുടെ പ്രതിഷേധത്തിന് പിന്നാലെ ദേശക്കാരും കമ്മീഷണറും തമ്മിൽ തർക്കം; നായ്ക്കനാലിൽ ലാത്തി വീശൽ; പൊലീസിനെതിരെ ഗോ ബാക്ക് വിളികൾ; രാത്രിയിലെ പൂരക്കാഴ്ചകൾ വഴിതെറ്റിയ 2024; മഠത്തിൽ വരവ് നിർത്തിയത് സർക്കാരിനും തിരിച്ചടി
- കരുവന്നൂരിൽ നിക്ഷേപകർക്ക് പണം തിരികെ നൽകാൻ എങ്ങനെ ഇടപെടാനാകുമെന്ന് താൻ നിയമോപദേശം തേടിയിട്ടുണ്ടെന്ന് പ്രധാനമന്ത്രി; തൃശൂർ വിജയത്തിന് 'കരുവന്നൂർ ഫോർമുല'; രാഹുലിനെ കടന്നാക്രമിക്കാൻ വയനാട്ടിലേക്കുള്ള ഒളിച്ചോട്ടം; കേരളത്തിൽ അക്കൗണ്ട് തുറക്കാൻ അജണ്ട സെറ്റ് ചെയ്ത് മോദി
- രാത്രി വെടിക്കെട്ട് വേണ്ടെന്ന് വച്ചത് വേദനയിലാക്കിയത് പൂര പ്രേമികളെ; പൂരത്തിൽ അസാധാരണമാം വിധം പ്രതിസന്ധിയുണ്ടാക്കിയത് പൊലീസെന്ന് തിരുമ്പാടി ദേവസ്വം; അലങ്കാര പന്തലിലെ വെളിച്ചം തിരിച്ചെത്തിയിട്ടും ദേശക്കാർക്ക് ആവേശമില്ല; പൂരത്തിലെ 'രാത്രി വിസ്മയം' അട്ടിമറിച്ചത് പൊലീസോ?
- രാജ്യദ്രോഹ പ്രവർത്തന ആരോപണം; മലയാളി ഗവേഷക വിദ്യാർത്ഥിയെ സസ്പെൻഡ് ചെയ്ത് മുംബൈയിലെ ടാറ്റ ഇൻസ്റ്റിറ്റ്യൂട്ട് ഓഫ് സോഷ്യൽ സയൻസസ്
- സഹോദരങ്ങളുടെ ഉടമസ്ഥതയിലുള്ള അസ്ഡ സൂപ്പർമാർക്കറ്റിന്റെ ഓഹരികൾ വിറ്റഴിക്കുന്നതിനുള്ള നീക്കവുമായി ഇളയ സഹോദരൻ സുബൈർ ഐസ്സ; മൂത്ത സഹോദരൻ മൊഹ്സീന്റെ മുൻ അക്കൗണ്ടന്റുമായുള്ള പ്രണയവും അസ്ഡയുടെ കടബാദ്ധ്യതകളും ഇന്ത്യൻ സഹോദരങ്ങളെ പരസ്പരം അകറ്റുമോ?
- കള്ളനോട്ട് അച്ചടിച്ചത് എടിഎമ്മിലൂടെ മാറ്റിയെടുക്കാൻ; നിക്ഷേപിച്ച നോട്ടുകൾ മിഷിനുള്ളിലേക്ക് പോയപ്പോൾ അവർ തുള്ളിച്ചാടി; അമ്മയുടെ അക്കൗണ്ടിൽ പണം കാണിക്കാതെ വന്നപ്പോൾ ആശങ്കയും; പിന്നാലെ പൊലീസ് എത്തി ആ വിരുതന്മാരെ പൊക്കി; ആര്യാനാട്ടെ അറസ്റ്റിൽ തെളിയുന്നത് എടിഎമ്മിന്റെ മികവ്
- യാത്ര നിഷേധിച്ച് വിമാനക്കമ്പനി; കൊച്ചി വിമാനത്താവളത്തിൽ യാത്രക്കാരുടെ പ്രതിഷേധം
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- ത്രികോണ പോരിന് ഒടുവിൽ സുരേഷ് ഗോപി തൃശ്ശൂർ എടുക്കുമോ? പാലക്കാടൻ കാറ്റ് മാറി വീശുമോ? ആലത്തൂരിൽ രമ്യ പാട്ടുംപാടി വിജയിക്കുമോ? മലപ്പുറത്തും പൊന്നാനിയിലും ലീഗ് കോട്ടകളിൽ നേരിയ വിള്ളലെങ്കിലും വീഴുമോ? നെഞ്ചിടിപ്പേറുന്ന മണ്ഡലങ്ങളിലൂടെ മറുനാടൻ സർവേയുടെ രണ്ടാം ഘട്ടം ഫലം
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- വ്യാഴാഴ്ച പ്രാർത്ഥനയ്ക്ക് പോയിരുന്ന ജെസ്നയെ കാണാതായതും വ്യാഴാഴ്ച; ആരാധനാ സ്ഥലം കണ്ടെത്തിയെന്ന് അച്ഛൻ; രഹസ്യ സുഹൃത്തിന്റെ ഫോട്ടോയും കുടുംബം കണ്ടെത്തി! സിബിഐ സഞ്ചരിക്കാത്ത വഴികളിലൂടെ പോയ അച്ഛന് കിട്ടിയത് ഞെട്ടിക്കുന്ന വിവരങ്ങളോ? ജെസ്നയ്ക്ക് സംഭവിച്ചത് എന്ത്?
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- ഇനി യുദ്ധത്തിനില്ല, ആക്രമിച്ചാൽ തിരിച്ചടിക്കും, ആക്രമണ വിവരം അമേരിക്കയെ അറിയിച്ചിരുന്നു; ഇറാനെ ലക്ഷ്യം വച്ചാൽ അമേരിക്കയുടെ താവളങ്ങൾ ലക്ഷ്യമിടും; മിസൈൽ ആക്രമണത്തിനെതിരെ ലോകരാജ്യങ്ങൾ ഒരുമിച്ചതോടെ ഇറാൻ ആകെ പെട്ട അവസ്ഥയിൽ; ഇസ്രയേൽ തിരിച്ചടി എങ്ങനെയാകും എന്ന ആശങ്കയിൽ ലോകം
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- അരവിന്ദ് കേജ്രിവാൾ ഡൽഹി മദ്യനയ അഴിമതിയുടെ മുഖ്യസൂത്രധാരൻ; അനുകൂല നയം രൂപീകരിക്കാൻ കോടികൾ കൈക്കൂലി വാങ്ങി; കോഴപ്പണം കൈകകാര്യം ചെയ്യുന്നതിലും മുഖ്യമന്ത്രി ഇടപെട്ടു; കോഴപ്പണം എഎപി ഗോവ തിരഞ്ഞെടുപ്പിൽ ഉപയോഗിച്ചുവെന്നും ഇ.ഡി; പത്തു ദിവസത്തെ കസ്റ്റഡിയിൽ വിടണമെന്നും കോടതിയിൽ
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- 'എന്റെ മകൻ കെട്ടിയ താലി നീ ഇടേണ്ട'; മകന്റെ ഭാര്യയുടെ താലിമാല പൊട്ടിച്ച് കലി തുള്ളിയ 'മോഹിനി'! 35 പവനൊപ്പം 10 ലക്ഷം കൂടി വേണമെന്ന അത്യാഗ്രഹം; വീടും സ്ഥലവും മകന് എഴുതി കൊടുക്കാത്തിന് മരുമകളെ പുറത്താക്കിയ അമ്മായി അമ്മ; സത്യഭാമ വെറുമൊരു 'കലാമണ്ഡലം' അല്ല; സ്ത്രീപീഡന കേസും ചർച്ചകളിലേക്ക്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്