Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jan / 202122Friday

ആ വാരിയംകുന്നനും എത്തുന്നു; മൂകാംബികയിൽ തിരക്കഥ സമർപ്പിച്ച് അലി അക്‌ബർ; സിനിമയുടെ പ്രാരംഭ പ്രവർത്തനങ്ങൾ തുടങ്ങി; നിർമ്മാണം ക്രൗഡ് ഫണ്ടിങ് വഴി; മൊത്തം ചെലവ് പത്ത്കോടി രൂപ; മലബാർ കാലാപം മുൻ നിർത്തിയുള്ള ഒരു സിനിമ കൂടി ഒരുങ്ങുന്നു

ആ വാരിയംകുന്നനും എത്തുന്നു; മൂകാംബികയിൽ തിരക്കഥ സമർപ്പിച്ച് അലി അക്‌ബർ; സിനിമയുടെ പ്രാരംഭ പ്രവർത്തനങ്ങൾ തുടങ്ങി; നിർമ്മാണം ക്രൗഡ് ഫണ്ടിങ് വഴി; മൊത്തം ചെലവ് പത്ത്കോടി രൂപ; മലബാർ കാലാപം മുൻ നിർത്തിയുള്ള ഒരു സിനിമ കൂടി ഒരുങ്ങുന്നു

മറുനാടൻ ഡെസ്‌ക്‌

കോഴിക്കോട്:മലബാർ കലാപത്തിന്റെ പശ്ചാത്തലത്തിൽ ഒരുക്കുന്ന '1921' സിനിമയുടെ തിരക്കഥ മൂകാംബികാ ക്ഷേത്രത്തിൽ സമർപ്പിച്ച് സംവിധായകൻ അലി അക്‌ബർ. 'മമ ധർമ്മ' എന്ന പേരിൽ സിനിമാ നിർമ്മാണ കമ്പനി ആരംഭിച്ച് ജനകീയപങ്കാളിത്തത്തോടെ ക്രൗഡ് ഫണ്ടിങ് വഴിയാണ് ചിത്രം നിർമ്മിക്കുന്നത്. ഒരു വർഷത്തിനുള്ളിൽ സിനിമ പുറത്തിറക്കുമെന്നാണ് അദ്ദേഹം പ്രതീക്ഷിക്കുന്നത്.

സിനിമയുടെ പ്രാരംഭ പ്രവർത്തനങ്ങൾ നേരത്തേ തുടങ്ങിയിരുന്നു.മലബാർ കലാപവും വാരിയംകുന്നത്ത് കുഞ്ഞഹമ്മദ് ഹാജിയുടെ ജീവിതവും പശ്ചാത്തലമാക്കി ഒരുക്കുന്ന ചിത്രത്തിനായി ജനകീയ കൂട്ടായ്മയിലൂടെയാണ് പണം പിരിക്കുന്നത്. സിനിമ പ്രഖ്യാപിച്ച ശേഷം ആദ്യ ദിവസം പത്തുലക്ഷത്തോളം രൂപയാണ് അക്കൗണ്ടിലേക്ക് എത്തിയത്. ചിത്രം പ്രഖ്യാപിച്ചതിന് പിന്നാലെ ഫോണിലൂടെ ഒട്ടേറെ ഭീഷണികൾ വരുന്നുണ്ടെന്നും അലി അക്‌ബർ നേരത്തെ ഫേയ്സ്ബുക്കിൽ കുറിച്ചിരുന്നു.

മലബാർ കലാപത്തിന്റെ പശ്ചാത്തലത്തിൽ ആഷിഖ് അബുവിന്റെ സംവിധാനത്തിൽ പൃഥ്വിരാജ് നായകനാകുന്ന 'വാരിയംകുന്നൻ' എന്ന സിനിമ പ്രഖ്യാപിച്ചതിനു പിന്നാലെയാണ് അലി അക്‌ബർ ചിത്രം തന്റെ ചിത്രവും പ്രഖ്യാപിച്ചത്.

1921ലെ മലബാർ മാപ്പിള ലഹളയുടെ പിന്നിലെ യഥാർത്ഥ ചരിത്രം പറയുന്ന കഥയാണ് താൻ സിനിമയാക്കുന്നത് എന്ന് സംവിധായകൻ അലി അക്‌ബർ നേരത്തെ വ്യക്തമാക്കിയിരുന്നു. മാധവൻ നായർ, നെടുങ്ങാടി എന്നിവരുടേതു ഉൾപ്പടെ നാല് പുസ്തകങ്ങളെ ആസ്പദമാക്കിയാണ് 1921 ലെ ചരിത്രം അലി അക്‌ബർ സിനിമയാക്കുന്നത്. 10 കോടി രൂപയാണ് ചെലവ് പ്രതീക്ഷിക്കുന്നത്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP