പിണറായിയെ പിന്തുണച്ചിരുന്നെങ്കിൽ അഡ്രസ് ബാക്കിയുണ്ടാകുമായിരുന്നില്ല; ആളുകൾ എന്നെ കാറിത്തുപ്പുമായിരുന്നു; മാധവൻ കുട്ടിയും ഭാസുരന്ദ്രബാബുവും കെഇഎന്നും പോലുള്ള മൂടുതാങ്ങികളിൽ ഒരാളായി ഞാനും മാറുമായിരുന്നു; പിണറായിക്ക് പകരം ഇവർ വിഎസിനെ പ്രശംസിച്ചിരുന്നെങ്കിൽ എന്നേ വിഎസിനേയും കേരളം വെറുത്തേനെ: വിഎസിനു ഒപ്പം നിന്നപ്പോൾ എന്റെ മേൽ പതിച്ചത് റിഫ്ളക്ഷൻ ഗ്ലോറി; മീഡിയാ സിൻഡിക്കേറ്റ് കാലത്ത് എന്തുകൊണ്ട് പിണറായി വിജയനെ പിന്തുണച്ചില്ലെന്ന് മറുനാടനോട് ജയശങ്കർ
എം മനോജ് കുമാർ
തിരുവനന്തപുരം: സ്പ്രിൻക്ലർ ഡാറ്റാ വിവാദം ഇപ്പോൾ വാർത്താ തലക്കെട്ടുകൾ പിടിച്ചടക്കിക്കൊണ്ടിരിക്കെ ഈ വിവാദത്തെ സിപിഎം വിഭാഗീയതകാലത്തെ മീഡിയാ സിൻഡിക്കേറ്റ് വിവാദവുമായി ചേർത്ത് വെച്ചത് മുഖ്യമന്ത്രി പിണറായി വിജയനാണ്. മുഖ്യമന്ത്രി മീഡിയാ സിൻഡിക്കേറ്റ് വിവാദം സ്പ്രിൻക്ലർ ഡാറ്റാ വിവാദവുമായി ബന്ധിപ്പിച്ച് ആളിക്കത്തിച്ചപ്പോൾ അന്ന് വിഎസിന് വേണ്ടി പടനയിച്ച രാഷ്ട്രീയ നിരീക്ഷകൻ അഡ്വ.എ.ജയയശങ്കർ ഈ വിവാദവുമായി ബന്ധപ്പെട്ടു കൂടുതൽ വെളിപ്പെടുത്തൽ നടത്തി മറുനാടനിലൂടെ രംഗത്ത് വന്നു. ഇതോടെ ഒന്നുകൂടി മീഡിയാ സിൻഡിക്കേറ്റ് വിവാദം കേരളത്തിനു മുൻപിൽ വന്നു. മുഖ്യമന്ത്രി ആരോപിച്ച മീഡിയാ സിൻഡിക്കേറ്റ് സത്യമായിരുന്നു. മലപ്പുറം സമ്മേളനത്തിൽ വി എസ് പക്ഷം വെട്ടിനിരത്തപ്പെട്ടപ്പോൾ ജനമനസു വിഎസിന് അനുകൂലമായി. മാധ്യമങ്ങളും വിഎസിന് അനുകൂല സമീപനം പലപ്പോഴും കൈക്കൊണ്ടു. ജയിച്ച പിണറായി ആയിരുന്നില്ല തോറ്റ വി എസ് ആയിരുന്നു താരം. ഇതാണ് മാധ്യമസിൻഡിക്കേറ്റിനു പിന്നിലെ യാഥാർഥ്യം-മറുനാടന് നൽകിയ അഭിമുഖത്തിൽ ജയശങ്കർ വ്യക്തമാക്കി. മാധ്യമങ്ങൾ വിഎസിന് അനുകൂലമായി വാർത്ത നൽകി. അത് പിന്നെ ഒരു മീഡിയാ സിൻഡിക്കേറ്റ് പോലെ പ്രവർത്തിച്ചു- ജയശങ്കർ പറയുന്നു.
ജയശങ്കർ മറുനാടനോട് ഈ വെളിപ്പെടുത്തൽ നടത്തുമ്പോഴും അന്തരീക്ഷത്തിൽ ഒരു ചോദ്യം ബാക്കിയായിരുന്നു. രാഷ്ട്രീയ-സാംസ്കാരിക രംഗത്തെ പ്രബല വിഭാഗം പിണറായിക്ക് അനുകൂലമായി നിന്നപ്പോൾ സിപിഐക്കാരനായിട്ടു കൂടി രാഷ്ട്രീയ നിരീക്ഷ റോളിലിരുന്നു ജയശങ്കർ എന്തുകൊണ്ട് വിഎസിന് അനുകൂലമായ സമീപനം കൈക്കൊണ്ടു. എന്തുകൊണ്ട് പിണറായി വിജയന് അനുകൂല സമീപനം കൈക്കൊണ്ടില്ല. പിണറായിക്ക് അനുകൂല സമീപനം കൈക്കൊണ്ടിരുന്നെങ്കിൽ ജയശങ്കറിന്റെ ഉയർച്ച കണ്ണടച്ച് തുറക്കുന്നതിലും വേഗത്തിലാവുമായിരുന്നു. പക്ഷെ ജയശങ്കർ ശക്തമായി വിഎസിന് വേണ്ടി നിന്നു. കെ.എം.ഷാജഹാൻ അടക്കമുള്ള ഒരു വൻനിര ജയശങ്കറിന് ഒപ്പമുണ്ടായിരുന്നു. പക്ഷെ പിൻഡിക്കേറ്റ് പോലെ കുറിക്ക് കൊള്ളുന്ന വാദമുഖങ്ങൾ നിരത്തി ജയശങ്കർ തന്നെയാണ് വിഎസിനായുള്ള പോരാട്ടത്തിൽ പലപ്പോഴും ശ്രദ്ധേയനായി മാറിയത്. അന്ന് എടുത്ത നിലപാട് ഇന്നും ജയശങ്കർ അതേപോലെ പിന്തുടരുകയാണ്. വി എസ് പ്രായാധിക്യം കാരണമുള്ള അവശതയിൽ വീടിനകത്ത് വിശ്രമത്തിലയിരിക്കേ പഴയ വി എസ് ആവേശം ജയശങ്കറിന് കൈമോശം വന്നില്ല. ഇപ്പോഴും പിണറായിയെ ശക്തമായി എതിർക്കുന്ന രാഷ്ട്രീയ നിലപാട് തന്നെയാണ് ജയശങ്കർ പിന്തുടരുന്നത്.
ഇപ്പോൾ അഭിമുഖത്തിന്റെ രണ്ടാം ഭാഗത്തിൽ എന്തുകൊണ്ട് പിണറായി വിജയന് അനുകൂലമായി നിലകൊണ്ടില്ല എന്ന് മറുനാടനോട് വെളിപ്പെടുത്തുകയാണ് ജയശങ്കർ. പിണറായിക്ക് ഒപ്പമായിരുന്നെങ്കിൽ അഡ്രസ് ബാക്കിയുണ്ടാകുമായിരുന്നില്ല എന്നാണ് ജയശങ്കർ പറയുന്നത്. പിണറായി വിജയന്റെ മൂടുതാങ്ങികളിൽ ഒരാളായി ഞാനും മാറുമായിരുന്നു. ആളുകൾ എന്നെ എന്നെ കാറിത്തുപ്പിയേനെ. ഞാൻ വിഎസിനെ അനുകൂലിക്കുകയായിരുന്നു. മറിച്ചായിരുന്നെങ്കിൽ ഒരു പട്ടിപോലും എന്നെ ഗൗനിക്കുമായിരുന്നില്ല. കെഇഎൻ കുഞ്ഞഹമ്മദ്, എൻ.മാധവൻ കുട്ടി, ഭാസുരേന്ദ്രബാബു എന്നൊക്കെ പറഞ്ഞുള്ള വൈതാളികന്മാരിൽ ഒരാളായി ഞാനും മാറുമായിരുന്നു. അങ്ങിനെയെങ്കിൽ എന്റെ അവസ്ഥ എന്താകുമായിരുന്നു എന്ന് ഓർത്ത് ഞാൻ തന്നെ അത്ഭുതപ്പെട്ടിട്ടുണ്ട്. ജനങ്ങൾ എന്നെ അംഗീകരിച്ചതിന്റെ രഹസ്യം ഞാൻ വിഎസിന്റെ കൂടെ നിന്നതുകൊണ്ടാണ്.അംഗീകാരം വിഎസിനാണ്. എനിക്കല്ല. വിഎസിന്റെ അംഗീകാരത്തോടെ വന്നത് റിഫ്ളക്ഷൻ ഗ്ലോറിയാണ്. വിഎസിനുള്ള അംഗീകാരം എന്റെ മേലേക്ക് കൂടി പ്രതിഫലിച്ചു. മറിച്ചായിരുന്നെങ്കിൽ ഒരു പട്ടിപോലും എന്നെ ഗൗനിക്കുമായിരുന്നില്ല-ജയശങ്കർ പറയുന്നു.
എന്തുകൊണ്ട് പിണറായിയെ പിന്തുണച്ചില്ല
മീഡിയാ സിൻഡിക്കേറ്റ് സമയത്ത് ഞാൻ ഫെയ്സ് ചെയ്ത പ്രധാന ചോദ്യമുണ്ട്. ഞാൻ എന്തുകൊണ്ട് പിണറായിയുടെ കൂടെ നിന്നില്ല.. പിണറായിയുടെ കൂടെ നിന്നിരുന്നെങ്കിൽ ഏതൊക്കെ സൗകര്യങ്ങൾ ലഭിക്കുമായിരുന്നു. ഞാൻ തന്നെ ആലോചിച്ച് നോക്കിയപ്പോൾ സംഗതി വളരെ ശരിയാണ്. പിണറായി എന്നെ വലിയ വലിയ സ്ഥാനങ്ങളിലേക്ക് ഒക്കെ ഉയർത്തിയേനെ. ഞാൻ ആലോചിച്ച് നോക്കിയപ്പോൾ രണ്ടു കാര്യമുണ്ട്. എനിക്ക് പിണറായി വിജയന്റെ ഓശാരത്തിൽ ജീവിക്കേണ്ട കാര്യമില്ലായിരുന്നു. എന്റെ കാരണവന്മാർ സമ്പാദിച്ച മുതൽ തന്നെ വേണ്ടുവോളമുണ്ട്. ന്യായമായ വരുമാനവുമുണ്ട്. വേറെ പരാധീനതകൾ ഒന്നുമില്ല. പ്രാരാബ്ദങ്ങൾ ഒന്നുമില്ല. ഇപ്പോൾ തന്നെ ജീവിതത്തിൽ സന്തോഷമായി ജീവിക്കുന്നുണ്ട്. പിണറായിയുടെ ആനുകൂല്യങ്ങൾ ഒന്നും കൈപ്പറ്റെണ്ട ആവശ്യമില്ല. സംഗീതനാടക അക്കാദമിയിലും സാഹിത്യ അക്കാദമിയിലും മെമ്പർ ആകാൻ എനിക്ക് ഒരു കാലത്തും ആഗ്രഹമുണ്ടായിരുന്നില്ല. എനിക്ക് അവാർഡുകൾ കിട്ടേണ്ട കാര്യവുമില്ല. ഇന്നു വരെ ഒരവാർഡും ഞാൻ വാങ്ങിച്ചിട്ടില്ല. പിന്നെ പിണറായിയുടെ പിന്തുണകൊണ്ട് എനിക്ക് എന്ത് ലഭിക്കാനാണ്.
വിഎസിന്റെ കൂടെ നിന്ന് എന്തുകിട്ടി എന്ന് ചോദിച്ചാൽ വിഎസിന്റെ അംഗീകാരത്തോടെ വന്നത് റിഫ്ളക്ഷൻ ഗ്ലോറിയാണ്. കാരണം ജനങ്ങളുടെ അംഗീകാരം വിഎസിനാണ്. അന്ന് പിണറായി വിജയനെ പിന്തുണയ്ക്കാൻ ഞാൻ പോയിരുന്നെങ്കിൽ ആളുകളെ എന്നെ കാറിത്തുപ്പിയേനെ. ഞാൻ വിഎസിനെ അനുകൂലിക്കുകയായിരുന്നു. മറിച്ചായിരുന്നെങ്കിൽ ഒരു പട്ടിപോലും എന്നെ ഗൗനിക്കുമായിരുന്നില്ല. ഞാൻ പിണറായി വിജയന്റെ ഒരു മൂടുതാങ്ങിയായി മാറുമായിരുന്നു. കെഇഎൻ കുഞ്ഞഹമ്മദ്, എൻ.മാധവൻ കുട്ടി എന്നൊക്കെ പറഞ്ഞു ഒരാളായി ഞാനും മാറുമായിരുന്നു. എന്റെ അവസ്ഥ എന്താകുമായിരുന്നു. ജനങ്ങൾ എന്നെ അംഗീകരിച്ചതിന്റെ രഹസ്യം ഞാൻ വിഎസിന്റെ കൂടെ നിന്നതുകൊണ്ടാണ്. ജനങ്ങൾ അംഗീകരിക്കുന്നത് എന്നെയല്ല വിഎസിനെയാണ്. വിഎസിന്റെ കൂടെ നിന്നതുകൊണ്ട് അംഗീകാരം എനിക്കും കിട്ടി എന്ന് മാത്രമേയുള്ളൂ. അല്ലെങ്കിൽ ഭാസുരേന്ദ്രബാബുവിനെപോലെയുള്ള ഒരാളായി ഞാൻ മാറുമായിരുന്നു. അതാണ് അതിന്റെ രഹസ്യം.
വി എസ് എത്തിയില്ല; പാർലമെന്റ് തിരഞ്ഞെടുപ്പിൽ സിപിഎം തോറ്റമ്പി
2009-ലെ പാർല്മെന്റ്റ് തിരഞ്ഞെടുപ്പിൽ വലിയ തിരിച്ചടി എൽഡിഎഫിനുണ്ടായി. പാർട്ടി സംസ്ഥാന സെക്രട്ടറി എന്ന നിലയിൽ പിണറായി വിജയനാണ് അന്ന് മുന്നിൽ നിന്ന് പട നയിച്ചത്. അന്ന് സിറ്റിങ് എംപിമാരെ പലരെയും മാറ്റി നിർത്തി. സെബാസ്റ്റ്യൻ പോളും സിഎസ് സുജാതയും തിരഞ്ഞെടുപ്പിൽ നിന്നാൽ ജയിച്ച് പോകാൻ കഴിയുന്ന സ്ഥാനാർത്ഥികളായിരുന്നു. വർക്കല രാധാകൃഷ്ണന് പകരം സമ്പത്തിനെ കൊണ്ട് വന്നിരുന്നു. വീരന്റെ സീറ്റും ആ തിരഞ്ഞെടുപ്പിലാണ് പിടിച്ചു വാങ്ങിച്ചത്. മുഹമ്മദ് റിയാസിനെയൊക്കെ അന്നാണ് സ്ഥാനാർത്ഥിയായി നിർത്തിയത്. റിയാസ് തോറ്റെന്നത് വേറെ കാര്യം. സിപിഎമ്മുകാർ ഏറ്റവും കൂടുതലുള്ള വടകരയിൽ പോലും മുല്ലപ്പള്ളി രാമചന്ദ്രൻ ജയിച്ചു. പി.ജയരാജന്റെ സഹോദരിയായ സതീ ദേവി പോലും തോറ്റു. ഇതെല്ലാം വലിയ തിരിച്ചടിയാണ്. പാലക്കാടെ എംബി രാജേഷ് ആയിരം വോട്ടിനാണ് ജയിച്ചത്. കൃഷ്ണദാസ് വിഎസിന്റെ ആളായിരുന്നതിനാൽ അന്ന് സീറ്റ് നിഷേധിച്ചു. അജയകുമാറിന് സീറ്റ് നിഷേധിച്ചു. വി എസ് അന്ന് തിരഞ്ഞെടുപ്പ് പ്രചാരണത്തിനു അങ്ങനെ മണ്ഡലങ്ങളിൽ പ്രചാരണത്തിനു പോയതേയില്ല.
മദനിയെ വീട്ടിൽ പോയി കണ്ട സിന്ധു ജോയി വി എസ് വന്നപ്പോൾ മുങ്ങി
2009-ലേ പാർലമെന്റ് തിരഞ്ഞെടുപ്പിൽ ഏറണാകുളത്ത് ആകെ രണ്ടു സ്ഥലത്താണ് വി എസ് പ്രചാരണത്തിനു എത്തിയത്. സ്ഥാനാർത്ഥി സിന്ധു ജോയ് രണ്ടു സ്ഥലത്തും പങ്കെടുത്തില്ല. അത് അന്ന് വലിയ വിവാദമായി മാറിയിരുന്നു. ഭയങ്കരമായ പ്രതിഷേധവും അമർഷവും ഈ കാര്യത്തിൽ വന്നിരുന്നു. ഈ പ്രശ്നത്തിലാണ് കെ.വി.തോമസ് ജയിച്ചത്. അല്ലെങ്കിൽ സിന്ധു ജോയി പാട്ടും പാടി ജയിക്കുമായിരുന്നു. അബ്ദുൾ നാസർ മദനിയെ വീട്ടിൽപ്പോയി കണ്ടു അനുഗ്രഹം വാങ്ങിച്ച സിന്ധു ജോയി ആണ് വി എസ് എത്തിയ പ്രചാരണ പരിപാടിയിൽ പങ്കെടുക്കാതിരുന്നത്. ഇത് വി എസ് ആരാധകർക്കിടയിൽ അതൃപ്തിയും പ്രതിഷേധവുമുണ്ടാക്കി. ആ തിരഞ്ഞെടുപ്പിൽ സിന്ധു ജോയി തോൽക്കുകയും ചെയ്തു.
വിഎസിന്റെ പ്രതിച്ഛായ തകർക്കണമെന്നു മാധവൻകുട്ടി
ഈ അതിക്രമങ്ങൾ എല്ലാം കഴിഞ്ഞ സമയത്ത് തിരുവനന്തപുരം വിളപ്പിൽശാല ഇഎംഎസ് അക്കാദമിയിൽ സിപിഎമ്മുകാർ മീറ്റിങ് കൂടി. ഏരിയാ സെക്രട്ടറിമാർ തുടങ്ങിയ ലെവലിൽ ഉള്ള ആളുകളായിരുന്നു മീറ്റിംഗിൽ പങ്കെടുത്തത്. പാർട്ടിക്ക് എന്തുകൊണ്ട് തിരിച്ചടിയുണ്ടായി എന്നാണ് മീറ്റിംഗിൽ ചർച്ചാ വിഷയമായത്. വിഎസിന്റെ പ്രതിച്ഛായ തകർക്കണം എന്നാണ് എൻ.മാധവൻ കുട്ടി പ്രസംഗിച്ചത്. ഈ കാര്യത്തിലാണ് മാധവൻകുട്ടിയുമായി എനിക്ക് അഭിപ്രായവ്യത്യാസമുള്ളത്. വിഎസിന്റെ പ്രതിച്ഛായ മറികടക്കണമെങ്കിൽ പാർട്ടിയുടെ പ്രതിച്ഛായ മെച്ചപ്പെടണം. പാർട്ടിയുടെ പ്രതിച്ഛായ മെച്ചപ്പെട്ടാലെ വിഎസിന്റെ പ്രതിച്ഛായ മറികടക്കാൻ കഴിയൂ. മുഖ്യമന്ത്രി പിണറായി വിജയന്റെ പ്രതിച്ഛായ മെച്ചപ്പെടണമെങ്കിൽ പ്രതിപക്ഷ നേതാവ് രമേശ് ചെന്നിത്തലയുടെ പ്രതിച്ഛായ തകർക്കുന്നതിൽ എന്തെങ്കിലും അർഥമുണ്ടോ? ഈ യോഗത്തിൽ പ്രസംഗിക്കുമ്പോൾ മാധവൻ കുട്ടി പാർട്ടി മെമ്പർ അല്ല. പക്ഷെ പാർട്ടി അംഗീകരിച്ച ഒരു ബുദ്ധിജീവിയാണ്. അതുകൊണ്ടാണ് മീറ്റിംഗിൽ പങ്കെടുത്തത്.
മാധവൻ കുട്ടി പറഞ്ഞ ഒരു കാര്യം വളരെ ശരിയാണ്. പാർട്ടി അഭിമുഖീകരിക്കുന്ന വലിയ പ്രശ്നം പാർട്ടി പറയുന്നത് ആളുകൾ ചെവികൊള്ളുന്നില്ല, വിശ്വസിക്കുന്നില്ല. ആളുകൾ വി എസ് പറയുന്നതാണ് വിശ്വസിക്കുന്നത്. അത് സത്യവുമായിരുന്നു. പാർട്ടി അന്ന് നേരിടുന്ന ഒരു പ്രതിസന്ധിയായിരുന്നു അത്. മുഖ്യമന്ത്രി പറയുന്നതാണ് ആളുകൾ വിശ്വസിക്കുന്നത്. ഈ ഒരു അവസ്ഥ മാറണം. വിഎസിന്റെ പ്രതിച്ഛായ തകർക്കാതെ പാർട്ടിക്ക് മുന്നോട്ടു പോകാൻ കഴിയില്ല. വി എസ് പാർട്ടിക്ക് അകത്തുള്ള നേതാവ്. പാർട്ടിയുടെ ജനപിന്തുണയുള്ള നേതാവ്. പിന്നെ മാധവൻകുട്ടി പറയുന്നതിൽ ഒരു കാര്യമുണ്ട്. പാർട്ടിക്ക് സ്വീകാര്യതയില്ല. വിഎസിന് സ്വീകാര്യതയുണ്ട്. പക്ഷെ വിഎസിന്റെ പ്രതിച്ഛായ എങ്ങിനെ തകർക്കാം എന്ന് മാധവൻകുട്ടി പറഞ്ഞില്ല. അത് വളരെ എളുപ്പമാണ്.
മാധവൻകുട്ടിയും കെഇഎന്നും ഭാസുരേന്ദ്രബാബുവും പ്രശംസിച്ചാൽ വിഎസിനെ ജനം വെറുത്തേനെ:
ഒന്ന്, മാധവൻ കുട്ടി, രണ്ട്, ഭാസുരേന്ദ്രബാബു, മൂന്ന്, കെഇഎൻ കുഞ്ഞഹമ്മദ്. ഇവർ കാലത്ത് മുതൽ വിഎസിനെ പ്രശംസിക്കുക. വി എസ് മഹാനാണെന്നു പറഞ്ഞുകൊണ്ടിരിക്കുക. ഇതുപോലെ ഒരു മഹാൻ ഉണ്ടായിട്ടില്ല. ഇനി ഉണ്ടാവുകയുമില്ല എന്നൊക്കെ പറഞ്ഞാൽ മതി. ഒരാഴ്ച കഴിഞ്ഞാൽ പൊതുജനം വിഎസിനെ വെറുക്കാനും ശപിക്കാനും പ്രകാനും തുടങ്ങും...പ്രശംസിക്കുന്നവർ ഇവർ മൂന്നു പേരാണല്ലോ? ഇത് മാധവൻ കുട്ടിക്ക് പറയാൻ കഴിയില്ലല്ലോ? പിണറായിയെ പിന്തുണച്ചത് ഇതുപോലുള്ള ഏഴാം കൂലികളാണ്. ഇപ്പോഴും പിണറായിയെ പിന്തുണയ്ക്കുന്നത് ഇതുപോലുള്ള ആളുകളാണ്. ഇതാണ് പിണറായിയുടെ ഏറ്റവും വലിയ ദൗർബല്യം. പിണറായി വിജയനെ ഇന്ദ്രനോടൊക്കും ഭവാൻ, ചന്ദ്രനോടുക്കും ഭവാൻ എന്നൊക്കെയാണ് പറയുന്നത്. എന്താണ് എന്ന് നമുക്കൊക്കെ അറിയാം...ആളുകൾക്ക് പിണറായിയോട് അന്നുണ്ടായിരുന്നത് വെറുപ്പും വിദ്വേഷവും ആണെന്ന് നമുക്കൊക്കെ അറിയാം. അത് അവരുടെ നിലനിൽപ്പിനു വേണ്ടിയിട്ട്, പട്ടും വളയും കിട്ടാൻ വേണ്ടിയിട്ട് പ്രകീർത്തിക്കുകയാണ് ചെയ്തത്. ഈ പ്രകീർത്തിക്കുന്നവർ ആർക്കും ഒരു ആത്മാർത്ഥതയുമില്ല. തിരിഞ്ഞു നിന്ന് ഇവർ വേറെ പറയുകയും ചെയ്യും.
പിണറായിക്ക് വൈതാളികന്മാർ കൂടി; പിൻഡിക്കേറ്റ് ഇപ്പോഴും സജീവം
സിൻഡിക്കേറ്റ് എന്ന് ആരോപണം വന്നപ്പോഴാണ് ഇവർക്കെതിരെ ഞാൻ പിൻഡിക്കേറ്റ് എന്ന പ്രയോഗം നടത്തിയത്. ഇപ്പോൾ ഇതിലും കൂടുതൽ വൈതാളികന്മാർ ഇപ്പോൾ വന്നിട്ടുണ്ട്. വി എസ് ഇപ്പോൾ സജീവമല്ലെങ്കിലും മീഡിയാ സിൻഡിക്കേറ്റ് ഇല്ലെങ്കിലും പിൻഡിക്കേറ്റ് ഇപ്പോഴുമുണ്ട്. പിണറായിയോട് എതിർപ്പുള്ള ആളുകൾ ഇപ്പോഴുമുണ്ട്. കിട്ടുന്ന അവസരത്തിൽ പുള്ളിക്കിട്ടു ഇവർ പണിയും നൽകുന്നുണ്ട്. പിണറായി പ്രബലനായി നിൽക്കുന്നതുകൊണ്ട് ഇവരാരും പുള്ളിയെ എതിർക്കുന്നില്ല എന്ന് മാത്രം. സ്പ്രിൻക്ലർ ഡാറ്റാ വിവാദത്തിൽ മകൾക്ക് എതിരെ ആരോപണം വന്നപ്പോൾ മുഖ്യമന്ത്രിക്ക് വേറെ ഒന്നും പറയാനില്ലല്ലോ. അതാണ് മീഡിയാ സിൻഡിക്കെറ്റ് എന്നൊക്കെ പറയുന്നത്. ഇപ്പോൾ സാമാന്യം ചീത്തപ്പെരായി എന്ന് എല്ലാവർക്കും മനസിലായിട്ടുണ്ട്. ഇപ്പോൾ ചാനലുകളിൽ എം.ബി.രാജേഷ്, എ.എൻ.ഷംസീർ എന്നിവരാണ് പിന്തുണയ്ക്കുന്നത്. ഇവരൊക്കെ സപ്പോർട്ട് ചെയ്താൽ കെഇഎൻ കുഞ്ഞഹമ്മദ് പോലുള്ളവർ സപ്പോർട്ട് ചെയ്യുന്ന ഫലമാണ് ലഭിക്കുന്നത്. പാർട്ടിയുടെ സമുന്നത നേതാക്കളും മറ്റുള്ളവരുമൊക്കെ മൗനം പാലിക്കുകയല്ലേ? എ.കെ.ബാലൻ പോലും വിവാദം വന്നപ്പോൾ ഒന്നും മിണ്ടിയിട്ടില്ലല്ലോ? ഇവരൊക്കെ യഥാർത്ഥത്തിൽ പിണറായിയുടെ പതനം ആഗ്രഹിക്കുന്നവരാണ്. ഇതാണ് സത്യം-ജയശങ്കർ പറയുന്നു.
മീഡിയാ സിൻഡിക്കേറ്റ് വന്ന വഴി ജയശങ്കർ വിരൽ ചൂണ്ടിയത് ഇങ്ങനെ:
പ്രതിപക്ഷ നേതാവിന്റെ ഉത്തരവാദിത്തം അന്നൊക്കെ നിയമസഭയിലായിരുന്നു. വി എസ് ഇത് നിയമസഭയ്ക്ക് പുറത്തേക്ക് മാറ്റി. തൊടുപുഴയ്ക്ക് അടുത്ത് പൂമാല എന്ന സ്ഥലത്ത് ദാരിദ്യം സഹിക്കാൻ കഴിയാതെ ആളുകൾ വൃക്ക വിറ്റ സംഭവം. ഇത് വിവാദമാക്കിയത് വിഎസായിരുന്നു. വി എസ് എവിടെ പോയാലും മാധ്യമ ശ്രദ്ധ വിഎസിന് ലഭിച്ചു. പി.സി.ജോർജും അക്കാലത്ത് വിഎസിന് ഒപ്പമായിരുന്നു. പി.സി.ജോർജ് ആയിരുന്നു വിഎസിന്റെ പൈലറ്റ്. പിസി ആദ്യം സ്ഥലം സന്ദർശിക്കുന്നു. വി എസ് പിന്നീട് പോകുന്നു. തൊടുപുഴ പത്ര സമ്മേളനം നടത്തി വി എസ് ആഞ്ഞടിക്കുന്നു. വലിയ മീഡിയാ അറ്റൻഷൻ കിട്ടുന്നു. മാണി ഗ്രൂപ്പുകാർ മതികെട്ടാൻ ചോല കയ്യേറുന്നു. വി എസ് പ്രായവും അനാരോഗ്യവും വകവയ്ക്കാതെ മതികെട്ടാനിൽ പോകുന്നു. അങ്ങിനെ വലിയ മീഡിയാ കവറേജ് കിട്ടുന്നു. ഇങ്ങിനെയാണ് മീഡിയയുടെ ആളായി വി എസ് മാറുന്നത്.
എല്ലാ ജനകീയ വിഷയങ്ങളിലും വി എസ് അന്ന് ഇടപെട്ടു. വി എസ് എന്ത് പറയുന്നു എന്ന് പറയാൻ ആളുകൾ ചോദിക്കാൻ തുടങ്ങിയിരുന്നു. ഉമ്മൻ ചാണ്ടി മുഖ്യമന്ത്രിയായി വന്നെങ്കിലും അങ്ങനെ ശോഭിക്കാൻ ഉമ്മൻ ചാണ്ടിക്ക് കഴിഞ്ഞില്ല. 2004 പാർലമെന്റ് തിരഞ്ഞെടുപ്പ് കഴിഞ്ഞപ്പോൾ 19 സീറ്റിൽ യുഡിഎഫ് തോൽക്കുകയും ഒരു സീറ്റിൽ പി.സി.തോമസ് ജയിക്കുകയും ഒക്കെ ചെയ്യുന്ന സമയമാണിത്. വി എം.സുധീരനും രമേശ് ചെന്നിത്തലയും തോറ്റ തിരഞ്ഞെടുപ്പാണിത്. ഈ കാലത്താണ് കരുണാകരൻ കലാപക്കൊടിയുയർത്തുന്നത്.
കോൺഗ്രസിൽ കലാപക്കൊടിയുയർത്തി കരുണാകരൻ ഡിഐസി രൂപീകരിക്കുന്നു. ബാലകൃഷ്ണപിള്ളയും ടി.എം.ജേക്കബും കോൺഗ്രസ് ലീഡർഷിപ്പിന്നെതിരെ വാളെടുക്കുന്നു. കുഞ്ഞാലിക്കുട്ടിയുടെ ബലത്തിലാണ് ഉമ്മൻ ചാണ്ടി മന്ത്രിസഭയുണ്ടാക്കിയത്. ഈ സമയത്താണ് ഐസ്ക്രീം പാർലർ കേസ് വരുന്നത്. കുഞ്ഞാലിക്കുട്ടി പരാജിതനായി രാജി വയ്ക്കുന്നു. കെ.പി.വിശ്വനാഥനെതിരെ ആരോപണമുണ്ടാകുന്നു. വിശ്വനാഥൻ രാജി വയ്ക്കുന്നു. രാഷ്ട്രീയ അന്തരീക്ഷംമ അതായത് കോൺഗ്രസ് അന്തരീക്ഷം ആകെ കുളമാകുന്നു. ഈ ഘട്ടത്തിലാണ് സുനാമിയുണ്ടാകുന്നത്. സിപിഎമ്മിൽ വിഎസാണ് രക്ഷകൻ എന്ന രീതിയിൽ ഒരു ഓളമുണ്ടാകുന്നതും ഇതേ സമയത്താണ്. സിപിഎമ്മിൽ വി എസ്-പിണറായി എന്ന പോരാട്ടം തുടങ്ങിയ സമയം കൂടിയാണിത്. സിപിഎമ്മിന്റെ മലപ്പുറം സമ്മേളനം നടക്കുന്നത് 2005ലാണ്. ചാനലുകളിൽ ഈ പോര് ഉഷാറാണ്. മാധ്യമ പ്രവർത്തകരിൽ അധികം പേരും വിഎസിനെ പിന്തുണയ്ക്കുന്നവരാണ്. വിഎസിന് വലിയ പരിവേഷമാണ്. വരുന്നത് വിഎസിന് അനുകൂലമായ വാർത്തകളും. തോറ്റ ആൾക്കാണ് പ്രാധാന്യം. ജയിച്ച ആൾക്കല്ല. വിഎസിനെ നായകനായിട്ടും പിണറായിയെ വില്ലനായിട്ടും അഴിമതിക്കാരനായിട്ടും ചിത്രീകരിക്കുകയാണ്.
അന്ന് ലാവ്ലിൻ കേസ് വന്നിട്ടില്ല. ഫാരിസ് അബൂബക്കറും വന്നിട്ടില്ല. വി എസ് പൊങ്ങുന്നത് അനുസരിച്ച് പിണറായി താഴുകയാണ്. ജയിച്ച പിണറായി ആല്ല തോറ്റ വിഎസിനാണ് അന്ന് പിന്തുണ. മലപ്പുറം സമ്മേളനത്തിൽ പിണറായി വിജയന് മേൽക്കൈ ലഭിച്ചതോടെ കരുണാകരൻ വിഭാഗത്തിനു മനസിലായി ഇനി പിണറായി വിജയനാണ് പാർട്ടിയുടെ നേതാവെന്ന്. ശരിക്ക് തൃശൂരിൽ വെച്ചല്ല മലപ്പുറത്ത് വച്ചാണ് കോൺഗ്രസ് പിളരുന്നത്. വിജയനുമായുള്ള ധാരണയുടെ പുറത്താണ് കരുണാകരൻ ഗ്രൂപ്പുകാർ കോൺഗ്രസ് പിളർത്തുന്നത്. സോണിയ ഗാന്ധിയെ മദാമ്മ എന്ന് വിളിക്കുന്നത് ഈ ഘട്ടത്തിലാണ്. ബുദ്ധിമാനായ ടി.എം. ജേക്കബ് വരെ കോൺഗ്രസിൽ ചേർന്നത് ഇതൊക്കെ മനസിലാക്കിക്കൊണ്ടാണ്. വിജയൻ-കരുണാകരൻ അച്ചുതണ്ട് രൂപപ്പെടുന്നു.. അപ്പോഴാണ് ലാവലിൻ കേസ് വരുന്നതും.
ഇ.പി.ജയരാജനൊക്കെ നേതൃത്വം നൽകിയാണ് ഉമ്മൻ ചാണ്ടിക്ക് എതിരെ നിയമസഭയിൽ അവിശ്വാസം കൊണ്ട് വന്നത്. കോൺഗ്രസ് ശക്തമായ പ്രത്യാക്രമണവും നടത്തി. ലാവ്ലിൻ പിടിച്ചാണ് കോൺഗ്രസ് പ്രത്യാക്രമണം നടത്തിയത്. ആര്യാടൻ മുഹമ്മദ് എല്ലാം ലാവ്ലിൻ കേസ് കത്തിച്ചു. പിണറായി വിജയന് മത്സരിക്കാൻ കഴിയാത്ത സാഹചര്യമുണ്ടാകുന്നു. കരുണാകരന്റെ ഡിഐസിയുമായി ഒരു സഖ്യവും പാടില്ലെന്ന് തിരുവനന്തപുരത്ത് വെച്ച് പ്രകാശ് കാരാട്ട് പ്രഖ്യാപിക്കുന്നു. ഇതോടെ പിണറായി വിജയന്റെ കഥ കഴിയുകയാണ് ആ സമയത്ത്. പിന്നൊന്ന് പിണറായി വിജയന് മത്സരിക്കാൻ കഴിയാത്ത സാഹചര്യവും വന്നു. കേരള യാത്രയിൽ പിണറായി കേരള മുഖ്യന്റെ രീതിയിലാണ് യാത്ര നടത്തിയത്. രാവിലെ പൗരമുഖ്യന്മാരോടു ഒത്ത് ചായ കഴിക്കുന്നു, ഉച്ചയ്ക്ക് മാധ്യമപ്രവർത്തകർക്കൊപ്പം ഊണ് കഴിക്കുന്നു. എല്ലാം ഇമേജ് ബിൽഡിംഗിന്റെ ഭാഗം. തൃശൂര് എത്തിയാൽ ബ്രേക്ക് ഫാസ്റ്റ് കല്യാൺ സിൽക്കിന്റെ ഉടമകൾക്കൊപ്പമാകും. ജോയ് ആലുക്കാസ്, പ്രിൻസ് ജൂവലറിയുടെ ആളുകൾക്കൊപ്പം. ഇങ്ങനെയുള്ള ഗിമ്മിക്കുകൾ പലതും പിണറായി നടത്തുന്നുണ്ട്. ഭാവി മുഖ്യമന്ത്രി എന്ന രീതിയിലാണ് പിണറായി കേരള മാർച്ചിൽ പരാതികൾ സ്വീകരിച്ചിരുന്നത്. ഇതൊന്നും ഫലവത്താകുന്നില്ല.
രാഷ്ട്രീയ അന്തരീക്ഷം മനസിലാക്കിയാണ് ഫാരീസ് അബൂബക്കർ ദീപിക പത്രം കൈക്കലാക്കുന്നത്. ഫാരീസ് പണം കൊണ്ടുപോയി ദീപികയിൽ മുടക്കുകയാണ്, മെത്രാനെ മാറ്റി ഇതിന്റെ പ്രധാന ആളായി ഫാരിസ് മാറുന്നു. മാധ്യമ പ്രവർത്തകരെ മുഴുവൻ പിരിച്ചു വിടുന്നു. കേരള ചരിത്രത്തിൽ കേട്ടുകേൾവി പോലും ഇല്ലാത്ത സംഭവമാണ് ഇത്. ദീപിക പത്രം അതിന്റെ ചരിത്രവും പാരമ്പര്യം മുഴുവൻ മാറ്റി എട്ടു പേജ് എട്ടു കോളം വി എസ് അച്യുതാനന്ദനെ തെറി പറയാൻ തുടങ്ങുന്നു. ഒരു കത്തോലിക്കാ പത്രം എന്നത് മാറി പിണറായി വിജയന്റെ ജിഹ്വയായി ദീപിക മാറുകയാണ്. പിണറായി വിജയനെ സ്തുതിക്കാൻ അതിലുപരി വിഎസിനെ ദുഷിക്കാനുള്ള പത്രമായി ദീപിക. ദേശാഭിമാനിയിൽ നൽകാൻ കഴിയാത്ത വാർത്ത ദീപിക കൊടുക്കും. ദീപിക ആഴ്ചയിൽ മൂന്നു ദിവസം വെച്ച് ഒന്നാമത്തെ പേജിൽ എഡിറ്റോറിയൽ എഴുതും. ഈ മൂന്നും വിഎസിനെ തെറി പറഞ്ഞുള്ള എഡിറ്റോറിയൽ ആകും. മനോരമ പത്രമൊക്കെ വർഷത്തിൽ ഒന്നോ രണ്ടോ ദിവസം മാത്രമേ എഡിറ്റോറിയൽ എഴുതൂ. മാതൃഭൂമിയും അങ്ങനെ തന്നെ. പത്രാധിപന്മാർ പേര് വെച്ച് എഴുതുന്ന എഡിറ്റോറിയൽ ആയിരിക്കും ഇത്. ദീപികയിലെ എല്ലാം വിശകലനങ്ങളും വിഎസിനെ തെറിപറഞ്ഞാവും. ദീപിക വായിക്കുന്നത് ചില കന്യാസ്ത്രീകളും ഭാഗ്യഹീനരായ അച്ഛന്മാരും മാത്രമാണ് എന്നോർക്കണം. വിഭാഗീയത കത്തുമ്പോൾ മാതൃഭൂമി വിഎസിന് അനുകൂലമായി. മനോരമ പിണറായിക്കും. വിജയൻ മിന്നൽ പിണറായി എന്നൊക്കെയുള്ള വാർത്തകൾ അപ്പോഴാണ് മനോരമ നൽകുന്നത്.
മനോരമ അനുകൂലവും മാതൃഭൂമി എതിരും
മനോരമ പിണറായിക്ക് അനുകൂലമായപ്പോൾ മാതൃഭൂമി എതിരായി. 2006 ലെ നിയമസഭാ തിരഞ്ഞെടുപ്പിൽ വിഎസിന് സീറ്റ് നിഷേധിക്കപ്പെട്ടു. അപ്പോഴാണ് മാധ്യമ സിൻഡിക്കേറ്റ് ആളിക്കത്തിയത്. അപ്പോൾ ഞങ്ങളെ പോലുള്ള ആളുകൾ എല്ലാ വേദികളിലും എല്ലാ ചാനലിലും പോയി വിജയനെ വെല്ലുവിളിച്ചു. എതിർപ്പുകൾ ശക്തമായപ്പോൾ പോളിറ്റ് ബ്യൂറോ എടുത്ത തീരുമാനം മാറ്റി വിഎസിന് സീറ്റ് നൽകി. വി എസ് തിരിച്ചു വരുന്നു. വലിയ ഭൂരിപക്ഷത്തോടെ ജയിക്കുന്നു. അതിനു ശേഷമാണ് പിണറായി വിജയൻ മാധ്യമ സിൻഡിക്കേറ്റ് എംബഡഡ് ജെർണലിസം എന്നൊക്കെ പറഞ്ഞു രംഗത്ത് വരുന്നത്. ഇതാണ് മാധ്യമ സിൻഡിക്കേറ്റിന്റെ ചരിത്രം. വിഎസിനെ സപ്പോർട്ട് ചെയ്യുന്ന ഒരു വലിയ വിഭാഗം മാധ്യമങ്ങൾ കേരളത്തിലുണ്ടായിരുന്നു. മാതൃഭൂമിയും ഇന്ത്യാവിഷൻ അടക്കമുള്ള വിഷ്വൽ മീഡിയകളും പിന്തുണച്ചത് വിഎസിനെയായിരുന്നു. വീരേന്ദ്രകുമാറിനോട് തീർത്താൽ തീരാത്ത വിരോധം പിണറായിക്ക് വന്നത് ഈ നിലപാടിന്റെ പേരിലാണ്. 2009-ലേ പാർല്മെന്റ്റ് തിരഞ്ഞെടുപ്പിൽ വീരന് സീറ്റ് നിഷേധിക്കപ്പെട്ടതും ജനതാദൾ യുഡിഎഫിലേക്ക് പോകുന്നതും ഇതിന്റെ പേരിൽ തന്നെ. വയനാട് സീറ്റാണ് വീരന് നൽകാമെന്നു പറഞ്ഞത്. അത് വിജയിക്കാൻ പ്രയാസമായ സീറ്റാണ്. കോഴിക്കോട് ജയിക്കുന്ന സീറ്റും വയനാട് ജയിക്കാത്ത സീറ്റുമായിരുന്നു. കോഴിക്കോട് സീറ്റ് സിപിഎം ഏറ്റെടുത്തു. ഇതെല്ലാം മാധ്യമ സിൻഡിക്കേറ്റിന്റെ ബാക്കിയാണ്. മഞ്ഞളാംകുഴി അലിയെ പുറത്താക്കിയത് വിഎസിന്റെ കൂടെ നിന്നതുകൊണ്ടാണ്. ആർഎസ്പിയുമായുള്ള ബന്ധം മോശമാകുന്നതും ഇതേ കാരണങ്ങളാലാണ്. പിണറായിയുടെ ധാർഷ്ട്യംവും ധിക്കാരവുമാണ് മീഡിയ സിൻഡിക്കേറ്റിനു വഴിതെളിച്ചത്-ജയശങ്കർ ചൂണ്ടിക്കാട്ടുന്നു.
- TODAY
- LAST WEEK
- LAST MONTH
- രാത്രിയിൽ മഠത്തിൽ വരവ് പഞ്ചവാദ്യം നടക്കുന്നതിനിടെ നടുവിലാൽ ഭാഗത്തു പൊലീസ് ബാരിക്കേഡ് വച്ച് എഴുന്നള്ളിപ്പ് തടഞ്ഞത് പ്രകോപനമായി; നടുവിലാലിലെ പൂരപ്പന്തലിന്റെ ലൈറ്റ് അണച്ചു തിരുവമ്പാടി ദേവസ്വം; ഇരുട്ടിന്റെ ഭംഗിയിൽ ഇത്തവണ പൂര വെടിക്കെട്ട് നടന്നില്ല; തൃശൂരിൽ നാടകീയതകൾ; പൂരത്തിലുണ്ടായത് ചരിത്രത്തിലെ ആദ്യ സംഭവം
- വെടിക്കെട്ട് കമ്മറ്റിക്കാരെ പോലും മൈതാനത്ത് അനുവദിക്കാത്ത കമ്മീഷണർ; തിരുവമ്പാടിയുടെ പ്രതിഷേധത്തിന് പിന്നാലെ ദേശക്കാരും കമ്മീഷണറും തമ്മിൽ തർക്കം; നായ്ക്കനാലിൽ ലാത്തി വീശൽ; പൊലീസിനെതിരെ ഗോ ബാക്ക് വിളികൾ; രാത്രിയിലെ പൂരക്കാഴ്ചകൾ വഴിതെറ്റിയ 2024; മഠത്തിൽ വരവ് നിർത്തിയത് സർക്കാരിനും തിരിച്ചടി
- തൃശൂർ പൂരപ്രേമികൾക്ക് വേദനയുടേയും നിരാശയുടേയും വെടിക്കെട്ട്; ഏഴരയോടെ പാറമേക്കാവ് തിരി കൊളുത്തി; എട്ടു മണിയോടെ തിരുവമ്പാടിയുടെ വെടിക്കെട്ടിനും അവസാനം; പൂര പറമ്പിൽ പൊലീസ് രാജെന്ന് ദേശക്കാർ; രാത്രിയിലെ ആകാശ വിസ്മയം ഇത്തവണ നടന്നില്ല; തൃശൂർ പൂരത്തിൽ ഉണ്ടായതെല്ലാം സമാനതകളില്ലാത്ത വിവാദങ്ങൾ
- രാത്രി വെടിക്കെട്ട് വേണ്ടെന്ന് വച്ചത് വേദനയിലാക്കിയത് പൂര പ്രേമികളെ; പൂരത്തിൽ അസാധാരണമാം വിധം പ്രതിസന്ധിയുണ്ടാക്കിയത് പൊലീസെന്ന് തിരുമ്പാടി ദേവസ്വം; അലങ്കാര പന്തലിലെ വെളിച്ചം തിരിച്ചെത്തിയിട്ടും ദേശക്കാർക്ക് ആവേശമില്ല; പൂരത്തിലെ 'രാത്രി വിസ്മയം' അട്ടിമറിച്ചത് പൊലീസോ?
- കരുവന്നൂരിൽ നിക്ഷേപകർക്ക് പണം തിരികെ നൽകാൻ എങ്ങനെ ഇടപെടാനാകുമെന്ന് താൻ നിയമോപദേശം തേടിയിട്ടുണ്ടെന്ന് പ്രധാനമന്ത്രി; തൃശൂർ വിജയത്തിന് 'കരുവന്നൂർ ഫോർമുല'; രാഹുലിനെ കടന്നാക്രമിക്കാൻ വയനാട്ടിലേക്കുള്ള ഒളിച്ചോട്ടം; കേരളത്തിൽ അക്കൗണ്ട് തുറക്കാൻ അജണ്ട സെറ്റ് ചെയ്ത് മോദി
- രാജ്യദ്രോഹ പ്രവർത്തന ആരോപണം; മലയാളി ഗവേഷക വിദ്യാർത്ഥിയെ സസ്പെൻഡ് ചെയ്ത് മുംബൈയിലെ ടാറ്റ ഇൻസ്റ്റിറ്റ്യൂട്ട് ഓഫ് സോഷ്യൽ സയൻസസ്
- സഹോദരങ്ങളുടെ ഉടമസ്ഥതയിലുള്ള അസ്ഡ സൂപ്പർമാർക്കറ്റിന്റെ ഓഹരികൾ വിറ്റഴിക്കുന്നതിനുള്ള നീക്കവുമായി ഇളയ സഹോദരൻ സുബൈർ ഐസ്സ; മൂത്ത സഹോദരൻ മൊഹ്സീന്റെ മുൻ അക്കൗണ്ടന്റുമായുള്ള പ്രണയവും അസ്ഡയുടെ കടബാദ്ധ്യതകളും ഇന്ത്യൻ സഹോദരങ്ങളെ പരസ്പരം അകറ്റുമോ?
- പ്രായപൂർത്തിയാവാത്ത സഹോദരിമാരെ ബന്ധുവീട്ടിൽനിന്നു കടത്തിക്കൊണ്ടുപോയി; ബെംഗളൂരുവിലെത്തിച്ച് മദ്യം നൽകി പീഡിപ്പിച്ചു: രണ്ട് യുവാക്കൾ അറസ്റ്റിൽ
- ജെസ്നയുടെ രക്തം പുരണ്ട വസ്ത്രങ്ങൾ വീട്ടിൽനിന്ന് ശേഖരിച്ചത് ഡിവൈഎസ്പിയായിരുന്ന ചന്ദ്രശേഖരനും സിവിൽ പൊലീസ് ഓഫിസർ ലിജുവും; ആൻഡ്രോയിഡ് ഫോണിൽ നിന്നും മാച്ച നമ്പരുകൾ കണ്ടെത്തണം; ആ 60,000 രൂപയിലും അസ്വാഭാവികത; കൂടുതൽ വെളിപ്പെടുത്തലുമായി അച്ഛൻ; ജെസ്നാ കേസിൽ ദുരൂഹത മാറുന്നില്ല
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- ത്രികോണ പോരിന് ഒടുവിൽ സുരേഷ് ഗോപി തൃശ്ശൂർ എടുക്കുമോ? പാലക്കാടൻ കാറ്റ് മാറി വീശുമോ? ആലത്തൂരിൽ രമ്യ പാട്ടുംപാടി വിജയിക്കുമോ? മലപ്പുറത്തും പൊന്നാനിയിലും ലീഗ് കോട്ടകളിൽ നേരിയ വിള്ളലെങ്കിലും വീഴുമോ? നെഞ്ചിടിപ്പേറുന്ന മണ്ഡലങ്ങളിലൂടെ മറുനാടൻ സർവേയുടെ രണ്ടാം ഘട്ടം ഫലം
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- വ്യാഴാഴ്ച പ്രാർത്ഥനയ്ക്ക് പോയിരുന്ന ജെസ്നയെ കാണാതായതും വ്യാഴാഴ്ച; ആരാധനാ സ്ഥലം കണ്ടെത്തിയെന്ന് അച്ഛൻ; രഹസ്യ സുഹൃത്തിന്റെ ഫോട്ടോയും കുടുംബം കണ്ടെത്തി! സിബിഐ സഞ്ചരിക്കാത്ത വഴികളിലൂടെ പോയ അച്ഛന് കിട്ടിയത് ഞെട്ടിക്കുന്ന വിവരങ്ങളോ? ജെസ്നയ്ക്ക് സംഭവിച്ചത് എന്ത്?
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- ഇനി യുദ്ധത്തിനില്ല, ആക്രമിച്ചാൽ തിരിച്ചടിക്കും, ആക്രമണ വിവരം അമേരിക്കയെ അറിയിച്ചിരുന്നു; ഇറാനെ ലക്ഷ്യം വച്ചാൽ അമേരിക്കയുടെ താവളങ്ങൾ ലക്ഷ്യമിടും; മിസൈൽ ആക്രമണത്തിനെതിരെ ലോകരാജ്യങ്ങൾ ഒരുമിച്ചതോടെ ഇറാൻ ആകെ പെട്ട അവസ്ഥയിൽ; ഇസ്രയേൽ തിരിച്ചടി എങ്ങനെയാകും എന്ന ആശങ്കയിൽ ലോകം
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- അരവിന്ദ് കേജ്രിവാൾ ഡൽഹി മദ്യനയ അഴിമതിയുടെ മുഖ്യസൂത്രധാരൻ; അനുകൂല നയം രൂപീകരിക്കാൻ കോടികൾ കൈക്കൂലി വാങ്ങി; കോഴപ്പണം കൈകകാര്യം ചെയ്യുന്നതിലും മുഖ്യമന്ത്രി ഇടപെട്ടു; കോഴപ്പണം എഎപി ഗോവ തിരഞ്ഞെടുപ്പിൽ ഉപയോഗിച്ചുവെന്നും ഇ.ഡി; പത്തു ദിവസത്തെ കസ്റ്റഡിയിൽ വിടണമെന്നും കോടതിയിൽ
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- 'എന്റെ മകൻ കെട്ടിയ താലി നീ ഇടേണ്ട'; മകന്റെ ഭാര്യയുടെ താലിമാല പൊട്ടിച്ച് കലി തുള്ളിയ 'മോഹിനി'! 35 പവനൊപ്പം 10 ലക്ഷം കൂടി വേണമെന്ന അത്യാഗ്രഹം; വീടും സ്ഥലവും മകന് എഴുതി കൊടുക്കാത്തിന് മരുമകളെ പുറത്താക്കിയ അമ്മായി അമ്മ; സത്യഭാമ വെറുമൊരു 'കലാമണ്ഡലം' അല്ല; സ്ത്രീപീഡന കേസും ചർച്ചകളിലേക്ക്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്