Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

മാസ്‌ക് ഉപയോഗം നിർബന്ധമാകില്ല; പള്ളികളിൽ സാമൂഹിക അകലം പാലിക്കലും വേണ്ട;മാനദണ്ഡങ്ങൾ പാലിച്ചു വിവാഹപാർട്ടികൾക്കും പൊതു സമ്മേളനങ്ങളും നടത്താൻ അനുമതി; കുവൈത്തിൽ കോവിഡ് നിയന്ത്രണങ്ങളിൽ ഇളവുകൾക്ക് സാധ്യത

മാസ്‌ക് ഉപയോഗം നിർബന്ധമാകില്ല; പള്ളികളിൽ സാമൂഹിക അകലം പാലിക്കലും വേണ്ട;മാനദണ്ഡങ്ങൾ പാലിച്ചു വിവാഹപാർട്ടികൾക്കും പൊതു സമ്മേളനങ്ങളും നടത്താൻ അനുമതി; കുവൈത്തിൽ കോവിഡ് നിയന്ത്രണങ്ങളിൽ ഇളവുകൾക്ക് സാധ്യത

സ്വന്തം ലേഖകൻ

കുവൈത്തിൽ കോവിഡ് നിയന്ത്രണങ്ങളിൽ കൂടുതൽ ഇളവുകൾ നൽകാൻ സാധ്യത. ഇത് സംബന്ധിച്ച സുപ്രീം കൊറോണ എമർജൻസി കമ്മിറ്റിയുടെ ശിപാർശകൾ കഴിഞ്ഞ ദിവസം ചേർന്ന മന്ത്രിസഭാ യോഗം ചർച്ച ചെയ്തു . നാളെ ചേരുന്ന കാബിനറ്റ് യോഗത്തിനു ശേഷം ഇളവുകൾ പ്രഖ്യാപിക്കുമെന്നാണ് റിപ്പോർട്ടുകൾ.

രാജ്യത്തെ കോവിഡ് സാഹചര്യം മെച്ചപ്പെട്ട സാഹചര്യത്തിൽ നിയന്ത്രണങ്ങൾ ലഘൂകരിച്ചു സാധാരണ ജീവിതത്തിലേക്കുള്ള മടക്കം സാധ്യമാകാനുള്ള നീക്കത്തിലാണ് കുവൈത്ത് ഭരണകൂടം. പള്ളികളിലെ സാമൂഹിക അകലവും തുറന്ന സ്ഥലങ്ങളിലെ മാസ്‌ക് ഉപയോഗവും ഒഴിവാക്കുന്നതാണ് പ്രധാനപ്പെട്ട ഇളവ്. മാനദണ്ഡങ്ങൾ പാലിച്ചു കൊണ്ട് വിവാഹപാർട്ടികളും പൊതു സമ്മേളനങ്ങളും നടത്താൻ അനുമതി നൽകാമെന്നും ഹാളുകൾ ഓഡിറ്റോറിയങ്ങൾ എന്നിവ തുറക്കാമെന്നും കമ്മിറ്റി ശിപാർശ ചെയ്തിട്ടുണ്ട് .

കുവൈത്ത് അന്താരാഷ്ട്ര വിമാനത്താവളത്തിന്റെ പ്രവർത്തനം പൂർണ തോതിലാക്കുക, വിസ വിതരണം പുനരാരംഭിക്കുക തുടങ്ങിയ നിർദേശങ്ങളും കമ്മിറ്റി മുന്നോട്ടു വെച്ചിട്ടുണ്ട്. നിലവിൽ രാജ്യത്തെ കോവിഡ് സാഹചര്യം ഏറെ മെച്ചപ്പെട്ടിട്ടുണ്ട്. രാജ്യത്താകെ 569 പോസിറ്റീവ് കേസുകൾ മാത്രമാണ് നിലവിലുള്ളത്. ജനസംഖ്യയുടെ 80 ശതമാനത്തോളം ജനങ്ങളും പ്രതിരോധ കുത്തിവെപ്പ് സ്വീകരിക്കുകയും ആറുമാസം പിന്നിട്ടവർക്ക് ബൂസ്റ്റർ ഡോസ് വിതരണം ആരംഭിക്കുകയും ചെയ്തിട്ടുണ്ട്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP