Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

ബഹ്‌റൈനിൽ ഇന്ന് മുതൽ ഗ്രീൻ ലെവൽ നിലവിൽ; നിയന്ത്രണങ്ങളിൽ ഇളവ് ഷോപ്പുകളിലും ഷോപ്പിങ് മാളുകളിലും വാക്‌സിൻ എടുത്തവർക്കും എടുക്കാത്തവർക്കും പ്രവേശിക്കാം

ബഹ്‌റൈനിൽ ഇന്ന് മുതൽ ഗ്രീൻ ലെവൽ നിലവിൽ; നിയന്ത്രണങ്ങളിൽ ഇളവ് ഷോപ്പുകളിലും ഷോപ്പിങ് മാളുകളിലും വാക്‌സിൻ എടുത്തവർക്കും എടുക്കാത്തവർക്കും പ്രവേശിക്കാം

സ്വന്തം ലേഖകൻ

ഹ്‌റൈനിൽ നാളെ മുതൽ കോവിഡ് നിയന്ത്രണങ്ങളിൽ കൂടുതൽ ഇളവുകൾ. രാജ്യത്ത് കഴിഞ്ഞ 14 ദിവസത്തെ ശരാശരി ടെസ്റ്റ് പോസിറ്റിവിറ്റി നിരക്ക് രണ്ട് ശതമാനത്തിലും കുറഞ്ഞതിന്റെ അടിസ്ഥാനത്തിലാണ് തീരുമാനം. ബലിപ്പെരുന്നാൾ അവധി ദിവസങ്ങളിൽ ജാഗ്രതയുടെ ഭാഗമായി രാജ്യത്ത് ഓറഞ്ച് അലേർട്ട് ലെവൽ പ്രകാരമുള്ള നിയന്ത്രണങ്ങൾ സ്വീകരിച്ചിരുന്നു.

ഗ്രീൻ ലെവൽ പ്രകാരം ഷോപ്പുകളിലും ഷോപ്പിങ് മാളുകളിലും വാക്‌സിൻ എടുത്തവർക്കും എടുക്കാത്തവർക്കും പ്രവേശിക്കാൻ സാധിക്കും. വീടുകളിൽ സ്വകാര്യ ചടങ്ങുകളിലും ഔട്ട്‌ഡോർ ഇവന്റുകളിലും കോൺഫറൻസുകളിലും സർക്കാർ കേന്ദ്രങ്ങളിലും ഇവർക്ക് പങ്കെടുക്കാം. സ്പോർട്സ് സെന്ററുകൾ, നീന്തൽക്കുളങ്ങൾ , വിനോദ കേന്ദ്രങ്ങൾ എന്നിവയിലും പ്രവേശനം അനുവദിക്കും. താൽപര്യമുള്ള കുട്ടികൾക്ക് വിദ്യാഭ്യാസ, പരിശീലന സ്ഥാപനങ്ങളിൽ എത്താമെന്നും ഔട്ട്‌ഡോർ സ്പോർട്സ് പരിപാടികളിലെ പൊതുജന പങ്കാളിത്തം സാധ്യമാവുമെന്നും അധിക്യതർ അറിയിച്ചു.

റസ്റ്റോറന്റുകൾ, കഫേകൾ, ബാർബർ ഷോപ്പുകൾ, സലൂണുകൾ, സ്പാകൾ എന്നിവിടങ്ങളിലും പ്രവേശനം അനുവദിക്കും. സിനിമാ തിയേറ്ററുകൾ, ഇൻഡോർ കോൺഫറൻസുകളും പരിപാടികളും, ഇൻഡോർ സ്പോർട്സ് പരിപാടികൾ എന്നിവയിൽ വാക്‌സിനേഷൻ പൂർത്തിയാക്കിയവർക്കും കോവിഡ്മുക്തർക്കും മാത്രമായിരിക്കും പ്രവേശനം. ഗ്രീൻ ലെവലിലും സാമൂഹിക അകലം പാലിക്കണമെന്നും കോവിഡ് ജാഗ്രതാ നിർദേശങ്ങളിൽ വിട്ടുവീഴ്ചയരുതെന്നും അധിക്യതർ അറിയിച്ചിട്ടുണ്ട്.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP