കൊവിഡ്-19നെ ദക്ഷിണ കൊറിയ അതിജീവിച്ച രഹസ്യം വെളിപ്പെടുത്തി പ്രസിഡന്റ് മൂൺ ജെ ഇൻ...

കൊവിഡ്-19നെ ദക്ഷിണ കൊറിയ അതിജീവിച്ച രഹസ്യം വെളിപ്പെടുത്തി പ്രസിഡന്റ് മൂൺ ജെ ഇൻ

March 30, 202004:09 PM IST Permalink

മൊയ്തീൻ പുത്തൻചിറ

കൊറോണ വൈറസ് തടയാൻ ലോകമെമ്പാടുമുള്ള രാജ്യങ്ങൾ ഭഗീരഥ പ്രയത്‌നം നടത്തിക്കൊണ്ടിരിക്കുമ്പോൾ, ഈ മഹാമാരിയെ എങ്ങനെ നിയന്ത്രിക്കാൻ കഴിഞ്ഞു എന്നതാണ് ഇപ്പോൾ സംസാരവിഷയമായിരിക്കുന്നത്.

കൊറോണ വൈറസിനെ വലിയ അളവിൽ നിയന്ത്രിക്കാൻ കഴിഞ്ഞതാണ് ദക്ഷിണ കൊറിയ ലോകശ്രദ്ധ നേടാൻ കാരണമായത്. ദക്ഷിണ കൊറിയയുടെ ശ്രമങ്ങളെ മെഡിക്കൽ ലോകം പ്രശംസിക്കുകയും കാനഡ, സൗദി അറേബ്യ, സ്‌പെയിൻ, അമേരിക്ക എന്നീ രാജ്യങ്ങൾ കൊറിയ മോഡലിനെക്കുറിച്ചുള്ള നിർദ്ദേശങ്ങൾക്കായി പ്രസിഡന്റ് മൂൺ ജെ ഇന്നിനെ സമീപിക്കുകയും ചെയ്തിട്ടുണ്ട്. അതേസമയം, ദക്ഷിണ കൊറിയ മോഡലിന്റെ വിജയത്തിന്റെ രഹസ്യങ്ങൾ പ്രധാനമന്ത്രി ചുങ് സി ക്യുൻ വിദേശ മാധ്യമങ്ങളുമായി നടത്തിയ സംഭാഷണത്തിൽ പങ്കുവെച്ചിട്ടുണ്ട്.

ഫെബ്രുവരി 29 ന് 24 മണിക്കൂറിനുള്ളിൽ 909 പുതിയ കേസുകൾ റിപ്പോർട്ട് ചെയ്തപ്പോൾ ദക്ഷിണ കൊറിയ കൊറോണ കേസിൽ രണ്ടാം സ്ഥാനത്തെത്തിയിരുന്നു. അതേസമയം, ദിവസേനയുള്ള കേസുകളുടെ എണ്ണം വർദ്ധിച്ചതനുസരിച്ച് ഏറ്റവും കൂടുതൽ രോഗം ബാധിച്ച ആദ്യ 10 രാജ്യങ്ങളിൽ കൊറിയ ഏറ്റവും പിന്നിലേക്ക് തള്ളപ്പെട്ടു.

നിർണായക ഘട്ടത്തിൽ നിന്ന് ഞങ്ങൾ പുറത്തുകടന്നുവെന്ന് പ്രധാനമന്ത്രി ചുങ് പറഞ്ഞു. ഇപ്പോൾ പുതിയ കേസുകളുടെ എണ്ണത്തിൽ കുറവുണ്ടായി. സ്ഥിതിഗതികൾ നിയന്ത്രിക്കാൻ കഴിയുന്ന ഒരു സ്ഥാനത്താണ് ഞങ്ങൾ. മറ്റ് രാജ്യങ്ങളെ അപേക്ഷിച്ച് ലോക്ക്ഡൗൺ പോലുള്ള നടപടികളൊന്നും ദക്ഷിണ കൊറിയ സ്വീകരിച്ചിട്ടില്ല എന്നതാണ് പ്രധാനം. ഇതിനെക്കുറിച്ച് ചുങ് പറഞ്ഞു, 'ഞങ്ങൾ ഏത് രീതി സ്വീകരിച്ചാലും, കോവിഡ് 19ലെ യുദ്ധത്തിൽ ഞങ്ങൾ വിജയിച്ചുവെന്ന് ഞങ്ങൾക്ക് ഉറപ്പുണ്ട്. ലോക്ക്ഡൗണിന് പകരം കൊറോണയെ നേരിടാൻ ഞങ്ങൾ മറ്റെല്ലാ ശ്രമങ്ങളും നടത്തുന്നുണ്ട്. അന്താരാഷ്ട്ര സമൂഹം ഇപ്പോൾ ഞങ്ങളുടെ ശ്രമങ്ങൾ കാണുകയും ചെയ്യുന്നു.'

വളരെ വ്യക്തതയോടെ സംസാരിച്ച ചുങ്, തങ്ങളുടെ ശ്രമങ്ങളുടെ വേഗത, സുതാര്യത, നവീകരണം, പൊതുജനപങ്കാളിത്തം എന്നീ നാല് ആശയങ്ങളെ അടിസ്ഥാനമാക്കിയുള്ളതാണെന്ന് പറഞ്ഞു. വേഗതയെക്കുറിച്ച് പറയുമ്പോൾ, കൊറിയ ആദ്യമായി 10,000 പേരെ പ്രതിദിനം പരിശോധനയ്ക്ക് വിധേയരാക്കി, ഇപ്പോൾ 20,000 പേരെ പരിശോധനയ്ക്ക് വിധേയരാക്കുന്നു. ഇതുവരെ 3,76,961 പേരെ പരീക്ഷിച്ചു കഴിഞ്ഞു. ഈ പ്രവൃത്തി പതിവായി രണ്ട് പത്രസമ്മേളനങ്ങൾ നടത്തുകയും എന്താണ് സംഭവിക്കുന്നതെന്ന് കൃത്യമായി ജനങ്ങളുമായി പങ്കു വെയ്ക്കുകയും ചെയ്തു. അതായത് പൂർണ്ണ സുതാര്യത നിലനിർത്തി.

ലോക്ക്ഡൗൺ സ്വീകരിക്കുതിനുപകരം, സാധാരണക്കാരുടെ പിന്തുണയോടെയാണ് ഞങ്ങൾ യുദ്ധത്തിൽ വിജയിച്ചതെന്ന് ജംഗ് പറഞ്ഞു. പൊതുജന പങ്കാളിത്തത്തമാണ് വിജയത്തിനു കാരണമെന്നും അദ്ദേഹം പറഞ്ഞു. കാരണം അവർ സാമൂഹിക അകലം, സ്വയം നിരീക്ഷണം, ഇടയ്ക്കിടെ കൈ കഴുകൽ, മുഖംമൂടി ധരിക്കൽ എന്നിവയിൽ ശ്രദ്ധ പുലർത്തുകയും ജാഗ്രതാ നിർദ്ദേശങ്ങൾ കർശനമായി പാലിക്കുകയും ചെയ്തു. ആരും അവരെ നിർബ്ബന്ധിച്ചില്ല, ശിക്ഷാവിധികളും കല്പിച്ചില്ല. ഇതുമായി ബന്ധപ്പെട്ട എല്ലാ വിവരങ്ങളും സന്ദേശങ്ങളും വിവിധ മാധ്യമങ്ങളിലൂടെ പ്രചരിപ്പിച്ചു.

ഏതെങ്കിലും രാജ്യത്തിന് സഹായം ആവശ്യമുണ്ടെങ്കിൽ അത് ചെയ്തുകൊടുക്കാൻ സന്തോഷമേ ഉള്ളൂ എന്ന് പ്രധാനമന്ത്രി പറഞ്ഞു. വിദേശ മാധ്യമ പ്രവർത്തകരുമായുള്ള സംഭാഷണത്തിൽ ചുങ് പറഞ്ഞു, 'മറ്റ് രാജ്യങ്ങളെ അപേക്ഷിച്ച് ഞങ്ങൾക്ക് കൂടുതൽ അനുഭവമുണ്ട്. അതിനാൽ, നേരത്തെയുള്ള പ്രക്ഷേപണവുമായി ബന്ധപ്പെട്ട ഞങ്ങളുടെ അറിവും വിവരങ്ങളും മറ്റ് രാജ്യങ്ങളുമായി പങ്കിടാൻ ഞങ്ങൾക്ക് കഴിയുന്നുണ്ടെങ്കിൽ, അവർ വലിയ വെല്ലുവിളികൾ നേരിടുന്നുണ്ടെങ്കിൽ സഹായം ചെയ്തുകൊടുക്കുന്നതിൽ ഞങ്ങൾ സന്തുഷ്ടരാണ്.'

കൊറോണയ്‌ക്കെതിരായ പോരാട്ടത്തിൽ ദക്ഷിണ കൊറിയയുടെ അനുഭവം പഠനത്തിനായി ഉപയോഗിക്കാമെന്ന് വിവിധ വിദേശ മാധ്യമങ്ങൾ അഭിപ്രായപ്പെടുന്നു. ദക്ഷിണ കൊറിയയുടെ ശ്രമത്തെ ലോകമെമ്പാടുമുള്ള മാധ്യമങ്ങളും ആരോഗ്യ വിദഗ്ധരും പ്രശംസിക്കുന്നു. കാനഡ, സൗദി അറേബ്യ, സ്‌പെയിൻ, അമേരിക്ക എന്നീ രാജ്യങ്ങൾ കൊറിയയുടെ ഈ മാതൃക മനസ്സിലാക്കാൻ ആഗ്രഹിക്കുന്നുണ്ട്. യുഎസിലാണ് ഏറ്റവും കൂടുതൽ കൊറോണ ബാധിതർ ഉള്ളതെന്നത് ശ്രദ്ധേയമാണ്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: