Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202019Saturday

ഞാനും മഞ്ജുവും വേർപിരിയാതിരിക്കാൻ കാവ്യയെ ഉപേക്ഷിക്കില്ല; അവളില്ലാതെ ഒരു ജീവിതം എനിക്കില്ല; അങ്ങനെ തീരുമാനിച്ചാൽ ഞാൻ മരിച്ചു എന്നർത്ഥം: ദിലീപിന്റെ പരമ്പരയും മഞ്ജുവിന്റെ വിവാഹ വാർത്തയും; ദിലീപിന്റെ ജയിൽ ജീവിതം ഒരു ഫ്ളാഷ് ബാക്ക്: പല്ലിശ്ശേരി പരമ്പര തുടരുന്നു

ഞാനും മഞ്ജുവും വേർപിരിയാതിരിക്കാൻ കാവ്യയെ ഉപേക്ഷിക്കില്ല; അവളില്ലാതെ ഒരു ജീവിതം എനിക്കില്ല; അങ്ങനെ തീരുമാനിച്ചാൽ ഞാൻ മരിച്ചു എന്നർത്ഥം: ദിലീപിന്റെ പരമ്പരയും മഞ്ജുവിന്റെ വിവാഹ വാർത്തയും; ദിലീപിന്റെ ജയിൽ ജീവിതം ഒരു ഫ്ളാഷ് ബാക്ക്: പല്ലിശ്ശേരി പരമ്പര തുടരുന്നു

പല്ലിശ്ശേരി

ത്യം സത്യമായിതന്നെ എഴുതി കൊണ്ടിരുന്നപ്പോൾ ദിലീപ് വെറുതെ ഇരുന്നില്ല. കാണാമറയത്തിരുന്ന എതിരാളിയുടെ മേൽ ചാടി വീണ് ഒന്നു കരയാൻ പോലും അവസരം കൊടുക്കാതെ തളർത്തിയിടുന്ന തന്ത്രം എനിക്കു നേരെയും പ്രയോഗിച്ചു. എത്രയും വേഗം സിനിമ മംഗളം എഡിറ്റർ സ്ഥാനത്തു നിന്നും എന്നെ നീക്കാനുള്ള ശ്രമവും തുടങ്ങി. എന്നാൽ ആദ്യ നീക്കത്തിൽ തന്നെ അതൊക്കെ പരാജയപ്പെട്ടു. ഞാൻ ഒന്നും അറിയുന്നില്ലെന്നായിരുന്നു അയാളുടെ വിചാരം. സിനിമാ ലോകത്തു നിന്നും വാർത്തകൾ പിടിക്കുന്ന എനിക്ക് എന്റെ സ്ഥാപനത്തിൽ നിന്നും വാർത്തകൾ കിട്ടാനാണോ ബുദ്ധിമുട്ട്. ഡയറക്ടർമാർ തന്നെ അപ്പപ്പോൾ കാര്യങ്ങൾ സൂചിപ്പിച്ചിരുന്നു. സിനിമാക്കാരിൽ ഭൂരിഭാഗം പലരും സ്വന്തം കാര്യം കാണാൻ ഏതറ്റം വരെ പോകുന്നവരാണെന്ന് അവർക്കറിയാം.

എനിക്കെതിരെ കരുക്കൾ നീക്കയപ്പോൾ ഞാൻ എഴുത്തിന്റെ കരുത്ത് കൂട്ടി. നിനക്ക് ഒന്നും ചെയ്യാൻ പറ്റില്ലെടാ. എന്ന രീതിയിൽ തന്നെ. ഇക്കാര്യം രണ്ടു വള്ളത്തിലും കാലിട്ടു നിൽക്കുന്ന ദിലീപിന്റെ സുഹൃത്തുക്കളാണെന്നു നടിക്കുന്നവരോടും പറയുകയും ചെയ്തു. അതെല്ലാം പൊടിപ്പം തൊങ്ങലും വച്ചു പറയുമെന്നറിയാം. അതിനു വേണ്ടി തന്നെയായിരുന്നു കാര്യങ്ങൾ അവരോട് ധരിപ്പിച്ചത്.

Stories you may Like

ജയിക്കാൻ കഴിഞ്ഞില്ലെങ്കിലും തോൽവി സമ്മതിക്കാൻ ദിലീപിനു കഴിയില്ല. ആ സമയത്ത് ഞാനൊന്നും അറിഞ്ഞിട്ടില്ല എന്ന മട്ടിൽ പിണക്കമില്ലെന്നറിയിക്കാമായിരുന്നു. എനിക്കും പിണക്കമില്ല ദിലീപേ. നിങ്ങൾ നടന്മാർ എത്രയെത്ര വേഷങ്ങളാണ് അഭിനയിക്കുന്നത്. ആ വേഷങ്ങളിൽ പലതും പലരെയും വേദനിപ്പിക്കുന്നതല്ലെ? എന്നിട്ടും ആരും കേസ്സു കൊടുക്കുകയോ പരാതിപ്പെടുകയോ ചെയ്തില്ലല്ലൊ. എഴുത്തുകാരന്റെ വാചകങ്ങൾ നിങ്ങൾ ഉരുവിടുന്നു. അതു പോലെ തന്നെയാണ് ഞങ്ങൾ പത്രപ്രവർത്തകരും. ഒരു യഥാർത്ഥ പത്രവാർത്തകന് ഒരാളോടും പ്രത്യേകിച്ച് ദേഷ്യമോ സ്നേഹമോ ഉണ്ടാകില്ല. സത്യസന്ധമായ വാർത്തകൾ പ്രസിദ്ധീകരിക്കാതെയായിരിക്കും അയാളുടെ ശ്രമം ഞാനും അതേ ചെയ്തുള്ളൂ.

ചേട്ടാ എന്നെ ഇപ്പോൾ ഒന്നു സഹായിക്കണം. ഞങ്ങളുടെ വിവാഹമോചനക്കേസ് വിധിയായി. വേർപിരിയാൻ സത്യത്തിൽ എനിക്കു താൽപ്പര്യമില്ല. വേർ പിരിയാൻ താൽപ്പര്യമില്ലെന്ന് മഞ്ജുവാര്യരോടും പറഞ്ഞതാണ്. അതിന് ഒരൊറ്റ ഡിമാന്റ് മാത്രമാണ് വേണ്ടതെന്ന് ദിലീപിനോടു പറഞ്ഞു? അതു നടക്കാത്ത കാര്യമാണല്ലോ?

ഏതൊരു പുരുഷനും ഭാര്യയിൽ നിന്നും സ്നേഹവും ലാളനകളും ആഗ്രഹിക്കും. എന്നാൽ ഞാനൊരു കാര്യം വേദനയോടു പറയട്ടെ. അതു രണ്ടും എനിക്കു എന്റെ ഭാര്യയിൽ നിന്നും കിട്ടിയിട്ടില്ല. എന്നിട്ടും ഞാനീ കാര്യം എന്റെ അടുത്ത സുഹൃത്തക്കളോട് പോലും പറഞ്ഞിട്ടില്ല. അതിനു കാരണം ഞങ്ങളുടെ മകളാണ്. അവർക്ക് വേദന ഉണ്ടാകുന്ന ഒരു കാര്യം എന്റെ ഭാഗത്തു നിന്നുണ്ടാകരുതെന്ന് ആഗ്രഹിച്ചു. അതുകൊണ്ടാണ് ഞാൻ ക്ഷമിച്ചതും സഹിച്ചതും.

സിനിമാ രംഗത്തെക്കുറിച്ച് ഞാൻ പറയാതെ തന്നെ ചേട്ടനു അറിയാമല്ലോ. അതിന്റെ വിശദാംശങ്ങിലേക്കു ഞാൻ കടക്കുന്നില്ല. അത് സ്വന്തം പല്ല് കുത്തി മണപ്പിക്കുന്നതുപോലെയാകും.

ഒരു കാര്യം ആർക്കും നിഷേധിക്കാൻ പറ്റുമോ? എന്തു കാര്യം?

ചെടികൾ വളരുന്നത് സൂര്യ പ്രകാശം കിട്ടുമ്പോഴല്ലെ. എന്റെ സൂര്യപ്രകാശം എന്നെ സ്നേഹിക്കുന്നവരും എന്റെ വികാരങ്ങൾ മനസ്സിലാക്കുന്നവരുമാണ്. എന്റെ ഭാര്യയിൽ നിന്നും ലഭിക്കാത്തത് കാവ്യയിൽ നിന്നും എനിക്കു കിട്ടി, അവളുടെ സ്നേഹം എനിക്കു ലഭിച്ചിരുന്നില്ലെങ്കിൽ ഞാൻ എന്നേ ആത്മഹത്യ ചെയ്യുകയോ ഭ്രാന്തു പിടിക്കുയോ ചെയ്യുമായിരുന്നില്ല. ഇതൊന്നും എഴുതാൻ വേണ്ടി പറയുന്നതല്ല.

അതുകൊണ്ടാണ് എന്റെ കാവ്യയെ ഉപേക്ഷിക്കാത്തത്. എല്ലാമണവൾ. മറ്റൊരു വിവാഹം കഴിക്കാൻ തീരുമാനിച്ചാലും ഞാൻ എതിർത്തതു അവൾ എന്റേതുമാത്രമാണെന്ന് തീരുമാനിച്ചതുകൊണ്ടായിരുന്നു. ഞാനും മഞ്ജുവും വേർപിരിയാതിരിക്കാൻ കാവ്യയെ ഉപേക്ഷിക്കില്ല. അവളില്ലാതെ ഒരു ജീവിതം എനിക്കില്ല. അങ്ങിന തീരുമാനിച്ചാൽ ഞാൻ മരിച്ചു എന്നർത്ഥം.

വിവാഹമോചനം നടന്നു ഇനി?

കൂടുതൽ വേദനിപ്പിക്കുന്ന രീതിയിൽ എഴുതരുത്.
ശ്രമിക്കാം. എഴുതാനുള്ള സാഹചര്യങ്ങൾ ദിലീപും ഉണ്ടാക്കരുത്. ഞാൻ ഒരു കാര്യം പറഞ്ഞു തരാം. ഇല്ലാത്ത ഒരു കാര്യം എഴുതില്ല എന്നാൽ ഒരു പരമ്പര എഴുതുന്ന കാര്യം ആലോചിക്കാം.

അതൊക്കെ ചേട്ടന്റെ ഇഷ്ടം. ഞാനിന്നുവരെ എന്നെക്കുറിച്ച് എഴുതണമെന്നു ആരോടും പറഞ്ഞിട്ടില്ല. നല്ലത് എഴുതിയില്ലെങ്കിലും ദ്രോഹിക്കാതിരിക്കുക.

അങ്ങിനെയാണ് ദിലീപിനെ കുറിച്ച് ഒരു പരമ്പര എഴുതാൻ തീരുമാനിച്ചത്. ദിലീപിനക്കുറിച്ചുള്ള പരമ്പര ഞാനെഴുതിയാൽ ചിലപ്പോൾ വെളുക്കാൻ തേച്ചത് പാണ്ടാകും. അതുകൊണ്ട് പലരുടെയും പേര് ആലോചിച്ചു. ഒടുവിൽ ശാന്തിവിള ദിനേശാണ് പരമ്പര എഴുതാൻ പറ്റിയ ആൾ എന്നു മനസ്സിലായി. പെട്ടെന്ന് ആർക്കു മുന്നിലും വളയാത്ത പിടി കൊടുക്കാത്ത വ്യക്തി. മദ്യപാനമില്ല. പുകവലി ഇല്ല. സമ്മാനങ്ങൾ വാങ്ങുന്ന സ്വഭാവക്കാരനുമല്ല. മുഖം നോക്കാതെ സംസാരിക്കുകയും എഴുതുകയും ചെയ്യുന്ന ശാന്തിവിള ദിനേശനോട് ദിലീപ് പരമ്പരയുടെ കാര്യം പറഞ്ഞു.

ദിലീപിനെ മനഃപൂർവ്വം ആക്രമിച്ച് എഴുതുകയാണെന്ന ഫീലിങ് അയാൾക്കുണ്ട്. അതുകൊണ്ട് ഒരു പരമ്പര അയാളുടെ സിനിമാ ജീവിതം 40 ലക്കം വരെ തൽക്കാലം ആലോചിച്ചാൽ മതി. ഒരു രീതിയിലും ദിനേശന്റെ എഴുത്തിൽ ഞാൻ ഇടപെടുകയില്ല.

അങ്ങിനെയാണ് ദിലീപിന്റെ പരമ്പര എഴുതാൻ ശാന്തവിള ദിനേശ് സമ്മതിച്ചത്.

ഏഴരകൂട്ടത്തിന്റെ നടന വൈഭവം എന്നാണ് പരമ്പരക്ക് പേരിട്ടത്. 40 ലക്കം 10 മാസത്തോളം പരമ്പര പ്രസിദ്ധീകരിച്ചു. ദിലീപിനു പകരം ദിലീപ് മാത്രം എന്ന തലക്കെട്ടോടെയാണ് പരമ്പര അവസാനിച്ചത്.

വളരെ ശ്രദ്ധിച്ച് ദിലീപിന് പോറൽ ഏൽക്കാത്ത രീതിയിലായിരുന്നു പരമ്പര എഴുതിയതും അവസാനിപ്പിച്ചതും. ദിലീപ് എന്തു തന്നു? ഡേറ്റോ? പണമോ? എന്നിങ്ങനെ അറിയാവുന്നവർ പലരും ചോദിച്ചു. അതിനർത്ഥം ഈ പരമ്പര ദിലീപിനു ഗുണം ചെയ്തുവെന്നല്ലേ....

ഒരു നന്ദി വാക്കു പോലും ദിലീപിന്റെ ഭാഗത്തു നിന്നും ഉണ്ടായില്ല. പകരം അയാൾ മറ്റൊരു നമ്പർ ഇറക്കി. കണ്ടില്ലെ. എന്നെക്കുറിച്ച് സിനിമാ മംഗളത്തിൽ പരമ്പര വന്നത്? അതിന്റെ അർത്ഥം ഞാൻ ഒരു തെറ്റg ചെയ്തിട്ടില്ല എന്നല്ലെ? കുറ്റബോധം കൊണ്ട് മാനേജ്മെന്റിന്റെ സമ്മർദ്ദം സഹിക്കാതെയാണ് എന്റെ പരമ്പര പ്രസിദ്ധീകരിച്ചത്.

എങ്ങിനെയായിരുന്നു ദിലീപിന്റെ പുതിയ കണ്ടുപിടുത്തം? അവിടെയും എന്നെ ചെറുതാക്കി കാണാനാണ് ദിലീപ് ശ്രമിച്ച്ത്.

ഏറ്റവും രസകരമായ കാര്യം ദിലീപിന്റെ പരമ്പര സിനിമാ മംഗളത്തിനു നഷ്ടക്കച്ചവടമായിരുന്നു. പരമ്പര നന്നായെങ്കിലും ദിലീപിന്റെ പേരിൽ വായനക്കാർ കൂടിയില്ലേ. 2016 ജനുവരി 11ാം ലക്കത്തിൽ അവസാനിച്ചു. ഒന്നാലോചിച്ചാൽ ദിലീപിന്റെ അഭിനയ ജീവിതത്തിൽ 25 വർഷം തികയുന്ന ഫെബ്രുവരി 14 ന് ഞങ്ങളുടെ സമ്മാനമെന്ന നിലയിലാണ് പരമ്പര സമർപ്പച്ചത്.

2015 ജനുവരി 31 ന് ദിലീപും മഞ്ജു വാര്യരും വിവാഹ മോചനം നേടി.

2015 ഏപ്രിൽ മാസം പരമ്പര ആരംഭിക്കുകയും 2016 ജനുവരി 11 ന് അവസാനിക്കുകയും ചെയ്തു.

ദിലീപിനെ സഹായിക്കാൻ വേണ്ടി പ്രസിദ്ധീകരിച്ച പരമ്പര സിനിമാ മംഗളത്തിനും അതിന്റെ പത്രാധിപരായ എനിക്കും പരമ്പര തയ്യാറാക്കിയ ശാന്തിവിള ദിനേശിനും നെഗറ്റീവ് വാർത്തകളാണ് ഉണ്ടായത്. അതിനു പിന്നിലും ദിലീപിന്റെ ബ്രെയിൻ ഉണ്ടെന്നാണ് ഞാൻ വിശ്വസിക്കുന്നത്.

പരമ്പരയുടെ പേരിൽ വൻ തുകയാണ് മംഗളം ഗ്രൂപ്പിനും പല്ലിശേരിക്കും ശാന്തിവിള ദിനേശിനും കൊടുത്തത്. എന്ന പ്രചരണം ശക്തി പ്രാപിച്ചു. ദിലീപിന്റെ പിആർഒ വർക്ക് അത്ര വിപുലമായിരുന്നു. ഞങ്ങളുടെ എഡന്റിറ്റിയെ തന്നെ ചോദ്യം ചെയ്തു സംഭവം.

ഇനി ദിലീപിനെക്കുറിച്ച് സിനിമാ മംഗളത്തിൽ നെഗറ്റീവ് വാർത്തകൾ വരികയില്ലെന്നും പല്ലിശ്ശേരിയെ പണം കൊടുത്ത് ഒതുക്കിയെന്നും പ്രചരിപ്പിക്കുന്നതിൽ ദിലീപ് വിജയിച്ചു.

ദിലീപിന്റെ മനസാക്ഷി സൂക്ഷിപ്പുകാരനെ വിളിച്ച് ഒരു കാര്യം പറഞ്ഞു. അവൻ രക്ഷപ്പെട്ടു എന്നു കരുതരുത്. അവനെ അടിക്കാനുള്ള വാർത്തകൾ അവർ തന്നെ ഉണ്ടാക്കും. അതൊക്കെ പ്രസിദ്ധീകരിക്കുമ്പോൾ സത്യം മനസ്സിലാകുമല്ലോ?

ആ വാർത്ത ദിലീപിന്റെ ചെവിയിൽ എത്തിച്ചു. അതേ നാണയത്തിൽ തന്നെ ദിലീപ് എനിക്കു മറുപടി നൽകി. എന്നെ വിശ്വസിക്കില്ല. അത് ആ പരമ്പരയോടെ ഞാൻ സാധിച്ചെടുത്തു.

ആത്മ വിശ്വാസം നല്ലതു തന്നെ. തോൽക്കുന്നവന്റെ ആത്മ വിശ്വാസം. എന്നാൽ അഹങ്കരിച്ചവർ എവിടെയെങ്കിലും മുട്ടുക്കുത്താതിരിക്കില്ല. മരിച്ചില്ലെങ്കിൽ നമുക്കിതൊക്കെ കാണാം.

അതിനിടയിലാണ് പല ഭാഗങ്ങളിൽ നിന്നും ചോദ്യം വന്നത്. ദിലീപ് മഞ്ജു വാര്യർ വിവാഹ മോചിതരായി. ഇനി അവർ മറ്റൊരു വിവാഹം കഴിക്കുമോ?

ഒന്നും വ്യക്തമായിരുന്നില്ല. അതേ സമയം മഞ്ജു വാര്യർ മറ്റൊരാളെ വിവാഹം കഴിക്കുമെന്ന പ്രചരണം ഉണ്ടായിരുന്നു. മഞ്ജു വാര്യർ അതൊന്നും നിഷേധിച്ചുമില്ല. അതേ സമയം വിവാഹം കഴിക്കാനുള്ള സാധ്യത തള്ളിക്കളയാനും പറ്റില്ല.

ഒരു ദിവസം ഞാൻ എന്റെ ഇൻഫോർമറെ വിളിച്ചു ദിലീപ് കാവ്യ വിവാഹത്തിന്റെ സാധ്യതകൾ ആരാഞ്ഞു. പക്ഷെ, അതിനു മുൻപ് മറ്റൊരു വിവാഹമായിരിക്കും നടക്കുക എന്നായിരുന്നു മറുപടി. ആ സാധ്യത ഞാൻ തള്ളിക്കളഞ്ഞു. ആ രീതിയിൽ ഒരു വാർത്ത തെറ്റിദ്ധരിപ്പിക്കാൻ വേണ്ടി ചെയ്തതായിരിക്കും. കാരണം, മഞ്ജു മറ്റൊരു വിവാഹത്തിനെക്കുറിച്ചു ചിന്തിച്ചിട്ടുണ്ടായിരുന്നില്ല

(തുടരും)

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Loading...
Go to TOP