Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202426Friday
ഹോം വാർത്ത കേരളം

അഞ്ച് വർഷത്തിനിടെ പ്രണയകുരുക്കിൽ പൊലിഞ്ഞത് 350 പെൺകുട്ടികളുടെ ജീവൻ; നിയമസഭയിൽ കണക്കുകൾ വ്യക്തമാക്കി മന്ത്രി വീണ ജോർജ്

August 25, 202110:25 PM IST Permalink
അഞ്ച് വർഷത്തിനിടെ പ്രണയകുരുക്കിൽ പൊലിഞ്ഞത് 350 പെൺകുട്ടികളുടെ ജീവൻ; നിയമസഭയിൽ കണക്കുകൾ വ്യക്തമാക്കി മന്ത്രി വീണ ജോർജ്

മറുനാടൻ മലയാളി ബ്യൂറോ

തിരുവനന്തപുരം: സംസ്ഥാനത്ത് പ്രണയക്കുരുക്കിൽ അകപ്പെട്ട് ജീവൻ നഷ്ടപ്പെടുന്ന പെൺകുട്ടികളുടെ എണ്ണം കൂടിവരുന്നതായി കണക്കുകൾ. കഴിഞ്ഞ അഞ്ചു വർഷത്തിനിടെ, 350 പെൺകുട്ടികൾ / സ്ത്രീകൾക്കാണ് പ്രണയത്തെത്തുടർന്ന് ജീവൻ നഷ്ടമായത്.

ആരോഗ്യ-കുടുംബക്ഷേമ വകുപ്പ് മന്ത്രി വീണജോർജ് നിയമസഭയിലാണ് ഇക്കാര്യം വ്യക്തമാക്കിയത്. എം.കെ മുനീറിന്റെ ചോദ്യത്തിന് മറുപടി നൽകുകയായിരുന്നു മന്ത്രി.

350പേരിൽ 10 പേർ കൊല്ലപ്പെടുകയും 340 പേർ ആത്മഹത്യ ചെയ്യുകയുമായിരുന്നു എന്നും മന്ത്രി പറഞ്ഞു. പ്രണയം മൂലം ഏറ്റവും കൂടുതൽ മരണങ്ങൾ ഉണ്ടായത് കഴിഞ്ഞ വർഷമാണ്. 98 പേരാണ് മരിച്ചത്. രണ്ടു പെൺകുട്ടികൾ കൊല്ലപ്പെടുകയായിരുന്നു. പ്രേമിച്ച് വഞ്ചിച്ച കാമുകരാണ് രണ്ടു കൊലപാതകങ്ങൾക്കും പിന്നിൽ. 96 പേർ പ്രണയ പരാജയത്തെത്തുടർന്ന് ആത്മഹത്യയിൽ അഭയം പ്രാപിക്കുകയായിരുന്നു.

തൊട്ടുമുൻ വർഷം പ്രണയം നിരസിച്ചതിനെ തുടർന്ന് അഞ്ചു പെൺകുട്ടികൾ കൊല്ലപ്പെട്ടപ്പോൾ, പ്രണയ പരാജയം മൂലം നിരാശരായി ആത്മഹത്യ ചെയ്തത് 88 പെൺകുട്ടികളാണ്. 2018 ൽ 76 പെൺകുട്ടികളാണ് പ്രണയപരാജയത്തെ തുടർന്ന് ആത്മഹത്യ ചെയ്തത്.

2017 ൽ 83 യുവതികൾ മരിച്ചു. ഇതിൽ മൂന്നെണ്ണം കൊലപാതകമായിരുന്നു. കൊലപാതകത്തിന് പിന്നിൽ പ്രണയിക്കുകയും പിന്നീട് വഞ്ചിക്കുകയും ചെയ്ത ആൺസുഹൃത്തുക്കളാണെന്നും കണക്കുകൾ വ്യക്തമാക്കുന്നു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP