Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Feb / 202304Saturday

ആനകൾ തമ്മിലെ പോരിൽ പിടിയാനയ്ക്ക് ദാരുണാന്ത്യം; കോതമംഗലം വനമേഖലയിൽ ജഡം കണ്ടെത്തി

ആനകൾ തമ്മിലെ പോരിൽ പിടിയാനയ്ക്ക് ദാരുണാന്ത്യം; കോതമംഗലം വനമേഖലയിൽ ജഡം കണ്ടെത്തി

പ്രകാശ് ചന്ദ്രശേഖർ

കോതമംഗലം: ആനകൾ തമ്മിൽ പോരടിച്ചതിനെ തുടർന്ന് പിടിയാനയ്ക്ക് ദാരുണാന്ത്യം. കുട്ടമ്പുഴ പഞ്ചായത്തിൽ ഉൾപ്പെടുന്ന വന മേഖലയിൽ പന്തപ്ര - മാമലക്കണ്ടം റോഡിനു സമീപം കാട്ടാനയുടെ ജഡം കണ്ടെത്തി.

പന്തപ്ര - മാമലക്കണ്ടം റോഡിൽ നിരന്നപാറയിലാണ് പിടിയാനയുടെ ജഡം കണ്ടെത്തിയത്. മറ്റ് ആനകളുമായി ഉണ്ടായ സംഘട്ടനത്തിൽ പരിക്കേറ്റതാണ് മരണകാരണമെന്നാണ് പ്രാഥമിക നിഗമനം. ശരീരത്തിൽ മുറിവേറ്റ പാടുകൾ ഉണ്ട്. ആനകളെ ഈ ഭാഗത്ത് ധാരാളമായി കണ്ടുവരുന്നുണ്ട്. കുട്ടമ്പുഴ റേഞ്ച് ഓഫീസറുടെ നേതൃത്വത്തിൽ മേൽനടപടികൾ സ്വീകരിച്ചു.

ജനപ്രതിനിധികളായ സിബി കെ എ സൽമാ പരീത്, പഞ്ചായത്ത് അസിസ്റ്റന്റ് സെക്രട്ടറി ബിൻസി, വി ഇ ഒ ബാവ എന്നിവർ സ്ഥലത്തെത്തി സ്ഥിതിഗതികൾ വിലയിരുത്തി. താമസിയാതെ പോസ്റ്റുമോർട്ടം നടപടികൾ ആരംഭിക്കും. ആ നയുടെ ജഡം കണ്ടെത്തിയതിന് സമീപത്ത് ആനക്കൂട്ടം തമ്പടിച്ചിട്ടുണ്ട്.

ഈ സാഹചര്യത്തിൽ ഏറെ ഭീതിയോടെയാണ് തങ്ങൾ നടപടികൾ പൂർത്തിയാക്കുന്നതെന്ന് വനം വകുപ്പ് ജീവനക്കാർ പറഞ്ഞു. ആനക്കൂട്ടം തമ്പടിച്ചിട്ടുള്ളതിനാൽ രാവിലെ മുതൽ ആനയുടെ ജഡം കണ്ടെത്തിയ ഭാഗത്തേയ്ക്ക് പുറമെ നിന്നും ആരെയും കയറ്റി വിട്ടിരുന്നില്ല.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP