Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jul / 202131Saturday

വിപിൻ ചന്ദിനെ അനുസ്മരിച്ച് സൗഹൃദ വേദി; മാധ്യമ ലോകത്തെ സൗമ്യമുഖമായിരുന്നു വിപിനെന്ന് ആരോഗ്യ വകുപ്പ് മന്ത്രി വീണ ജോർജ്ജ്; വിപിൻ ചന്ദിന്റെ വേർപാടിലൂടെ നഷ്ടപ്പെട്ടത് സഹോദരനെയെന്ന് പ്രതിപക്ഷ നേതാവ്

വിപിൻ ചന്ദിനെ അനുസ്മരിച്ച് സൗഹൃദ വേദി; മാധ്യമ ലോകത്തെ സൗമ്യമുഖമായിരുന്നു വിപിനെന്ന് ആരോഗ്യ വകുപ്പ് മന്ത്രി വീണ ജോർജ്ജ്; വിപിൻ ചന്ദിന്റെ വേർപാടിലൂടെ നഷ്ടപ്പെട്ടത് സഹോദരനെയെന്ന് പ്രതിപക്ഷ നേതാവ്

മറുനാടൻ മലയാളി ബ്യൂറോ

തിരുവനന്തപുരം: കോവിഡ് ബാധിതനായി ചികിത്സയിലിരിക്കേ മരിച്ച മാതൃഭൂമി സീനിയർ ചീഫ് റിപ്പോർട്ടർ വിപിൻ ചന്ദിന്റെ അനുസ്മണം ഓൺലൈനായി നടത്തി. വിപിൻ ചന്ദ് സൗഹൃദ വേദിയുടെ ആഭിമുഖ്യത്തിൽ സംഘടിപ്പിച്ച പരിപാടിയിൽ പ്രതിപക്ഷ നേതാവ് വി.ഡി. സതീശൻ, ആരോഗ്യ മന്ത്രി വീണ ജോർജ് എന്നിവർ പങ്കെടുത്തു.

വിപിൻ ചന്ദിന്റെ വേർപാടിലൂടെ സഹോദരനെയാണ് നഷ്ടപ്പെട്ടതെന്ന് പ്രതിപക്ഷ നേതാവ് വി.ഡി. സതീശൻ അനുസ്മരിച്ചു. മാധ്യമ ലോകത്തെ സൗമ്യമുഖമായിരുന്നു വിപിനെന്ന് ആരോഗ്യ വകുപ്പ് മന്ത്രിയും വിപിന്റെ സഹപ്രവർത്തകയുമായിരുന്ന വീണ ജോർജ് ഓർമ്മിച്ചു. വിപിന്റെ ഭാര്യയ്ക്ക് ജോലി നൽകുന്ന കാര്യം ഉൾപ്പടെ സർക്കാർ ശ്രദ്ധയിൽ കൊണ്ടുവരുമെന്നും മന്ത്രി പറഞ്ഞു. വിപിന് ചന്ദിന് അനുസ്മരണം ഒരുക്കിയ സൗഹൃദ കൂട്ടായ്മയ്ക്ക് ഭാര്യ ശ്രീദേവി നന്ദി അറിയിച്ചു.

കേരള പത്രപ്രവർത്തക യൂണിയൻ സംസ്ഥാന അധ്യക്ഷൻ കെ.പി. റെജി, എം.ജി. സർവകലാശാല ജേർണലിസം വിഭാഗം പ്രിൻസിപ്പൽ ഡോ. ലിജിമോൾ ജേക്കബ്, മുതിർന്ന മാധ്യമ പ്രവർത്തകൻ എ. സഹദേവൻ, പത്രപ്രവർത്തക യൂണിയൻ സംസ്ഥാന കമ്മിറ്റിയംഗം ഷാലു മാത്യു, മാധ്യമപ്രവർത്തകരായ എം.എസ്. ശ്രീകല, അനുപമ, റിബിൻ രാജു, അഞ്ജന ശശി, സിനു കെ. ചെറിയാൻ, ധനിത് ലാൽ, അരവിന്ദ് തുടങ്ങിയവർ പ്രസംഗിച്ചു.

വിപിൻ ചന്ദിന്റെ സഹപ്രവർത്തകർ, കുടുംബാംഗങ്ങൾ, സുഹൃത്തുക്കൾ എന്നിവരും ചടങ്ങിൽ പങ്കെടുത്തു. പറവൂർ ആലങ്ങാട് കൊടുവഴങ്ങ സ്വദേശിയായ വിപിൻ കോവിടാനന്തരം ന്യുമോണിയ ബാധിതനായി ചികിത്സയിലിരിക്കെയാണ് ഹൃദയാഘാതത്തെ തുടർന്ന് മരണപ്പെട്ടത്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP