Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jan / 202117Sunday

മാവേലി, മലബാർ എക്സ്പ്രസ്സുകളുടെ റിസർവേഷൻ ആരംഭിച്ചു; സ്റ്റേഷനിലും ട്രെയ്നിലും പ്രവേശനം കൺഫേം ടിക്കറ്റുള്ളവർക്ക് മാത്രം; മലബാർ 4നും മാവേലി 10നും സർവ്വീസ് തുടങ്ങും

മാവേലി, മലബാർ എക്സ്പ്രസ്സുകളുടെ റിസർവേഷൻ ആരംഭിച്ചു; സ്റ്റേഷനിലും ട്രെയ്നിലും പ്രവേശനം കൺഫേം ടിക്കറ്റുള്ളവർക്ക് മാത്രം; മലബാർ 4നും മാവേലി 10നും സർവ്വീസ് തുടങ്ങും

സ്വന്തം ലേഖകൻ

തിരുവനന്തപുരം: മംഗളൂരു തിരുവനന്തപുരം മലബാർ എക്സ്പ്രസ്,മംഗളൂരു തിരുവനന്തപുരം മാവേലി എക്സ്പ്രസ് എന്നിവയുടെ സ്പെഷൽ സർവീസുകളിലേക്കുള്ള റിസർവേഷൻ ആരംഭിച്ചു. രാവിലെ 8 മണിയോടെയാണ്് റിസർവേഷൻ തുടങ്ങിയത്. സ്പെഷൽ സർവ്വീസ് ആയതിനാൽ തന്നെ കൺഫേം റിസർവേഷൻ ടിക്കറ്റുള്ളവർക്കു മാത്രമായിരിക്കും സ്റ്റേഷനിലും ട്രെയിനിലും പ്രവേശനമെന്ന് അധികൃതർ വ്യക്തമാക്കി.മധുര പുനലൂർ എക്സ്പ്രസിന്റെ റിസർവേഷനും ഇന്ന് ആരംഭിച്ചു. മലബാർ, മധുര-പുനലൂർ എക്സ്പ്രസുകൾ 4നും മാവേലി എക്സ്പ്രസ് 10നുമാണ് സ്പെഷൽ സർവീസ് ആരംഭിക്കുന്നത്.

ചെന്നൈ എഗ്മൂർ- ഗുരുവായൂർ, ചെന്നൈ-മംഗളൂരു, ചെന്നൈ- തിരുവനന്തപുരം, ചെന്നൈ പാലക്കാട്, കൊച്ചുവേളി-നിലമ്പൂർ രാജ്യറാണി സ്പെഷൽ ട്രെയിനുകൾ 8നും സർവീസ് പുനരാരംഭിക്കും. ഇതിന് പുറമെ ചില സ്പെഷൽ ട്രെയ്നുകളുടെ സർവ്വീസുകൾ റെയിൽ നീട്ടിയിട്ടുമുണ്ട്.ഗൊരഖ്പുർ തിരുവനന്തപുരം സ്പെഷൽ ട്രെയിൻ ഈ മാസം 27 വരെ നീട്ടി. വെള്ളിയാഴ്ചയും ഞായറാഴ്ചയുമാണ് തിരുവനന്തപുരത്തേക്കു സർവീസ്. ഈ മാസം 4, 6,11,13,18,20,25,27 തീയതികളിലാണ് സർവ്വീസ് ഉണ്ടാവുക. ഒപ്പം തിരുവനന്തപുരത്തു

നിന്നു ഗോരഖ്പുരിലേക്കു സർവീസ് ഈ മാസം 30വരെ നീട്ടി. ചൊവ്വയും ബുധനുമാണു തിരുവനന്തപുരത്തു നിന്നു പുറപ്പെടുക. ഈ മാസം 8,9,15,16,22,23,29,30 തീയതികളിലാണിത്. ബംഗളൂരു കന്യാകുമാരി പ്രതിദിന സ്പെഷൽ സർവീസ് 31 വരെ നീട്ടി. തിരിച്ച് കന്യാകുമാരിബെംഗളൂരു സർവീസ് നാളെ മുതൽ ജനുവരി 2 വരെ. എല്ലാ സ്പെഷൽ ട്രെയിനുകളിലും ബുക്കിങ് ഇന്നാരംഭിക്കും. മുൻകൂട്ടി റിസർവ് ചെയ്യാതെ യാത്ര അനുവദിക്കില്ല. സ്പെഷൽ ട്രെയിനായതിനാൽ അംഗപരിമിതർക്കുള്ള യാത്രാ ഇളവ് മാത്രമാണുള്ളത്.മറ്റു യാത്രാപാസുകളും അനുവദിക്കില്ല.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP