Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

ഭൂതത്താൻകെട്ടിലെ കാൽപ്പാടുകൾ കടുവയുടേത്; രാത്രിയിൽ മുരൾച്ച കേട്ടതായി പ്രദേശവാസികൾ; ക്യാമറ സ്ഥാപിച്ച് നിരീക്ഷിക്കാൻ വനംവകുപ്പ്; നാട്ടുകാർ ഭീതിയിൽ

ഭൂതത്താൻകെട്ടിലെ കാൽപ്പാടുകൾ കടുവയുടേത്; രാത്രിയിൽ മുരൾച്ച കേട്ടതായി പ്രദേശവാസികൾ; ക്യാമറ സ്ഥാപിച്ച് നിരീക്ഷിക്കാൻ വനംവകുപ്പ്; നാട്ടുകാർ ഭീതിയിൽ

പ്രകാശ് ചന്ദ്രശേഖർ

കോതമംഗലം :ഭൂത്താൻകെട്ടിൽ കടുവ സാന്നിദ്ധ്യം കണ്ടെത്തിയതോടെ നാട്ടുകാർ ഭീതിയിൽ. ഭൂതത്താൻകെട്ട് അണക്കെട്ടിന്റെ സമീപ പ്രദേശത്തെ സ്വകാര്യ വ്യക്തിയുടെ പുരയിടത്തിലും കൂട്ടിക്കൽ ഭാഗത്തെ ജനവാസ മേഖലയ്ക്ക് സമീപവുമാണ് കടുവ എത്തിയതായി സ്ഥിരീകരിച്ചിട്ടുള്ളത്.

പ്രദേശത്ത് രാത്രികാലങ്ങളിൽ കടുവയുടെ മുരൾച്ച കേട്ടിരുന്നതായി നാട്ടുകാർ പറഞ്ഞു. വിനോദ സഞ്ചാര കേന്ദ്രമായ ഭൂതത്താൻകെട്ടിൽ കടുവ എത്തിയതായി സ്ഥിരീകരിച്ചത് പരക്കെ ആശങ്ക പരത്തിയിട്ടുണ്ട്. വനം വകുപ്പധികൃതർ പ്രദേശം സന്ദർശിക്കുകയും കാൽപാടുകൾ പരിശോധിച്ച് കടുവയുടേതാണെന്ന് സ്ഥിരീകരിക്കുകയുമായിരുന്നു.

ക്യാമറ സ്ഥാപിച്ച് കടുവയെ നിരീക്ഷിക്കുന്നതിന് പദ്ധതി തയ്യാറാക്കുമെന്ന് വനം വകുപ്പ് അധികൃതർ അറിയിച്ചു. നേരത്തെ ഭൂതത്താൻകെട്ടിൽ പുലിയെ കണ്ടെത്തിയതായി വാർത്തകൾ പ്രചരിച്ചിരുന്നു. വനം വകുപ്പ് നേരത്തെ നടത്തിയ സർവ്വേയിൽ ഭൂതത്താൻകെട്ടുമായി ബന്ധപ്പെട്ട് കിടക്കുന്ന വനമേഖലയിൽ പുലിയുടെയും കടുവയുടെയും സാന്നിദ്ധ്യം സ്ഥിരീകരിച്ചിരുന്നു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP