Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Aug / 202104Wednesday

കോഴിക്കോട് മിന്നലേറ്റ് മൂന്ന് പശുക്കൾ ചത്തു; മിന്നലേറ്റത് കറവക്കായി വീട്ടുടമസ്ഥൻ എത്തുന്നതിന്റെ തൊട്ടുമുമ്പ്

കോഴിക്കോട് മിന്നലേറ്റ് മൂന്ന് പശുക്കൾ ചത്തു; മിന്നലേറ്റത് കറവക്കായി വീട്ടുടമസ്ഥൻ എത്തുന്നതിന്റെ തൊട്ടുമുമ്പ്

സ്വന്തം ലേഖകൻ

കോഴിക്കോട്: ഇന്ന് പുലർച്ചെയുണ്ടായ ഇടിമിന്നലിൽ കോഴിക്കോട് ജില്ലയിലെ എളേറ്റിൽ വട്ടോളിയിൽ വ്യാപക നാശനഷ്ടം. മൂന്ന് പശുക്കൾ മിന്നലേറ്റ് ചത്തു. നിരവധി വീടുകളിലെ വയറിംഗും ഇലക്ട്രിക് ഉപകരണങ്ങളും കത്തി നശിച്ചു. എളേറ്റിൽ വട്ടോളി അണ്ടിക്കുണ്ടിൽ മാധവന്റെ മൂന്നു പശുക്കളാണ് മിന്നലേറ്റ് ചത്തത്.

രണ്ട് കറവ പശുക്കളും ഒരു ഗർഭിണിയുമാണ് ചത്തത്. കറവക്കായി മാധവനും ഭാര്യയും തൊഴുത്തിലേക്ക് എത്തുന്നതിന്റെ തൊട്ടുമുമ്പാണ് ഇടിമിന്നലുണ്ടായത്. ശബ്ദം കേട്ട് ഇവർ ഓടിയെത്തിയപ്പോൾ മൂന്ന് പശുക്കളും തൊഴുത്തിൽ ചത്തു കിടക്കുകയായിരുന്നു.

അയൽവാസിയായ പറയരുകുന്നുമ്മൽ വിജയന്റെ വീട്ടിലെ വയറിങ് പൂർണ്ണമായും കത്തി നശിച്ചു. വീടിനു സമീപത്തെ പറമ്പിൽ മണ്ണ് ഇളകി തെറിച്ചു. സമീപത്തെ നിരവധി വീടുകളിലെ ഇൻവെർട്ടർ, ഫാൻ, ബൾബ്, പമ്പ് സെറ്റ് എന്നിവ കത്തി നശിച്ചു. കിഴക്കോത്ത് മൃഗാശുപത്രിയിലെ വെറ്റിനറി സർജൻ ഡോ. വിക്രന്തിന്റെ നേതൃത്വത്തിൽ പശുക്കളുടെ ജഢം പോസ്റ്റ് മോർട്ടം നടത്തി.

കിഴക്കോത്ത് ഗ്രാമപഞ്ചായത്ത് പ്രസിഡന്റ് പി പി നസ്‌റി, ബ്ലോക്ക് പഞ്ചായത്ത് സ്റ്റാന്റിങ് കമ്മിറ്റി ചെയർമാൻ ടി എം രാധാകൃഷ്ണൻ തുടങ്ങിയവർ പ്രദേശം സന്ദർശിച്ചു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP