Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Dec / 202204Sunday

ട്രെയ്ൻ യാത്രക്കിടെ പെൺകുട്ടിയെ തട്ടിക്കൊണ്ടുവന്ന് പീഡനം; കോഴിക്കോട്ടെ ഹോട്ടൽ ജീവനക്കാരായ 4 പ്രതികൾ റിമാൻഡിൽ

ട്രെയ്ൻ യാത്രക്കിടെ പെൺകുട്ടിയെ തട്ടിക്കൊണ്ടുവന്ന് പീഡനം; കോഴിക്കോട്ടെ ഹോട്ടൽ ജീവനക്കാരായ 4 പ്രതികൾ റിമാൻഡിൽ

മറുനാടൻ മലയാളി ബ്യൂറോ

കോഴിക്കോട് ട്രെയിൻ യാത്രയ്ക്കിടയിൽ ഉത്തർപ്രദേശിലെ ഗസ്സിപുർ സ്വദേശി പതിനാറുകാരിയെ തട്ടിക്കൊണ്ടുവന്നു പാളയത്തെ വാടക മുറിയിൽ പീഡിപ്പിച്ച സംഭവത്തിൽ അറസ്റ്റിലായ വാരാണസി സ്വദേശികളായ 4 പ്രതികളെ പോക്‌സോ കോടതി റിമാൻഡ് ചെയ്തു.ഇക്‌റാർ ആലം(18), അജാജ് (25), ഷക്കീൽ ഷാ (42), ഇർഷാദ് (23) എന്നിവരാണ് റിമാൻഡിലായത്.

ഇതിനിടെ, മകളെ തട്ടിക്കൊണ്ടുപോയതായി പെൺകുട്ടിയുടെ അമ്മ ഗസ്സിപുർ ബിർണോ പൊലീസ് സ്റ്റേഷനിൽ പരാതി നൽകി. കസബ പൊലീസ് കേസ് വിവരങ്ങൾ ബിർണോ പൊലീസിനു കൈമാറി.ട്രെയിനിൽ പരിചയപ്പെട്ട ഇക്‌റാർ ആലവും അജാജും പെൺകുട്ടിയെ പാലക്കാട് എത്തിച്ചു കോഴിക്കോട്ടേക്കു ബസിൽ കൊണ്ടുവരികയായിരുന്നു. കോഴിക്കോട്ടെ സുഹൃത്തുക്കളും ഹോട്ടൽ ജീവനക്കാരുമായ ഷക്കീൽ ഷാ, ഇർഷാദ് എന്നിവരെ ബന്ധപ്പെട്ട് പാളയത്ത് ഇവർ താമസിക്കുന്ന വാടക മുറിയിൽ എത്തിച്ചു.

തുടർന്ന് ഇക്‌റാർ ആലം ബലം പ്രയോഗിച്ച് പീഡിപ്പിക്കുകയായിരുന്നെന്ന് അന്വേഷണ ഉദ്യോഗസ്ഥൻ പറഞ്ഞു. അടുത്ത ദിവസം രാവിലെ പെൺകുട്ടിയെ റെയിൽവേ സ്റ്റേഷനിൽ എത്തിച്ചു കടന്നുകളഞ്ഞു. പിന്നീട് ആർപിഎഫ് പിടികൂടിയ 4 പ്രതികളെ കസബ പൊലീസിനു കൈമാറുകയായിരുന്നു. പെൺകുട്ടിയെ പൊലീസ് വെള്ളിമാടുകുന്നു സിഡബ്ല്യുസി ഗവ. ചിൽഡ്രൻസ് ഹോമിൽ താമസിപ്പിച്ചു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP