Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Dec / 202203Saturday

ശബരിമല പോലെ കാലഹരണപ്പെട്ട വിഷയങ്ങൾ ചർച്ച ചെയ്​ത്​ രാഷ്​ട്രീയ പാർട്ടികൾ സമൂഹത്തെ തെറ്റിദ്ധരിപ്പിക്കുന്നു; കെപിഎംഎസിന്​​ സാമൂഹിക വിപ്ലവത്തിനെ കൈയൊഴിയാനാകില്ലെന്നും​ പുന്നല ശ്രീകുമാർ

ശബരിമല പോലെ കാലഹരണപ്പെട്ട വിഷയങ്ങൾ ചർച്ച ചെയ്​ത്​ രാഷ്​ട്രീയ പാർട്ടികൾ സമൂഹത്തെ തെറ്റിദ്ധരിപ്പിക്കുന്നു; കെപിഎംഎസിന്​​ സാമൂഹിക വിപ്ലവത്തിനെ കൈയൊഴിയാനാകില്ലെന്നും​ പുന്നല ശ്രീകുമാർ

മറുനാടൻ മലയാളി ബ്യൂറോ

കൊല്ലം: ശബരിമല പോലെ കാലഹരണപ്പെട്ട വിഷയങ്ങൾ ചർച്ച ചെയ്​ത്​ രാഷ്​ട്രീയ പാർട്ടികൾ സമൂഹത്തെ തെറ്റിദ്ധരിപ്പിക്കുകയാണെന്ന് കെപിഎംഎസ് സംസ്ഥാന ജനറൽ സെക്രട്ടറി പുന്നല ശ്രീകുമാർ. സംഘടനയുടെ ​ 49ാം സംസ്ഥാന സമ്മേളനം ഉദ്​ഘാടനം ചെയ്​ത്​ സംസാരിക്കുകയായിരുന്നു അദ്ദേഹം. പട്ടിക വിഭാഗങ്ങളുടെ ഭൂ പ്രശ്​നം ​അടക്കം സാമൂഹിക വിഷയങ്ങൾ നിലനിൽക്കുമ്പോഴാണ്​ ശബരിമല പോലെ കാലഹരണപ്പെട്ട വിഷയങ്ങൾ ചർച്ച ചെയ്​ത്​ രാഷ്​ട്രീയ പാർട്ടികൾ സമൂഹത്തെ തെറ്റിദ്ധരിപ്പിക്കുന്നതെന്ന് പുന്നല ചൂണ്ടിക്കാട്ടി.പാർലമെൻററി രാഷ്​ട്രീയത്തിലുള്ളവർ അധികാരം നിലനിർത്താൻ വ്യവസ്ഥിതിയോട്​ സമരസപ്പെട്ടാലും കേരള പുലയർ മഹാസഭക്ക്​​ സാമൂഹിക വിപ്ലവത്തിനെ കൈയൊഴിയാനാകില്ലെന്നും​ പുന്നല ശ്രീകുമാർ കൂട്ടിച്ചേർത്തു.

ഈ തെരഞ്ഞെടുപ്പിൽ ശബരിമല വിഷയം പ്രസക്തമല്ല. നവോത്ഥാന സമിതിയുടെ ഭാഗമായി തുടർന്ന്​ പ്രവർത്തിക്കാൻ കഴിയാതെ വന്നാലും പരിഷ്​കരണ മുദ്രാവാക്യവുമായി കെ.പി.എം.എസ്​ മുന്നോട്ടുപോകും. മുന്നാക്ക സംവരണം നടപ്പാക്കുന്നതിൽ വ്യഗ്രത കാണിച്ച സംസ്ഥാന സർക്കാർ സ്വകാര്യ മേഖല സംവരണം നടപ്പാക്കണം. ഇതിനായി പ്രക്ഷോഭത്തിലേക്ക്​ നീങ്ങുമെന്നും അദ്ദേഹം വ്യക്തമാക്കി. വിവിധ ജില്ലകളിൽനിന്ന്​ 418 പ്രതിനിധികളാണ്​ പ​ങ്കെടുത്തത്​. സംസ്ഥാന പ്രസിഡൻറ്​ വി. ശ്രീധരൻ അധ്യക്ഷത വഹിച്ചു. നേതാക്കളായ​ പി. ജനാർദനൻ, പി.കെ. രാജൻ, ബൈജു കലാശാല, പി.വി. ബാബു, സാബു കാരിശേരി, എൻ. ബിജു, എ. സനീഷ്​ കുമാർ എന്നിവർ സംസാരിച്ചു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP