Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

കലോത്സവം നടത്തിയത് റവന്യൂ ജീവനക്കാർ; പണം പോയത് തൃശ്ശൂർ ജില്ലയിലെ തദ്ദേശസ്വയംഭരണസ്ഥാപനങ്ങൾക്ക്

കലോത്സവം നടത്തിയത് റവന്യൂ ജീവനക്കാർ; പണം പോയത് തൃശ്ശൂർ ജില്ലയിലെ തദ്ദേശസ്വയംഭരണസ്ഥാപനങ്ങൾക്ക്

സ്വന്തം ലേഖകൻ

തൃശ്ശൂർ: റവന്യൂജീവനക്കാർ മാത്രം പങ്കെടുത്ത സംസ്ഥാന കലോത്സവം പൊലിപ്പിക്കാൻ ഉപയോഗിച്ചത് തൃശൂരിലെ തദ്ദേശ സ്വയംഭരണ സ്ഥാപനങ്ങളുടെ പണം. കലോത്സവത്തിന്റെ ഭാഗമായ ഘോഷയാത്രയ്ക്കുവേണ്ടിയാണ് തദ്ദേശസ്വയംഭരണസ്ഥാപനങ്ങൾക്ക് പണം ചെലവാക്കേണ്ടിവന്നത്.

തദ്ദേശസ്വയംഭരണസ്ഥാപനങ്ങൾക്ക് പണം ചെലവാക്കാനായി സർക്കാർ പ്രത്യേക ഉത്തരവ് ഇറക്കുകയും ചെയ്തു. ഇതുപ്രകാരം പഞ്ചായത്തുകൾക്ക് 15,000 രൂപ ചെലവാക്കാനാണ് അനുമതി ലഭിച്ചത്. കോർപറേഷന് ഒരുലക്ഷം രൂപയും നഗരസഭകൾക്ക് മുപ്പതിനായിരം രൂപയും ജില്ലാപഞ്ചായത്തിന് അമ്പതിനായിരവും ചെലവാക്കാൻ അനുമതിയുണ്ടായിരുന്നു. തനത് ഫണ്ടിൽനിന്ന് ഈ തുക ചെലവാക്കാനാണ് നിർദ്ദേശം നൽകിയിരിക്കുന്നത്.

ജില്ലയിൽ 88 ഗ്രാമപ്പഞ്ചായത്തുകളാണുള്ളത്. ഏഴ് മുനിസിപ്പാലിറ്റികളും ഒരു കോർപറേഷനും ഒരു ജില്ലാപഞ്ചായത്തുമാണ് ജില്ലയിൽ ഉള്ളത്. ഇവയിൽനിന്നെല്ലാം ലഭിച്ച തനത് ഫണ്ടാണ് ഘോഷയാത്രയ്ക്കായി ഉപയോഗിച്ചത്. ചില തദ്ദേശസ്വയംഭരണസ്ഥാപനങ്ങളിലുള്ളവർ ഘോഷയാത്രയിൽ പങ്കെടുത്തിരുന്നു. ചില തദ്ദേശസ്വയംഭരണസ്ഥാപനങ്ങൾ സംഘാടകരുടെ നിർദേശമനുസരിച്ച് ഫ്‌ളോട്ടുകളും തയ്യാറാക്കിയിരുന്നു. ജൂൺ 24 മുതൽ 26 വരെയാണ് തൃശ്ശൂരിൽ റവന്യൂ കലോത്സവം അരങ്ങേറിയത്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP