Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

ന്യൂജെൻ ലഹരിമരുന്നായ എംഡിഎംഎയുമായി കോഴിക്കോട്ട് മൂന്നുപേർ പിടിയിൽ; മരുന്ന് കിട്ടിയത് കുവൈറ്റിലെ ജയിലിൽ നിന്ന് പരിചയപ്പെട്ടവരുടെ പക്കൽ നിന്ന്

ന്യൂജെൻ ലഹരിമരുന്നായ എംഡിഎംഎയുമായി കോഴിക്കോട്ട് മൂന്നുപേർ പിടിയിൽ; മരുന്ന് കിട്ടിയത് കുവൈറ്റിലെ ജയിലിൽ നിന്ന് പരിചയപ്പെട്ടവരുടെ പക്കൽ നിന്ന്

മറുനാടൻ മലയാളി ബ്യൂറോ

 കോഴിക്കോട്: കോഴിക്കോട് വീണ്ടും വൻ മയക്കുമരുന്ന് വേട്ട. 40 ലക്ഷം രൂപ വിലവരുന്ന മയക്കുമരുന്നുമായി അന്താരാഷ്ട്ര മയക്കുമരുന്ന് സംഘത്തിലെ മൂന്ന് പേർ പിടിയിലായി. ഇവരുടെ പക്കൽ നിന്ന് 40 ഗ്രാം എംഡിഎംഎയാണ് പിടിച്ചെടുത്തത്. കോഴിക്കോട് എളേറ്റിൽ സ്വദേശികളായ നൗഫൽ (33), അൻവർ തസ്‌നിം (35) കട്ടിപ്പാറ സ്വദേശി മൻസൂർ (35) എന്നിവരാണ് പിടിയിലായത്.

കോഴിക്കോട് മെഡിക്കൽ കോളേജ് എസിപിയുടെ നേതൃത്വത്തിലുള്ള സ്‌പെഷൽ സ്‌ക്വാഡാണ് മയക്കുമരുന്ന് സംഘത്തെ പിടികൂടിയത്. പ്രതികളിൽ ഒരാൾക്ക് കരിപ്പൂർ സ്വർണക്കടത്ത് സംഘവുമായി ബന്ധമുണ്ടോയെന്ന സംശയമുണ്ട്. സംഭവത്തിൽ വിശദമായ അന്വേഷണം നടത്തുമെന്ന് പൊലീസ് അറിയിച്ചു.

പിടിയിലായ അൻവർ കുവൈത്തിൽ ഹെറോയിൻ കടത്തിയ കേസിൽ ശിക്ഷിക്കപ്പെട്ട് എട്ട് വർഷം തടവ് ശിക്ഷയനുഭവിച്ചയാളാണ്. ഈയിടെയാണ് ഇയാൾ നാട്ടിൽ തിരിച്ചത്തിയതെന്ന് പൊലീസ് പറഞ്ഞു. കുവൈറ്റിലെ ജയിലിൽ വച്ച് പരിചയപ്പെട്ടവരിൽ നിന്നാണ് ഇവർക്ക് മയക്കുമരുന്ന് ലഭിച്ചതെന്നാണ് റിപ്പോർട്ടുകൾ.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP