Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Oct / 202126Tuesday

വാക്സിനുകൾ മനുഷ്യരെ ചിമ്പാൻസികളാക്കുമെന്ന് പ്രചരണം; മുന്നൂറിലധികം അക്കൗണ്ടുകൾ പൂട്ടിക്കെട്ടി ഫേസ്‌ബുക്ക്

വാക്സിനുകൾ മനുഷ്യരെ ചിമ്പാൻസികളാക്കുമെന്ന് പ്രചരണം; മുന്നൂറിലധികം അക്കൗണ്ടുകൾ പൂട്ടിക്കെട്ടി ഫേസ്‌ബുക്ക്

സ്വന്തം ലേഖകൻ

ന്യൂഡൽഹി: വാക്സിനുകൾ മനുഷ്യരെ ചിമ്പാൻസികളാക്കുമെന്ന് പ്രചരിപ്പിച്ച 300-ലധികം അക്കൗണ്ടുകൾ ഫേസ്‌ബുക്ക് നിരോധിച്ചു. ആസ്ട്രസെനെക്ക, ഫൈസർ വാക്സിനുകൾക്കെതിരെ പ്രചരണം നടത്തിയ അക്കൗണ്ടുകളാണ് ഫേസ്‌ബുക്ക് പൂട്ടിക്കെട്ടിയത്. പ്രധാനമായും ഇന്ത്യ, ലാറ്റിനമേരിക്ക, യുഎസ് എന്നിവിടങ്ങളിലെ ഉപയോക്താക്കളെ ലക്ഷ്യമിട്ട ഈ അക്കൗണ്ടുകൾ റഷ്യയുമായി ബന്ധപ്പെട്ടിരിക്കുന്നുവെന്നാണ് റിപ്പോർട്ടുകൾ.

2020 നവംബർ, ഡിസംബർ മാസങ്ങളിലാണ് വാക്‌സിനുകളെ ലക്ഷ്യമിട്ട് ഈ അക്കൗണ്ടുകൾ പ്രവർത്തിച്ചു തുടങ്ങിയത്. ആസ്ട്രസെനെക്ക കോവിഡ് വാക്സിൻ ആളുകളെ ചിമ്പാൻസികളാക്കി മാറ്റുമെന്നുള്ള മീമുകളും കമന്റുകളും പോസ്റ്റ് ചെയ്ത ഈ അക്കൗണ്ടുകൾ തുടർന്ന് നിഷ്‌ക്രിയമായിരുന്നു. അഞ്ച് മാസത്തെ ഇടവേളയ്ക്ക് ശേഷം, 2021 മെയ് മാസത്തിൽ ഇവ വീണ്ടും സജീവമായി.

ചിമ്പാൻസികളുടെ ജീനുകളെ അടിസ്ഥാനമാക്കിയാണ് ആസ്ട്രസെനെക്ക വാക്സിൻ ഉണ്ടാക്കിയതെന്നും പരീക്ഷണത്തിൽ പാർശ്വഫലങ്ങൾ കാണിച്ച ഈ വാക്സിൻ നിരോധിക്കണമെന്നും അല്ലാത്തപക്ഷം നമ്മൾ എല്ലാവരും ചിമ്പാൻസികളാകുമെന്നായിരുന്നു പ്രചാരണം. 'സ്റ്റോപ് ആസ്ട്രസെനെക്ക', 'ആസ്ട്രസെനെക്ക കിൽസ്' തുടങ്ങിയ ഹാഷ്ടാഗ് അടക്കം ഉപയോഗിച്ചുള്ള പോസ്റ്റുകൾ ഇൻസ്റ്റഗ്രാമിലും പ്രത്യക്ഷപ്പെട്ടു. ഡിസംബർ 14 നും 21 നും ഇടയിൽ ഈ ഹാഷ്ടാഗുകൾ ഉൾപ്പെടുന്ന ഏകദേശം 10,000 പോസ്റ്റുകൾ സൃഷ്ടിക്കപ്പെട്ടുവെന്നും ഫേസ്‌ബുക്ക് പറഞ്ഞു.

തങ്ങളുടെ നയം ലംഘിച്ചതിന് 65 ഫേസ്‌ബുക്ക് അക്കൗണ്ടുകളും 243 ഇൻസ്റ്റാഗ്രാം അക്കൗണ്ടുകളും നീക്കം ചെയ്തുവെന്ന് ഫേസ്‌ബുക്ക് പറഞ്ഞു. ഈ നെറ്റ്‌വർക്ക് ഒരു ഡസനിലധികം പ്ലാറ്റ്‌ഫോമുകളിലും ഫോറങ്ങളിലും പ്രവർത്തിക്കുന്നുണ്ടെങ്കിലും പ്രേക്ഷകരെ സൃഷ്ടിക്കുന്നതിൽ പരാജയപ്പെട്ടു. ഈ പ്രചാരണങ്ങൾ പരസ്യ -വിപണന സ്ഥാപനമായ ഫാസുമായി (എമ്വ്വല ) ബന്ധപ്പെട്ടിരിക്കുന്നതായി അന്വേഷണത്തിൽ കണ്ടെത്തിയെന്നും ഫാസിനെ ഞങ്ങളുടെ പ്ലാറ്റ്ഫോമിൽ നിരോധിച്ചുവെന്നും ഫേസ്‌ബുക്ക് കൂട്ടിച്ചേർത്തു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP