Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jun / 202117Thursday

പിഴയും ശകാരവും ഏൽക്കുന്നില്ല; നിയമ ലംഘകരെ കൊണ്ട് പാട്ടു പാടിച്ച് പൊലീസ്

പിഴയും ശകാരവും ഏൽക്കുന്നില്ല; നിയമ ലംഘകരെ കൊണ്ട് പാട്ടു പാടിച്ച് പൊലീസ്

സ്വന്തം ലേഖകൻ

കുമളി: പിഴയിടീച്ചും ശകാരിച്ചുമെല്ലാം ജനത്തെ വീട്ടിലിരിക്കാൻ ശ്രമിക്കുന്നുണ്ടെങ്കിലും. നിയമ ലംഘകരുടെ എണ്ണം കൂടിവരികയാണ്. ഇതോടെ കോവിഡ് നിയന്ത്രണങ്ങൾ ലംഘിക്കുന്നവർക്കു പുതിയ ശിക്ഷയുമായി എത്തിയിരിക്കുകയാണ് കമ്പം പൊലീസ്. നിയമ ലംഘകരെക്കൊണ്ട് പാട്ടുപാടിക്കുന്നതാണ് പൊലീസിന്റെ പുതിയ രീതി. നിയമം ലംഘിക്കുന്നവരിൽനിന്നു പിഴ ഈടാക്കുകയും ശകാരിക്കുകയും ചെയ്തിട്ടും രക്ഷയില്ലാതെ വന്നതോടെയാണ് ഇത്തരക്കാരെ പിടികൂടി പാട്ടുപാടിക്കുക എന്ന തന്ത്രം പൊലീസ് പ്രയോഗിച്ചത്.

കഴിഞ്ഞ ദിവസം നിയമം ലംഘിച്ച 12 പേരെ സ്റ്റേഷൻ പരിസരത്തെ പുൽത്തകിടിയിൽ അകലം പാലിച്ച് നിരത്തിയിരുത്തി. സമീപത്തെ ക്ഷേത്രത്തിൽനിന്നു നാഗസ്വര കച്ചേരിക്കാരെ വരുത്തി ഒരു മണിക്കൂറോളം കച്ചേരിയും ബോധവൽക്കരണ ക്ലാസും. പിടിയിലായവരെക്കൊണ്ട് കച്ചേരിക്കിടെ പാട്ടുകളും പാടിപ്പിച്ചു. ദൃശ്യങ്ങൾ സമൂഹമാധ്യമങ്ങളിലൂടെ പ്രചരിക്കുകയും ചെയ്തു.

കമ്പം നോർത്ത് സിഐ കെ. ശിലൈമണിയാണ് പുത്തൻപരീക്ഷണം നടത്തിയത്. ലോക്ഡൗൺ കാലത്ത് പലർക്കും വരുമാനമില്ലാത്തതിനാൽ ഫൈൻ അടപ്പിക്കാതെ ഇവരെ ഉപദേശിച്ചു വിട്ടയച്ചു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP