Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Oct / 202117Sunday

മദ്യപാനത്തെ ചോദ്യം ചെയ്തു; മദ്യലഹരിയിൽ വയോധികയെ ആക്രമിച്ച് അയൽവാസി; ദൃശ്യങ്ങൾ പുറത്തായതോടെ അയൽവാസി പൊക്കി പൊലീസ്

മദ്യപാനത്തെ ചോദ്യം ചെയ്തു; മദ്യലഹരിയിൽ വയോധികയെ ആക്രമിച്ച് അയൽവാസി; ദൃശ്യങ്ങൾ പുറത്തായതോടെ അയൽവാസി പൊക്കി പൊലീസ്

സ്വന്തം ലേഖകൻ

ആലപ്പുഴ: കായംകുളം രാമപുരത്ത് ഒറ്റയ്ക്ക് താമസിക്കുന്ന വയോധികയെ ആക്രമിച്ച സംഭവത്തിൽ അയൽവാസി അറസ്റ്റിൽ. 78 വയസ്സുള്ള ജാനകിയെയാണ് അയൽവാസിയായ മധുസൂദനൻ നായർ മർദ്ദിച്ചത്. നവമാധ്യമങ്ങളിൽ പ്രചരിച്ച ദൃശ്യങ്ങളുടെ അടിസ്ഥാനത്തിലാണ് കരീലകുളങ്ങര പൊലീസ് കേസെടുത്ത്.

മദ്യലഹരിയിലാണ് മധുസൂദനൻ വൃദ്ധയെ മർദ്ദിച്ചത്. പത്തിയൂർ പഞ്ചായത്തിലെ ഒന്നാം വാർഡിലാണ് 78 കാരി ജാനകിയുടെ വീട്. വീടിന് സമീപത്തെ റോഡിൽ വച്ച് ഇന്നലെ രാവിലെയോടെയാണ് സംഭവം. അയൽവാസിയായ മധുസൂദനൻ മദ്യപിച്ച് വഴക്കുണ്ടാക്കുന്നതും പ്രദേശത്തെ ചെറുപ്പക്കാരെ മദ്യത്തിന് അടിമകളാക്കുന്നതും ജാനകി ചോദ്യം ചെയ്തിരുന്നു. ഇതേതുടർന്നുള്ള വൈരാഗ്യമാണ് മർദ്ദത്തിന് കാരണമായി പൊലീസ് പറയുന്നത്. നേരത്തെയും ജാനകിയുടെ വീട്ടിൽ മദ്യപിച്ചെത്തി പ്രതി ബഹളമുണ്ടാക്കുമായിരുന്നു.

വൃദ്ധയെ ആക്രമിക്കുന്നത് തടയാൻ ശ്രമിച്ച അയൽവാസിക്കും മർദ്ദനമേറ്റു. സംഭവത്തിന്റെ ദൃശ്യങ്ങൾ പ്രദേശവാസിയായ ചെറുപ്പക്കാരൻ മൊബൈലിൽ ചിത്രീകരിച്ച് നവമാധ്യമങ്ങളിൽ പ്രചരിപ്പിച്ചു. ഇതു ശ്രദ്ധയിൽപ്പെട്ട കരീലകുളങ്ങര പൊലീസ് മധുസൂദനനെ അറസ്റ്റ് ചെയ്തു. പിന്നീട് സ്റ്റേഷൻ ജാമ്യത്തിൽവിട്ടു. മർദ്ദനമേറ്റ ജാനകിയുടെ ആരോഗ്യനില തൃപ്തികരമാണെന്ന് പൊലീസ് അറിയിച്ചു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP