Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
May / 202115Saturday

കുടുംബ വഴക്ക്: തൃപ്പൂണിത്തുറയിൽ യുവാവ് കുത്തേറ്റ് മരിച്ചു; അനിയൻ കസ്റ്റഡിയിൽ

കുടുംബ വഴക്ക്: തൃപ്പൂണിത്തുറയിൽ യുവാവ് കുത്തേറ്റ് മരിച്ചു; അനിയൻ കസ്റ്റഡിയിൽ

സ്വന്തം ലേഖകൻ

തൃപ്പൂണിത്തുറ: കുടുംബ വഴക്കിനെ തുടർന്നുണ്ടായ കത്തിക്കുത്തിൽ യുവാവ് മരിച്ചു. സംഭവത്തിൽ യുവാവിന്റെ അനിയനെ പൊലീസ് കസ്റ്റഡിയിലെടുത്തു. എരൂർ ഇരുമ്പു പാലത്തിന് സമീപം താമസിക്കുന്ന കടവന്ത്ര ചിലവന്നൂർ കുളങ്ങരത്തറ സുധീഷിന്റെ മകൻ സുമേഷ് (27) ആണ് മരിച്ചത്. അനുജൻ സുനീഷാണ് ( 24 ) സുമേഷിനെ കുത്തിയതെന്നു പൊലീസ് പറഞ്ഞു.

ചൊവ്വാഴ്ച വൈകീട്ട് മൂന്നു മണിയോടെ ഇരുവരും വീട്ടിലുണ്ടായിരുന്ന സമയത്താണ് വഴക്കുണ്ടായത്. സംഭവം നടന്ന സമയം വീട്ടിൽ മാറ്റാരുമുണ്ടായിരുന്നില്ല. വഴക്കിനെ തുടർന്ന് സുനീഷ് കത്തിയെടുത്ത് സുമേഷിനെ കുത്തുകയായിരുന്നു.

പൊലീസെത്തി ഉടൻ തന്നെ ആശുപത്രിയിലെത്തിച്ചെങ്കിലും മരിച്ചു. വലതു നെഞ്ചിനു താഴെ ആഴത്തിൽ കുത്തേറ്റതാണ് മരണ കാരണമെന്ന് പൊലീസ് പറയുന്നു. മരിച്ച സുമേഷ് ഓട്ടോ ഡ്രൈവറാണ്. സുനീഷ് പെയിന്റിങ് തൊഴിലാളിയാണ്. മൂന്ന് മാസം മുമ്പാണ് ഇവർ മാതാപിതാക്കളോടൊപ്പം എരൂരിൽ താമസം തുടങ്ങിയത്. മൃതദേഹം കോവിഡ് ടെസ്റ്റിനു ശേഷം ചൊവ്വാഴ്ച പോസ്റ്റ്മോർട്ടം നടത്തും. അമ്മ: മിനി.

 

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP