Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jun / 202112Saturday

മലപ്പുറത്ത് സുബ്രഹ്മണ്യ ക്ഷേത്രം പള്ളിയാക്കിയെന്ന കുപ്രചരണം സോഷ്യൽ മീഡിയയിൽ; പ്രചാരണം നടന്നത് ദേശീയ സുരക്ഷാ ഉപദേഷ്ടാവായ അജിത് ഡേവലിന്റെ പേരിലുള്ള വ്യാജ ഫേസ്‌ബുക്ക് പേജിൽ; പോസ്റ്റിനടിയിലും വ്യാപകമായി വർഗീയ പ്രചരണം; മലപ്പുറം എസ്‌പിക്ക് പരാതി നൽകി എംഎസ്എഫ്

മലപ്പുറത്ത് സുബ്രഹ്മണ്യ ക്ഷേത്രം പള്ളിയാക്കിയെന്ന കുപ്രചരണം സോഷ്യൽ മീഡിയയിൽ; പ്രചാരണം നടന്നത് ദേശീയ സുരക്ഷാ ഉപദേഷ്ടാവായ അജിത് ഡേവലിന്റെ പേരിലുള്ള വ്യാജ ഫേസ്‌ബുക്ക് പേജിൽ; പോസ്റ്റിനടിയിലും വ്യാപകമായി വർഗീയ പ്രചരണം; മലപ്പുറം എസ്‌പിക്ക് പരാതി നൽകി എംഎസ്എഫ്

ജംഷാദ് മലപ്പുറം

മലപ്പുറം: മലപ്പുറത്ത് സുബ്രഹ്മണ്യ ക്ഷേത്രം പള്ളിയാക്കിയെന്ന്. വ്യാജ പ്രചാരണം നടന്നത് ദേശീയ സുരക്ഷാ ഉപദേഷ്ടാവായ അജിത് ഡേവലിന്റെ പേരിലുള്ള വ്യാജ ഫേസ്‌ബുക്ക് പേജിൽ. പോസ്റ്റിനടിയിൽ വ്യാപക വർഗീയ പ്രചരണവും. പ്രചരണം 1814ൽ അറേബ്യൻ-പേർഷ്യൻ മാതൃകയിൽ പണികഴിപ്പിച്ച ചരിത്ര പ്രസിദ്ധമായ കൊണ്ടോട്ടി ഖുബ്ബയുടെ ചിത്രം ഉപയോഗിച്ച്, മലപ്പുറം ജില്ലാപൊലീസ് മേധാവിക്ക് പരാതി നൽകി എം.എസ്.എഫ്.

ഒരിക്കൽ ഇത് ഒരു സുബ്രഹ്മണ്യ ക്ഷേത്രമായിരുന്നു ഇപ്പോൾ പഴയങ്ങാടി മസ്ജിദ് ആയെന്നാണ് ഫേസ്‌ബുക്ക് പേജിൽ പോസ്റ്റ് ചെയ്തിരിക്കുന്നത്. പോസ്റ്റിനടിയിൽ വ്യാപകമായി വർഗീയ പ്രചരണങ്ങളും വ്യാജപ്രചരണങ്ങളും കമന്റുകളായി എത്തുന്നുണ്ട്. 1814ൽ അറേബ്യൻ-പേർഷ്യൻ മാതൃകയിൽ തന്റെ മുൻഗാമിയുടെ സ്മരണാർത്ഥം ഇഷ്ത്വാഖ് ഷാ പണികഴിപ്പിച്ച കൊണ്ടോട്ടി മഖാമിന്റെ ചിത്രമാണ് ഈ പോസ്റ്റിൽ ഉപയോഗിച്ചിരിക്കുന്നത്. പൂനയിൽ നിന്നും മധുരയിൽനിന്നും ശിൽപികളെ എത്തിച്ചായിരുന്നു മഖാമിന്റെ നിർമ്മാണം. ഇന്ത്യൻ- പേർഷ്യൻ ശിൽപ്പകലയും സംഗമിച്ച 'ഇൻഡോ സാരസൻ ശൈലി'യിൽ ആണ് മഖാമിന്റെ ഖുബ്ബ' (മകുടം) നിർമ്മിച്ചതെന്നതെന്നുമാണ് ചരിത്രം പറയുന്നത്.

അതേസമയം കമന്റിൽ തിരുവനന്തപുരത്തെ പാളയം ജംങ്ഷനിലുള്ള ക്ഷേത്രത്തിനും പള്ളിക്കുമെതിരെയും വ്യാജ പ്രചരണം നടക്കുന്നുണ്ടെന്ന് പരാതിയുണ്ട്. ഈ ക്ഷേത്രം മലപ്പുറത്തെ തളി ക്ഷേത്രമാണെന്ന തരത്തിലാണ് അജിത് ഡോവലിന്റെ വ്യാജ പേജിലെ പോസ്റ്റിന് താഴെ കമന്റായി എത്തുന്നത്. സംഭവത്തിനെതിരെ കൊണ്ടോട്ടിമണ്ഡലം എം.എസ്.എഫ് കമ്മിറ്റി അഡ്വ. കെ.വി യാസർ മുഖേനയാണ് പരാതി നൽകിയത്. ഇതുസംബന്ധിച്ചു എം.എസ്.എഫ് കൊണ്ടോട്ടി മണ്ഡലം കമ്മിറ്റി ഭാരവാഹികൾ ഫേസ്‌ബുക്കിലിട്ട പോസ്റ്റിൽ പറയുന്നത് ഇങ്ങിനെയാണ്.

കൊണ്ടോട്ടിയുടെയും ഖുബ്ബയുടെയും പഴയങ്ങാടി പള്ളിയുടേയും ചരിത്രം എല്ലാവർക്കും അറിയുന്നതാണ്. പഴയങ്ങാടി പള്ളി പണിയാൻ സാമൂതിരി മുസ്ലിങ്ങൾക്ക് ഭൂമി വിട്ടു നൽകിയത് ചരിത്രമാണ്. പക്ഷെ സംഘികൾ ക്ഷേത്രക്കഥ മെനയാൻ തിടുക്കം കാട്ടുകയാണ്. തലച്ചോറിൽ വർഗീയത നുരഞ്ഞു പൊന്തുന്ന സംഘികളെ.. ഒന്നോർക്കുക, ഇത് ഉത്തരേന്ത്യ അല്ല. ഇത് മത സാഹോദര്യത്തിന്റെയും സൗഹൃദത്തിന്റെയും പാരമ്പര്യം പേറുന്ന കേരളത്തിന്റെ മലപ്പുറത്തെ കൊണ്ടോട്ടിയാണ്. ഹിന്ദുവും മുസ്ലിമും ക്രൈസ്തവനും തോളോട് തോൾ ചേർന്ന് ജീവിക്കുന്ന ഈ മണ്ണിൽ തൽക്കാലം നിങ്ങളുടെ ഹിഡൻ അജണ്ട ഫലിക്കില്ല. ഇത്, കൊണ്ടോട്ടി നേർച്ചയും തങ്ങന്മാരുടെ കുതിരക്കുളമ്പടി ശബ്ദവും കേട്ടും കണ്ടും അറിഞ്ഞും പറഞ്ഞും വളർന്നു വന്നവരുടെ നാടാണ്. ഇവിടെ ക്ഷേത്രമുണ്ട്, പള്ളിയുണ്ട്, ചർച്ചുമുണ്ട്.

പക്ഷേ ഒന്നില്ല, വർഗീയത. ആ കാർഡും കൊണ്ട് ഇങ്ങോട്ട് വന്നേക്കരുത്. വ്യാജ പ്രചരണങ്ങൾക്കെതിരെ നടപടി ആവശ്യപ്പെട്ട് എം.എസ്.എഫ്ള കൊണ്ടോട്ടി മണ്ഡലം കമ്മിറ്റി നിയമ പോരാട്ടത്തിനൊരുങ്ങുകയാണ്. കൊണ്ടോട്ടി മണ്ഡലം എം.എസ്.എഫ് പ്രസിഡന്റ് പി.വി ഫാഹിം അഹമ്മദ്, ജനറൽ സെക്രട്ടറി എൻ.സി ഷെരീഫ്, ട്രഷറർ ആസിഫലി കൊളമ്പലം എന്നിവരുടെ നേതൃത്വത്തിൽ ഇന്ന് ജില്ലാ പൊലീസ് മേധാവിക്ക് പരാതി നൽകി.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP